影片
港鐵彩虹站 C4 出口, 步行約4分鐘
繼續閱讀
電話號碼
23200937
92721408 (Whatsapp 訂座)
營業時間
今日營業
18:00 - 22:00
星期一至二
18:00 - 22:00
星期三
全日休息
星期四至日
18:00 - 22:00
以上資料只供參考, 請與餐廳確認詳情
屋村重建消息一出，本來平日已客源不斷的這間屋村酒家，現在更變得一位難求。四個月前預訂了今晚的飯聚，一行十二人坐一桌，雖然坐得密密麻麻，但大家都不介意。未齊人前，大家為了有東西下酒，叫了一碟鴨翼，鴨下巴。這款下酒菜式做得很惹味，每件食材都沾滿了醬汁，但又不過鹹，邊吃邊喝酒，感覺十分爽。人齊後又開始上主菜，味味精彩。杏汁豬肺湯，如果人多的差不多每檯皆點。一大窩，份量足，湯底濃郁，豬肺處理好沒有難聞味道，吃起來又爽口，湯料又多，每人都渴得津津有味。錦滷炸雲吞，沒有錎料的雲吞皮炸得鬆脆，伴隨酸甜適中的錦滷汁同吃，十分開胃。椒鹽鮮魷，每條魷魚都被薄薄的脆漿包裹著，入口香脆之餘又能吃到魷魚的質感。魚腸蒸蛋，蛋滑魚腸香，魚腸入口綿密，令你可細味啖啖獨特的豐膄甘香。酥炸鮮蝦丸，新鮮炸起上檯，十二粒大大粒的蝦丸，每口都是蝦肉。豉汁蒸盤龍鱔，上檯整條鱔是沒有斷開的，鱔面灑上芫茜和辣椒絲，豉汁浸入每一件鱔片。店家很細心，用剪刀把每一圈繕骨剪斷，好讓我們容易取吃。每件繕肉都入味，肉質甘美。梅子炆鴨，這個鴨炆得很淋滑，肉質不太肥，梅子醬味道剛好，底層的竽頭吸收了梅子汁，又軟糯又好吃。腐乳炒通菜，通菜的莖爽口，葉嫩滑，腐乳份量不多不少，剛好沾上，不鹹好吃。歡歡喜喜的一晚飯局，大家都滿意。
繼續閱讀
踏入筆者第501份紀錄，打算寫一間香港有特色的食店⋯⋯一直以來，有朋友問，為何要寫食評，老實說，筆者並不是食家，何以說是食評，只是作一份紀錄。除了可以與各方”為食貓” 作分享外，更希望作為一份筆記，因為一直覺得，味道的感覺，是會寄存於腦內，當你一碰到那種熟悉的味道，”味覺記憶” 就會啟動，可能記起一件事，也可能記起一個人。曾有一間小店，吃出媽媽的味道，久而久之，筆者就會每隔一些時候到訪，這算是食物連繫回憶與情感吧！除著年紀，對很多事物都會善忘，很多食店原來曾到訪過，也忘記了，當再次到訪，才記起來過⋯⋯故此在多年前開始，希望在去過的食店，當作一份筆記，而且在香港，經營食店，何等困難，這些文章作為筆者對食店一份支持。朋友於上年11月，訂了一圍懷舊菜，要等到今年三月才有得吃。終於等到三月，當日到來，食店唔算大，很快就坐滿，熱鬧非常⋯⋯這間食店，就是筆者一直想試，只是一直未有安排，今次有幸受到朋友邀請，當然舉腳贊成。原來食店是有時間表的，星期一、二、四，是訂懷舊菜，而星期五六日就是蛇宴(秋、冬) 或龍躉盛宴。難怪要預早安排。基本上彩虹村筆者真是很少到來，看到金碧酒家這個招牌，原來這食店已有59年歷史，歲月的痕跡，真心佩服。店舖面積不算大，十張八張枱，難怪要訂足幾個月，當日全場爆滿，而且大部分的菜色是要一早預訂安排。看看這張相片，所有椅子層層疊上，因為當日全場爆滿，大部分都是坐圓櫈，大家要有心理準備，迫迫哋親密地開餐。杏汁豬肺湯~先來這個杏汁豬肺湯，熱騰騰，大大鍋端上枱，相當足料，食店的風格和平時的有點不同，有蜜棗、無花果，反而更見特色，筆者大愛。鴨翼、鴨下巴(上)~老闆大約七時，大聲說:鴨翼、鴨下巴，有十份，賣晒就冇⋯⋯酒友們又怎能錯過。入味非常，尤其那鴨下巴。𧐢豉生菜包$320(下)~𧐢豉的甘香，朋友們用大大塊的生菜包，一塊又一塊，很快就KO完。椒鹽鮮魷(上)~下酒小吃，怎能沒有它。酥炸蟹鉗$85/隻~這是回憶起孩童時跟家人去飲宴的感覺，圓碌碌，大大隻，用手拿起蟹鉗，滋味十足。荔芋香酥鴨(上)$380~皮做得鬆化，這道菜令筆者想起，早茶點心的芋角，現在已很少見酒樓出現了，今日吃這件香酥鴨，喜歡吃芋頭的，不容錯過，但必須大伙兒先攪得掂，因為吃一件就相當滿足。紅燒元蹄(下)$380~骨膠原萬歲，明顯地㕑子在元蹄下做過手腳，皮下脂肪感覺鬆軟唔油膩，這道菜，”皮”才是主角。金黃蒜香雞$320(上)~和其他菜式相比，蒜香雞反而覺得平平無奇比下去，其實做得不算差，就像一個外貌平凡的女士，未算醜，但站在一班美女旁，略見遜色。🤭🤭🤭豉油王炒麵(下)~夠乾身。芥菜膽(上)~筆者很久沒有吃芥菜胆了，吃了幾道菜，在這時清清味蕾再繼續。生炒糯米飯(下)~糯米飯已去到尾聲，大家已很飽滿，但見到這個飯又怎能抗拒。其實還有一道菜是順徳鯇魚腸蒸蛋$100~由於大家有速度地起筷，未能趕得切拍照就已吃完⋯⋯蛋夠滑，魚腸唔腥。這裡是免開瓶，但記得自己帶杯，相信這對於酒友來說，絕對不是問題。甜品: 馬拉糕~馬拉糕模樣，回憶起童年在茶居，點心姨姨除了手推車推點心外，那時點心姨姨還會托住一個四方大銀盤，有一條尼龍帶掛住頸，上面放著一大盆馬拉糕叫喊著，這些茶居，香港已買少見少了⋯⋯整體來說:懷舊菜式，吃出回憶的味道，熱鬧非常，氣氛很好，老闆還會拎住紙版摺龍為食客們拍照，相當親民。由於坐位有限，如12人，大家要將就下迫少少，親密聚餐，由於大部分菜色都非常有份量，所以建議大伙兒到來會比較適合，酒友們聚腳的好地方。
繼續閱讀
自彩虹邨公布將會進行拆卸重建工程後，大家都一窩瘋前來屹立彩虹邨半百年既「金碧酒家」，為的就是想留住漸漸失傳的味道同人情味豉汁蒸蟠龍鱔原條鱔切開一片片唔離刀，用上豉汁再蒸，鱔肉又滑又入味蜜汁脆鱔球都係用上原條鱔製成，呢個造法係炸完再淋上蜜汁，鱔肉香口又惹味杏汁豬肺湯杏仁味唔算好重，帶微微既甜，豬肺瘦肉又腍又好味，加入左果皮更加將湯個味道昇華，好好飲錦鹵雲吞沒有餡料既雲吞皮炸至金黃香脆，酸甜醬味道岩岩好，係我覺得最正宗最好味既錦鹵雲吞既食法酥炸蟹鉗成個拳頭咁大既酥炸蟹鉗，外面酥脆，入面既蟹肉應該溝左蝦丸，蘸錦鹵雲吞個酸甜醬都好夾酥炸鮮蝦丸外面酥脆，比起酥炸蟹鉗更加彈牙，蘸喼汁食又係好夾順德鯇魚腸蒸蛋平時魚腸焗蛋我都覺得好腥同苦，但呢度個鯇魚腸蒸蛋落左好多薑絲，食落完全唔覺得腥，個蛋亦都蒸得岩岩好荔茸香酥鴨大到好似枕頭咁😂，係一道傳統懷舊既中式菜式，芋茸好綿，個底係去骨既鴨肉，仲有鴨皮，油香酥綿，絕對係好花功夫既手工菜，不過食一件都好膩了手撕雞先將雞起骨，雞骨攞去炸，雞肉就攞去炒，起初以為係平時成日食到既雞絲🙈，真係第一次食呢款菜式，又係一道近乎失傳既功夫菜馬拉糕馬拉糕好鬆軟，作為飯後甜品都真係幾飽🤣，不過十分搶手，一件難求我真係好耐未試過係香港懷舊傳統餐廳無論上菜姐姐，侍應什至老闆娘都咁親切，食物真係超大碟，建議最少12人先好黎食，每道菜都係功夫菜，全晚座無虛席，訂枱都去到出年3月，襯彩虹邨未卸不妨過黎食下買少見少既懷舊菜啦
繼續閱讀
多得朋友Carry先食到呢間開業60年預約困難懷舊中菜，依家預約要等半年先有得食。我應該係咁大個人第一次去彩虹邨，有幸係彩虹邨清拆之前去下同埋食到呢啲香港碩果僅存嘅懷舊菜式。呢度嘅格局滿滿香港屋邨情懷人情味，我最鍾意佢句對聯(睇片) ，佢哋晚晚座無虛席氣氛十足 ，食完更加明白點解變咗預約困難店🌟為必點推介 🌟ʀᴇᴄᴏᴍᴍᴇɴᴅ 🌟 杏汁豬肺湯ℙ𝕠𝕣𝕜 𝕃𝕦𝕟𝕘 𝕊𝕠𝕦𝕡 𝕨𝕚𝕥𝕙 𝔸𝕝𝕞𝕠𝕟𝕕 𝕁𝕦𝕚𝕔𝕖其實我唔係好飲豬肺湯因為怕腥又唔好杏汁，但呢度呢個杏汁豬肺湯我係要添飲，可能有陳皮同薑辟走所有腥味，再加個豬肺處理得好兼特別烹調過，佢個湯係奶白色好滑，飲落好順喉好舒服🌟 蠔豉生菜包𝕊𝕖𝕞𝕚-𝕕𝕣𝕚𝕖𝕕 𝕆𝕪𝕤𝕥𝕖𝕣 𝕃𝕖𝕥𝕥𝕦𝕔𝕖 𝕎𝕣𝕒𝕡我好鍾意食生菜包，但唔係好食蠔豉，但呢度嘅蠔豉生菜包又係令我食唔停口，佢啲蠔豉一啲腥味都冇，連埋馬蹄同冬菇粒粒分明，冬菇有咬口，脆米加添層次，超級惹味! 佢哋選用嘅生菜，超級新鮮好爽口好脆，加埋個配搭一流! 同埋出面好少見有呢道菜式椒鹽鮮魷𝕊𝕒𝕝𝕥 𝕒𝕟𝕕 ℙ𝕖𝕡𝕡𝕖𝕣 𝔽𝕣𝕚𝕖𝕕 𝕊𝕢𝕦𝕚𝕕冇乜特別出面都食到，呢味可以Skip🌟錦鹵雲吞𝔻𝕖𝕖𝕡 𝕗𝕣𝕚𝕖𝕕 𝕨𝕠𝕟𝕥𝕠𝕟𝕤 𝕨𝕚𝕥𝕙 𝕊𝕨𝕖𝕖𝕥 𝕒𝕟𝕕 𝕤𝕠𝕦𝕣 𝕤𝕒𝕦𝕔𝕖超! 級! 好! 味!!! 正宗做法用冇餡雲吞皮，選用有少少厚度嘅皮剪裁成三角形方便進食，炸得非常金黃香脆唔油膩👍🏻 錦鹵汁甜酸度適中入味，用上菠蘿、三色椒、蝦仁、肉片同豬肝，開胃又惹味。🌟酥炸蟹鉗𝔻𝕖𝕖𝕡 𝕗𝕣𝕚𝕖𝕕 𝕤𝕥𝕦𝕗𝕗𝕖𝕕 ℂ𝕣𝕒𝕓 ℂ𝕝𝕒𝕨𝕤外面酥脆，裏面啖啖肉夠彈牙又Juicy，我用嚟點𡊰個錦鹵雲吞汁，我覺得超夾👍🏻順德鯇魚腸蒸蛋𝕊𝕥𝕖𝕒𝕞 𝔽𝕚𝕤𝕙 𝕀𝕟𝕥𝕖𝕤𝕥𝕚𝕟𝕖𝕤 𝕨𝕚𝕥𝕙 𝔼𝕘𝕘𝕤呢個我就不能作準好唔好食，因為我唔食魚腸，試咗一啖好重陳皮味同蔥味。🌟茘茸湖香酥鴨ℂ𝕣𝕚𝕤𝕡𝕪 𝔻𝕦𝕔𝕜 𝕊𝕥𝕦𝕗𝕗𝕖𝕕 𝕋𝕒𝕣𝕠 ℙ𝕦𝕗𝕗外層酥脆，裡面綿軟芋茸配油香鴨皮去骨嫩滑鴨肉，亦係另一道難忘菜式蜜汁脆膳球𝔽𝕣𝕚𝕖𝕕 𝔼𝕖𝕝 𝕨𝕚𝕥𝕙 ℍ𝕠𝕟𝕖𝕪 𝕊𝕒𝕦𝕔𝕖 我又唔係好食脆膳(呢篇嘢搞到我好似好揀飲擇食咁😂) 不過以唔食嚟計我都食咗幾舊，個汁好似叉燒醬金皇蒜香雞ℂ𝕣𝕚𝕤𝕡𝕪 ℝ𝕠𝕒𝕤𝕥𝕖𝕕 ℂ𝕙𝕚𝕔𝕜𝕖𝕟 𝕨𝕚𝕥𝕙 𝔾𝕒𝕣𝕝𝕚𝕔其實幾好食，肉幾滑，個皮都脆，可惜佢嚟不逢時，大家都飽飽地，同埋都係出面食到嘅味道🌟茄汁大蝦𝕂𝕚𝕟𝕘 ℙ𝕣𝕒𝕨𝕟𝕤 𝕚𝕟 𝕋𝕠𝕞𝕒𝕥𝕠 𝕊𝕒𝕦𝕔𝕖成隻手掌咁大嘅蝦！不過蝦肉唔算好味，係蝦膏同埋個汁搭救，個汁真係食到舔舔脷🌟馬拉糕ℂ𝕒𝕟𝕥𝕠𝕟𝕖𝕤𝕖 𝕊𝕡𝕠𝕟𝕘𝕖 ℂ𝕒𝕜𝕖熱辣辣好鬆軟，甜度適中好鍾意
繼續閱讀
住開彩虹，都知道彩虹邨有一間人細嘅海先菜館叫做金碧酒樓， 因為老闆娘都係住我哋屋苑，所以屋苑啲人成日都推介。 今日一於試吓呢間隱世名店， 過到去坐低咗，環境懷舊有氣氛， 清潔乾淨程度都可以。 阿媽今次想豉汁蒸鱔，因為呢個菜都算係呢度嘅招牌菜，仲有叫咗豉油王大海蝦，炒飯同埋炒菜。 首先要讚吓佢個鱔真係整得好好味，很適中，豉汁味濃而且鱔肉香滑，嗰啲汁攞嚟撈飯真係冇得頂！ 仲有個豉油王海大蝦，啲蝦炸到又香又脆，豉油王炒落味道野味香口，值得推介。呢啲懷舊小店真係要幫襯吓，值得保留！
繼續閱讀