影片
港鐵天后站 A2 出口, 步行約2分鐘
繼續閱讀
電話號碼
25712287
附加資料
招牌菜: 泰式秘製咖喱炒大肉蟹, 泰式冬陰公明爐魚, 泰式辣椒膏青口煲
營業時間
今日營業
11:30 - 23:00
星期一至日
11:30 - 23:00
以上資料只供參考, 請與餐廳確認詳情
有關獎賞計劃
泰出色泰國餐廳😘😘😘地道泰國菜天后美食選擇多籮籮、中、美、曰、韓、泰、路過呢間俱泰國feel「泰出色」、店內以木系枱椅、放置泰國擺設和裝飾、門外亦提供多款泰式甜品、供外賣、夠貼心🩷抵食多元化2人餐優惠價只需$438、仲免加一服 務費👏🏻👏🏻頭盤泰式小食拼盤😛😛泰式炸蝦餅、香脆彈牙、蘸點酸酸甜甜泰式醬汁、更滋味！泰式炸春卷、外脆內軟、炸至金黃月、脆卜卜。泰式沙嗲串燒豬（2)、超腍欶、必沾上沙嗲醬汁、美味無窮！湯地道冬陰功𧎚湯（細鍋）😘😘、夠地道、正宗、材料有南疆、酸子、香茅、青蔥、酸檸檬、辣椒和魚露、蝦和草菇、酸酸甜甜少辣、好開胃、鮮甜蝦、夠彈牙！主菜泰式袐製𡶐喱炒海虎蝦😋😋、賣相吸睛、色澤金黃、咖喱帶甜、不辣、大大隻海虎蝦開邊略炸、帶金黃、不油膩、夠彈牙、配埋蒜蓉包、配搭一流！泰出色無骨海南雞（¼隻）、無骨啖啖肉、嫩滑、特色頗辣醬汁、夠惹味👅菠蘿雞粒炒飯、泰式style、上碟必灑上肉鬆絲、特色有提子乾、米粒有嚼口😁精美甜品（兩件）椰青糕、清爽微甜、帶椰青肉！椰汁西米糕、濃香椰汁、西米軟綿有口感。*泰式飲品一律半價優惠（椰青、沙冰除外）椰青、新鮮、夠清甜、內椰肉、夠軟滑！涼粉椰汁冰、香濃椰香撲鼻！泰出色泰國餐廳天后電氣道86號地舖港鐵鐵路站A2出口、步行約2分鐘
繼續閱讀
天后嘅食街出名多嘢食，應有盡有，琳瑯滿目。而喺食街屹立多年，主打泰國菜嘅泰出色泰國餐廳就係我哋嘅心水推介。餐廳內掛上泰王及王后嘅相片，可想而知餐廳由傳統嘅泰國人主理，出品充滿地道暹羅風。泰式小食拼盤今次我哋叫咗二人餐，套餐非常豐富抵食。除咗湯之外，前菜嘅泰式小食拼盤，就有2串泰式沙嗲串燒豬、泰式炸蝦餅同埋泰式炸春卷。兩款炸物都好香脆，特別喜歡泰式炸蝦餅，蝦肉份量勁多，食嘅時候夠晒彈牙。泰式沙嗲串燒豬有意想不到嘅肉嫩，加上微微嘅焦香，非常惹味。泰式焗粉絲虎蝦煲隻隻虎蝦都大大隻，肉質彈牙之餘，仲要爆多蝦膏。重點當然係墊底嘅粉絲，完美地吸收晒蝦膏嘅鮮甜味，加上蒜蓉嘅香味，又香又濃！另外，伴隨蝦煲嘅仲有泰國香蔥蒜蓉包，建議上枱先食，如果唔係，粉絲就會索晒啲醬汁呀！無骨海南雞啖啖肉嘅無骨海南雞，啱晒我哋呢啲懶人！金黃色嘅雞皮，望見就流晒口水。雖然呢啲無骨海南雞係雞胸肉，好彩雞肉尚算嫩滑，而且海南雞唔肥，唔會成個碟都係油，所以食嘅時候無咁大負擔。菠蘿雞粒炒飯唔知大家最中意泰式菠蘿炒飯邊一種配菜? 我就最中意提子乾喇！甜甜哋嘅提子乾，除咗令人更開胃之外，重點係增加整個炒飯嘅口感。至於飯粒炒到粒粒金黃色並且粒粒分明，乾身得嚟又充滿淡淡黃薑同咖喱味。泰式精美甜品甜品係西米糕同椰子糕：西米糕超香椰汁味，仲有芋頭粒增加口感；至於椰子糕好清爽、入面仲有椰子肉，真材實料！泰式珍多冰、泰式奶茶泰國嘢嘅特飲又點少得珍多冰同泰式奶茶呢！珍多冰嘅綠豆粉條、椰汁、椰糖同冰碎，椰香味極濃，鍾意椰汁必點；至於泰式奶茶奶，奶香十足，但又唔會蓋過茶味，比例啱啱好。
繼續閱讀
今日放工行去天后覓食，見到呢間出面嘅甜品咁吸引🤤🤤就忍唔住入去食dinner入到去第一個感覺係環境好闊落。同朋友坐係卡位好舒服，唔使驚同人迫住晒同聽到隔離好嘈。店內以黃色為主調，木系檯凳，加上唔同泰國擺設同裝飾，令你有種懷舊，古色古香嘅感覺我地都係鐘意食肉嘅人，所以嗌左唔少小食。首先係佢好出名嘅秘製汁燒烤豬頸肉（$88)。佢嘅豬頸肉好驚喜肥瘦配搭得岩岩好，每塊厚薄適中，燒烤至稍焦脆，口感入口即溶，絕對唔可以錯過～然後就叫左佢嘅沙嗲串燒（豬肉+雞肉）半打 ($78) 佢嘅沙嗲醬唔會比花生醬嘅味道蓋過，豬肉串特別有驚喜，有咬口及彈牙～跟住Menu 入面有項幾特別嘅小食，係泰式蝦餅加上皮蛋（$88)。分開食嘅時候會覺得有啲怪，但當夾著一齊食嘅時候好有驚喜，皮蛋嘅味道會令熱氣嘅感覺減少。再點上特配嘅甜酸醬，會令本身稍為乾身嘅炸蝦餅有更豐富嘅口感🤤最後去到主食係酥片黃咖喱雞（$138)掀開酥片，撲面而黎就係黃咖哩嘅鮮味🤤岩晒唔食辣嘅我。一夾起就發覺入面好足料。同其他餐廳唔一樣，呢度嘅雞係用雞肉連雞皮去煮成，用手撕成手撕雞狀。雞食落好入味，再加上其他配菜同薯仔，食完就已經10成飽🤫甜品方面最後因為都有啲飽，所以我地嗌左一個西米糕同一個椰青糕。兩個都椰味十足，椰青糕唔會死甜，有椰子嘅甜香。最後同朋友enjoy左2個鐘先走，餐廳嘅侍應好helpful, 最後仲請左店入面自製嘅蝦片比我地作小食。見唔少顧客都會同侍應有講有笑，係一間好有人情味嘅餐廳。黎開天后一定要一試🤤
繼續閱讀
這間泰國餐廳屹立天后已多年，今天突然想食泰菜。店員安排比較裏面位置，不知是否有點近廁所位，不時有點餲味，勁不舒服。碳燒豬頸肉豬頸肉份量多，肉邊微微焦香，配醬汁味道不錯。 泰式辣肉碎生菜包肉碎調味得剛好，不算太辣，但有點惹味。 泰式雞絲冬蔭功湯河粉 冬陰功湯底濃厚，河粉嫩滑。 香芒椰汁糯米飯每次去泰國餐廳必食，芒果新鮮，糯米有齊黑白糯米，比較少見。其實食物質素不錯，款式又多，但空氣不夠流通，有點up up濕濕的感覺，加上餲味，環境扣了一大部份的分。
繼續閱讀
泰出色今日同朋友去咗天后呢間食泰國菜嘅餐廳，餐廳好有泰國特色，門口仲有一大堆糕點同埋泰式小食可以買走添。我哋叫咗個二人餐，入邊嘅內容好豐富好抵食😋😋首先有個小食拼盤有春卷炸蝦餅同埋豬肉串燒，每樣各一件份量啱啱好又試到多嘢，蝦餅彈牙，豬肉串配嘅沙嗲汁勁好味😍😍跟住湯類我哋揀咗肉骨茶，上枱仲會用個爐熱住，好有心思。跟住有一個蝦嘅主食，我哋揀咗泰式咖喱炒入邊有兩隻大蝦，炒得幾入味仲配咗蒜蓉包添另一個餸係海南雞例牌，佢配嘅汁酸酸甜甜幾開胃幾好食，最後仲有一份菠蘿炒飯超滿足超多嘢，跟餐有兩件甜品係蝶豆花椰青糕同埋椰汁糕，兩個都好好味另外跟餐嘅飲品可以半價，我哋叫咗個珍多冰同埋椰汁冰兩個都好飲。個餐幾經濟抵食，入面份量好充足而且食物質素唔錯，值得推介。📍 泰出色泰國餐廳 (天后)天后電氣道86號地舖
繼續閱讀