影片
港鐵佐敦站 B1 出口, 步行約7分鐘
繼續閱讀
電話號碼
23225851
營業時間
今日營業
12:00 - 02:30
星期一至日
12:00 - 02:30
以上資料只供參考, 請與餐廳確認詳情
與朋友行過見都多人食，一於試下過往見食（打冷）都不便宜，但呢間性價比絕對高。4個人，叫左一個滷水拼盤，蠔仔肉碎粥，滷水豆腐，椒鹽九肚魚，韮菜豬紅，牛魔王米粉，灼菜芯。平均每人$106 。除左抵，仲要每樣野都好好食👍👍👍滷水拼盤內有大腸，紅腸，生腸，豬頭肉，墨肉，鵝腸，芽菜等特別推介蠔仔肉碎粥 同 韮菜豬紅。 蠔仔粥一d都唔腥，食落都好鮮甜。至於韮菜豬紅，是我在街外食過數一數二好食。 好夠味，底汁惹味 店員的服務態度都算唔錯。整體評價：性價比高，會再黎食及推介朋友！
繼續閱讀
🥢油麻地與佐敦中間有間打冷小店，位置喺冠南華對面，之前Lunch Time 時，已經試過佢地嘅滷水拼盤飯，覺得非常好食又夠抵食，印象中店家嘅辣椒油好鬼香又夠辣，所以已經留下深刻印象，突然間好想打冷就即刻諗起呢到，夜晚時間提供多款打冷滷水鵝片 ，滷水拼盤，蠔仔粥及湯品類別，最重要嘅係有香港少有嘅即炸雲吞，即刻call 班朋友去一齊試吓🥢生炸雲吞$60 (7粒）曾幾何時覺得香港冇好食嘅炸雲吞，之前要去澳門先食到，今次終於搵到一間超級正嘅炸雲吞，由師傅每日新鮮製作，即叫即炸的個樣子非常之吸引，每隻大小剛剛好，一口咬落去非常之熱係即炸，整隻都充滿鮮蝦味道，鐘意夾雜豬肉比例剛剛好，口味係傳統嗰隻炸雲吞口味，個人來講好鐘意🥢鴨蛋蠔餅 $88(小）/ $108( 大）即炸蠔餅炸得厚身，用上鴨蛋蛋味香濃又夠脆，夾起一件睇睇，蠔仔肉好飽滿，口感整個酥脆香口，蠔仔好多分佈平均，點魚露食係絕配🥢滷水拼盤$118鐘意呢到滷水拼盤，一碟已經樣樣有齊，啱曬想試曬咁多款嘅朋友，配上豬頭肉，鵝腸，大墨魚片，豬大腸，紅腸，大生腸，五花腩肉，配上索曬汁嘅芽菜底，每款都好香滷水汁嘅味道，由其鐘意鵝腸夠長好爽彈，生腸用上大生腸位置厚身咬落索索聲，腩肉豬頭肉都滷水香又軟熟，呢個價錢來講真心抵🥢滷水鵝片（無骨）$128打冷必點的滷水鵝片，刀功好好一片片的好齊整，鵝片啖啖肉，帶點傳統滷水香氣，肉質鮮嫩軟熟，底下仲有滷水豆腐，外層吸曬滷水汁，內層軟滑🥢胡椒豬肚湯 $85/ 158 (鍋）胡椒味道香濃，用上每日直送新鮮豬肚，豬肚用上厚身及薄身的兩種部位，厚身好軟腍軟滑，薄身爽爽的有咬口，湯底香辣胡椒味道仲有鹹菜惹味，調味唔會太辣剛剛好帶出胡椒自身香氣🥢蠔仔肉碎粥 $60碗 / $128 鍋經典潮洲蠔仔粥，蠔仔肉粒粒漲卜卜好飽滿新鮮，每口食到蠔仔及肉碎，味道鮮甜🥢三得利生啤 $60打冷必須酒，除咗有平時的大啤同奶茶咖啡，最鐘意嘅就係有提供日本三得利生啤，仲可以揀白啤黑啤或兩溝，來到時原來係巨型杯，大大杯咁飲真係夠曬爽🥢細問之下原來店家的白醋同辣椒油都係自家製，味道係特別香，能夠帶出食材鮮味，由其係鐘意辣椒油，係以前好傳統潮洲辣油嘅香，仲幾夠辣，最後臨走之前膽粗粗問店員可否買走辣椒油，原來係可以嘅，試過又食得辣嘅朋友不妨可以買樽返屋企試吓📍 潮味莊 (油麻地)油麻地吳松街1-3號創遠樓地舖
繼續閱讀
今次想介紹呢間打冷鋪，好明顯行街坊路線，位於油麻地，街坊價，開頭以為呢個價錢會將價就貨，咦！又估佢唔到份量唔細喎，不過講到尾味道先係重點😏鵝片啖啖肉，雖然偏少少肥，但係非常入味。滷水豬頭肉拼墨魚，勁爽脆。蠔餅係有啲失望，厚粉，炸得唔係咁香脆，但係蠔都算大粒。我最中意就係蠔仔粥，可能我本身係一個茜人，一見到落左咁多茜已經好歡喜，肉碎同蠔仔一啲都唔吝嗇，材料好多，啖啖過癮。最緊要我食完冇口渴😉😉滿足既一餐💪#潮味莊
繼續閱讀
經過佐敦黎到呢間我經常食嘅潮州打冷鋪頭，最鍾意食佢地嘅韭菜豬紅，暫時係我食過最好味嘅豬紅鋪頭。今次叫左幾樣1:咸蛋炸蠔餅$75炸蠔餅炸到脆卜卜，配埋嫩滑嘅蠔仔，完全停唔到口，而且🦪份量好足夠，每一啖都有幾隻蠔仔，好正，配埋魚露食更加鮮味。❤️❤️2:肉碎蠔仔粥$55我地叫一碗粥就夠兩個人食。份量都係好多，每個人可以食到兩碗左右，蠔仔🦪份量足夠，粥味道鮮美，潮州粥都係可以食到米粒粒粒分明，同普通粥唔同。👍😏3:潮州滷水鵝例牌$98獅頭鵝滷得非常之入味，應該滷左好長時間，店員建議我哋叫有骨嘅鵝，會香過鵝片，食落果然油脂豐富又有鵝香，配埋鵝肉下嘅滷水豆腐，好滿足呀！🥹🥹4:韭菜豬紅$55豬紅份量超多，識落口感好好，唔會散晒，下面擺咗少少韭菜，成個韭菜豬紅豬紅先係主角，配埋濃厚辣辣地嘅醬汁，我成碗清曬🫣🤤😌5:通菜$18我哋揀咗通菜，配埋腐乳醬好夾🤤消費價錢：2人300左右結論：經過會食餐廳名稱：潮味莊 (油麻地)餐廳地址：油麻地吳松街1-3號創遠樓地舖
繼續閱讀
次次夜晚想食潮州野都會黎呢間餐廳食，貪佢夜晚都開到12點，就算九點幾黎食都OK。每次都係叫個幾樣嘢1️⃣韭菜豬紅💰60醬汁好濃好惹味，韭菜份量少，豬紅份量好多，食極都仲有。豬紅大大嚿，又有彈性，唔錯唔錯👍2️⃣蠔🦪仔肉碎粥💰58肉碎同🦪蠔仔份量好夠，雖然叫粥，潮州粥係米粒粒粒分明，味道唔錯，同埋蠔仔食極都有，又新鮮，好正😍😍3️⃣鵝肉例牌💰105鵝肉一啲都唔韌，幾嫩，鵝皮唔會好肥，滷水好入味，上枱嘅時候都係暖暖地唔會凍咗，點埋醋食好好味😋墊底嘅豆腐都好滑👍消費價錢：2人💰233，人均💰116.5結論：（10分為滿分）味道：7.5/10性價比：8/10回頭指數：7.5/10餐廳名稱：潮味莊餐廳地址：油麻地吳松街1-3號創遠樓地舖市
繼續閱讀
您可能會有興趣的...