影片
港鐵觀塘站 B2 出口, 步行約4分鐘
繼續閱讀
電話號碼
21160630
開飯介紹
以日本漫畫角色圖片佈置特色牆，充滿時代感！配合款式多元化的串燒和燒海鮮，適合三五知己把酒暢聚。
繼續閱讀
營業時間
今日營業
11:30 - 23:30
星期一至六
11:30 - 23:30
星期日
全日休息
公眾假期
15:00 - 23:30
以上資料只供參考, 請與餐廳確認詳情
有關獎賞計劃
食家推介
招牌菜
我最近去左一間串燒店，估唔到有好多款各種各樣的串灶選擇，細至普通串燒，大至燒一條魚🤫完全唔係hea既串燒店！十分驚喜！我叫左好多唔同既串燒，包括燒韭菜、燒翠玉瓜、燒多春魚、燒雞翼和燒墨魚腸。全部串燒既口感好好食👍🏻真心完全唔hea..一串份量每舊肉或瓜都係厚切‼️而且係食得出，即叫即整，唔係一早燒定再翻燒或翻熱。燒烤的火候掌握得恰到好處，令串燒保持到燒出黎果種風味👍🏻👍🏻⭐️特別要講係燒多春魚真心不得了！皮脆魚唔散！好好味！除左串燒，餐廳仲提供其他一些小食選擇，比如雞泡魚乾和日本枝豆。我最鍾意食雞泡魚乾，去到邊間串燒鋪都會必點！佢地都燒得唔錯！日本枝豆，份量多，同朋友傾計飲嘢，拎黎送酒，完全💯！餐廳仲仲仲有‼️特色串燒，包括燒特級牛舌芯、燒新鮮雞肝、汁燒雞柳串、鹽燒新鮮海蝦和金菇肥牛卷。⭐️蝦$48有4串，係大大隻果種蝦！好抵食！燒得好夠味！⭐️牛舌芯$68真心要提一提，性價比好高‼️份量多，而且好厚肉，燒出黎唔干身，肉嫩多汁，好好食🤤⭐️啊啊啊～仲有雞柳串都係呀！啖啖肉！燒得唔乾！總之整體，真心唔錯😌我地食左人均$200都夠曬飽。餐廳用料食材新鮮，烹飪技巧純熟，無失望！唔錯👍🏻
繼續閱讀
今晚到觀塘新開的燒烤店吃串燒。店舖裝修簡潔，天花板掛着一個個特色燈籠。最吸晴的就是牆上的一幅大壁畫，全部貼滿晒日系漫畫人物，如多啦A夢、IQ博士、飄零燕、小甜甜等。兒時回憶立即返晒來。我們點了很多串燒：燒芝士年糕年糕甚具嚼勁，芝士味很濃郁。年糕的外層燒得很香脆，內部則柔軟而有彈性，熱辣辣的，非常好吃。煙肉芝士燒巨菇巨菇很有肉感，上面鋪滿芝土和煙肉，充滿了濃郁的奶香和鹹香。一口咬落去，味道十分豐富。汁燒安格斯牛仔骨安格斯牛仔骨很嫩滑多汁，配上特製的燒烤醬汁，十分惹味。秘製燒豬頸肉份量頗大，豬肉的脂肪分布很均勻，肉質鮮嫩多汁。烤得很香脆。秘製的燒烤醬汁為豬肉增添了甜甜的味道，使得每一口都令人滿足。燒特級牛舌芯牛舌芯肉質很鮮嫩，口感豐富。它帶有濃郁的牛肉風味，經過燒烤後，入口爽脆，配搭燒汁，令人吃不停口。鹽燒新鮮海蝦鹽燒海蝦有四隻，每隻都有手掌般大，肉很彈牙，非常新鮮。簡單的鹽燒調味使得海蝦的鮮味更加突出，而且價錢10分優惠，個人認為是此店必吃的串燒。燒香口五花腩五花腩肉肉質鮮嫩多汁，肥瘦相間，口感豐富。經燒烤後，肉表面形成了一層香脆的外皮，內部則保持著肉汁的鮮美。總括而言，這一間新開的串燒店回頭率甚高。每碟串燒都燒得很好味。原來下午時段還有粉麵飯套餐呢！唯一要說的就是因為串燒是即燒的，可能等待的時間會較長。所以還是有改善的空間呢。
繼續閱讀
匠森串燒 @jiangsen_barbecue 📍：觀塘成業街15-17號成運工業大廈1樓3室🚗：觀塘地鐵B2出口 步行4分鐘📞：+852 2116-0630💲：~HKD200/head for dinnerFood quality✔️：秘制黃金香蒜茄子王、芝士黑松露巨菇、燒翠肉瓜、燒雞脾菇、燒韭菜、秘制燒豬頸肉、燒雞中翼、燒新鮮雞肝、蒜蓉燒青口、豚肉青提串、燒腐皮墨魚滑👌🏼：燒雞軟骨、燒芝士年糕總結：😋說實話呢間我一定會再食 港式地道串燒價錢好合理 唔知係咪因為交過太多智商稅 $400/$500食串燒最尾唔飽又唔太好食 所以覺得呢間CP值高 調味又夠惹味 推薦👍🏼😋兩個人叫咗13樣嘢 人均都係$200 食完係可以飽肚笑住咁走真係值得加許 全餐冇伏 款式多 推薦嘅都好食 每樣都有畀心機去燒或調味加配料 唔係好簡單咁齋拎食材去燒 小店嚟但好高質🔥😋最好食係秘制燒豬頸肉 燒腐皮墨魚滑 呢兩個係冇點喺其他地方食過類似嘅燒物 豬頸肉本身正常都好食 嗰泰式酸醬先係精髓 好似去咗泰國咁 腐皮墨魚滑一上枱就墨魚味好香勁濃 足料🥳😋秘制黃金香蒜茄子王 芝士黑松露巨菇都係必點 正常嘅喺其他串燒店都試到嘅 呢間嘅茄子🍆重蒜勁惹味同埋勁大條 唯一係食完會臭口 芝士黑松露巨菇就本身菇好食 又燒都好好 入口就全都係汁就好難唔好食😋燒翠肉瓜 燒雞脾菇 燒韭菜 燒雞中翼 燒新鮮雞肝 蒜蓉燒青口 豚肉車厘茄串 大概都係$20-$30 我覺得算抵食 同埋全部肉本身唔差 調味好 燒得又剛好 都好食 尤其係雞肝 內臟處理得好乾淨☺️😋服務係一個好童顏嘅員工 唔多人但好好服務 主動問要唔要水 加水 本身叫咗五花腩 但最尾好似食物質素問題 覺得未必呈現到最好嘅問我哋換燒腐皮墨魚滑得唔得 呢啲堅持真係好少有 非常佩服🙏🏼🤔燒雞軟骨同燒芝士年糕都係正常 幾唔錯🤔店主應該好喜歡動漫 有面牆全都係各類漫畫嘅名人 環境走日系居酒屋🏮路線 唔係好打卡able 但環境乾淨衛生😨唯一嘅缺點應該係要等好耐 不過食嗰下都知大廚應該係即叫先即整 食物高質耐心等待係值得嘅 但如果趕時間都會覺得上菜有點慢🥲
繼續閱讀
真係抵到爆炸！！$48有四隻大海蝦～有手板咁長㗎！我老細勁鍾意食串燒海蝦～呢間價值回票價！！原來舖頭只係開咗個零月，裝修佈置好有日式居酒屋feel～咪睇佢好似走日式路線，但係又有東北羊肉串食喎～不過絕對唔係嗰種濃味同超鹹嘅感覺！😅😋食物種類都幾多～肉類…蔬菜…海鮮…包羅萬有！！茄子都有辣有唔辣～原來燒魚腐都幾好味～外皮脆卜卜，裏面軟淋淋～口感好得意！！本來想食腐皮墨魚，滑點知賣曬…😵💫🫣牛仔骨醃得好好味！👍🏻亦都燒得非常鮮嫩、好juicy！！👍🏻🥰除咗牛味香濃，調味都係一大功臣！叫咗個冰鎮秋葵解下熱氣，點wasabi+豉油，風味十足！！最衰老細唔想食墨魚腸～如果唔係叫曬兩款台灣香腸～燒到外脆內嫩，卜卜脆好惹味！最緊要嘅係佢做緊promotion：藍妹生啤～大大杯（700ml）竟然68蚊兩杯？！飲得落真係抵到爛呀！😅😂佢仲有Hoegaarden 同Asahi，有大杯（700/500ml)，又有細杯(350ml)悉隨尊便！☺️☺️上次經過見到坐滿曬所以冇得食，今日好彩晏咗有位咋！
繼續閱讀
匠森串燒觀塘成業街15-17號成運工業大廈1樓3室中意去觀塘揾食的朋友仔可以bookmark定依間啦味道評分:☄️(必食之選)>☀️>🌤>⛅️>💨☄️燒特級牛舌芯 $68/份必點✨好好食！牛舌芯中間的部份仍然係粉嫩的🩷口感外脆內軟，仲有調味過添😍☄️一口甜薯 $22必點！好甜好好食👅☀️東北風味羊肉串 $22都幾大串幾抵食~羶味唔算好濃，令人容易接受🙆🏻♀️☀️燒新鮮雞心 $22我第一次食雞心，口感好特別，有d似豬潤🤣☀️燒雞皮(兩串) $28卜卜脆，一定要趁熱食😗☀️燒新鮮生蠔 $32/隻雖然係普通size，但勝在新鮮~🌤️秘製黃金香蒜茄子皇 $48茄子上舖滿蒜粒，但可能時間未夠長所以未夠入味，如果兩者融合得好d就更好了🙆🏻♀️飲品忌廉 $18Suntory-The premium malt’s 250ml $48❤️🔥餐廳座位闊落~✅想睇更多食評就要follow @gulugirl102 🐰#gulugirl102EATIN觀塘 #gulugirl102EATIN九龍 #eat #food #foodie #hkeat #hkfood #hkfoodie #香港美食 #香港餐廳 #香港好去處 #香港美食地圖 #觀塘美食 #觀塘 #觀塘串燒 #牛舌 #燒生蠔
繼續閱讀
您可能會有興趣的...