影片
港鐵北角站 A1 出口, 步行約5分鐘
繼續閱讀
電話號碼
55779920
開飯介紹
店如其名主打雞煲及魚鍋，老重慶奇味雞煲雞肉入味而且可以選擇辣度，酸菜桂花魚鍋味道酸辣魚肉足料。
繼續閱讀
附加資料
最後下單22:45分
營業時間
今日營業
11:00 - 16:00
18:00 - 23:30
星期一至日
11:00 - 16:00
18:00 - 23:30
公眾假期
11:00 - 16:00
18:00 - 23:30
公眾假期前夕
11:00 - 16:00
18:00 - 23:30
以上資料只供參考, 請與餐廳確認詳情
有關獎賞計劃
食家推介
-
椒鹽鮮魷
-
老重慶奇味雞煲(小)
-
老重慶奇味雞煲
-
炸大腸
-
香辣魚皮+26
招牌菜
這間餐廳，正如店名所講，雞煲和魚鍋是它的招牌。可是能夠成為北角街坊飯堂的，又點會只得雞煲和魚鍋兩味？它的小菜同樣非常出色。我非常愛吃白鱔，今晚和先生就在這餐廳吃了個超好味的椒鹽金錢鱔，非常推薦。🏅椒鹽金錢鱔（$168）有十件白鱔片，全都是中間部位，厚肉大件，外層脆漿又薄又脆，鱔肉新鮮，爽口彈牙，超級好味。餐廳還有其它白鱔菜色，例如清蒸、豉汁蒸、燒汁雜菌炆等，而椒鹽金錢鱔可說是比較懷舊也比較少見的做法，強烈建議大家試一試。🏅老重慶奇味雞煲（$188／小）來到金樂軒，雞煲當然不可少。這裏的雞煲醬汁是老闆自家調製。我們點了bb辣，沒有太濫的麻辣，也沒有杰達達的醬汁，味道卻是非常好，鹹甜適中，湯汁濃郁。雞肉嫩滑，再加入豐富的豆卜、鮮冬菇、洋蔥、唐芹等，呈現出令人垂涎欲滴的美味。🏅上湯津白（$78）非常清甜，濃而不膩，清清地，幾好。🏅福建鹵麵（$108）閩南人的鹵麵，配料豐富，這碗就有蠔仔、魷魚、冬菇、肉丸、燒鴨肉、黃芽白等，再灑下油蔥酥，濃郁鮮甜，香氣四溢，色香味俱全，百吃不厭。🏅竹蔗茅根水（$78／大）原來「大」是一大壺，兩個人飲唔曬，倒入水壺帶回家。真材實料，清甜滋潤。
繼續閱讀
📌 金樂軒雞煲魚鍋 - 北角和富道114號康華大廈地下C3號舖🗓(22/5) 星期三 ⏰ 晚上6:30左右 💈特式：今日係北角收工約左朋友食晚飯，住個區嘅同事介紹過呢間餐廳嘅雞煲，出色之外仲好抵食，所以就嚟試試佢d雞煲。🥩🍔🌭🌮🥗🥯🥘🍲🍝🍣🥟🍤🍱食物：餐廳除左雞煲之外，仲有羊腩煲/魚鍋/豬骨煲/牛排煲等，總共有16款咁多，而且仲有唔少大排檔小炒/小菜/小食選擇，而家等我同大家講下🥘味道先。🥘老重慶奇味雞煲(小)$1️⃣8️⃣8️⃣ - 因為得兩個人食，又想食其實小炒，所以只係叫左個小煲，但份量一d都唔小，起碼足夠3~4個人食。味道就揀左bb辣，佢醬汁係自家調製，認真唔錯，香辣中帶少少甜味，雞除左份量多之外仲幾新鮮，配料仲有洋蔥/冬菇/豆卜等等。鮑魚$3️⃣8️⃣/隻 - 因為個雞煲汁太好味，所以就特登叫左兩隻新鮮鮑魚加落個雞煲度，鮑魚除左新鮮外，size都幾大，而且處理得好乾淨。🦑椒鹽鮮魷$9️⃣8️⃣ - 因為大排檔小炒都出名，又點可以唔食椒鹽鮮魷，佢地個水準真係唔錯，炸得香脆又唔會太油，椒鹽惹味再加上炸蒜，無得彈。🐮汁燒什菌牛頸脊$1️⃣4️⃣8️⃣ - 呢個小菜係同事推介必食，成個餸都好夠鑊氣，上枱熱辣辣，什菌好香菇菌味，牛頸脊肉質腍滑牛味重。☕️🍵🥤🧋🍺🍷🥃🍹🧉🍾🍶🥛飲品 : 飲品除左啤酒之外，仲有汽水/烏龍茶/檸茶/奶茶/竹蔗茅根等等，我地兩個人就叫左小渣竹蔗茅根，入面好足料，而且小渣已經好大壼，都幾抵飲。🍽環境：餐廳地方就唔算大，但都叫做光猛乾淨，除左大枱之左都仲有幾張卡位，坐得都算鬆動舒服。🤵🏻🤵🏻♀️🤵🏻♂️服務：職員服務態度幾好，而且有禮貌，可能都係做開街坊生意，所以比人感覺係親切。💰💸價錢：兩個人除左雞煲同海鮮外，仲叫左2個小菜同飲品，份量絕對可以夠3~4個人食，計埋加一埋單都只係$6️⃣0️⃣0️⃣，價錢係合理的。🐲💬總結：整體感覺同食物質素都唔錯，價錢又唔貴，都值得推介。推薦指數：❤️❤️❤️❤️🤍
繼續閱讀
聽同事介紹，話佢屋企附近有間食左好多年嘅餐廳，有好多唔同嘅煲仔食。今晚佢就帶我過嚟試下。如果唔係佢帶我過嚟，其實都真係唔會留意，果然係低調嘅鋪頭，往往都會令人覺得有驚喜！餐廳就係和富中心對面，算係舊式嘅裝修。原來之前係柴灣開嘅，之後搬咗過嚟北角已經屹立左10年啦。。。薑蔥蠔煲一上枱，滋滋聲，好香。啲蠔全部都大大粒肥嘟嘟咖！十分之肥美。一啖入口爆汁，完全唔會有腥味。蠔炸過再煮真係好正。勁多薑蔥落去爆炒，連啲薑蔥都好好食。每一隻煮完都好大粒，超級肥美！奇味田雞煲呢一個田雞煲，，超大份入面仲有冬菇豆卜芹菜，再加上大量嘅芫荽喺面。加熱撈勻就食得，好大份入面材料好多。田雞煲煮得好入味話不過略嫌田雞切得太細舊，如果大嚿少少會更加正，送飯一流！啫啫通菜煲炒到好香，落左啲蝦乾去炒。通菜又唔老，爽脆好食唔會過咸。油鹽水浸花甲有冬菜又有粉絲喺底，花甲好大隻粒粒都好大粒肥美，仲要好鮮味添！好味到連粉絲都食哂。。。餐廳座位唔多，我地6點半去到就未算好多人，但7點左右已經不停有客人入座，到我地食定已經full哂，所以想食都係訂枱好啲。同埋啲員工好友善，仲以為啲uncle會好惡，點知又行嚟介紹啲出名菜，我地唔食太辣又特登幫我哋同廚房講要少啲辣，呢啲小店都令人覺得幾窩心。
繼續閱讀
成日話圍爐取暖，係表面野既黎咖姐，真正既都係想搵個藉口，約埋班朋友見一見。你知啦，出黎社會做野，就唔能夠好似細個，話見就見，始終每個人都踏入唔同既人生階段，面對緊好多壓力、困難，朋友既價值變得更加渺小，所以身邊有好好既朋友，真係要珍惜！👇🏻📌招 牌 推 介 -▪️ 老 重 慶 奇 味 雞 煲 - $188▫️ 先黎個招牌「老重慶奇味雞煲」，我朋友唔係好食得辣，就就佢嗌左bb辣，兩條麻甩佬嗌個細煲岩岩好，雞肉肉質相當滑溜，完全唔乾身，而且料頭十足，大量洋蔥，鮮冬菇、豆卜、芫茜、蒜頭、每一啖都係相當惹味，食完雞煲鍾意既仲可以打埋邊爐，正！▪️ 燒 汁 什 菌 牛 頸 脊 - $148▫️ 第二道必食「燒汁什菌牛頸脊」，師傅炒得相當夠鑊氣，一上枱新鮮滾熱辣，而且牛頸脊肉質鬆軟綿滑，帶少少咬口，配上青紅椒，油香十足，送飯必備！▪️ 椒 鹽 九 肚 魚 - $118▫️ 食得小菜點可能唔嗌「椒鹽九肚魚」，即叫即炸，九肚魚份量夠多，炸到金黃香脆，外層相當鬆脆，食落裡面近乎入口即化，送酒真係一流。▪️ 啫 啫 通 菜 煲 - $98▫️ 呢個「啫啫通菜煲」用熱煲上枱，保證熱辣辣，通菜夠新鮮翠綠，加埋蝦乾，果種香味濃郁，夠哂惹味。
繼續閱讀
麻辣雞煲直接叫咗大辣，平時大家可以加湯打邊爐。因為呢餐得兩個人食，我就直接叫咗份魚泡撈落去汁燘，然後再煮個讚岐烏冬。呢兩個係惹味索汁食材。魚泡亦好大好新鮮，抵食！雞煲有時唔一定加湯打邊爐先好食直接加料落煲燘煮，吸曬雞煲醬嘅精華都一流👍🏻豉椒炒蜆最愛嘅炒蜆，撈埋啲汁送飯一流。蜆肉已吐沙好乾淨，尺寸正常唔會好細粒，而且幾新鮮炸大腸清洗乾淨沒有異味，又不會炸得過乾。澆上特別配製嘅甜醬，係充滿香港特色嘅一道小食，最啱就用嚟送啤酒。啫啫通菜小炒必叫，粗通火喉控制恰當，保留到通菜本身翠綠既色澤，口感爽脆不會軟爛，味道也不會過鹹，鍾意食炒通菜嘅人唔好錯過啦
繼續閱讀
您可能會有興趣的...