影片
開飯介紹
主打港式串燒的地區小店，供應多款海鮮、肉類等，食客可以自選辣度，選擇豐富且定價相宜，是聚餐、宵夜之選。
繼續閱讀
營業時間
今日營業
18:00 - 04:00
星期一至日
18:00 - 04:00
以上資料只供參考, 請與餐廳確認詳情
有關獎賞計劃
之前病咗喉嚨痛…假期冇得北上食串燒，好彩香港都有好地方食！！今日過到嚟砲台山，就有間好嘢喇（之前食過佢其餘嘅分店,知道佢個品牌有保證），仲要好抵食！麻辣花甲粉：嘩！啲花甲多到呢！！麻麻辣辣嘅感覺好惹味！仲有娃娃菜、金菇…所以呢一兜嘢非常抵食！！蒜蓉燒茄子：老細必點！！呢間燒得比較juicy，完全唔會覺得乾，而且蒜蓉調味都好香口！！鹽燒海大蝦：燒得好靚～～個殼脆卜卜，入面又juicy～調味唔會太喊～wonderful！！厚燒牛舌心：我最鍾意食牛舌～尤其是牛舌心～非常之軟綿，燒得啱啱好～外脆內嫩～調味亦都恰當，一次過食咗兩件，食到停唔到口！仲有其他串燒～當然唔笑得墨魚丸、翠玉瓜、雞中翼、玉子燒、魷魚鬚……全部都燒得恰到好處！！嚟多個蒜蓉錫紙焗雜菇，就一切都啱啱好啦！！有唔同飲品供應，可以揀茶、果汁……連椰青水都有！！唔想飲啤酒、汽水，用佢嚟配串燒，都係一個唔錯嘅選擇！！
繼續閱讀
//12 12 23 晴天🌞19:00 炮台山 建基大廈@串燒王深宵食堂 ☺︎宵夜食M記之外，大家仲會唔會有其它選擇？我自己就會揀串燒啦！因為款式多，而且又有海鮮，加上感覺又好似冇炸雞、薯條咁熱氣，雖然食得多都係變肥仔，只不過有幾次嘅凌晨，全靠佢先醫飽嗰肚渣。而以下呢間小店，除咗用料新鮮，每晚更開到凌晨四點，仲唔係我哋呢班「夜鬼」嘅最愛。🔻蒜蓉生蠔 (2隻) HKD$88ꕀ熱辣辣 燒嘅生熟度剛好大量蠔汁同蒜蓉醬 非常入味咬落去生蠔飽滿 會帶微微嘅孜然香氣🔻魷魚鬚 HKD$25ꕀ魷魚鬚大條、爽口 感覺到用料新鮮🔻雞軟骨 (2串) HKD$28ꕀ粒粒都好大嚿 軟骨跟雞肉會有少少相連食起嚟口感更佳、更豐富🔻雞皮 (2串) HKD$28ꕀ燒得超級超級脆口 每咬一啖都索索聲淨係聽聲都已經覺得好滋味🔻豬大腸 HKD$28ꕀ豬大腸夠肥美 完全無怪味證明處理過程做得好好🔻豆卜 HKD$13ꕀ豆卜燒到外脆內軟 而且唔乾 值得一讚另外加上表面甜甜哋嘅燒烤粉 食嗰陣十分惹味🔻墨魚丸 HKD$22ꕀ墨魚丸大粒、彈牙🔻蜜糖多士 HKD$13ꕀ多士燒得鬆脆 又多蜜糖 但唔會過甜簡直係𝘮𝘺 𝘧𝘢𝘷𝘰𝘶𝘳𝘪𝘵𝘦 必點之選ꕀ
繼續閱讀
住港島嘅肥雞，得閒都鍾意喺港島區搵吓啲小店探索一下香港嘅美食。今次肥雞揀咗位於北角嘅一間串燒店，雖然店舖面積唔大，但係入邊都坐爆咗人。識串燒蔬菜嚟講肥雞最鍾意就係食烤土豆片同埋秋葵，次次返深圳都要食，今次就試吓呢一間嘅水準，土豆烤出出嚟又淋又多汁，撒上香香嘅孜然，微微嘅辣粉，加上啲秋葵敲到連啲汁都爆曬出嚟，真係好食過水煮。肉類方面，肥雞嗌咗雞翼，羊肉牛肉粒五花肉等等唔同種類嘅肉，都係講嗰句，串燒嚟講羊肉係世一。羊肉一啲都唔腥，牛肉粒非常之多汁水，五花肉肥瘦適中，飲埋罐加多寶成餐真係好Perfect。
繼續閱讀
炮台山都有好野食！想食串燒可以去依到食雖然舖頭細細，但係坐得好舒服因為店主冇放太多張檯。Menu 包羅萬有！咩都有得叫，啲串燒平均都係$10-20左右！真係超抵食😆我地兩個人叫左大概$200左右已經好飽，因為佢每串份量都夠晒！睇睇我地叫左啲咩先🤤🌟扇貝🌟翠玉瓜🌟鮮冬菇🌟免治雞肉棒🌟牛舌心🌟羊架🌟五花腩全部都好好食😚尤其係扇貝！$40 都唔洗就食到，仲要超大隻啊同埋勁多肉勁juicy。大推！其他味道適中。我自己就好怕啲野太鹹，好彩佢唔會！夠味但係唔鹹真係好難得🤤大家記得就住自己食得辣既level黎叫返適當既辣度🌶️
繼續閱讀
嗌外賣，落完order拎到返屋企打開發現又俾錯食物，炮台山呢間已經唔係第一次，經常都有錯漏，又不負責任，打電話去同佢講就cut線，之後就直頭完全唔聽電話，一次兩次都算，但係買五次三次都有錯，所以真係忍無可忍先至今次出post嚟鬧，black list☠️black list☠️black list☠️
繼續閱讀