99
20
6
港鐵大圍站 F 出口, 步行約7分鐘 繼續閱讀
電話號碼
35832818
開飯介紹
售賣各款西式食品及人手拉花咖啡的小店,由幾名香港及台灣的年輕人合力打理,推介食品為自家製bagel。 繼續閱讀
營業時間
今日營業
10:00 - 20:00
星期一
全日休息
星期二至五
11:00 - 20:00
星期六至日
10:00 - 20:00
*最後落單時間: 19:00
付款方式
現金
食評 (141)
等級4 2020-07-19
185 瀏覽
呢間大圍Cafe book mark咗好耐,今日終於有機會嚟。Cafe位於大圍田心村,距離大圍站都要行10至15分鐘。佢係村屋嘅地下,就係遠離市區,要去搵吓路,先有種隱世嘅感覺,遠離繁囂嘅感覺😆Cafe 餐牌都算多選擇,而且都係好特別既菜式,其他餐廳好少見!仲有意粉類,同埋近年大熱既Bagel!! 仲有好幾款甜品呀,好吸引!但係我個胃有限,所以今次只可以揀一個主食,一個甜品食。今次揀左法式蛋捲配布里歐麵包 Brioche ,係經典法式麵包之一。賣相好靚😍😍講下件蛋捲先,中間有青椒,羽衣廿藍,免治豬肉,面頭有意大利乳清芝士,對我黎講係好新鮮既配搭,因為真係第一次食,幾特別既!芝士唔係好漏個種。個麵包都好好食,相信係自家製既,切得好厚身,有烘過(定煎過?)好香脆!如果加啲蜜糖更加好!🍯旁邊仲有好多沙律菜🥗車厘茄,面頭有啲芝士粉同甜甜哋既沙律汁,好開胃好清新!如果一個人食呢份應該都會飽晒!冰火蘋果批🍎🥧😋😋推介!呢個好好食😍個底係酥皮底,上面有好多片薄薄既蘋果片,加埋雲尼拿雪糕食,仲有金寶碎,味道好夾,唔會太甜,好正! 面頭既綿花糖就略嫌多左出黎,唔係好夾,不過對整體味道無好大影響。檸檬梳打,正正常常,係想像到既味道。🤣跟住呢杯都好特別,係青瓜咖啡Cucumber Latte ☕️ 得凍飲,原因係佢將啲青瓜片雪左落粒冰個到,所以一路飲,啲冰一路溶個陣會有陣陣清新既味道,好有心思,好特別😋😋👍🏻呢間回頭率好高,餐廳都坐得舒服,啲裝飾都好有台灣小店既感覺!差啲唔想Share俾大家,因為好想自私去🤣好想再去試埋其他野!😍 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-03
940 瀏覽
Pull Pork Cheese Bagel 🥯 ($88)Bagel 有原味, 芝士味同埋芝麻味三個選擇, 我地揀左芝士味🧀 Bagel 分開左兩邊, 一邊擺左大量既青蘋果絲🍏 另一邊就擺pull pork同埋兩埋芝士脆脆🤤 另外仲配有大量既沙律🥗 啲青蘋果絲令到成個bagel 好fresh, 啲pull pork 份量多, 但係唔會有油膩感, bagel 更鬆脆既話會更好😌French Omelette Brioche🍞🍳($92)呢個組合令到我諗起coffee alley 既果個三文治🥪 蛋包住啲免治豬肉🐷, 黃紅波椒, 羽衣甘藍, 車里茄, 煙肉同埋意大利芝士🧀 omelette 切開左三份, 同兩塊布里歐麵包串埋左一齊, 感覺好震撼🤩 麵包烤到脆卜卜, 夾埋個omelette 一齊食口感好豐富🤤 另外同樣地配搭左大量既沙律🥗菠菜蝦肉卷🍝($98)呢道菜唔只睇得味道仲唔錯添🤩 淨係睇都已經流曬口水, 其實佢係一個好似千層麵既意粉, 意粉皮包住菠菜, 蝦肉🦐 磨菇, 洋蔥🧅同埋車打芝士🧀 睇呢個配搭好似會好漏咁, 但係其實食落一啲麵唔會漏而且會食唔停口, 佢既醬用蕃茄汁再加埋唔同既香料混合而成, 所以味道幾特別, 呢個我覺得值得一試Icefire Apple Pie🍎🥧($72)呢個甜品係呢間餐廳既招牌, 所以咁難得黎到點都要試下佢👍🏽 甜品既造型完全係igable📸 呢個Apple pie絕對係真材實料, 酥皮既上面舖滿左一塊塊既蘋果再用玉桂粉調味🍎 食Apple pie 又點少得雪呢🍦 熱辣辣既蘋果批配凍冰冰既雪糕真係好正😌 其實我覺得棉花糖係呢個甜品既味道上冇咩大作用, 絕純係令到成個甜品更美觀飲品方面餐廳以cheese latte ($45) 最為出名, 不過味道同想像中唔同, cheese 味唔夠濃而且仲有少少苦味😔餐廳既食物質素整體上唔錯, 而且配搭同味道郁有新鮮感, 所以黎開大圍既朋友可以黎試下 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-02
1605 瀏覽
有二年沒有去台灣,想念著台灣突然間想念著 Platform ,想起 Platform 的 Bagel,因為這裡比到我有台灣感覺,鄉村裡的小餐廳,原因可能是老闆是台灣人,他們的 Bagel 也是我印象食過 Bagel 中最好食的,於是我就約小鬼出發到大圍去。🍴鴨胸、薯蓉配露筍,芝士貝果🥯 $96鮮鴨胸不是超級市場煙燻那種,不經加工過的鴨胸口感較軟嫩有鴨肉味,蘸點黑醋汁更提升味道,一口沙律菜一口鴨胸真是別有一番滋味!😋🍴燒牛肉配煙肉,黑芝麻貝果🥯 $78燒牛肉上的秘制沙律醬是整碟的靈魂角色,配燒牛肉或貝果令食物有升華作用,咬一口蜂擁而出的滋味非常滿足。☕️Piccolo Latte $35 / Ice Latte $43是杯我會為這放棄黑咖啡的含有奶脂的咖啡,因短笛咖啡較為香甜醇度、軟滑餘韻長,一喝難忘。🍴又是我喜愛的蘋果批 $72自創獨特蘋果批我最鍾意那種冰火感覺,簡直完美的句號。是日用餐使費 繼續閱讀
(以上食評乃用戶個人意見 , 並不代表OpenRice之觀點。)
等級2 2020-07-26
36 瀏覽
之前第一次寫食評就貢獻咗比platform,因為個Bagel同想像中太大出入,甚至強差人意。不過見到而家仍然有咁多人讚佢個Bagel好食,係好奇心驅使嘅情況下,決定再試多一次,睇吓嗰一次係純粹bagel處理得唔好,定係個bagel本身就係咬唔開同好韌。嗰日就大概11點去到,因為佢話11點就開門,結果去到都係仲未開,作為之前做過飲食業都唔太鍾意喺門口行來行去,咁樣好似催緊佢哋開門咁樣,所以就喺附近行咗一陣,最後大概係11:15開門俾我哋入去啦。______________________________環境方便:由於疫情關係都有提供足夠嘅洗手液同埋會為客人量度體溫,見到佢都有做足預防措施,絕對冇懶惰,依一個係值得稱讚地方!👍🏻環境就唔多講啦,同上次係冇乜大分別,主要係一張枱要四個人嘅關係,所以感覺比之前坐得舒適咗,梳落咗,空間感大咗好多。______________________________食物方面:上次第一次就食咗隻牛油果煙三文魚,今次第二次嚟到就決定試吓其他,所以就食咗The New Yorker 紐約客($78),而佢個Bagel都係食返芝麻味,睇吓個包底同上次有咩分別。The New Yorker紐約客🥯($78)由於紐約客佢哋啲料比較多同高身,所以係有把刀插住用嚟固定食材。 第一眼見到佢已經好明顯好過上次,就咁表面睇落去都有少少脆身,Bagel今次食落口嘅感覺冇咗以前煙韌到咬唔開嗰種感覺,表面食落去有少少脆口,雖然唔太明顯,同上次食落去爭太遠啦改善咗好多!但係始終都做唔到好煙韌嗰一隻bagel。而且我反而覺得The New York仲好食,因為佢嗰個蜜糖芥茉籽醬好開胃,酸酸未未咁,加埋啲煙燻牛肉,煙燻牛有少少黑椒味,兩個味道加上嚟呢個配搭真係好夾,完全估佢唔到。沙律仍然都做得唔錯,都係仍然keep到水準,有好多唔同種類嘅菜,食落去有唔一樣嘅口感,都係幾滿意。咖啡方面☕️:因為夏天太熱所以就叫咗凍嘅 Long Black($38),而且咁樣可以比較清楚咁樣試到啲咖啡豆嘅味。Ice Long Black($38)☕️佢提供嘅飲管應該係可以被生物降解得好快,飲管用嗰時會比較容易啲爛,鍾意咬飲管嘅大家就反而會覺得有啲辛苦啦,但係佢係環保上面為地球出一分力,大家希望大家體諒吓啦。咖啡嘅味道初初飲初段有啲苦味,但係並唔係一啲好粗糙嘅苦澀味,尾段會有小小嘅檸檬酸,飲上嚟都好順滑,整體來講都好滿意依一杯咖啡😊。______________________________總括嚟講佢成個飲食體驗比我第一次嚟嗰時有大大嘅改善👍🏻👍🏻,但係又未做到最好食或者我最鍾意嗰種Bagel🥯。咖啡☕️都算做得唔錯,係呢個價錢都算公道,冇話有啲over咗嘅苦澀味,飲落口係順口嘅。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-05
86 瀏覽
呢間cafe 主打手工bagel,Day-brunch meun可自選bagel味道(原味、芝士&芝麻)再加唔同嘅配搭💁🏻‍♀️~🍁 The New Yorker 紐約客 ($78)由煙燻牛肉加煙肉組成,上面嘅醬係蜜糖芥末籽醬,配埋芝麻味bagel,賣相100分,打卡一流,不過呢度嘅bagel口感唔似坊間個啲,柔軟到似普通麵包🤔整體味道就中規中矩~🍁 Pulled Pork 美式手撕豬肉 ($88)由手撕豬肉加青蘋果絲組成,配芝士味bagel,豬肉絲份量都幾多又幾入味,而青蘋果絲好清新,食落好fresh,但芝士味bagel就冇咩芝士味🙈 繼續閱讀
(以上食評乃用戶個人意見 , 並不代表OpenRice之觀點。)