影片
港鐵觀塘站 A2 出口, 步行約4分鐘
繼續閱讀
營業時間
星期一
全日休息
星期二至日
11:30 - 16:00
以上資料只供參考, 請與餐廳確認詳情
食家推介
車仔麵就成日食，上星期喺觀塘行街，look Openrice既時候見到呢間有特別湯底嘅車仔麵，地理位置又幾方便，抱住會中伏嘅心態去試試佢🙈一入到去店員已經主動俾咗啲消毒啫喱我哋，而且仲比左一包獨立包裝嘅我地帶走，都幾細心🙋🏻♀️我叫咗嘅係碗仔翅底既車仔麵🤩 第一次黎點可以唔試佢既招牌，個湯底比我想像之中濃郁好多，甚至同平時食嘅碗仔翅基本上冇乜分別😍食碗仔翅又點可以唔落醋呢，舖頭知道我哋叫咗碗仔翅湯底之後即刻將紅醋同胡椒粉拎俾我地。每個車仔麵餐都會送一款小食同飲料。配料方面我叫咗雞翼冬菇同雞肉，表現特別出色嘅係雞翼，好軟林，入味程度爆登！雞肉嫩滑，完全無overcooked!麻辣白肉十分惹味，味道唔算好辣但夠曬香，用嚟送碗仔翅好特別有另一番風味。河粉湯底索晒啲碗仔翅之後好入味，主要個口感就好似食緊一碗超足料嘅碗仔翅一樣😛 就算冇叫冬菇，碗仔翅入面嘅冬菇碎份量其實已經好足！而我朋友就叫咗椒鹽豬肚湯底，係一款比較重口味嘅湯底，飲落有濃嘅椒鹽味，而且湯底已經跟咗豬肚，好抵食！最後不得不提嘅係，小店外既露天花園原來係可以租借黎bbq，場地夠晒空曠，等疫情完一定要約朋友黎bbq🥱
繼續閱讀
疫情影響下都減少外出, 今日一於出去鬆一鬆, 黎到觀塘搵食, 朋友突然好想食碗仔翅, 我又想食車仔麵, 上網搵一搵真係有可以一次滿足我地既食店...係APM隔離好易搵又方便, 哩間店由九龍城搬左過黎. 其中特式既湯底"金蟲草野菌養生雞湯"重得獎坐底先揀野食先, 點餐紙簡易清楚, 分有自選車仔麵、SET左既車仔麵套餐(岩晒有選擇困難既人)、抗疫辣咖哩(好有心思)...落單後店員提供左一人一包既消毒酒精搓手液比我地清潔雙手, 係疫情底下店舖貼心既行動都係希望食客食得安心又開心今次我就試左車仔麵, 店有好多款特式湯底比你選擇, 我揀左酒香藥膳雞湯底配米粉、豬紅、蘿蔔、鮑汁花膠+多個小食麻辣白肉+檸檬薏米水食物一到, 聞到好香既藥膳酒香味, 先飲飲個湯底, 嘩好好味, 酒香得黎飲落唔會嗆喉, 話明藥膳真係好足料有黨參係湯底比埋我食, 豬紅好鮮滑, 有別於我平時食既好腥同實既豬紅, 蘿蔔好鮮甜, 花膠好大件好厚好有質感, 個嘴會黏口, 米粉吸左湯汁當然好味到震啦小食-麻辣白肉好正, 麻辣既辣度好岩我口味, 白肉好爽脆(真係會追住黎食), 刺激後飲返個檸檬薏米水解一解先朋友叫左雞絲碗仔翅湯配上海麵、雞翼、芝士腸、豬腩片+小食麻辣白肉+冰糖雪梨水碗仔翅湯底好足料, 雞絲/冬菇/雲耳/粉絲, 湯底好香濃, feel到店舖用心既製作, 上海麵既口感似較淋身既鳥冬, 索晒D湯汁, 食晒個麵飲埋個湯, 真係一滴都無剩..好滿足好飽飽, 食車仔麵有幾時試過會連湯清晒, 黎榕記就真係會嫁最後見到外面重有戶外既地方, 原來夜晚係可以BBQ, 環境好舒服, 夜晚會更有feel.
繼續閱讀
和名字一樣, 這裡的車仔麵與別不同!!看MENU也許會覺得平平無奇可是在無奇之中也找到一些創新與別不同的菜式就是這個碗仔翅湯底, 將麵加入碗仔翅中，本身已經非常特別估唔到又幾夾味！辣辣地又幾過癮我點左既餸係雞翼，豬肚同花膠因為碗仔翅底已經有碗仔翅既食材係入面，所以兩個餸其實=3個餸咁雞翼大大隻的好入味，估唔到又幾嫩滑一共有3隻豬肚十分入味，分量都幾多的花膠呢個超高質，估唔到係麵店都食到咁高質既花膠，份量大之外仲要平！！好入味又唔會剪到細細塊，一共有兩大塊呢度仲可以選係外面食，環境超舒服
繼續閱讀
今日同朋友急約午餐，朋友話APM附近有間車仔麵好好味，上到去意外地見到間車仔麵竟然有平台可以坐，平台仲要好大下，如果一大班人可以坐大枱，我哋11:30去到避開咗12點嘅繁忙時間😁但我哋兩個都有少少唔舒服所以無試胡椒湯，我食雞絲碗仔翅湯底+魚皮餃+魚肉春卷 +貢丸 配烏冬個碗仔翅湯底好足料，雞絲同碗仔翅都好多，如果淨係飲個湯都應該會好飽😂佢個魚皮餃配春卷👍粒貢丸都好彈牙，好後悔冇試胡椒湯底😩我朋友就食酒香藥膳雞湯湯底+ 花膠+ 猪手+蘿蔔配飯 我朋友一路食一路話舊花膠好大嚿整得好好味，仲有豬手都好大件，蘿蔔好入味，朋友急不及待影晒啲相send俾同事,話要快啲再嚟食，其實我覺得個湯底已經好飽肚，我朋友仲逼我食蘿蔔，不過蘿蔔真係好入味，我哋再配左個小食麻辣猪肚 ，我朋友唔食得辣都食咗好多件😬個麻辣汁好惹味我自己食咗大半碟🙈今日食咗個好豐富嘅午餐😂好鍾意佢個甘大嘅平台👍下星期已經約好朋友去食胡椒湯，其實我好鍾意食胡椒湯㗎🤫要多多支持良心小店💖以下5分為滿分😋好味程度: 😋😋😋😋 💞回頭度: 💕💕💕 💕 💕📝服務: 📝📝📝📝 🌉環境: 🌉🌉🌉 🌉
繼續閱讀
係港貿呢棟，好多人都會由商場出巧明街。呢棟通常都係買嘢多，或者有剪頭髮地方，估唔到有間車仔鋪係呢度開左。黎到門面係好多合照疫情下，店主見我嘅幾個人，就邀請我哋出戶外坐，話天氣好啲可以曬下（其實幫襯個日係凍嘅）。唔理啦，好肚餓！呢間之前係九龍城開，過左黎觀塘開。選擇唔算多，但材料係特別。懶得諗，就要左佢八餸麵，50元。坐出邊有啲凍，要左酒香藥膳湯底。食食下越食越熱，味味餸都好足料，魚肉春卷幾好，蘿白都夠味，識飲要飲個湯底。店主仲送左齋俾我哋，味道還好。店主介紹呢度夜晚可以bbq或者叫到會。
繼續閱讀