影片
港鐵荔枝角站 B1 出口, 步行約5分鐘
繼續閱讀
電話號碼
65330728
開飯介紹
寵物友善、主打台日料理套餐的餐廳；裝潢以淺綠色和木系為設計主軸，打造休閒的用餐環境。
繼續閱讀
營業時間
今日營業
11:30 - 22:00
星期一至日
11:30 - 22:00
*(21:30截單）
以上資料只供參考, 請與餐廳確認詳情
有關獎賞計劃
香港寵物友善餐廳真係唔係好多，就算有都俾人投訴，長沙灣麗新商業中心，係寵物友善商場，所以可以名正言順帶狗狗去食嘢，唔使收收埋埋，又唔怕俾人投訴。梓沐村係一間食日台料理嘅餐廳，餐廳分開咗兩邊，一邊係人類用餐，另外一邊係人狗共用餐。 今日我帶埋隻黑妹，一家三口叫咗兩個餐。。。為食之選 招牌腐乳鹽酥雞🐓件件雞都大大粒，腐乳嘅鹹香味夠晒。秘製咖喱牛腩🐮牛腩炆夠哂入味，個汁都好好食。溏心蛋🥚 賣相得，撈埋白飯食，仲得👍🏻飲品🥤招茉莉奶白+仙草🌸茉莉花茶味香，加埋仙草，可以！大食之選上湯燉菜🥬今日嘅菜係娃娃菜，啲菜燉得好腍，入口即溶，正👍🏻忌廉蟹肉餅🦀 外脆內軟，裏面嘅忌廉加蟹肉好juicy 比目魚京燒🐠比目魚魚油香，燒得剛剛好，唔會乾爭爭。飲品🥤係菊花決明子茶飲料十足，夠哂養生🤭
繼續閱讀
今日👭🏻孖妹黎到荔枝角，餐廳以簡約木系裝修為主，感覺幾舒服小店提供幾款套餐，可以根據食量揀，以台式小菜為主，再揀冷盤、澱粉、另下可以加配飲品🍹👭🏻孖妹叫左1. 為食之選同大食之選，揀多個小菜一齊happy 冇share， 可惜今日冇日本醬油蛋珍珠飯🤧🥢日式胡麻豆腐✨豆腐質地柔軟細緻，好滑順，日式胡麻豆腐帶來了濃郁胡麻香氣+濃稠口感與豆腐的滑嫩相互融合🥢馬鈴薯燉牛肉✨馬鈴薯同牛肉用白蘿蔔汁燉腍，牛肉係半肥瘦，比較鞋口，另配西蘭花同紅蘿蔔，馬鈴薯吸收了湯汁，幾軟糯🥢比目魚西京燒✨比目魚魚肉鮮嫩，唔算太細件，油脂夠好香，甜甜地幾好餸飯🥢 招牌腐乳鹽酥雞✨ 鹽酥雞係台灣小吃，將雞用鹽椒同腐乳調味，外層經過炸製，呈現出金黃酥脆外皮，鹹香又有發酵過豆腐乳微酸，一啖接一啖🥢慢煮雞胸✨ 慢煮雞胸經低溫和長時間的烹調方式，保持雞胸肉的嫩滑同保留其天然的風味，肉質柔軟，保持左水分🥢凍手打香水檸檬茶+💰18✨濃郁檸檬香氣同茶葉好清新，檸檬酸度與茶葉的苦澀相互平衡🥢凍茉莉奶白 +💰18✨凍茉莉奶綠呈現出淡綠色，散髮著淡淡茉莉花茶香，清新同鮮牛奶mix埋夠哂清涼解渴，茶味好出🔸🔹🔸🔹🔸🔹🔸🔹🔸🔹🔸🔹🔸🔹✍🏻總評：加🔟服務費：❎👭🏻推薦指數：🌕🌕🌕🌕🌑👭🏻回頭指數：🌕🌕🌕🌕🌑👭🏻環境評分：🌕🌕🌕🌕🌑👭🏻服務評分：🌕🌕🌕🌕🌑🔸🔹🔸🔹🔸🔹🔸🔹🔸🔹🔸🔹🔸🔹💰人均消費：$120
繼續閱讀
荔枝角新餐廳，隔離係Urban貓Cafe格式似米氣，只係台式啲，主打炸物星期五晏晝嚟已經排長龍要等位每個set會有鹽味蛤蜊湯，清清地鹹鹹地，入面有海帶同兩粒迷你蛤蜊漬物係枝豆配紅蘿蔔同鹿尾菜，好適合撈白飯食▶️ 為食之選 ($78)可選一款冷盤同兩款熱盤溏心蛋好入味，蛋黃唔流心但晶瑩剔透漿狀🥚甜甜地好餸飯慢煮雞胸凍食，健康增肌之選💪🏻頭一片好嚡，之後嗰幾塊厚身大塊啲就OK用黑胡椒調味，另外可以點豉油 (如果唔係完全冇味)鹽燒鯖魚成條上，好多肉，同時多幼骨，食嘅時候小心唔好啃骨❗️鯖魚魚油味香，可以自行落檸檬汁🍋米飯係珍珠米，上面有啲芝麻粒，飯質唔錯🍚▶️ 大食之選 ($98)可選三款熱盤，冷盤需加錢日式胡麻豆腐 (+$10) 係盒裝即食豆腐再落深煎芝麻醬，味道正常，豆腐味幾香嘅招牌腐乳鹽酥雞大大件🐔酥脆厚肉，不過欠缺腐乳味馬鈴薯燉牛肉係肥牛配西蘭花、薯仔、紅蘿蔔，似日式壽喜燒牛肉，半肥瘦上湯燉菜係另一個健康之選🥬味道清淡，娃娃菜索湯清甜日式醬油蛋拌飯 (+$12) 有流心蛋，不過可能會令飯變得濕身-整體每道菜味道唔錯，炸物比較出色其他就材料簡單唔花巧，屋企會整到，為日式家庭料理勝在賣相整齊，望落豐富吸引🥰服務唔錯，侍應有禮貌，上菜快，冇堂食限時不過食物可能唔係即製，除咗湯，上枱多為室溫或凍食環境還好，內部裝修俾人感覺舒服只係比較多人，要坐吧枱同搭枱，冇地方放袋，食得冇咁方便好嘅係佢係寵物友善餐廳，可以比狗狗同主人一齊用餐🐶性價比高，唔收服務費，最平$68一個套餐份量幾大幾足(大份過米氣)，女仔食為食之選、男仔食大食之選啱啱好👍🏻另外仲有$138牛角包窩夫放題🤫90分鐘任食croffle配雪糕、台式香脆炸物、冬瓜茶應該會越嚟越受歡迎，想食盡早去啦！
繼續閱讀
早幾日去MCL睇戲，見樓上開咗啲新舖，上去睇下有咩食，今次揀咗間叫梓沐村嘅舖，睇落好似好多野食😂揀咗一個為食之選$78同一個大食之選$88，分別係前者揀一個冷盤，兩個主食，後者揀三個主食，一個轉咗醬油蛋拌飯＋$12，飲品揀咗輕芝士岩鹽奶蓋綠茶＋$18，同一個招牌茉莉奶白＋$18冷盤揀咗鰹魚花涼拌茄子，主食揀咗招牌腐乳鹽酥雞，醬燒黑豚肉，古早味炕肉＋$8，秘製牛肋條$15，同大菜單上面無，但落單時見到嘅單骨芝麻雞翼，套餐包咗漬物同一碗蛤蝲湯蛤蝲湯清清地飲落順口，漬物有少少似欖菜，食落都幾好食。鰹魚花涼拌茄子味道係日式高湯嘅味，食落幾好食，好入味招牌腐乳鹽酥雞腐乳味比我想像中輕，但係食得出有腐乳嘅存在，而且雞肉好多汁，好食醬燒黑豚肉輕輕搽咗醬油，之後做炙燒，食落都唔錯，醬油味係輕輕禁帶過。而且做咗炙燒，聞落香好多古早味炕肉幾好食，食落有屋企味道😂係比較家常嘅味道，幾好食~秘製牛肋條牛肋條炆得軟腍，肉唔係好嚡，食落唔錯，蕃茄味道都好出單骨芝麻雞翼好食，不過同平時食到分別唔太大，只不過變咗做單骨輕芝士岩鹽奶蓋綠茶，招牌茉莉奶白，兩杯味道都唔錯，覺得最大分別係個底，綠茶茶感出少少，仲會飲到少少綠茶嘅清味，茉莉多咗個香氣
繼續閱讀
今晚收工又去咗睇中醫，長沙灣荔枝角呢頭開咗個新嘅寵物友善商場，入邊都幾多特別嘢食。今晚揀咗呢間台式嘅嚟試吓，一入到嚟已經有一個寵物嘅打卡位，啱晒啲愛狗人士。順便一提佢呢度啲台式飲品都幾好飲，因為個茶底真係好清新，好香茶味。我哋每人嗌咗一個set，呢一個就兩個主食加一個冷盤，而每個套餐都會包埋一碗湯同埋味菜。而佢個湯係昆布蜆肉，所以好清甜。其中一個主食揀咗古早味坑肉，呢個真係超級入味，五花腩溫度夠晒腍，將啲汁撈埋嚟撈飯，真係好邪惡，但又超好食。另外一個係日式奶油燉菜，佢個味道似忌廉湯，加埋娃娃菜，其實個味道都幾夾。個冷盤嘅糖心蛋真係冇得輸，日本蛋本身已經夠晒甜，再加埋佢個糖心程度啱啱好，超正。另外一個set就有三個主菜，其實我覺得女仔嚟講應該兩個主菜就夠，因為我份量都真係好多。第一個主菜揀咗涼拌手撕雞，有少少辣辣地，因為加咗指天椒，不過因為手撕雞係用雞胸嘅關係，所以感覺雞肉比較老，但個調味係唔錯嘅。另一個係招牌腐乳鹽酥雞，不過我哋自己覺得佢個味道比較偏向似南乳，因為甜甜地。但係呢個鹽酥雞炸得好鬆脆，中間雞肉都仲係好滑好嫩，值得一試。最後一個係馬鈴薯燉牛肉，呢個就真係有啲失望，因為餐牌寫住牛肉我哋以為係類似牛腩咁嘅部位，最後嚟到原來係肥牛，所以啲肉真係有啲老。不過值得一讚嘅係佢個馬鈴薯真係好入味，而且好甜。以環境同食物質素嚟講，我覺得呢個價錢絕對物有所值，佢個空間都夠大，岩晒狗狗打卡。
繼續閱讀