13
0
0
電話號碼
51165111
營業時間
今日營業
全日休息
星期一至六
07:00 - 18:00
星期日
全日休息
以上資料只供參考, 請與餐廳確認詳情
零負評💯：知道今日朝早會去新蒲崗做嘢，早一日OpenRice search定有乜地方食個靚早餐，開始新的一天。見到呢間冰室竟然零負評，便鎖定目標。交通🚗：因為我係揸車去嘅，附近其實都有幾個商場/廣場，不用擔心架車唔知泊邊👍🏻👍🏻👍🏻（錶位常滿）門面及裝潢🪞：這冰室門面不太，雖然沒有華麗的裝潢，但係一間好地道嘅茶餐廳，老闆同阿姐都會同啲客人傾偈，常報以微笑，難怪聽到其中有個客講，佢每次新蒲崗一定會嚟呢間茶餐廳食嘢，呢啲就係香港茶餐廳嘅人情味！食物🍳:早餐也有很多選擇，我選了個早餐X：鹹牛肉滑蛋潛艇拼奄列，完全滿足到我想食鹹牛肉肉又可以食到奄列嘅心水早餐。呢個早餐set，還可以加$8轉特飲，當然要選茶餐廳必飲嘅紅豆冰啦！嘩！個早餐set一黎，真係嚇親我，竟然係咁大份㗎，而且咁大份只係$40，真係物超所值，性價比超高！對於女仔嚟講可能大份咗，但係男仔食應該有滿滿嘅滿足感。先講下個鹹牛肉潛艇，一切落去好有驚喜，個麵包竟然係烘熱咗㗎，脆卜卜，大愛！而且裏面嘅鹹牛肉炒蛋，係真係滑蛋嚟㗎，好好味呀！😍至於火腿奄列，個蛋都係好滑，唔係熟晒嚡熠熠，茶餐廳的食物就應該是這個質素啊！下次我嚟附近都一定會再encore👍🏻
繼續閱讀
雖然餐廳門面好簡單，但係佢哋嘅食物質素真係非常之高質，性價比極高！黎開呢頭搵飯食嘅話，呢間餐廳絕對係我嘅首選！我哋今次叫咗煎雞扒奄列❤️雞扒煎得香脆可口，雞肉食落去啖啖肉，好Juicy，亦都唔會好油膩。嫩滑嘅奄列加埋火腿嘅鹹香，正公司三文治❤️雖然係下午茶，但係佢嚟到嘅份量，真係超大份！好彩唔係自己一個人叫！材料非常之豐富，大份，勁滿足黑松露雜菌炒意粉❤️ 呢個絕對係人氣必點，而且一個人食，有機會食唔晒，真係好大份！黑松露野菌非常之香口惹味，意粉夠晒煙靭彈牙，睇落好簡單嘅菜式，但係廚師煮出嚟嘅，真係出面西餐廳絕對比得上！太陽蛋焗豬扒飯❤️豬扒夠晒軟，鬆化，一啲都唔油膩，配埋蕃茄醬同粒粒分明嘅飯，又一必點之選
繼續閱讀
今日去開新蒲崗見客，見完客四點幾食返個下午茶就啱啱好🥰咁啱見到呢間小店Menu有勁多選擇，就入去試吓佢好彩入咗去試，無比佢門口細細呃到，完全冇失望！老闆仲要好好人 服務態度好好 👍🏻食完仲會問下啲嘢食點 要知道唔係每間餐廳老闆都願意聽意見價錢實惠 份量又足 真心覺得值得比更多人知😇🥢西多士 紅豆冰一拎碟西多上嚟 我眼睛真係發光🥹可能係因為我太耐無食過舊式茶餐廳嘅西多士個西多厚到呢！真係勁誇張😆仲要勁香！一聞就知係新鮮整 唔係叮翻熱比我😍本身飲緊杯紅豆冰都即刻停手 要趁熱食咗個西多先🤭識食一定係吉多幾個窿 等啲牛油同糖漿滲埋落去😋一吉落去 啲聲真係勁療癒🥰同埋好彩佢片牛油唔係好厚 我罪惡感都少啲🤣🤣🤣杯紅豆冰都一樣好正紅豆足料有咬口 杯冰又夠凍宜家咁潮濕嘅天氣 一個字 爽啊！
繼續閱讀
今早同班friend响新蒲崗運動場打完羽毛球，大家諗住響附近搵間餐廳食個午飯醫肚，行咗大約4分鐘見有間新開嘅小店，價錢非常親民，睇咗餐牌又啱心水，於是決定入去試下。-歐陸扒餐 $38吉列魚柳炸得非常香脆，口感嫩滑又juicy，炒蛋香滑濕潤，加 $1可轉多士，多士脆口帶牛油香味轉大熱奶茶跟餐加$10奶茶口感順滑，奶同茶比例啱啱好，喝一口一陣陣茶香味充滿口腔-芝士漢堡蛋包餐配雞翼薯條 $60漢堡包加牛油烘過，熱辣辣軟熟得嚟又香又脆，配埋煎蛋、漢堡扒、生菜、蕃茄、芝士及美乃滋一齊食，味道豐富又好食。粗身薯條炸得香脆乾身，雞翼同樣炸得香脆，肉質保持嫩滑juicy。罐裝可樂跟餐加 $8-椒鹽豬扒飯 $55椒鹽豬扒份量唔少，豬扒炸得香口，肉質軟腍juicy，加上炒香嘅蒜蓉、辣椒粒及蔥油，味道常香辣野味，配埋熱辣辣又軟熟嘅飯一齊食，勁好食樽裝無糖可樂跟餐加 $8
繼續閱讀
新蒲崗區好多小店都做得出色，睇到網上評價話「淼淼冰室」出品用心，一於試一試佢😆。早上11時多🕚到達，剛好可以試到餐廳早餐、午餐及常餐餐牌📔的食物。早餐：歐陸扒餐 $38香煎雞扒配炒蛋2️⃣隻及牛油方包半件，配飲品加配豬扒$15雞扒🐓外皮金黃香脆，雞肉嫩滑緊實富肉汁且有適當調味；豬扒🐖緊緻有彈性，油份不高。炒蛋🥚嫩滑保留蛋汁，蛋香不錯而調味剛好；牛油方包牛油🧈份量充足，麵包鬆軟😋，跟餐熱檸水熱度夠富檸香，沒苦澀味午餐：滑蛋蝦仁飯 $55配飲品，紅豆冰 +$8份量夠大🥰，滑蛋及蝦仁都充足，毫不吝嗇🥰。蝦肉🦐爽口帶鮮，滑蛋加入香口蔥花，推得滑溜，非常滋味。紅豆冰紅豆🫘煮得夠時間，奶比例剛好，唔太甜。午餐：鮮茄餐肉粒通心粉配黑松露滑蛋多士 $49配飲品午餐肉厚切經油炸，誠意滿滿🥰。湯底茄味🍅濃郁鮮甜又平衡，更加入洋蔥🧅及紅蘿蔔粒🥕等配料。滑蛋🥚同樣香滑富蛋汁，黑松露🍄好香；多士外脆內綿，口感佳😋。炸雞髀 $30雞髀🐓夠大隻厚肉外皮香脆而肉質嫩滑，肉汁滿滿而調味適中，出色😋！總括而言，小店出品有誠意又份量足，加上定價親民，經過新蒲崗一定再幫襯！
繼續閱讀