影片
港鐵銅鑼灣站 C 出口, 步行約6分鐘
繼續閱讀
電話號碼
98823061
開飯介紹
主打日式涮涮鍋及壽喜燒，配以高質的黑毛和牛。裝潢以白色和啡色作主調，予人悠閒的感覺。
繼續閱讀
附加資料
限時90分鐘用餐時間
營業時間
今日營業
11:30 - 15:15
17:15 - 22:00
星期一至日
11:30 - 15:15
17:15 - 22:00
公眾假期
11:30 - 15:15
17:15 - 22:00
公眾假期前夕
11:30 - 15:15
17:15 - 22:00
以上資料只供參考, 請與餐廳確認詳情
有關獎賞計劃
相關文章
一間好有日本風味嘅日式火鍋小店。餐廳環境好舒服，裝修簡潔，用咗好多白色同木色調，整體感覺和諧優雅。大大片嘅窗戶令到自然光充足。 今次平日中午過嚟嗌咗兩款午市套餐， 套餐可以自選火鍋湯底，配前菜、蔬菜拼盤同一款肉。 ❤️日本A4黑毛和牛日本A4黑毛和牛套餐嘅牛肉呈現深紅色，搭配細膩嘅白色大理石紋理，油花分布均勻。肉質鮮美，涮煮之後肉質柔嫩，配上日本蛋醬汁，味道更加出色。搭配嘅日式昆布柴魚上湯，湯底清澈，帶有淡淡嘅海味同昆布嘅甘甜， 加埋特製日本麻醬，完美提升咗和牛嘅風味。 ❤️極上A4黑毛和牛極上A4和牛外觀更加精緻， 啲肉係粉紅色嘅，肉眼可見嘅油花更為細膩， 每一片都大大塊，份量十足。比起普通A4和牛，極上A4和牛的肉質更加鮮嫩，脂肪與肉的比例更加和諧， 軟淋淋，有入口即溶嘅感覺。 而極上A4黑毛和牛套餐嘅關東風壽喜燒湯底味道濃郁，同和牛嘅肉味好夾，每一啖都好有層次感。 ❤️前菜細細碗“汁煮和牛凍豆腐”， 係一個開胃前菜。用咗高質嘅和牛同滑豆腐煮成。豆腐吸收咗湯汁嘅精華，口感豐富，同和牛嘅鮮味完美結合。 ❤️蔬菜拼盤有新鮮嘅時令蔬菜，包括菇類、青菜、 蘿蔔、油豆腐等，都係好好嘅配角，增加咗餐點嘅色彩同營養價值。蔬菜經過燉煮之後，吸收咗湯底嘅精華，味道鮮甜，仲可以中和和牛嘅油脂，令整體食味更加均衡。
繼續閱讀
前排唔小心激嬲咗女朋友，唯有請佢食返餐好嘅，氹吓佢啦！知道佢鍾意食高級日本和牛，就上OpenRice搵到呢一間位於灣仔嘅「本延鍋物」。餐廳舖面唔算好大，但係台與台之間都唔會太迫，店員服務殷勤。當晚係平日夜晚，餐廳做緊$328起嘅晚餐套餐，包湯底、190克肉、前菜、野菜拼盤，同埋飯。前菜係幾開胃嘅蟹柳蔬菜沙律，酸酸甜甜甜。雖然呢度主打高級日本和牛，但都有豚肉可以選。但既然要氹女朋友，梗係幫佢要叫個最貴嘅「A5黑毛和牛肉眼」（$608）啦！啲和牛肉眼見油脂分布好靚，顏色一睇就知道好新鮮！為食嘅女朋友有得食呢啲靚牛就已經即刻開心返，一開始仲話罰我無得試😅不過當然都係做個樣啦，之後就親手將啲牛肉淥熟，再沾上日本蛋漿餵我😍果然A5和牛一啲都唔會韌，牛味十足，入口即溶！既然女朋友食A5和牛，我就決定試下次一級嘅A4和牛。雖然話係次一級，但呢個「極上A4黑毛和牛」（$458）都仲係好高級嘅牛肉！由於同上述A5肉眼係唔同部位，所以肉嘅口感都唔同：呢款牛嘅肉質鮮嫩多汁，非常好味！套餐包嘅蔬菜好新鮮，啲靚牛肉配埋日本烏冬一齊食非常正！
繼續閱讀
中午黎食呢間日式火鍋，細細間裝修有日本簡約風，如果多人食一定要book位。今時叫咗佢套餐最貴嘅，中午食和牛壽喜燒火鍋。味道唔會太鹹，一開頭以為係好似日本咁樣壽喜燒燒牛肉，但係其實係打邊爐，感覺好似冇咁好食。不過肉味質素都唔錯，比較啱淡口味嘅朋友。有個前菜，蔬菜都好足夠，女仔食都算夠飽嘅。佢又俾埋隻生蛋，如果唔想食生嘢可以放埋入個火鍋度煮雞蛋花。服務態度都唔錯，一開頭啦未有嘢食冷氣都幾涼，但一打邊爐就啱啱好，環境都坐得舒服。#hkfoodsuggest
繼續閱讀
喜歡食壽喜燒的我，繼續發掘更多性價比高的壽喜燒店。最近發現銅鑼灣有間小店專做高質的日本和牛壽喜燒，於是走去探店試菜。呢間餐廳門口裝修以簡潔為主，門口設計重有一個大窗戶，可以讓途人輕易望到餐內的情況，不知這設計是否用來吸引更多途人入內光顧。今日選了個日本黑毛和牛A4肩脊肉lunch set （包括野菜拼盤）$298, 再加一份個九州豚肉梅頭 $88 和A4和牛肩小排 $98。🥢 日本黑毛和牛A4肩脊肉肉質的紋理清晰可見，每一口都能品嘗到豐富的肉汁，那濃郁的香味在口腔中瀰漫著。口感極為細膩、柔嫩，像是融化在口中的雪花，沾上生雞蛋更加豐富了其鮮味。🥢 九州豚肉梅頭它肉質鮮嫩，多汁，帶有一種特有的香氣，令人一試難忘，而且極之抵食。🥢 A4和牛肩小排 它的肉質細膩柔嫩，每一口都充滿了豐富的肉汁。🥢 野菜拼盤野菜拼盤包括南瓜、冬菇、紫蘿蔔、芋絲、腐皮、金菇和香菜。全部菜款都很新鮮，值得一提的是紫蘿蔔和芋絲，這兩款能吸收壽喜燒湯底的味道，非常好吃。🥢 壽喜燒湯底這個壽喜燒湯底的味道很濃郁，而且較甜口，當和牛配上壽喜燒湯底時更能特出牛肉的鮮甜味。而且店員為顧客添加湯時，會問想加壽喜燒湯底或普通清湯底，喜愛較濃味的我，自然選擇了加壽喜燒湯底。
繼續閱讀
平時就算唔去日本都會心思思掛住壽喜燒，但係香港食壽喜燒啲價錢都唔平，銅鑼灣有一間日式火鍋店，價錢合理得牛肉嘅質素都唔錯佢午市火鍋套餐由一百尾到三百都有，我地揀左兩個中等價錢嘅壽喜燒黎試下，其中包括日本黑毛和牛A4肩小排120克、日本黑毛和牛A4赤身120克，兩個都係關東風壽喜燒湯前菜和牛同豆腐嘅配搭得宜日本黑毛和牛A4肩小排這種肉質細嫩多汁，肥瘦均勻分佈，入口即化。每一啖都帶著濃郁的和牛風味，回味無窮，沾埋蛋液食更嫩滑日本黑毛和牛A4赤身相比於肩小排，赤身部位的肉質稍微瘦一些，但同樣保持了和牛的獨特風味。這種肉質嚼勁十足，口感鮮美。野菜拼盤最後落埋日本菇，南瓜，蟹柳，腐皮同娃娃菜等食材，每種蔬菜都好鮮甜同清爽。甜品蕨餅係黑糖同抺茶味，唔太甜又解膩
繼續閱讀