影片
港鐵大圍站 A 出口, 步行約6分鐘
繼續閱讀
電話號碼
59247346
營業時間
今日營業
11:00 - 21:00
星期一至日
11:00 - 21:00
以上資料只供參考, 請與餐廳確認詳情
相關文章
行完大刀屻山，我們又為吃傷腦筋，輾轉跑到大圍去！我們在幾條較多食肆聚集的街道遊走，經過一家「老去茶事」的門口，被他的店魂凝住了！店內寧靜和諧，氛圍跟周末擠得水泄不通的咖啡店是兩樣子！在這𥚃當把煩心放下，好好享受當下！在我心目中，茶有一種舊派老氣的感覺，那「茶事」 會否成為負擔？！Menu 分為食事和飲品。先講食事，食事內有揉合茶元素的菜式和適合配搭茶的甜品。至於飲品，則包含多款白茶、青茶、綠茶、紅茶、黑茶，與及手沖精品茶等，大部份我也是一知半解！ 回到前提的負擔一問，我的答案是零負擔！「老去茶事」非一般的處理將茶葉的特性活現，並帶來非箇有的茶體驗，配合店內的氛圍，撇甩老氣地下享受！至於食物方面，個人認為將茶與食物融合的概念不錯、水準與價格成正比，但有能力來個至臻完美的調整！雖已屆十二月，天氣依然炎熱，這夏季限定的蘇打紫 HK$58 不為過。由果香正山小種紅茶，搭配本地紫蘇、糖水和檸檬汁，色澤漂亮、可享純純天然的味道！好喜歡這杯熱的斯里蘭卡紅茶拿鐵 HK$42，香氣迷人，即使變冷了，香氣依然不減！弄堂茶燻雞配藜麥柚子醋沙律、蔥油拌野菌意大利蛋麵 HK$127藜麥柚子醋沙律由藍莓、紫椰菜、車厘茄、羽衣甘藍和沙律雜菜組成、非常之健康！主角的弄堂茶燻雞香氣細膩，以茶氏滷水、當季茶葉、蘋果水和香蜜製作，令人有喜出望外之感！茶燻雞肉質尚算細滑，雞胸也沒有重重的柴感，唯微暖的溫度適宜加強，一方面令感覺更佳，燻香亦可隨溫度而提升！意大利蛋麵麵質和掛汁的能力也不弱，略嫌蔥油味道未夠突出！東坡肉配藜麥柚子醋沙律、茶事荷葉餅 HK$92紅燒醬汁的五花腩，經十二小時的低溫浸煮，味道和口感也到位，跟鬆軟的荷葉餅非常匹配，諎出滋味來！一位客人的愛玉甜品在製作中。而我還是受不了卷蛋的誘惑，要來期間限定的秋粟奶油卷蛋 HK$58。最後，即場手沖鳯凰單叢送予我們一試。橙黃的茶色，擁有著滿滿的花香，清新自然帶有回甘，加上細心的解說，不單茶福不淺，更令我倆眼界大開，非常感謝 ！客人亦是構成店魂的一部份，當晚遇到熟客的石春和牠的主人。得知可愛乖巧的石春遇上愛貓主人的一段感動遭遇，大家要珍惜眼前人與物！
繼續閱讀
最近壓力太大身體開始出現徵狀，是時候休養一下逐步調節，Me Time的這天先去修剪一下頭髮再找地方吃brunch，時間尚早有機會來到這間人氣茶室以美食安撫心靈東坡肉配茶事荷葉餅（三件），藜麥柚子醋沙律 $92店家供應的是揉合了上海菜跟西餐的fusion菜色，在傳統中帶來點點新意～ 東坡肉以紅燒醬汁中低溫12小時浸煮五花腩以成，入口即溶的綿密口感半點油膩感也沒有，豬肉軟嫩，滷汁帶酒香，濃稠且偏甜，再搭配著跟刈包差不多的荷葉餅，口感豐富，味道恰到好處～ 不嗜甜的朋友也不用怕，藜麥柚子醋沙律吃起來酸甜清爽很開胃解膩，比外邊的好吃！不想吃荷葉餅或者想份量多一點，也可以加錢改配蔥油拌意大利蛋麵或藜麥昆布野菌菜飯重焙烏龍茶拿鐵 $42 （熱） $45（凍）雖然這店是以沏茶為主，不過也有不少帶奶的茶類飲品可以選擇，這個重焙烏龍茶拿鐵就是其中一款！店員在下單後會先以鍋煮手法處理烏龍茶茶粉，再加入以蒸氣打發的豆乳奶泡混合而成，最後更以latte art收結送到客人面前～ 入口帶濃厚我烏龍茶味道，回甘強烈不苦澀，加上豆味香濃入口順滑的豆乳，不會甜這個味道很喜歡啊！秋栗奶油卷蛋 $ 58本想點重焙烏龍茶的口味但不想與飲品重覆，選了適合最近天氣的秋栗奶油卷蛋。不花巧的外表，卷蛋的蛋糕層口感鬆軟，中間的栗子忌廉餡份量多，滑溜惟栗味不太濃郁，反而靠頂部的栗子蓉突出味道，可幸的是沒有加入太多糖份令整個味道變得平衡，蠻好吃的一款店家的觀塘姊妹店早在收藏名單內，未曾到訪加上要預約的情況以下幾月前已得知這家在大圍開設另一家同樣以品茶做主題的新店，開業半年早已成為區內的人氣新貴這店的所在其實跟火車站也有接近8分鐘的路程，環境偏向寧靜一點，跟店家的風格一比其實選址很好很符合風格，途經這店以為走訪台灣的懷舊咖啡店一趟～ 進門是空間感不錯的環境，也許是樓層比較高和大面積玻璃，早上的陽光映照入店內感覺更暖和了，氛圍安靜舒適；裝潢充滿台灣的懷舊風情，一覽無遺的吧檯設計，可以觀賞店員整個沏茶過程，整店都充斥著淡淡的茶香，加上店內不停播放老歌，讓人感到無比放鬆，洗滌心靈與其他咖啡店不同店家是一間以沏茶為主角的茶室，打開餐單詳列各款茶類的產地、出產年份、品種和風味等，店員也是會細心介紹，盡心盡力的為到訪的來賓揀選他們喜愛的茶品，體驗中國茶的魅力，推廣原茶文化，實在是一個不錯的體驗，整個環境也讓人有忘卻煩惱的感覺，對現在的我來說這次到訪實在來得合時呢
繼續閱讀
之前黎過一次食，覺得食物幾高質，所以今日帶個朋友黎食。估唔到假期咁多人排隊，由於我地唔方便上二樓，所以都要差唔多等咗20-25分鐘地下先有位。我地一行三人叫咗三個主食share食同三杯飲品。香煎慢煮雞胸配櫻花蝦豆乳醬米型意粉上次已經食過米型意粉，好鐘意佢嘅質地所以再食多次。今次轉咗配櫻花蝦同豆乳醬，櫻花蝦嘅份量鋪滿全個碟面，所以食落可以啖啖都有，好香口; 而豆乳醬都比相像嘅濃郁。荔枝紅茶醬鴨配蔥油拌意大利麵個鴨脾上到枱感覺有小小空虛，擺盤冇其他咁咁精緻。但食第一啖已經愛上咗，首先煮得好淋同入味，唔鞋口，個醬亦唔會好咸好重口味，啱啱好。另外今次加錢轉配蔥油拌意大利麵，又係好好食，雖然係蔥油拌，但麵好乾身唔會個碗底全部都係油，食落有蔥油同櫻花蝦嘅香，唔會食到一口油。如果黎食一定要加錢轉配呢個麵。慢煮東坡肉配茶事荷葉餅東坡肉今次第二次食，依然好食，個肉上到枱閃閃發光，食落唔係果啲肥肉佔大部份嘅五花腩，反而係肥瘦均勻，食落完全冇肥豬肉嘅感覺，平時有肥肉我都一定會切走，但呢個我十分喜歡，久唔久一次都唔過份。飲品主要想大推鍋煮朱古力。佢唔係一般開粉沖果啲，飲落好rich，佢果隻濃係可可豆嘅原味，係出面都冇飲過一杯咁正嘅熱朱古力，而且唔甜，平時會飲朱古力嘅人，不防黎試下呢一杯。整體呢間cafe都好高質，食物質素完全對得住個價錢，係一間需要比更多人認識嘅一間餐廳。不過舖頭空間有限，地下果層除咗2人枱之外，其他位都比較逼，枱比較細，當日我地3個人坐係通道位，都好驚一大動作會撞到出菜嘅店員，枱面亦唔太夠位放晒所有食物同飲品。但如果只係平日黎飲杯野chill下，呢到絕對係唔錯嘅選擇。另外如果店員上菜嘅時候，可以簡單重點地介紹下啲食材/煮法，可能會更好。
繼續閱讀
同朋友難得一見，見呢間餐廳冇試過，就約咗試下。位置上都唔算好偏僻，大約黎火車站十分鐘。而店鋪員工服務態度良好，環境都闊落舒服。食物方面，有幾項選擇比素食者選擇，不過要留意大部分食物都係辣嘅，唔可以唔辣，所以如果少少辣都食唔到就要睇清楚有冇岩食嘅。果隻辣算麻辣為主。另外食物質素都幾好，而且有d款式融合咗茶嘅配搭，都幾特別。份量上女仔黎講都ok。價錢方面，要留意起碼要一杯野飲，就算叫咗野食都要加野飲，所以略顯唔夠flexible。總結而言，如果有budget的話可以值得一試。
繼續閱讀
其實坦白講今日本來唔係諗住去呢間食，浩浩蕩蕩長途跋涉本身係諗住帶阿媽去附近嘅大圍小館飲茶。因為成個假期都冇陪過佢好辛苦咁叫到姨甥仔一齊去因為太早，結果去到話full晒（嗰陣先係11點佢開10:30）都係自己衰，琴日打咗一次電話冇人聽就冇繼續打，如果唔係book咗位就冇事啦，最麻煩係帶住老人家呀嘛，即刻要諗plan B！你知我呢啲人又冇兩手準備😮💨其實帶老人家出街都真係要諗好多嘢，又要make sure佢唔會掃興，好似我帶佢搭車佢都呢樣嗰樣，去到full house佢又面黑黑，其實我都唔想啫 , 我都好期待去飲茶啦。好彩我突然間諗到附近有間日系小屋，好彩行過去都係幾分鐘，但係第二個問題又嚟啦佢開11:30我哋行到去先係11:10。又要老人家等咩？於是又急急忙睇吓附近仲有冇第二間，結果就選中你啦。我見雖然係主打茶（專業嘅泡茶沖茶）好有態度嗰隻，佢都有啲意粉飯之類嘅飽肚物體，都應該媽媽食啦！不過食完之後都係覺得適合悠閒啲坐喺度嘆杯茶食件cake因為啲位實在太迫啦，同埋成個氛圍都係俾人慢活地去享受人生，都唔襯啲人響度食正餐。三個人買兩份又太少，嗌三份又太多 （結果我嗰份叫咗沙律🥗）係有少少後悔嘅，雖然都好味。薯仔玉子沙律配咗一個柚子汁（$88）其實佢本身係一個椒麻汁，因為諗住share大家一齊食，又以為佢會冧晒落去，所以就想佢另外俾少少椒麻汁我試吓。其實原來個椒麻汁仲好食。媽媽就食弄堂茶熏雞配麻油撈麵（$99+$28）「茉莉綠茶latte$42」姨甥仔就叫咗個東坡肉配菜飯（$92+$38）「鍋煮朱古力$42」係呀，全部都要加錢😮💨 嘢飲梗係另計啦。我另外嗰杯重焙烏龍茶latte$42 同埋要多一件秋栗奶油卷蛋（$58）加下加下咁就五百幾$600 㗎啦⋯⋯🤑嘢食方面就唔算得上好好味OK嗰種啦係個椒麻汁特別啲 嘢飲尚算出色，因為佢真係主打烘焙茶 所以無論係綠茶latte或者朱古力都好似比出面嘅Rich多。（但係我姨甥仔竟然嫌佢太濃得滯）🤪反而我自己嗰杯烏龍茶latte就麻麻哋（我覺得）
繼續閱讀