188
12
4
| 餐廳: | 素來素往 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
港鐵奧運站B出口, 步行約3分鐘; 奥運站B出口滙豐中心斜對面
繼續閱讀
電話號碼
94492555
21161119
開飯介紹
主要以自助餐形式供應食物的素食餐廳，口味偏向中式，亦會不時推出創意料理。店門採用水泥牆設計，裝潢簡約，帶點文青感覺。
繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
有關獎賞計劃
.‼️❤️ 記得CLICK我PROFILE關注我呀 ❤️‼️.🥬 V̆̈ĕ̈ğ̈ĕ̈t̆̈ă̈r̆̈ĭ̈ă̈n̆̈ D͓̽i͓̽n͓̽n͓̽e͓̽r͓̽ ͓̽B͓̽u͓̽f͓̽f͓̽e͓̽t͓̽ @ 🌟 素來素往《👽食神大媽愛素食》.💁♀️ 圖中展示美食為：Weekend Dinner Buffet HKD 158.👽 有食素嘅朋友仔介紹大媽呢間素食餐廳，有好多元化嘅食物選擇，收費相宜，人氣好旺成日爆滿。.👀 佢全日不同時段都有自助餐供應。午餐同晚餐，分別都係90分鐘用餐時間，而下午茶就冇限時嘅。今次趁齋期我地特登夜晚嚟試吓。.😱 去到嘅時候，全場爆滿！好彩可以訂位，店員好細心，寫咗我哋個名起檯度幫我哋留起咗張枱。.😋 有好多食物選擇，頭盤有冷熱不同選擇、湯品、熱菜、披薩、主食、甜品。選擇好多，同埋煮得唔油膩，好味道！.🧃 晚餐時段仲會免費包嘢飲，可以起飲品櫃任揀。連飲品選擇都有好多款選擇，汽水以外，更包括比較健康嘅「竹蔗茅根海底椰」或者「檸檬薏米水」之類，好貼心呢。.🌍 享受自助美食之餘，又可以支持食素，一定越食越靚，大家有機會記得多多支持呀！❤️.📍 大角咀博文街28-38號地下6號舖☎️ +(852)2116-1119.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.
繼續閱讀
這間素來素往是一間自助形式的素食餐廳，假日成人每位$158，如果有長者同行更有9 折優惠。環境裝修簡約舒服。食物款式都頗多，冷盤，熱盤，炸物小食，蒸點，湯品，甜品等。菜式偏各中式的比較多，如四川涼拌薯粉，涼拌青瓜鳳爪，還有日式關東煮，薄餅等多國菜式。冷盤有沙律及涼拌，當中涼拌鳳爪令我有驚喜，外表真係完全地還原了鳳爪的模樣，味道麻辣惹味。熱盤的紅燒豆腐，釀青椒及素叉燒是推介。另外平平無奇的滷肉飯，味道卻令我食了一整碗，很有台式風味，很好送飯。粟米芝士薄餅亦是必食，芝士味濃郁，海量的粟米，餅底脆脆，剛出爐就很快搶空了。湯品中的西洋菜湯，雖然沒有肉，但都很清甜。甜品有四款糕品(班蘭糕，Mocha糕，南瓜糕及桂花紅棗糕)，當中班蘭糕及南瓜糕是推介。另外有豆腐花及超薑味的蕃薯薑汁糖水，好味。飲品亦可以任飲。餐廳refill食物的速度都頗快，要讚。
繼續閱讀
過時過節好容易就會食多左，所以新年前出街食飯都最好都係揀返間負擔輕啲嘅餐廳，但人總係貪心嘅，負擔細都想要款式多，好彩有素食自助餐滿足到我。自助餐嘅菜式都唔少，前菜、小食、熱盤、主食、甜品樣樣齊備。前菜有肉鬆皮蛋豆腐、手拍青瓜、酸蘿蔔、薯仔沙律、香辣薯粉、素口水雞、雞腳、雜菜墨西哥卷；小食有炸香菇, 炸豆腐、炸什菇；熱菜有芋頭魚、蔬菜捲、酸甜麵筋、菜心炒牛肉；主食有pizza、素滷肉飯、乾燒伊麵、炒飯、減肥人士必備嘅番薯同粟米甜品有豆腐花, 椰汁糕, 反沙芋, 番薯糖水, 綠豆沙等。今次呢個素食自助餐除左有一般常見嘅蔬菜/麵筋，仲有雞腳、牛肉同三文魚，似係由蒟蒻製成，除左中式菜之外，仲有西式菜例如pizza，而且每道菜完食之後，都會好快補上，食客唔怕試唔到～～飯後再諗下，發現其實仲有唔少素食菜式，小食有蔬菜春卷；甜品就更加多，例如湯丸、芋丸、地瓜丸、香蕉煎餅、紅豆餡餅、芝麻卷、糯米糍等，素食餐廳都可以有好多變化，加油努力。
繼續閱讀
母親大人有日問我邊度有得食素，真係考起我😂因為我都好少食素，於是上網揾左一陣，比我揾到間平靚正既素食自助餐：位於奧運站既素來素往。一入店先比錢，然後就可以埋位。我同媽媽就係下午茶時段去，平日68蚊一位可以任飲任食，睇落都幾抵。埋位後發現都幾多老友記食緊，睇黎年輕一代比較少人食素（包括我） 。對於少食素既我，覺得呢度食物種類都好多，冷盤、熱食、甜品、老火湯樣樣都有。個人有幾樣野都推介大家一定要試。1. 剁椒辣豆腐：豆腐好滑身，清清地既豆腐配上辣椒仔味覺上好有衝擊，但又唔會辣到食唔到。2.甜酸麵筋：素菜既經典之一點可以唔食，酸酸甜甜好開胃。3.皮蛋瘦肉粥：估唔到連粥都有，粥底棉滑，最驚喜係可以自己加菜甫，令到粥有多種味道。4.豆腐花：豆味香濃，佢地呢間既豆腐食品真係幾出色🤣總括黎講，對於平時極少接觸素食既我黎講，呢間會比我一個唔錯既素食體驗，價廉物美。而佢地素食既種類都有好多，每日都有少少唔同，之前上網做research見到好多人推介pizza，可惜我果日冇，希望下次去會有。
繼續閱讀
《素來素往 - 大角咀》雖然我成日食好多肉，但其實我對食素都唔抗拒的，有陣時想清清腸胃都會自己搵一兩日淥下菜食吓齋，有陣時出街都會發覺而家多咗好多素食嘅選擇😉前幾日有位朋友帶咗我去大角咀嘅一間良心素食自助餐食晚飯，起初以為會係食得好簡單或者好清嘅齋菜，點知原來餐廳入面咁多嘢食🥰最緊要係晚市都係$128一個人，五人同行一人免費😎當晚我哋去嘅時候成個場都好full，睇嚟呢一間餐廳都係當區嘅人氣店舖☺️見到餐廳入面都貼咗好多不同嘅心靈金句，原來平時佢哋仲有做派飯嘅活動，係一間充滿善心嘅素食餐廳講返食嘢先，其實佢食物嘅種類有好多好多，聽講菜式日日都會有啲唔同，除咗一般嘅澱粉主食之外，仲有好多喺出邊食要好貴嘅人氣菜式🥰其中一樣我最印象深刻嘅一定要數佢哋嘅麻辣涼菜，當日有麻辣涼皮、麻辣素雞腳、酸辣土豆絲、手拍青瓜等人氣川菜式🥒辣辣地幾開胃，用料同埋調味都絕對唔馬虎💪🏻另外仲有皮蛋瘦肉粥、西蘭花忌廉湯😻都係我好鍾意嘅食品😋另外熱盤都有好多選擇，炒飯炒麵唔使講，竟然連上海菜嘅賽螃蟹都有🫶🏻我食咗勁多😎飲品方面，有成個雪櫃嘅無糖茶、汽水、清熱飲品、熱茶等，全部都係任飲㗎🤓食到飽飽仲可以食埋甜品添，我個人覺得佢覺豆腐花都幾重豆味，糖水砂糖都係自己落，咁就可以控制返個甜度啦😉另外仲有一樣，我覺得要推介嘅係金菇天婦羅🥸我冒着熱氣嘅風險食咗五六件😍我想言之味道真係唔錯㗎總括嚟講，呢一間餐廳令我對素食也一個新嘅睇法，唔一定要食肉先至夠滋味，其實間唔中食吓齋菜對身體同埋環境都有幫助，價錢唔貴又可以食到飽飽，支持一下一啲有心嘅良心善心小店，何樂而不為呢？
繼續閱讀