影片
港鐵尖沙咀/尖東站 B2 出口, 步行約4分鐘
繼續閱讀
電話號碼
27108686
營業時間
今日營業
17:30 - 05:00
星期一至六
17:30 - 05:00
星期日
17:30 - 22:00
以上資料只供參考, 請與餐廳確認詳情
近排未有時間飛但又好想食日式串燒, 上網搵左好耐終於俾我揀到間係尖沙咀以焼鳥為主題既日本餐廳星期五預先BK位, 咁就唔怕多人冇位啦~~一入到去餐廳就覺得好舒服, 餐廳暗黑既裝修別具一格, 俾人一種高級雅致既感覺設有長長既BAR枱, 仲有對窗既開揚景觀~食物方面可揀套餐或者單點~兩者都好吸引所以就2款都叫晒Omakase set $480 包前菜+10款串燒+主食+雪糕~前菜每人一set, Omakase Set包埋, 單點就$40/位~兩款都係漬物, 一款係酸酸甜甜既蔬菜+漬魚, 非常開胃呢~~另外一款就係魷魚仔, 味道鮮甜冇腥味師傅用心烹調, 每串都好細心咁燒~而且時間控制得剛好, 食完一串先到另一串, 可以逐串慢慢享受牛舌芯呢串牛舌芯超好味!! 係牛舌最嫩既部位!!軟腍得黎又帶點口感, 仲要超juicy雞頸肉雞頸肉質感彈牙有點嚼勁, 味道鮮美~~特製燒飯團橢圓形既外表好可愛好吸引!!外層燒到金黃色, 口感酥脆, 外部內軟~鍾意食飯焦既朋友就必點丫!!雞腎非常爽口, 口感一流!雞軟骨雞軟骨質感爽脆帶有嚼勁~雞皮雞皮燒到卜卜脆, 有點口感又唔油膩鰻魚外皮微焦, 色彩光澤, 肉質肥美, 鮮嫩多汁柚子醬雞胸肉師傅建議雞胸肉燒到半生熟, 咁整法又真係幾正喎雞胸肉肉質嫩滑, 同柚子醬既酸甜味互相融合, 感覺清新又美味~~炸豆腐外層酥脆金黃, 外脆內軟豚肉糖心蛋豚肉肉質細嫩, 糖心蛋呈半熟狀態, 切開時蛋黃流出免治雞肉軟骨棒將免治雞肉軟骨棒沾埋糖心蛋既蛋黃汁一齊食, 口感更嫩滑雞翼雞翼燒得剛好唔會乾, 肉質keep到juicy豚肉紫蘇葉串豚肉燒到外皮微無脆口, 紫蘇葉清香可口, 兩者一齊食好夾喎雞脾肉雞腿肉肉質鮮嫩多汁, 口感細軟~~雞胸肉梅子肉蘇葉芝士卷雞胸肉配上梅子肉酸甜可口, 蘇葉味道清香, 芝士香濃但唔膩, 整個配塔一流蘆筍蘆筍新鮮, 清甜爽脆, 口感脆嫩~~秋葵秋葵幼嫩爽口~最後食埋甜品佢完美總結雪糕有幾款口味, 而我就揀左開心果....開心果雪糕味道濃郁又幼滑~
繼續閱讀
呢間係我近期去嘅最高質同最值得推介嘅餐廳。位於厚福街H8入邊嘅高層，可以享有尖沙咀嘅夜景，高調嘅環境配上高質嘅食物，實在係一種享受😌呢間係連日本人都會去嘅串燒店，由2015年開始已經服務。店員操控處流利嘅日文，服務都好專業。而師傅都係受過嚴格嘅培訓，對食物都好有要求，望住師傅好用心咁處理、醃製同燒串燒，功力十足，所以食物都好有保證。師傅都對於飲食文化好有研究，都好樂意同啲好奇心大嘅食客交流🙃梵師傅omakase ($480)- 前菜- 10串串燒 （廚師發辦）🍢雞翼🍢雞頸肉🍢雞髀肉🍢牛舌🍢紫蘇豚肉卷🍢燒鰻魚🍢雞腎🍢秋葵🍢蘆筍🍢免治雞肉棒加豚肉溫泉蛋- 特製燒飯團 / 特製雞湯素麵 / 特製滑蛋雞肉飯- 雪糕 （抹茶、開心果、威士忌、rum raisin)印象最深刻係雞頸肉、燒鰻魚、豚肉溫泉糖心蛋加免治雞肉棒、燒飯團，呢啲都係最有特色🥰 雞頸肉中間好軟，燒鰻魚加上啲山椒粉，味道好夾，豚肉溫泉糖心蛋係用好薄嘅豚肉包住，然後糖心蛋係爆漿😆燒飯團就好似食緊一個超級迷你煲仔飯，咬緊好好整體嚟講呢度100分，物超所值，性價比極高，喺繁華嘅尖沙咀入邊有間高尚又舒服又型格嘅串燒店💯
繼續閱讀
我地今次叫左$480/ppl 嘅廚師發板同埋散叫咗唔同款式嘅串燒，每款串燒都表現好好👍🏻📍前菜 40/ppl.📍豚肉糖心蛋是日MVP之一🏆做法係用豚肉包住預先準備的糖心蛋再燒到外層香脆食個時入面隻蛋仲係糖心狀態所以口感層次好豐富😝.📍雞頸肉其中雞頸肉亦係另一推介之作🙆🏻♂️🙆🏻♀️食之前師傅會問一問你雞肉的生熟程度既然黎得就緊係跟師傅的建議啦雞頸肉外層燒個時用火槍燒過但內層亦保持到雞肉的嫩滑😍.📍雞軟骨📍雞皮📍雞翼雞軟骨食落好爽口，大大舊雞皮，燒到好香脆，好似食薯片咁雞翼亦燒得唔會太過火👍🏻👍🏻.📍豚肉紫蘇卷📍金姑豚肉卷紫蘇卷味道唔錯，豚肉燒到香脆之餘每啖都有隱約的紫蘇味😍金姑卷亦係第三個MVP估唔到燒完的金姑仲係好juicy唔乾身配埋卷住的豚肉一齊食，真係幾夾！😋.📍牛舌📍柚子醬雞胸肉📍大蔥雞肉牛舌食落幾彈牙😜大蔥雞肉嘅肉質嫩滑，食落比較濃味. 📍燒鰻魚通常鰻魚都係正常發揮但今次呢個有少少驚喜😋首先鰻魚唔會太重醬汁醬汁岩岩好夠cover整塊魚✨其次食落口味道除左鰻魚汁之外亦食到少少其他香料的味道，有驚喜！.📍特制燒飯團📍雞湯素麵飯團外層燒到好香脆，內面仲係熱辣辣標緊煙🤣素麵內面的雞亦麵好爽彈，有口感🤪.📍開心果味雪糕奶味幾出嘅開心果味雪糕🤣仲有開心果碎粒，口感十足.欣賞餐廳的服務安排都好好，店員好有禮貌師傅亦都會在每道串燒出之前都介紹一下👍🏻👍🏻同埋每次都係燒少少串燒，唔會一次過燒太多，心機之作🙆🏻♂️🙆🏻♀️
繼續閱讀
經一個超級識食嘅朋友推介嚟到呢間焼鳥店🐓🔥 食完立即榮登我嘅第一名‼️🥳首先環境一流 高樓層無敵尖沙咀景觀🌃 求其影都勁靚😂 其次係佢嘅串燒真係好好食啊 價錢又好合理( ˘͈ ᵕ ˘͈ ) 坐吧枱可以睇住師傅燒 仲會因應你食嘅快慢製作 omakase咁呀🙆🏻♀️🌟和風燒汁唐揚雞翼$90超級超級好食‼️🥹 味道一啲都唔似個名咁普通😂 單骨雞翼 裹一層好薄嘅粉炸得好脆好輕薄🐥 醬汁係世界級🇯🇵 甜鹹甜鹹極級惹味360度包住隻雞💦 ❣️燒魷魚一夜干$90好新鮮嘅燒魷魚🦑 質感滿分 邊位都唔會乾 完全唔會韌✅ 魷魚越咬越香 慢慢daap🤪🌟雞頸肉 $32🌟雞皮 $32❣️雞軟骨 $32冇晒雞髀 食雞頸都好 更加爽彈🥳 雞皮好靚仔 微焦 外脆裏面仲有皮嘅質感🐓雞胸軟骨口感特別 連埋胸肉食更佳🐣 ❣️牛肉野菜串 $38🌟牛舌 $40🌟鰻魚 $40❣️蘆筍 $34牛肉食落好高級富油香🐄 蔬菜解膩不錯 黃芥辣都好夾✅牛舌位置好靚 非常爽 黑椒味勁香👅鰻魚係超級推薦‼️ 好大塊厚肉冇骨連皮🐟 燒得焦焦地有點糖化 而且個調味粉勁特別條脷會有少少麻痹😂 🌟豚肉糖心蛋 $50🌟免治雞肉棒 $38師傅推薦必食豚肉糖心蛋🐖🥚 師傅控制生熟超強😍 真係輕輕𠝹開就流心🍳免治雞肉棒口感豐富 有啲軟骨 我用嚟點埋隔離嘅蛋黃唔好嘥😂🌟雞湯素麵 $70食完一堆串燒都想食carbs🍜 呢個麵正合我意💯仲要真係有雞肉好抵🐓 湯底好似嫩雞煨麵嗰種超好飲🥳❣️南部美人 特別純米 $250甜甜地有啲果香又唔會太辛口 兩個人飲啱啱好🍶❣️抹茶雪糕 $50食完日本嘢一定係要食返個雪糕🍨 可以問店員當日嘅味🍵 抹茶雪糕唔會令人失望✅
繼續閱讀
🏮🏮🏮 梵日本焼鳥 🏮🏮🏮成條厚福街要食得好再加環境靚，就要嚟～梵日本焼鳥 ～係H8嘅22樓，可以睇晒成個尖沙咀✨ 夜色朦朧迷人，當晚喺我哋隔籬位嗰幾個仲要係日本客人👍🏻佢哋雞串全部都係用～九州華味鳥～🐥🏮酒盜芝士（第一嘗試呢一款制過嘅魚腸加忌廉芝士-咸香味道-餐前或送酒小菜一流，讚）🏮串燒雞翼（將脂肪燒走晒😍脆卜卜嘅雞皮，但係入邊啲肉仲係好滑👍🏻）🏮串燒雞髀肉（在場都好多人叫👍🏻見隔離嗰幾個日本人都叫做幾串🤭）🏮照燒鵝肝（平時多數食鐵板燒嘅鵝肝，照燒汁嘅鵝肝比較少食，但呢次佢哋嘅汁都好出色👍🏻）🏮紫蘇豚肉卷（用北海道豚肉卷成，紫蘇同埋豚肉嘅味道充滿成個口）🏮串燒雞肝（師傅建議燒到五成熟係最好味，上枱時仲係流緊血😆夠勇氣嘅朋友即管一試🤣）🏮串燒鰻魚（用日本鰻魚嫩滑，再用山椒粉調味，表皮燒到脆口）🏮串燒和牛沙朗（呢串必點，肉質嫩滑，肉味香濃）🏮串燒雞腎🏮和牛野菜串🏮串燒雞頸🏮特製燒飯團
繼續閱讀