影片
港鐵天后站 A2 出口, 步行約2分鐘
繼續閱讀
電話號碼
23326200
67906894 (WhatsApp)
開飯介紹
這日式鐵板燒餐廳供應不同價位的廚師發辦，價錢豐儉由人。餐廳裝潢結合西、日式風格，可眺望維港景色；若坐在吧檯更可近距離觀賞師傅製作菜式，增加視覺享受。
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
平時食鐵板燒基本上就只會有熟食，呢間鐵板燒餐廳糅合左海鮮刺身，食嘅時候會覺得好驚喜，同時間有師傅準備時令刺身，仲有熱辣辣嘅鐵板燒🌟😍前菜有北海白粟米，咬落去清甜冇咩渣。沖繩本菇水雲，酸酸地好開胃。刺身北海道先仙鳳趾真蠔食落去酸酸地，原來系加咗青檸啫喱😀蠔味重口感幾香。油甘魚腩 超拖羅食落去好爽口，因為係腩位同時間油脂豐富，好好味呀🌟推左口魚邊壽司上面有大大嚿吞拿魚蓉，之後就係用火燒過嘅左口魚邊😳啲油脂已經滴晒落下面啲飯到，底部就係雪魚乾脆卜卜非常之好食。帆立貝用上新鮮帆立貝，屬於刺身級數超大粒勁新鮮，帆立貝做到半生熟，所以咬落去入邊仲係好軟滑，淋上新鮮海草木魚清湯。面頭加上醃過三文魚子，師傅用心處理過，所以一啲都唔腥沙巴虎蝦啲糕拎咗出嚟整成醬汁，真係超級鮮味，隻蝦好大肉質爽😳而且有彈牙感覺！美國牛 入面夾咗蔥蒜，咬落去好香好香！牛肉油花遍佈均勻，咬開見到裏面仲係非常之粉紅，牛味香。蔥蒜比例平均合適，不夠咸先點鹽，配洋蔥沙律平衡油膩。鵝肝超大件，油脂香，夾埋多士食有多重口感真心正😁炒飯屈機級數，落左黑松露😍所以好香，餐廳真係好有誠意，炒飯都係好高質
繼續閱讀
Happy 2024~ 新一年開始梗係食好啲～同fd 嚟試試呢間靚景鐵板燒～一入去就見到高層24樓靚景，我哋選擇了bar枱，同大廚可以有啲交流。大廚十分細心，先詢問我哋的喜好，然後開始製作料理。季節前菜：鮟康魚肝醬，鱈魚片配白松露油。濃味的鮟康魚肝配落脆脆鱈魚片，加上白松露油點綴，食落香口之餘口感獨特。季節刺身：油甘魚腩，梭子魚。油甘魚腩厚切肥美，有鮮味。梭子魚有輕輕燒過表面，令油香更出，2款各有特色。本日精選壽司：日本同中華文化一樣，以紅色為吉祥，通紅意頭吉祥的鯛魚，在日語裡“恭喜”的發音。大廚預備了2款鯛魚壽司，十分好意頭。我比較喜歡微燒過有洋蔥汁的。沙巴虎蝦：連蝦膏汁一齊食，燒到剛剛好，非常爽口。帆立貝配鮮海苔：三文魚子是自家醃漬，食落咸中帶甘甜，帆立貝亦新鮮好味。香煎鵝肝伴藍莓醬：這款真的非常好吃，一般配黑醋會太酸太搶味，呢款配藍莓醬酸中帶甜，剛剛好。美國牛（薄燒）宮崎和牛（厚燒），我哋upgrade了其中一份為和牛，至在2款都試吓。薄燒配大量蔥及蒜片，很香口。厚燒和牛食到油脂滿滿的幸福感。櫻花蝦炒飯及炒什菜：鐵板炒飯炒到粒粒分明，用料充足，每啖都食到櫻花蝦。炒什菜配上一款自家醬料，香口但不會辣，十分美味。我哋都食到好飽，性價比超高。2024開工日第一餐食得好d, 大家都做得開心啲～
繼續閱讀
朋友介紹我食呢間鐵板燒，見到最近做緊八五折，一於食返餐好嘅🤪第一次食鐵板燒以為會好多油煙，一上到去見到個環境舒服同乾淨，仲望住個海景添。 ❤️前菜 汁煮八爪魚師傅好細心叫我哋最後先食嗰個白蘿蔔，食到最後就知點解啦。 本身八爪魚煮得好林， 而且好入味，而且亦食得出佢嘅鮮味。 至於白蘿蔔，吸晒湯底嘅味道偏濃郁，如果一開頭食嘅話就食唔到八爪魚嘅鮮味。 刺身鰆魚紫蘇葉汁第一次食鰆魚 ， 味道鮮甜！ 師傅喺上邊燒咗燒，有少少炭燒味而且燒一燒油香飄晒出嚟，配合左上面嘅紫蘇葉汁同埋蔥花， 中和左燒魚油嘅膩，食落去反而再將鰆魚嘅鮮味帶出來。沙巴虎蝦虎蝦非常彈牙， 而且本身師傅在蝦膏煮一煮。再將佢變成醬汁淋上去， 食落去蝦膏濃郁，蝦身鮮甜。 再加少少檸檬汁中和下個油膩感。 帆立貝配鮮海苔 特色原來帆立貝下面嘅小湯底係用日本新鮮海苔整出嚟，再加埋本身帆立貝用牛油炒，湯底有少少creamy 但亦都好清新。 再加埋上面嘅三文魚子，咬落去鹹鹹地又有口感。整體睇得出道菜好花心思，味道亦配合得好好。香煎鵝肝伴藍莓醬 ❤️👍🏻食落去鵝肝仲係脆面，油脂非常豐富，一啲都唔腥。加埋自家製藍莓醬解下膩啱啱好。上面有兩粒日本黑豆，食落去非常甜，而且咬落去嘅口感軟綿綿， 超級好食。 再問師父佢先話原來係用甘露嘅煮法，即係不斷用糖水煲完再煲，所以食落去先會咁軟綿綿同埋甜。 本身藍莓醬中和左鵝肝嘅油膩，最後再食埋粒黑豆，好滿足！ 美國牛柳 厚燒薄燒各一我個人鍾意薄燒多啲，薄燒裏面包咗好多青蔥，咬落去又香同青蔥配合得好好，牛肉口感非常軟熟。 炒什菜 日本調味醬日本調味醬好特別，咬落去隨後之餘唔辣。 鹹鹹地有啲似香港XO醬，撈埋個菜食一流。
繼續閱讀
🔥好味指數：9/10.呢間位卡天后嘅樓上餐廳專門食鐵板燒🔥特登book咗一日夜晚黑嚟撐枱腳😆餐廳舖頭面積唔大吧枱容納到大概10人左右所以記得真係要訂位！.叫左宴 Dinner Special Set $1380一位（宜家餐廳仲做緊八五折優惠🤭🤭）.🔥季節前菜有2款柿+慢煮八爪魚柿非常香甜 慢煮八爪魚亦都好林好入味作為前菜係一個唔錯嘅開始～.🔥每人一隻真和令蠔超級大隻，鮮甜好creamy 😋上面亦都鋪上了有橘子啫喱 相當清新！.🔥季節刺身 （2款）吞拿魚以及梭子魚 非常新鮮，完全唔會腥.🔥燒右口魚邊身金槍魚腩手卷有別於傳統嘅手卷 沒有選用紫菜而選擇了鱈魚乾 😆口感更加豐富！.🔥帆立貝配鮮海苔帆立貝夠晒大粒 而且非常鮮甜爽口配上自家調味的海苔和三文魚子口感極佳😋😋.🔥鐵板燒沙巴虎蝦虎蝦好爽口彈牙😋廚師特別將蝦頭裏面的蝦膏製作成醬汁與蝦身一起烹煮 原汁原味🥳🥳真係超好食的一道菜🤤🤤.🔥香煎鵝肝伴藍莓醬鵝肝好好食 入口即溶 配上自家製藍莓醬 好好味🤤.🔥美國牛柳選擇了三成熟熟度剛剛好不會過熟入面包了很多蒜蔥加上小小的鹽調味 味道極佳牛柳肉味濃郁🤤🤤.🔥黑松露蟹肉炒飯有別於其他餐廳廚師特意選用原粒黑松露😍😍而不是坊間的黑松露醬夠晒矜貴，粒粒分明非常香口🤤🤤.🔥炒什菜🔥季節吸物🔥魚湯 超級濃縮鮮甜😍🔥甜品 抹茶布甸 超級Creamy又smooth🤭
繼續閱讀
位於天后•亨環頂樓的「宴 • 鐵板燒」環境一流，完全可以飽覽維港夜景，這裏亦是數一數二好評如潮的鐵板燒餐廳，套餐非常多選擇，重點係用料上乘，無論壽司和鐵板燒師傅經驗十足，烹調技巧老到，今日就黎食佢哋嘅午餐，真心推薦非常高質素又抵食👍🏻🌟宴 Lunch Special Menu 每位 $ 448📣而家仲有八五折優惠📣📍23-26 & 31/12除外▪️季節前菜慢煮3小時的八爪魚配白蘿蔔，軟腍又入味▪️季節刺身（2款）油金魚厚切肥美，魚油甘香大分縣𩶘魚配松露鹽，更能突出魚鮮味▪️本日精選壽司 （2款）大池魚配柚子胡椒，魚肉鮮甜無比秋刀魚配香蔥醬，魚味濃香完全沒有腥味▪️師傅自家製醃漬物中場時段師傅會奉上自家製的醃漬物，有好多唔同款式，酸酸甜甜美味又開胃▪️沙巴虎蝦大虎蝦用牛油和海鹽調味，味道充滿牛油的焦香，口感爽口又彈牙，亦可沾上檸檬汁增添風味，最後奉上龍珠果，平衡味蕾▪️香煎鵝肝伴藍莓醬鵝肝煎得外脆內軟，口感油潤，配上自家製藍莓醬、黑豆，味道香甜可以中和油膩感，永遠是鵝肝的最佳拍檔的醬汁▪️美國牛柳厚燒牛柳五成熟，口感軟腍充滿牛香，肉味濃香，配合香脆蒜片味道一流，清爽的洋蔥沙律，清新口腔▪️炒什菜，品嘗完海鮮和肉類，食返個清香既炒野菜清清味蕾，最特別係配上自家製麻辣醬，非常惹味▪️鐵板炒飯配海帶面豉湯櫻花蝦炒飯，用上日本珍珠米配合好多唔同材料，櫻花蝦、洋蔥粒、香蔥、日本雞蛋、醬油，師傅炒得非常乾身，米飯和其他材料粒粒分明，飯粒帶點點牛油脂香，櫻花蝦味道香濃，幾飽都覺得好好味，配上一碗碗熱辣辣湯，非常完美的一餐
繼續閱讀
您可能會有興趣的...