影片
開飯介紹
主打港式串燒的地區小店，供應多款海鮮、肉類等，食客可以自選辣度，選擇豐富且定價相宜，是聚餐、宵夜之選。
繼續閱讀
營業時間
今日營業
18:00 - 04:00
星期一至日
18:00 - 04:00
以上資料只供參考, 請與餐廳確認詳情
有關獎賞計劃
之前病咗喉嚨痛…假期冇得北上食串燒，好彩香港都有好地方食！！今日過到嚟砲台山，就有間好嘢喇（之前食過佢其餘嘅分店,知道佢個品牌有保證），仲要好抵食！麻辣花甲粉：嘩！啲花甲多到呢！！麻麻辣辣嘅感覺好惹味！仲有娃娃菜、金菇…所以呢一兜嘢非常抵食！！蒜蓉燒茄子：老細必點！！呢間燒得比較juicy，完全唔會覺得乾，而且蒜蓉調味都好香口！！鹽燒海大蝦：燒得好靚～～個殼脆卜卜，入面又juicy～調味唔會太喊～wonderful！！厚燒牛舌心：我最鍾意食牛舌～尤其是牛舌心～非常之軟綿，燒得啱啱好～外脆內嫩～調味亦都恰當，一次過食咗兩件，食到停唔到口！仲有其他串燒～當然唔笑得墨魚丸、翠玉瓜、雞中翼、玉子燒、魷魚鬚……全部都燒得恰到好處！！嚟多個蒜蓉錫紙焗雜菇，就一切都啱啱好啦！！有唔同飲品供應，可以揀茶、果汁……連椰青水都有！！唔想飲啤酒、汽水，用佢嚟配串燒，都係一個唔錯嘅選擇！！
繼續閱讀
//12 12 23 晴天🌞19:00 炮台山 建基大廈@串燒王深宵食堂 ☺︎宵夜食M記之外，大家仲會唔會有其它選擇？我自己就會揀串燒啦！因為款式多，而且又有海鮮，加上感覺又好似冇炸雞、薯條咁熱氣，雖然食得多都係變肥仔，只不過有幾次嘅凌晨，全靠佢先醫飽嗰肚渣。而以下呢間小店，除咗用料新鮮，每晚更開到凌晨四點，仲唔係我哋呢班「夜鬼」嘅最愛。🔻蒜蓉生蠔 (2隻) HKD$88ꕀ熱辣辣 燒嘅生熟度剛好大量蠔汁同蒜蓉醬 非常入味咬落去生蠔飽滿 會帶微微嘅孜然香氣🔻魷魚鬚 HKD$25ꕀ魷魚鬚大條、爽口 感覺到用料新鮮🔻雞軟骨 (2串) HKD$28ꕀ粒粒都好大嚿 軟骨跟雞肉會有少少相連食起嚟口感更佳、更豐富🔻雞皮 (2串) HKD$28ꕀ燒得超級超級脆口 每咬一啖都索索聲淨係聽聲都已經覺得好滋味🔻豬大腸 HKD$28ꕀ豬大腸夠肥美 完全無怪味證明處理過程做得好好🔻豆卜 HKD$13ꕀ豆卜燒到外脆內軟 而且唔乾 值得一讚另外加上表面甜甜哋嘅燒烤粉 食嗰陣十分惹味🔻墨魚丸 HKD$22ꕀ墨魚丸大粒、彈牙🔻蜜糖多士 HKD$13ꕀ多士燒得鬆脆 又多蜜糖 但唔會過甜簡直係𝘮𝘺 𝘧𝘢𝘷𝘰𝘶𝘳𝘪𝘵𝘦 必點之選ꕀ
繼續閱讀
嗌外賣，落完order拎到返屋企打開發現又俾錯食物，炮台山呢間已經唔係第一次，經常都有錯漏，又不負責任，打電話去同佢講就cut線，之後就直頭完全唔聽電話，一次兩次都算，但係買五次三次都有錯，所以真係忍無可忍先至今次出post嚟鬧，black list☠️black list☠️black list☠️
繼續閱讀
北角串燒王🔥🔥🔥又放假啦 臨放假一定要食宵夜賀一賀佢😳😎🤗 之前都食過呢間串燒，覺得又惹味又抵食，肉類好多時都係一個價錢兩串，兩個人食啱啱好👍🐙汁燒火箭魷魚筒 呢個比較特別，成個魷魚俾你自己剪自己食，燒得都幾爽🥦金針菇、娃娃菜係必點嘅，每一條菜都佈滿調味料🧂好入味，而且又有菜嘅鮮味▪️豆卜，見到人哋嗌我又蠢蠢欲動試吓，原來啲豆卜燒完係咁脆卜卜，外脆內軟，大大粒脹卜卜🐣雞軟骨2串燒得好味，小辣嘅味道啱啱好🐥免鸡肉棒2串，雞肉餡都幾腍，感覺似去咗日式店食月見免治雞一樣 不過價錢真係四倍之差😳🫣真心幾抵食🥩牛肉串、羊肉串幾有口感，肉粒新鮮，燒得啱啱好🍌最後叫咗條香蕉做甜品，呢條香蕉係連皮燒，入邊啲肉燒到好腍啲甜味出晒嚟#hkfood #hkfoodie #hkfoodblogger #北角美食
繼續閱讀
口痕痕要食宵夜，原來呢到附近都有間串燒王，即叫即做燒烤美食，有大中小辣唔同選擇，每串串燒上都灑上孜然粉一人一件 [ 流心芝士年糕 $38/份 ] 熱辣辣又香脆，內裡口感煙韌，流心芝士餡有拉絲。有4塊厚身的 [ 原切牛舌心 $45/串 ] 油脂豐富，濃郁牛味，燒得好正，肉質口感軟腍，食落多汁肥瘦均勻的 [ 五花腩肉串 $42/3串 ] 口感鬆化香口，肉質軟腍滑，不油膩。[ 雞軟骨 $28/2串 ] 細細粒有咬口，咬落脆卜卜。[ 燒免治雞肉棒 $28/2串 ] 口感咬落多汁，肉質嫩滑，食落軟腍有咬口厚厚的 [ 蒜蓉原條茄子 $38/條 ] 超多蒜蓉鋪滿在茄子上，茄子軟綿綿，熱辣辣好味道。[ 韭菜 $15/串 ] 份量都很多，新鮮嫩綠的韭菜。[ 鮮冬菇 $16/串 ] 一串三件口感鮮味多汁
繼續閱讀