影片
營業時間
今日營業
12:00 - 22:30
星期一至日
12:00 - 22:30
以上資料只供參考, 請與餐廳確認詳情
去到見到個餐牌都幾多選擇，都唔知食乜好之際。見到之前個幾個人都不約而同地買炒粉絲，以為好出名，咁就諗住試吓啦。今次我買了一份炸雞，一個牛肉包飯及炒粉絲。牛肉包飯好食，而炸雞都好好食。不過炒粉絲就好x咸，唔知佢本身係重口味還是連續有幾個人買而控制唔到水準？報告完畢。
繼續閱讀
性價比超高既韓式料理炸雞真係無得彈，大大件拎到返屋企仲係脆卜卜起碼20分鐘80蚊12件跟三盒醬，甜酸醬同埋黃芥辣本人最喜愛，至於第三款醬油味就麻麻可能太重味唔岩我，鍾意重味既朋友不坊試試👍👍👍👍👍燒牛肉拌飯，足料唔在講 味道好40蚊堅抵👍👍👍👍炒粉絲老婆就好鍾意食，我就覺得一般以上但一樣有份量👍👍👍👍仲有個豚肉卷，唔好意思太貪心以上三個跟本食唔晒😂😂完全無食過拎左返公司請左同事食下次有機會再評評😋😋😋
繼續閱讀
位於太安樓第二街, 近太安街方向。由於唔係位於食店中心地帶, 所以唔太大油煙味係太安樓既小店黎講搵到肯收八達通又做網上外賣平台真係少之有少, 原因離不開營運成本問題吧雖然肯收八達通, 但野食黎講份量多而且唔貴韓式牛肉拌飯滿滿不同種類既配菜先40蚊, 牛肉都唔算少收費份量合理, 但可惜既係店員態度普普, 企係收銀位下單好似都唔想理你咁😂 落完單又冇單, 都唔知點樣知自己果份搞掂, 要憑眼神示意前面冇人等外賣, 見眼前有份外賣放係度, 有禮貌地問個外賣係咪自己既都俾店員不禮貌對待, 仲聽到話想食霸王餐😂嘟哂八達通企係度等都叫食霸王餐我諗佢真係食錯藥🤷🏼♀️ 仲要兇神惡煞咁🤷🏼♀️ 幾平都好冇下次, 落單同拎外賣個步驟令人令疑惑
繼續閱讀
阿朱家 (太安樓) (西灣河)肚餓經過見到韓國既包飯店，見到成枱都係手卷咁款～原來就係佢哋賣既包飯🤣好奇試咗一個赤醋三文魚包飯！打開發現好貼心咁切好晒！入邊有蛋、青瓜、紅蘿蔔、菜、酸蘿蔔同埋最重要嘅煙燻三文魚😋成條食晒好飽同埋都幾抵食！如果喺我樓下一定會成日食😈食落都幾清淡，鍾意食清淡嘅朋友可以試吓🤓下次佢都會想試吓個炸雞😻睇落好似好多種味道！經過嘅朋友可以試吓🤓價錢都合理～隔離，仲有啲飲品可以揀
繼續閱讀
韓國其中一樣代表食物就係炸雞，但嚟到香港之後就賣到好貴，閒閒哋都要$120一個套餐💩當我行過呢間”阿珠家”，即刻俾佢門口嘅飯卷吸引住望入去仲好似喺韓國嘅家庭式經營餐廳，擺放住一盤盤芽菜、泡菜、蘿蔔…望一望餐牌，竟然$50就可以食到八件炸雞，仲要有兩種口味，所以決定試吓😝本來以為啲醬汁係同炸雞炒埋一齊，點知原來係分開炸咗啲炸雞再比醬你點，炸雞都好大嚿、有半個至一個拳頭嘅size，不過望落去表皮較厚、有啲似美式炸雞，差啲以為自己去咗KFC🤣醬汁方面我揀咗甜辣口味同埋蜜糖芥末，前者嘅辣到方面都幾勁，擺一陣會發現有層辣椒油浮起咗，蜜糖芥茉醬我就幾鍾意，少少甜又少少辣，同炸雞好夾👍🏻不過炸雞嘅粉漿真係太厚，第一啖咬落去完全食唔到啲肉，而且好重麵粉感覺，雖然係好夠脆，肉質都唔錯、係唔夠juicy，不過真係唔好期待係韓式炸雞😂
繼續閱讀
您可能會有興趣的...