影片
港鐵柴灣站 A 出口, 步行約5分鐘
繼續閱讀
電話號碼
28827278
營業時間
今日營業
10:30 - 22:00
星期一至五
10:30 - 22:00
星期六至日
10:00 - 22:00
以上資料只供參考, 請與餐廳確認詳情
食家推介
如果想睇戲又想食西餐，最近發現喺柴灣地鐵站附近，有一間以電影院為主題嘅西餐廳<薯仔屋電影餐廳>，餐廳位置就喺戲院隔離，非常方便，容易搵到。餐廳環境充滿懷舊電影院嘅氣氛，而且仲有兩部夾公仔機，同埋一個畀小朋友玩嘅小角落。令在場的小朋友食得開心之餘，亦玩得好開心。食物款式方面，以西餐為主，有不同嘅套餐，二人餐，兒童餐，飲品和甜品都應有盡有。價格方面，亦都非常親民抵食，人均消費都係百多元左右，絕對超值。<香煎美國穀飼西冷牛扒配舖天薯條>西冷牛扒用上明火加鐵板來上，可以一邊煮一邊食，而且餐廳仲供應咗蒜蓉牛油，令輕輕煎過嘅牛扒充滿非常濃厚嘅蒜蓉牛油香味，非常好食。<舖天薯條配豬肋骨半條>豬肋骨份量都好多好大份，足夠二人分享，而且豬肋骨咬落去肉多惹味。另外，薯條份量好多，上面有好多肉醬同埋芝士，半溶芝士入口仲有拉絲嘅感覺，非常好食。另外我哋仲加配咗咖啡特飲同朱古力特飲，同樣美味。整體來講，餐廳無論環境、食物質素、服務同衛生，都非常理想，而且價格仲非常抵食，值得再來，值得推薦。
繼續閱讀
食得又玩得🍟懷舊電影餐廳🎬🥔薯仔屋電影餐廳 (柴灣)今次同豬仔特登嚟到柴灣，哩度有間薯仔屋主題既特色餐廳，佢既環境設計好得意，仲有夾公仔機，每個角落嘅設計都好有心機🥰有心心牆，好多玩具，仲有好多花花💐好啱一家大細嚟邊食邊玩😆特別一提，呢度嘅飲品仲好靚添，打卡一流啊🥰隔離仲有電影院，睇埋場戲就啱晒🎬✨慢煮鮮茄牛肋條飯 $88每件牛肋條大大舊，炆得好軟腍，仲好入味，蕃茄味好香濃，仲有啲香葉味，配上紅蘿蔔，營養均勻，配飯一流😋✨ 香煎美國穀飼西冷牛扒+舗天薯條 $206牛扒煎得好香，配上黑椒同鹽，味道最天然最鮮美😋我哋叫咗七成熟，好容易切開，顏色粉粉，仲有新鮮沙律菜配上芝麻醬，薯條超脆，仲要連皮，口感更佳😝✨韓國柚子雜果梳打 +$18一上枱好驚艷😍超大杯，造型好精緻，滿滿嘅生果，配上柚子味梳打，非常清新😍✨雪耳雪梨杞子茶 +$16好溫純既味道，冰糖甜甜的，配上新鮮雪梨，腍滑既雪耳，冬天飲用非常滋潤😋食物✨✨✨✨環境✨✨✨✨衛生✨✨✨✨價錢✨✨✨✨
繼續閱讀
今日同老公去柴灣有d野搞之後去左睇戲睇完見到隔離有間薯仔屋電影餐廳因為分店凡高廚房先前食過兩次CP值幾高裝修別緻大人細佬都啱有個玩具角落比小朋友玩又有兩部夾公仔機又有雀仔睇藍色果隻好靚不過寫住咬人唔好摸老闆開籠比佢放風特意提醒佢好惡唔好摸我講左句咁肥既佢就啤住我🤣🤣佢隔離有對糖痴豆既情侶無影因為完全彩唔到樣跟住白色果隻係擺係正門一路坐會聽到佢慘叫同掟野聲好似小朋友發脾氣咁老闆個仔放佢出嚟就即刻唔叫🤣仲唔係扭抱抱野都未食就好忙咁影影影呢度點餐要去收銀點比埋錢我地叫左一個晚餐一個廚師精選晚餐係鐵板黑椒汁肉眼扒配薯菜$102餐已經有蒜蓉包、是日沙律、奶茶咖啡或可以半價轉特飲，啤酒正價減$5老公叫左香煎美國穀飼西冷牛扒鋪天薯條$206（七成熟）餐包煙三文魚沙律＆蒜蓉包加$18轉左柚子雜果梳打勁大杯，除左柚子仲有檸檬、西檸、橙、薄荷葉另外叫左杯凍朱古力，非常香濃西冷都幾大塊，加埋蒜鹽，牛肉味更突出，咬落去有肉汁，薯條外脆內軟。肉眼扒比西冷更大塊，切左一半比老公晚餐點可以無甜品呢？要左心太軟配軟雪糕$62老闆話心太軟係由分店凡高做好再送嚟，WOW好有親切感，心太軟超流心，蛋糕部份唔會太厚，唔太甜相對無咁膩軟雪糕幾香奶味，加D朱古力醬上去，自製雙色軟雪糕Tiramisu 配軟雪糕$48佢既Tiramisu 有別於其他鋪頭，食落好似雪糕蛋糕咁，幾特別。薯仔屋係柴灣嚟係幾特別既主題餐廳，而且隔離就有戲院好方便，吃喝玩樂都有齊。
繼續閱讀
柴灣除咗叉燒、魚柳包、雪糕waffle，就係”薯仔屋電影餐廳”。雖然佢啲嘢食還可以，而且唔貴。但呢度嘅特色係親子餐廳，餐廳會開放啲雀仔俾小朋友餵，又有個玩具圖書corner。而食物質素只係其次。
繼續閱讀
有得玩有得食之《薯仔屋電影餐廳》每次經過，女女都好想去呢間西餐廳，因為門口有夾公仔機，餐廳環境有電影院氣氛，仲有一個小玩具角比小朋友玩，門口仲有4隻鸚鵡睇，好得意，職員安排座底後，仲比左顏色同填色紙比女女油顏色，真係有得玩有得食，Menu都好多選擇，有不同Set套餐，飲品同甜品都好吸引，價錢非常抵食，餐廳可以包場開Party，一個價唔限人數，絕對抵玩，餐廳位置係戲院隔離，買完小食仲可以入去睇戲，晚餐Set 意式香煎芥茉豬扒忌廉汁意粉：意粉口感好好，彈牙爽口，豬扒份量大，肉質鬆軟，芥茉味唔算重，忌廉汁質地唔爽傑身，食完唔會膩，晚餐Set 鐵板燒汁肉眼扒配薯菜：肉眼扒份量超大塊，而且肉質十分軟淋，唔會煎到過左火位，薯條唔會炸到乾哂，每條都好粗身，晚餐Set加配 $10(每份) 黑松露忌廉湯：味道好濃，黑松露味重，湯質地滑身，容易入口，+$18雜錦串燒3串(豬、雞、牛)兒童餐A (芝士肉醬意粉、蜜汁雞翼、牛油粟米、西蘭花、飲品、迷你雪糕)：呢個兒童餐應該好好食，女女自已一個食哂個兒童餐，我有試過牛油粟米都甜甜地，總結，價錢真係唔算貴，而且食物幾好食。
繼續閱讀