影片
港鐵天后站 B 出口, 步行約5分鐘
繼續閱讀
電話號碼
26918488
營業時間
今日營業
11:00 - 21:30
星期一至日
11:00 - 21:30
以上資料只供參考, 請與餐廳確認詳情
食家推介
好耐冇去過大坑，趁假期同朋友去「火龍文化館」行下，逛完就順便喺區內搵食。醒起銅鑼灣道有間新開 Burger 外賣店，餐廳主打東南亞風味漢堡同印尼手打撈麵，所有食物，由漢堡包到醬料，每日全人手新鮮製作，十分有誠意。漢堡包有六款，三個 size，分別為 Mega、Regular 同 Mini。我哋自選咗 6 件小漢堡，有水滴大菇堡、煎牛排堡、吉列雞堡、吉列蝦堡、吉列魚堡及吉列豬堡。漢堡包呈水滴狀，造型獨特，面頭滿佈粒粒白芝麻，賣相好吸引。牛排以原塊牛柳取代常見嘅漢堡扒，入口肉質很嫩滑；吉列蝦爽身紮實，食落彈牙有口感。吉列豬外層炸至金黃色，入口酥脆鬆化，內裡有肉汁和豬肉原始甜香，加埋芝士、蕃茄、生菜同餐廳自家製嘅醬汁一齊食，滋味倍添。另外仲點咗印尼沙律 同 水滴手打撈麵，沙律以青瓜和沙葛製作，入口爽脆清甜，撈埋啲醬汁食，帶微微辣勁，非常惹味。撈麵用上純手工鴨蛋鹼水麵炮製，麵質煙韌有嚼勁，帶獨特麵香，配上汁醬，酸酸辣辣，相當開胃。餸料有芽菜、炸雞扒同蝦餅，份量十足，大件夾抵食。飲品選了蘋果茶 同 印尼傳統珍多冰，蘋果茶用上空運印尼紅茶，加入蘋果乾及麥芽糖以傳統方式泡製，味道清甜可口。
繼續閱讀
早幾日去大坑搵朋友👫佢介紹我哋食水滴形漢堡💧🍔聽個名就覺得好特別😋好想快啲試下🥰我哋買左外賣上屋企食😆🍔Number.8 主要係賣水滴形漢堡🍔店員姐姐好細心熱情❤️同我哋介紹佢哋嘅開店理念👌小店嘅媽咪係印尼華僑🇮🇩自家調制各款醬料配上漢堡😍餐牌有多款選擇☺️漢堡包仲有三個size ▶️Mini , Regular , Mega 🍔😋🍔水滴吉列豬堡套餐加$5可以升級三重芝士薯條🍟薯條份量好多✨即叫即炸🔥熱辣辣👌點埋芝士醬真係食到停唔到口🤭漢堡係自家制🫶🏻同坊間嘅好唔同☺️水滴形狀💧麵包好鬆軟🥰完全唔乾👍🏻Mega size 真係超級大個😱兩個人食完全好足夠🥰吉列豬扒一啲都唔細塊🐷有兩大塊😆仲要炸得好靚🔥加埋芝士🧀蕃茄🍅生菜🥬自家製醬汁✨成個配搭好惹味😋😋🍜水滴手打撈麵招牌必食撈麵🍜麵底自家製🫶🏻麵條彈牙幼身💕好煙韌👍🏻小朋友食都絕對冇問題👌入邊加左大量芽菜🥬仲都雞扒同蝦餅🍤好豐富😋拌醬汁好惹味✨😋☕️熱甜茶印尼涼茶☺️飲落甜甜地😚店員介紹有清熱功效✅💕佢哋嚟緊仲會推出8️⃣分鐘挑戰食完巨型漢堡🍔詳情留意佢哋IG 🥰
繼續閱讀
漢堡包看似款式多變但其實萬變不離其宗，不過大坑新店NUMBER 8主打的東南亞風味漢堡卻是前所未見，以外賣為主而店內亦只設有一張餐桌。各款漢堡定價親民，從麵包以至於醬料大部分食材都為自家製造，除了芥末沙律醬、黑醋汁、柚子醬、照燒汁及芝麻醬外亦可加$3選配別具東南亞風味的巴東醬、參巴醬或青咖哩。漢堡分為迷你、普通及大三種尺寸。水滴吉列蝦堡 ($55)三層麵包烘得焦脆並充滿牛油香，兩塊吉列蝦餅口感彈牙，再配以自家製柚子醬份外清爽。水滴吉列魚堡 ($49)吉列魚柳選配芥末沙律醬可謂天作之合，炸得外脆內軟而肉厚結實。水滴手打撈麵 ($48)印尼撈麵可算是家傳戶曉的平民美食，有別於大家耳熟能詳的「營多」，選用每日人手製作的鴨蛋鹼水麵，雖不及香港傳統竹昇麵爽彈但仍軟硬有致，味道方面亦比「營多」輕盈得多，加入辣醬後酸酸辣辣並帶淡淡蒜油香，再配上吉列蝦餅及吉列豬扒份量十足。迷你漢堡 ($54/4; $72/6)水滴吉列小蝦堡、水滴牛堡、水滴吉列小雞堡、水滴吉列小豬堡、水滴吉列小魚堡及水滴小菇堡六款口味任君選擇，雖說是「迷你」但其實依然份量十足，值得一提的是水滴牛堡會以原塊牛柳取代漢堡扒，真材實料。不過個人認為漢堡太大以致食用時難以一併嘗到所有層次，最後只能拆分為麵包歸麵包、沙律菜歸沙律菜、肉類歸肉類，反而弄巧反拙。
繼續閱讀
餐廳：Number 8 Burger (大坑)地址：大坑銅鑼灣道132-134號地舖大坑最近新開咗間東南亞風味漢堡外賣店——Number 8 Burger🍔，餐廳基乎所有食物都喺自家製，希望用盡無限嘅創意去製造無限嘅可能性♾️，比你一試佢哋主打與別不同嘅漢堡、撈麵同沙律🥗香港人一向鍾意性價比高嘅美食，餐廳推出多款全日餐、下午茶餐同飯餐，除咗滿足到唔同人嘅需要😋，仲比你可以用最抵嘅價錢食到最多嘅嘢，而我今次就叫咗呢個包主食、醬料、配菜同飲品各一款嘅全日餐✝️水滴吉列雞堡Set $76漢堡有3個size，跟餐喺regular size，亦可以加優惠價$10升級做mega size，面頭、中間、底層各一塊自家烘焙嘅漢堡麵包🥯，呈水滴形狀夠晒獨特💧，當中加咗雞蛋、奶同芝麻，仲搽上黃油，無論聞定食起上嚟都比一般出面嘅漢堡包香😌；所用嘅豬牛雞肉都喺原塊扒，因為坊間好多漢堡肉都唔知加咗咩餡料喺入面，餐廳希望每個食客食都食得放心啲，所以直接用扒去取代漢堡肉🤓；另外有多款東南亞直送嘅醬汁比你揀，擺脫食burger只喺得芥末同茄汁嘅concept，而我就揀咗柚子醬，清新香甜中和咗油膩感跟餐另外送咗個印尼雞胸沙律🥗，除咗有切條嘅吉列雞胸扒之外🐔，用咗香辣嘅印尼傳統沙律醬撈勻青瓜同沙葛粒🌶️，當中有蝦醬成份但一啲都唔油亦唔會好heavy，相反食落微辣清甜又開胃，外面好少見到，值得一試👍飲品叫咗杯熱情果茶，先將鮮果汁榨出嚟，再加埋整乾咗嘅熱情果肉放返落印尼紅茶當中浸泡而成，令熱情果嘅原味盡情咁散發出嚟✝️水滴手打撈麵 $48餐廳師傅人手手打嘅撈麵，每日朝頭早即整即日賣，因功序繁複所以限量每日只賣大約15份，由搓麵粉到將麵條整成最幼身狀態完全喺功夫同心機💗，食落爽彈條條分明，加咗炸蒜、炸乾蔥同芽菜，食落更香更有層次感，仲有炸雞扒同蝦餅，會唔會豐富咗少少😍
繼續閱讀
呢日喺天后站附近呢間外賣店買咗啲印尼食物🤣$55「水滴手打撈麺Home Made Indonesian Noodles」：撈麺煮得軟腍腍，仲加有 炸蝦餅 同埋 沙葛😁$47「印尼炸雞沙津Indonesian Salad with Chicken」：炸雞炸得脆脆哋，仲有啲漬過嘅青瓜同埋沙葛😁$65「黑醋雞扒飯 Cutlet Chicken Rice with Black Rice Vinegar （所有飯餐配熱飲同埋湯一杯)」：雞扒用脆漿包住都係炸過 😁；熱飲要咗杯「熱檸茶🍋☕️」😁
繼續閱讀