影片
開飯介紹
以即刨高質牛肉為題的日式火鍋放題專門店，放題設有不同級數的牛肉和海鮮，而自助區備有多款火鍋配料、飲品、甜品等可任飲任食。
繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
有關獎賞計劃
相關文章
Happy Friday Night ，決定同好友邊一邊爐❤️。我朋友唔食牛，我就最鍾意食牛🤘🏻😂，呢間餐廳一人一鍋又幾方便，自己鍾意食乜就食乜，的確不錯。🥣湯底：博多美人骨膠原啫喱雞白湯是別注版的湯底，以牛摩造型登場🤩，一見到就覺得超級可愛😍。味道不錯，打住邊爐嚟養顏，正👍🏻。🥩晚市90分鐘放題套餐：LV2 精選牛肩胛套餐有不少肉類及海鮮可供選擇，包括<肉類>套餐有六種肉類可選，包括🔸精選牛肩胛🔸星級牛肌腹🔸牛舌🔸豚肉🔸雞肉🔸羊卷肉牛肩胛肥瘦均勻，顏色鮮紅，表現不俗。牛舌爽口彈牙，口感不錯。最有驚喜的，反而是羊卷肉，粉紅鮮嫩，羊肉味濃而不騷，全晚我們不停狂叫，十分美味。豚肉及雞肉貨真價實，新鮮嫩滑，大件份量多，正。<海鮮及其他>🔸半殼青口 🔸帆立貝🔸魷魚圈🔸鴨血我同朋友全晚encore咗幾次帆立貝及鴨血，鮮味十足，質素不錯🤩。值得讚賞的是上菜的速度非常快，可以一浪接一浪咁食😂。<小食>🔸枝豆🔸味噌青瓜🔸迷你甜薯🔸 洋蔥圈🔸炸日式餃子🔸炸雞塊（芥未沙律醬）日式小食選擇十分多，最開心的是有枝豆，我地兩個都係枝豆怪，食到成枱都係😍<自助區>提供超過30款火鍋配料，多款不同食品、飲品及甜品，當中亮點有：前菜提供三文魚壽司、加州卷及中華沙律，可以一過口癮。丸類有一些比較少見，如麻辣湯包及芙蓉卷，十分好味😋而芝士丸、墨魚丸及芝士海鮮豆腐也非常高質，全晚食完又食。甜品提供乳酪雪糕，可以搭配星星脆片、朱古力豆、焦糖糖漿等，口味十分之多。而最特別的是，他們有大大個爆谷機🤩🤩🤩，岀面非常少見。被香氣引誘了一整晚，忍唔住自己親手裝一大碗來食，仲加埋落乳酪雪糕度添，完全滿足度我呢啲咩都想試吓嘅人😂😂。最後整多罐生可樂，過了一個快樂又滿足的晚上❤️。
繼續閱讀
晚市精選牛肩胛 lv2 🥩 每位$198 未計加一🔹麻辣鴨血湯冇得選擇辣度 係指訂咗嘅小辣 點解咁講 因為我啲廢J 都食得到嘅 聞落去嘅時候係好攻鼻 但係承諾都算可以入到口 加埋鴨血一齊食 👍🏻👍🏻.🔹蟲草花雞白湯湯底滋潤 而且好香嘅雞湯味 仲會食到一條條嘅蟲草花 啲雞都好香好嫩滑 完全冇敷衍你 好足料.食放題一定係睇佢自助區嘅嘢食🤩 有各種配菜 包括有粉麵、魚腐、海量丸類等～ 熟食竟然仲有壽司🍣 有係三文魚㗎！同埋響玲、沙律、冷撈烏冬、雪糕機、爆谷、同甜品～選擇都好多.🥩牛肩胛肉味偏重、油脂均勻、唔會話好硬 有預先解凍.🍚 溫泉蛋牛摩飯想讚下佢個飯 好似牛角個個！紫菜牛肉 仲撈埋啲半熟溫泉蛋汁 超開胃🤤.甜品🍮如果你係一名甜品控 每一次食放題都係一個歷險 因為遇過太多唔好食嘅任食甜品 話哂人哋 focus on 肉類 都正路嘅🤣🤣 包括有朱古力/吉士泡芙、朱古力同埋芒果糯米糍。泡芙係說到偏冰硬 好似食緊雪糕咁好有口感 糯米糍超有驚喜 超級煙靭 個餡仲好多料 食嘅時候爆晒出嚟 狂 encore 😚.📍牛摩 (屯門時代廣場南翼) (屯門)屯門屯合街2號屯門時代廣場南翼L3樓21號舖
繼續閱讀
好耐冇打邊爐，今次黎試吓呢間火鍋放題🍲餐廳裝修以日本赤鬼做特色，主打熊本牛，級數由lv 1-9，最貴可以任食A4霜降和牛，湯底總共有9款選擇，我哋係門口等咗一陣揀咗套餐同湯底就可以入座啦🙆🏻♀️我哋揀咗lv 2 餐，中間仲有自助區，有各式配菜包括丸類，魚腐，粉麵等，仲有少少熟食如壽司，沙律，響鈴，雪糕機同甜品，隔籬仲有個雪櫃提供各款飲品，選擇都算多港式特濃沙嗲湯沙嗲味非常香濃，之後加湯都係本身嘅湯底，保持濃郁博多美人骨膠原啫喱雞白湯湯底比較清加上赤鬼個樣做成嘅啫喱，睇住佢慢慢溶入牛肩胛，油花平均，肉味較重，有預先解凍牛肌腹，脂肪比較多但都唔會好油膩溫泉蛋牛摩飯，紫菜牛肉撈埋蛋汁，口感不錯炸雞塊同洋蔥圈，即叫即炸
繼續閱讀
平時見佢勁多人排隧，今晚見早收工，專登早啲去拎位，未到七點，果然好快入得。入去坐低後，好快就黎咗兩個湯底啦，我地一個叫咗壽喜燒，另一個就叫咗昆布清湯。今次我地就叫咗level 2 牛肩胛，除咗牛，仲有雞髀肉，豬肉片，牛舌片，羊肉等等任食，啱晒我地呢啲食肉獸。😍😍除咗跟餐既肉類，出面仲有個自助區比我地拎蔬菜，丸，菇類，麵食等等，食物選擇都算幾多。 🤩🤩攞完第一輪，終於可以坐低食下野。首先牛肉雖然唔算肥，但都幾嫩滑，帶淡淡牛肉味。而豚肉同雞肉都好出色，都係嫩滑可口。配埋我最鐘意既壽喜燒湯底，啲肉滲出淡淡甜味。如果黎到記得要出去攞響鈴呀。我朋友係飯桶黎，佢叫咗個牛摩飯試下，啖啖紫菜加埋牛肉碎同温泉蛋，佢都大讚出色。😊😊食完唔夠喉出面仲有壽司，各式甜品，仲有大大部爆谷機同埋任擠既雪糕呀，黎到記得食返杯先走！😍😍
繼續閱讀
最近天氣凍凍地，所以約左朋友收工一齊去打邊爐暖下個肚。我地兩個簡左lv3 阿古豚梅肉啦～～$$258一位牛摩呢度係一人一鍋的，咁就可以同朋友試到兩種湯底啦！趁湯底未黎之前行去蔬菜區同小食區有啲乜野食先😝😝蔬菜真係包羅萬有，另外丸類都有好多選擇，全部望落都好新鮮，所以我都裝到個碗滿哂🤣🤣另外小食方面都有好多種類，沙律、冷麵、壽司、爆谷🥗🍣🍿任君選擇，真係可以吃到飽啊！飲品方面都好豐富，除左罐裝飲品之外，自己可以去果汁機禁鮮榨果汁出黎都得～～朋友揀左長野蘋果湯底，而我就揀左麻辣鴨血湯底，呢兩個精選湯底要加$10，但係都真係物超所值！👍🏼👍🏼蘋果清甜無比，潤喉之選😌麻辣鴨血湯味濃郁，鴨血份量都多😍打邊爐最緊要梗係肉肉啦，呢隻牛肌腹肉質夠哂嫰滑，而且脂肪分佈好平均😋😋至於牛肩胛牛味突出，質地又唔嚡口，性價比堅高👍🏼👍🏼阿古豚梅肉切得好薄身，咬口煙韌肉味濃！雞肉質素都好高，肉質扎實又滑嫰😋😋最後想食甜品既話都可以去雪糕機自製雪糕添，有乳酪雪糕同朱古力雪糕，兩溝亦得🤤🤤
繼續閱讀