影片
港鐵銅鑼灣站 C 出口, 步行約4分鐘
繼續閱讀
電話號碼
36197268
營業時間
星期一至日
12:00 - 15:00
17:00 - 02:00
以上資料只供參考, 請與餐廳確認詳情
以前一直好鐘意食橋底辣蟹知道佢再開番 梗係要即刻book黎開餐啦咁啱見到佢有個晚市套餐4位用$1180已包埋招牌炒辣蟹仲要有聖子皇食 即刻就決定要呢個餐因為朋友遲到 我地等待期間仲送上雞腳俾我地前菜享用首先上左個足料花膠杞子燉雞湯先 好鐘意佢用個鐵碗上湯KEEP住熱辣辣 慢慢飲都唔怕咁快凍正呀, 招牌炒辣蟹上啦我地只係揀左最小辣, 辣度啱哂我地幾個女仔啖啖肉熱辣辣 非常新鮮 肉汁鮮嫩好耐無食過咁正既肉蟹啦呢個套餐非常抵食我地再揀左蒜蓉粉絲蒸聖子皇比我地想像中大隻 一人一隻好美味柚子脆香骨同霸王雞都水準一流食哂呢幾味都已經好飽差D唔記得左仲有清蒸海沙巴班仔師傅蒸得剛剛好 一起肉就離骨仲有個炒菜同埋干炒牛河牛河比正常一般多好多牛非常抵食飽到震最緊要係仲有紅豆沙送非常完美的一餐 同幾個好朋友一齊吹下水食下飯有美食 有正蟹 笑到聲都沙埋
繼續閱讀
突然之間好想食避風塘炒蟹，鍋氣小菜類，記得同事講過銅鑼灣有間食炒蟹唔錯，今晚一於相約好友去試試先！一打開餐牌，選擇非常之多，有多款套餐之外，仲有好多孖寶優惠！經過商討後，決定叫四人套餐，$1180 有八款餸菜，抵食到呢！招牌炒辣蟹離遠已經聞到香噴噴，辣蟹好大隻，肉質非常新鮮，用辣椒蒜蓉炒夠哂惹味，提提大家可選辣度！蒜蓉粉絲蟶子皇蟶子大大隻，質地夠爽口彈牙，清洗得好乾淨，最重要係冇沙，抵讚！花膠杞子燉雞湯呢碗燉湯真係非常足料，大大件花膠，雞味非常濃郁，骨膠原豐富，超美顏！清蒸海沙巴斑仔魚非常新鮮，蒸得剛剛好，一啲都唔過火，魚質地好嫩滑，夠鮮味！乾炒牛河炒得超有水準，夠哂鑊氣，唔會太油，而且牛肉大大件，又夠腍，好好味😋總結：呢間中菜嘅出品相當唔錯，價錢又平，喺銅鑼灣搵到呢個質素真係非常之抵食！
繼續閱讀
好鍾意呢間中菜係因為佢食物選擇好多（可能有接近過百款菜式）👏🏻好好食🤤而且佢雖然係遊客好鍾意嘅餐廳，但佢又唔會劏水魚咁劏，啲嘢賣得好抵🤘🏻🦪薑蔥生蠔煲：$188有十一隻大蠔，全部肥美肉嫩脹卜卜😍成煲嘢超級惹味，好食到不能言語，鍾意蠔嘅朋友必叫😻🍲蔬菜海鮮煲：足料，超多蔬菜，超多粉絲，仲有大量嘅魷魚花枝同埋蝦🤤🍲豬潤啫啫雞煲：啫啫雞煲其實間間都差唔多味道，但係佢哋呢個重點係夠多豬潤😋我從來都覺得啫啫雞煲嘅重點係豬潤😛🍜蟹肉湯伊麵：賣$50，勁大碗，講笑咁講，淨係嚟叫呢碗都飽，蟹肉份量都唔少😋❤️前菜仲送咗碟雞腳，唔係煲湯淨低嗰啲而係沙薑雞腳，好好食！埋單兩個人唔洗500蚊就可以落樓，食咗好多海鮮，接近係三人份量嘅餸菜，真係抵食嘅中菜館！同埋提一提佢係橋底辣蟹嘅分店，老字號保證😉
繼續閱讀
呢間餐廳最啱就係叫多啲朋友一齊嚟食，叫多啲唔同種類嘅餸一齊share，個人覺得最好食嘅係避風塘炒蟹同埋豉汁蒸蟶子，蟶子好鮮甜又大隻，炒蟹都算幾新鮮，不過唔知係咪個師傅冇將啲殼再敲碎啲，用嗰個鉗嚟剝隻蟹啲殼都有啲難搞，因為個殼好硬。最唔值得要嘅應該係豉汁蒸鱔，啲肉有少少莓，唔太新鮮，醬汁亦有少少鹹。炒蜆同埋花螺就中規中矩啦，都叫新鮮嘅，間唔中有一兩隻有沙。但呢度嘅海鮮來講唔算太貴，又OK新鮮，可以再嚟食。
繼續閱讀
今日和家人來銅鑼灣駱克道金禧大廈的達順辣蟹火鍋晚飯😋一坐低侍應就來碟香脆花生🥰🥰（啱晒，本menu好似本書咁厚，可以一路食一路揀🥰🥰）蒜子火腩大鱔煲～鱔好新鮮味道又香濃👍份量又足潮式煎蠔餅～賣相吸引😘煎到脆邊脆面完全冇腥味✌️再點啲魚露食更有風味椒鹽九肚魚～香脆惹味，外脆內滑👍蒜茸粉絲蒸聖子~聖子超鮮甜彈牙😋😋沙爹粉絲金菇肥牛煲～勁大煲😂粉絲吸收左沙爹肥牛的美味，非常美味、回味京都肉排～其實係炸過的一字骨，酸酸甜甜好開胃🥰最後仲有糖水送👍👍
繼續閱讀