590
73
64
餐廳: | 天天海南雞飯 (Fashion Walk) |
---|---|
優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
條款及細則:
|
|
|
開飯介紹
來自新加坡的天天海南雞飯,其招牌海南雞飯皮薄肉嫩,加上以煮雞精華一同煲出的黃油飯,深得當地居民及遊客喜愛,每日都大排長龍。除天天外,同場更可品嚐同樣來自星洲的3間平民食店:主打黑松露牛腩牛筋麵的老街坊、將慢煮叉燒及廣東雲吞融和成fusion菜式的超好面,以及加入煉奶、淡奶而調成的五十年代咖啡。
繼續閱讀
營業時間
今日營業
12:00 - 21:15
星期一至日
12:00 - 21:15
以上資料只供參考, 請與餐廳確認詳情
有關獎賞計劃
優惠
餐廳: | 天天海南雞飯 (Fashion Walk) |
---|---|
優惠: | 國泰會員於夥伴餐廳消費可賺高達HKD4 = 2里數。受有關條款約束。 |
條款及細則:
|
|
|
食家推介
招牌菜
相關文章
前排病咗,所以好少出街食飯,今日約咗朋友佢話想試吓呢間餐廳,睇吓米芝蓮餐廳究竟係有幾好食😆餐廳分咗室內同室外,因為當日天氣都比較熱,所以我哋選擇咗係室內度進食我哋叫咗最出名嘅海南雞飯,海南雞飯份量非常多,而且非常滑嫩!果然係天天海南雞飯嘅王牌選擇😎! 佢上面嘅三種醬汁都係自家製,比較欣賞嘅係佢中間嘅辣味醬汁,會有少少青檸味,感覺食上去有幾fresh! 呢個雞配埋油飯就一流啦之後我又叫咗佢出名嘅小食- 黑松露墨魚蝦多士一上菜嘅時候我哋都比較震驚,真係大大隻蝦頭放咗出嚟,真材實料,食落去嘅時候非常鬆脆,亦都會見到佢有一層黑色嘅墨魚喺入邊,非常細緻,以上面就會有黑松露沙律醬,非常match!最後我哋叫咗海鮮喇沙水晶粉煲佢嘅喇沙味都比較重,唔會話好似平時咁樣好稀上面嘅海鮮有青口,墨魚大蝦等等,而且水晶粉嘅份量都比較多,食完之後真係好飽🤣 呢個性價比非常高!整體嚟講,餐廳嘅氣氛好和諧,適合我哋女仔喺度吹水傾偈閑聊,下次都會再嚟
繼續閱讀
位於銅鑼灣鬧市一角的天天海南雞店面挺大,有室外和室內之分。今次我坐在大電視機前面可以望到廚房的位置,不時可以窺探到師傅如何處理菜式。一進來店員細心我們遞上餐牌和斟上熱茶,餐牌上琳琅滿目的食物,每款都有參考照片都十分之吸引。為免選擇困難症發作,我們點了冬天煲煲暖胃二人餐,既有中份招牌海南雞和雞油飯,還有古法肉骨荼,海南雜菜煲和芥末黃金八爪魚,另外加點陳年金桔蜜。等店員把餐點放滿整張檯,就來開餐!首先來一碗肉骨茶暖胃,肉骨茶不少得古法瓦煲,煲蓋一掀起來濃濃的胡椒香味撲鼻。肉骨茶十分之足料,有數件大件一字骨、豆卜和豬肚。湯底重胡椒味,飲起來屬溫潤,令人瞬間和暖。另一方面一字骨經慢慢熬煮,肉質較軟。味道真的與在新加坡食的一模一樣。接著當然要品嚐主角海南雞,雞件味道清香、口感厚實、肉質鮮嫩。店家亦很貼心地去除大部分的骨,因此每一啖都感受到高質的海南雞。淡黃色雞皮看來十分吸引,使平日會挑開雞皮的我也不禁嘗試。原來雞皮非但沒有油膩感,而且口感爽滑,一層薄薄的啫喱更是點綴。當然不可缺少的三色醬,每種醬汁都香濃,不過我始終支持黑醬油。油飯香氣十足,飯粒飽滿,油而不膩,令人一口接一口。另一個瓦煲內是海南雜菜煲,則有豬腎、肝、蝦米、雜菇、西蘭花、椰菜花、小棠菜、芋絲等,浸熱湯奉上。對於喜歡吃菜的人來說,絕對不會失望!芥末醬搭配黃金八爪魚充滿鹹香,也是極度推介。由於每樣食物份量較多,不想浪費的朋友也可以好像我們一樣自備餐盒,把餘下的菜式帶回家。
繼續閱讀
上星期同朋友聚會,「天天海南雞飯」一直都係我地個美食list度😂今次終於可以去朝聖一番啦!「天天海南雞飯」係來自新加坡的過江龍,係新加坡米芝蓮餐廳,主打招牌海南雞🐔亦有其他新加坡菜式提供,例如古法肉骨茶、麥片大蝦同辣椒炒蟹等。我地當然叫番個海南雞食下啦😊天天海南雞 (大份) $189海南雞係新加坡地道美食之一,餐廳保留左新加坡本店的傳統製作方法,以正宗文昌雞及白羽雞烹調,雞肉嫩滑多汁,皮薄爽滑,雞味濃郁且已經去骨,係海南雞面頭淋上自家製蒜醬,並配搭秘製辣椒醬、新加坡進口的黑醬油及薑蓉同食,非常滋味!黑松露墨魚蝦多士 $109蝦多士外脆內軟,餐廳還特別加入左墨汁、墨魚滑及墨魚粒,再配以黑松露沙律醬,黑松露香氣突出,夠晒足料,味道頓時提升及口感富有層次感!金不換和牛碎生菜包 $139和牛碎肉質軟腍,香濃惹味,入口即溶又不膩, 份量都幾多;牛油生菜嘅葉片較圓厚和脆身,用黎包裹和牛碎剛剛好可以一口咬到,加上金不換獨特嘅香味,整體開胃又醒神,味道清甜,口感爽脆!茶位 $10
繼續閱讀
去完donki,見有點餓,就去實力有保證既天天海南雞,又幾好食喎,果然有車吠人!金湯酸菜石斑湯底清澈鮮美,夠酸,石斑魚肉鮮嫩,搭配酸菜的酸甜口味,相得益彰。湯中的配料豐富,增加了口感的層次感。黑椒大蝦煲大蝦肉質鮮嫩多汁,搭配濃郁的黑椒醬汁,散發著誘人的香氣。椒香與蝦肉的鮮甜完美結合,令人回味無窮。這道菜還會加入蔬菜如彩椒、洋蔥等,增加層次感和口感豐富度。這是一道美味的主菜,適合與米飯或麵食一同享用。青咖哩豬頸肉是一道香辣的咖哩菜式。豬頸肉切成薄片,豬肉鮮嫩多汁,咖哩的香辣味道與豬肉的鮮美完美結合。又係就道白飯小偷🍚
繼續閱讀
呢間天天海南雞位處Fashion Walk嘅外圍邊位,有唔少室外坐位仲有大電視O係主廳位置,啱晒電視精!嚟到梗係要點招牌海南雞,當然要配埋油飯,但注意飯係要另外order的~半份海南雞其實都幾大碟,雞皮夠薄又唔肥,入口仲帶點爽脆感!成碟海南雞都係啖啖肉,夠晒嫩滑~小食點左火焰沙嗲串串,分別有雞、牛、豬各兩串,食得出香葉味同帶有微辣感,配上香濃沙嗲醬汁,非常惹味~~再嚟係星洲海鮮喇沙水晶煲,有蠟燭熱著成個沙鍋上,令湯汁保持熱度~配料份量好多,有兩隻大蝦、魷魚圈、青口、大量豆卜同半隻溏心蛋,好辣嘅朋友極速KO,仲大讚湯底椰香同辣味夠平衡,豆卜吸晒湯汁最好食!見餐牌有近期大熱開心果飲品,可惜當晚無得點,希望下次去時可以試下啦~~
繼續閱讀