影片
港鐵太子站 B2 出口, 港鐵旺角站 B3 出口, 港鐵旺角東站 D 出口
繼續閱讀
電話號碼
26226088
開飯介紹
酒店中菜餐廳，環境高級，舒適有格調。精選優質食材、以嶄新概念呈獻富藝術感的中式料理，且色香味俱全。
繼續閱讀
營業時間
今日營業
12:00 - 17:00
18:00 - 22:00
星期一
全日休息
星期二至日
12:00 - 17:00
18:00 - 22:00
以上資料只供參考, 請與餐廳確認詳情
有關獎賞計劃
1100 瀏覽
帝京酒店內有一間走精緻川粵路線的中菜館，名叫「獅房菜」，主廚「江肇祺師傅」出身於廚藝世家，入行30年，烹藝及創意並重，不時推出特式私房套餐，例如聞名已久的「愛玲宴」。今個春天，以養生為靈感，推出優惠價每位$638 (原價每位$798）的「 獅房發辦．春跡 」九道菜餐單，採用食材包括花蟹、龍蝦、海參、鮑魚、海星班及花膠，聽落CP值唔錯，於是起行。餐前小吃花蟹茶碗蒸花蟹茶碗蒸有日式廚師發辦的影子，同樣蛋香十足，幼滑鮮美，不同之處是輕輕的加了薑汁及花雕，令鮮味更上一層樓！普洱海參凍非常精緻的一朵黑金玫瑰花，想不到是海參做的！做法把海參浸至燜煮至軟腍，然後加入普洱、龍井及蜜糖造成花朵的形狀，層層花瓣可見工序，以小匙一啖入口，清新爽軟。鬈髦豬叉燒原來匈牙利鬈髦豬的肉質，可媲美西班牙黑毛豬，再以木薰香，口感鬆軟味香。青花椒．龍蝦球．炒牛乳亮點不只在煎至微焦及軟嫩彈牙的龍蝦球，心思放在配以厚竹笙、紫洋蔥、薑米、蝦頭油炒出牛乳，滑溜富層次，尤其欣賞以花椒平衡牛乳，微辣亦提味。蘭州蜜瓜．瑤柱．響螺湯我很喜歡飲湯，加了蜜瓜甜甜地的更合我意，自然的甜味，配合瑤柱響螺，整個湯清澈可口，回味無窮！古越龍山．蔥香．鮑魚據說鮑魚燉足8小時，怪不得柔韌軟透，濃郁而甜甜地的醬汁以杞子、桂圓、冰糖、再加上古越龍山花雕酒，酒香洋溢，食味提升。伴以牛肝菌、大蔥及蘆筍，蘸醬汁吃，各自有獨特的香氣。韓國泡菜．黑毛和牛酥非常可愛的酥皮小牛，真有諗頭，配以小鎚仔，自行打碎酥皮，拆開裏面的荷葉，吃泡菜炒和牛肉粒，感覺如打開寶藏，好玩美味。酸梅啫喱清冼味蕾之用，酸梅湯做成啫喱，特色是帶少少煙燻香。鮮姬松茸．花膠．黃湯奶白色的湯頭，背後花上8小時以豬筒骨、老雞及瘦肉久熬成黃湯，醇厚滋味。厚肉花膠煮至軟透帶口感，恰到好處；與鮮姬松茸及木瓜一起吸盡黃湯，吃得滋味。金腿燕窩．野生竹笙．菜苗簡單而隆重的一道素菜，把上湯餵過的鮮嫩豆苗及爽口竹笙炒香，最後加上矜貴的燕窩，味道豐富。澄海滷鵝．淮山麵我最愛的獅頭鵝、濃郁的滷水汁及健康的淮山麵，這個組合非常理想。值得一提，當中加了苦瓜，作用是平衡鵝的膩，別具心得。鴛鴦茶．奶凍好戲在後頭，甜品亦很有驚喜，以白朱古力造成奶茶杯子，裏面是咖啡及奶茶造成的鴛鴦奶凍。特別甜品今日是3月14白色情人節，餐廳額外送上真窩心。環境浪漫，燈火陰暗，時尚佈置，中菜西吃，富創意、味道好，CP值高，值得推薦！「 獅房發辦．春跡 」餐單供應期至3月31日，有興趣要快手！訂座及詳情：https://www.royalplaza.com.hk/zh-hant/offers/chinese-omakase-set-menu-spring/
繼續閱讀
今年同屋企人開年飯揀咗位於旺角帝京酒店嘅「獅房菜」 食中菜Omakase🤩餐廳由多年入廚豐富經驗江師傅主理☺️以時令材料將中菜配搭出一道道別出心裁嘅菜式🤩好食有特色之外打卡仲好靚添😍而我地仲加左Wine Painng 襯托返每道菜式🍷序 幕🌟花蟹茶碗蒸蛋香嫩滑既茶碗蒸☺️啖啖蟹肉,三文魚籽加上花雕入口滿腔鮮味🤤🌟香氣豐沛普洱海參凍以玫瑰🌹加上金金粉呈現😍一啖咬口帶陣陣茶香🤤🌟鬈髦豬叉燒入口質感軟滑帶炭燒香味😋虹 彩🌟蘭州蜜瓜．瑤柱．響螺湯一啖愛上既瑤柱響螺湯🤩師傅特別係差唔多煲好既時候加入蘭州蜜瓜🍈令甜蜜味道更出🤤而且唔會煲到熔哂👍仲可以食到原件蜜瓜架😍焰 舞🌟青花椒．龍蝦球．炒牛乳酥脆的米網盞上既乳龍蝦好彈牙😊加上微微辛香青花椒突出鮮味😊野生厚肉竹笙吸收左北海牛乳🥰嫩滑細膩口感一流👍妃 玄 🌟古越龍山．蔥香．鮑魚鮑魚以花雕酒及多種香料鹵製而成☺️食落酒味濃郁😊鮑魚好淋又入味😋唔錯👍土 飼🌟 韓國泡菜．黑毛和牛酥以牛🐮造型呈現真係好可愛😍用小錘仔敲打爆出內裡用咗荷葉包住左辣辣地既韓國泡菜🤩M5和牛和牛油脂唔算好多🥰炒製成餡料唔會食到成口油☺️ 🌟酸梅啫喱食左上面比較濃味既和牛後以酸梅啫喱清新味蕾心👍Refreshing 一下再嘗之後既菜式☺️🌟旨 味鮮姬松茸．花膠．黃湯大廚用左豬筒骨🐷老雞🐓赤肉煲左8個鐘放入原塊肉厚花膠煲至軟滑😍鮮姬松茸及新鮮木瓜😍趁熱飲又甜又好味😋係春天滋補養生好湯水😊 🌟養 生金腿燕窩．野生竹笙．菜苗用左金腿雞湯煨過既野生竹笙及菜苗🤩食落味道清爽滑😋面頭加上矜貴燕窩🥰既養生又養顏😍 🌟絕 品澄海滷鵝．淮山麵獅頭鵝以多種香料滷煮個幾小時而成😊食落好香而且肉質細緻鬆軟😌加埋質感爽滑淮山麵口感層次豐富😊 港 甜🌟鴛鴦茶．奶凍一個好特別又花心思既甜品🤩未食先打卡😂呢個用左白朱古力🍫製成經典港式外賣杯😊裡面裝咗紅茶手指餅、鴛鴦慕絲、奶茶脆脆及咖啡奶凍、奶茶慕絲😊感覺真係好似飲緊鴛鴦一樣😍賣相靚到唔捨得食😂
繼續閱讀
今晚同朋友食團年飯，我地預早訂了帝京酒店獅房菜全新「獅房發辦．春跡」套餐套餐有九道菜🍽平時團年飯多數中菜係大大碟成班朋友一起吃，我地點解選了這裡【獅房發辦】係因為中菜都可以Omakase 加上Wine pairing 都是$288位吃中菜都可以享受Wine Pairing【APPETIZER . 序 幕】🔸️花蟹茶碗蒸．普洱海參凍．鬈髦豬叉燒 滑溜茶碗蒸配上味道鮮甜花蟹，入口滿腔鮮味，蛋香十足，大廚加上花雕，令味道更加香氣豐沛。普洱海參凍又是驚喜菜式，海參非常軟腍，切件後再加入普洱、龍井、蜜糖而成玫瑰花型的茶凍，為「春」饌點題之餘，亦是一道創意心思之作。餐廳招牌菜之一的鬈髦豬叉燒🐖選了匈牙利鬈髦豬脢頭部分製作，燒至帶點焦脆，散發淡淡的蜜味與炭火香，吃落口感軟滑、味道濃厚肉味非常突出【LOBSTER .焰 舞】青花椒．龍蝦球．炒牛乳大廚選用肉厚的竹笙、紫洋葱、薑米、蟹頭油將北海牛乳炒至細膩滑溜，置於酥脆的米網盞上。選用乳龍蝦，肉質嫩滑彈牙，以魚湯烹煮後再加入青花椒醬汁，帶微微辛香。【SOUP 虹 彩】選用蘭州蜜瓜．瑤柱．響螺湯春日當然少不得一碗熱湯來驅走濕氣，團隊以瑤柱、響螺、豬筒骨、大廚赤肉等煲8小時成奶白色鮮湯，滋陰保氣，加了蘭州蜜瓜飲落清澈又清甜🍈【ABALONE. 妃 玄 】古越龍山．葱香．鮑魚聽侍應說先以杞子、桂圓及冰糖等煲煮成浸汁，加入糟滷和古越龍山花雕酒，再放入原隻鮑魚慢煮8小時至軟腍入味🤤真係刺激我味蕾，鮑魚入口軟嫩，帶有淡淡的花雕酒香🍶很喜歡呢道菜式👍【WAGYU BEEF. 土 飼】韓國泡菜．黑毛和牛酥送上枱時非常之吸睛🤩很可愛酥皮牛仔外型🐂用小錘仔扑開後，見到用荷葉包裹，裡面是微辛爽脆的韓國泡菜，配以肉味香濃又油脂豐富的M5和牛炒製成餡料🐂扑開後與餡料同吃，口感豐富。【FISH MAW. 旨 味】鮮姬松茸．花膠．黃湯大廚精選豬筒骨、老雞及赤肉等煲8小時成黄湯，放入原塊肉厚花膠、鮮姬松茸及新鮮木瓜，飲落熱辣辣的濃湯散發陣陣鮮香味，花膠非常軟滑，滋補又養生👍【BIRD'NEST. 養 生】金腿燕窩．野生竹笙．菜苗以金腿雞湯煨過再加入營養豐富、脆嫩爽口的野生竹笙，最後綴以燕窩，更添矜貴🤩【NOODLE. 絕 品】澄海滷鵝．淮山麵獅頭鵝以肉質鬆軟且鵝味重而名聞遐邇，大廚放入以丁香、南薑、桂皮等調製而成的滷水中煲煮個多小時，每一鵝片都散發濃厚獨家的滷香，伴以健脾養胃又質感爽滑的淮山麵，可口回味。【DESSERT .港 甜】鴛鴦茶．奶凍創意玩味甜點，以白朱古力刻製經典港式外賣杯，旁邊有隻可以吃得的可愛熊仔襯托🐻賣相非常精緻，加上洋溢滿滿的本土味道之餘，亦是花心思的手工甜點😍整體很滿意每一道菜式，大廚很用心製作，選用新鮮食材，美酒佳餚🥂🍷令人回味無窮👍今晚團年飯吃得很開心💕
繼續閱讀
平時食TEA都係食英式scone🍪 今次食tea品嚐獨特嘅港式下午茶🤣 用創新手法將奶黃酥同鳳梨酥變成雞蛋仔同菠蘿油造型🇭🇰🥜港式鬼馬下午茶 (二人份) HK$548 甜點：🥚雞蛋仔：呢個並非一般嘅雞蛋仔，其實佢係金沙奶黃酥‼️ 裡面奶黃味好香口～外殼喺酥皮嚟😆😆🍍菠蘿油：呢個喺脆皮鳳梨酥，裡面夾住熱情果忌廉，外皮脆卜卜鳳梨味超級香！🧋絲襪奶茶：用上經典茶記杯，其實成個都喺朱古力嚟㗎.連個杯殼都食得🤣 裡面喺奶茶慕絲蛋糕🍰 入口幼滑勁多脆脆，味道唔會太甜🍫🍢豬腸粉：迷你勁QQ啊😳裡面係3.6牛奶凍卷，滑溜滑溜～配埋甜醬好可愛！🏔️火焰雪山：店員會點火Fire🔥切開裡面喺雪糕蛋糕嚟喎😍鹹點：🥭蟹肉香芒酥 🍅紐西蘭深海小龍蝦伴茄茸芥末🧅洋蔥莎莎配脆多士🍎香煎黑椒吞拿魚配蘋果蓉🌽黑松露忌廉芝士牛油粟米餅🌭巴馬火腿露筍卷配意大利黑醋汁Special drinks：🩷Passion Red 凍嘅奶茶紅豆冰～裡面勁多粒粒十勝紅豆，每粒都好好咬～🩵Ocean Blue 熱嘅蝶豆花榛子奶～飲落奶味香濃，味道唔會太甜～🕒供應時間及價目2023年11月1日至2024年1月31日 15:00 – 17:00 價錢：HK$548 兩位用 (包兩杯特飲)；HK$278 一位用 (包一杯特飲)須另加一服務費
繼續閱讀
慢活午後時光✨✨懶懶「蛋蛋」下午茶📍帝京酒店聯乘慵懶Gudetama（梳乎蛋）🥚以荷包蛋、水煮蛋、太陽蛋等可愛造型🍳出現於2024年3月25日至6月30日推出之悠閒懶懶「蛋蛋」下午茶😝😍今日約閨蜜黎到📍帝京酒店，於獅子山景下一齊嘆返個懶洋洋下午茶🌟好好Chill下，享受慢活時光🎉見到梳乎蛋黃澄澄又圓潤既身形，加埋慵懶無力既表情，真係可愛到不得了😗😗❇️特色鹹點❇️🔸玉子燒巴馬火腿迷你漢堡包迷你漢堡包夾著自家製玉子燒，邊緣經輕炙，帶點焦香味，搭配爽脆生菜及經炸香之巴馬火腿，再加上由洋蔥、蛋黃醬、番茄醬、黑胡椒粒混合而成之獨特醬汁，一口一個，風味十足，層次極豐富🍔漢堡包面頭仲燙印有梳乎蛋模樣，可愛至極🤟🏻🤟🏻🔸松露蜜糖蛋黃醬釀雞蛋齊集我最愛既食材🍯🥚🍳先將水煮蛋切半，起出蛋黃後加入忌廉、黑松露及蜜糖，面頭加上飛魚子及碗豆苗，底部有爽脆青瓜片🥒繽紛色彩別具視覺效果，入口相互融合細滑忌廉、松露香氣與甜美蜜糖，滋味滿分💯💯🔸香檳梅酒啫喱以玻璃杯盛載賣相精緻🤩用上若桃，即白桃幼桃，配以香檳梅酒、顏色鮮艷食用花，入口散發陣陣花香，夾雜清甜果味，香氣馥郁具層次味，淡淡酒味令人心動💕🔸燒釀野雞卷配日式燒汁精選上等雞腿肉，切成薄片後放入野菌蓉、蘆筍、甘筍條再捲起，冷凍定型後取出蒸至九成熟再煎至外層金黃色，最後淋上燒汁，置於鬆化餅乾上，並撒上葱絲、紅波椒絲和芝麻🥣食落香而不膩，當中工序繁多，超欣賞師傅巧手工藝😚😚❇️萌趣甜點❇️🔻芒果乳酪慕絲蛋糕梳乎蛋懶慵慵地躺臥於乳酪曲奇上，以芒果乳酪慕絲製出梳乎蛋黃澄澄又圓潤既外形🥭底層仲有鬆軟海綿蛋糕，食落味道酸酸甜甜、層次感十足，完美呈現可愛又懶洋洋既梳乎蛋🤪🔻椰子慕絲伴熱情果布甸梳乎蛋變咗烚蛋😳充滿創意地用上白朱古力製作蛋殼，碎邊效果以手工精心打造，超有心思👄面頭梳乎蛋為熱情果布甸，底有細滑椰子慕絲🥥入口酸香細膩，絕對睇得又食得，好高質既甜品👏🏻👏🏻🔻忌廉泡芙伴焦糖燉蛋圓圓泡芙面頭有焦糖與燉蛋拌勻而成之焦糖燉蛋，配合用朱古力造成之梳乎蛋，再配以糖皮製作之煙肉棉被，懶洋洋既梳乎蛋造型令人相當療癒❤️❤️咬開泡芙有滿滿吉士忌廉，香甜絲滑，甜入心😘😘🔻鬆餅配凝脂忌廉及芒果汁今次大廚將鬆餅變身成立體畫板🎨將傳統凝脂忌廉變身成蛋白，再以特別製作之凝固芒果汁作為蛋黃🍳可以隨意於鬆餅塗上蛋白，再於蛋黃上為梳乎蛋點眼畫嘴😆玩得又食得，玩味十足，大人小朋友都咁開心🎉🎉🍹限定特飲🍹靈感來自梳乎蛋主色調👇🏻🔹 Mango Bliss混合芒果汁、椰子冧酒及檸檬蘇打🥭🥥🍋入口舒爽宜人，啖啖清爽冰涼，面頭仲有梳乎蛋造型糖皮裝飾，又一打卡位📸🔹 Mango Swirl將成熟香甜芒果、細膩忌廉及冰塊混合打製成果味香濃之特飲🍸口感層次多樣，爽口怡人唔會過甜，炎夏飲用透心涼🧊🧊🗓️2024年3月25日至6月30日⏰15:00 – 17:00 💰HK$548 兩位用 (包兩杯特飲)；HK$278 一位用 (包一杯特飲)#lionrock #獅房菜 #懶懶蛋蛋下午茶
繼續閱讀
您可能會有興趣的...