影片
電話號碼
23823238
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
上網見到佢有包廂幾特別，就帶埋朋友隻狗狗嚟食晏。本身book咗早啲，但係有啲事趕唔切嚟，打電話去改時間，個職員都好有耐性再安排晏少少俾我哋。同埋以為佢下午茶時段剩係得粉麵，點知原來都可以照叫午餐同埋餐牌上面所有嘢，咁就安心可以改晏少少。早咗半個鐘頭到，佢就叫我哋喺私家車裏便等住先收拾好枱之後嘅話就call我哋入去，呢度唔使客人喺室外等，又要再讚一讚個職員。另外侍應服務好，同埋對啲寵物都友善。另外食嘢方面，大部份都幾出色，個蝦油炒飯幾香都炒得好乾身。個肉碎銀針粉，肉碎幾夠火候，但係就肉碎偏少。泰式生蝦新鮮爽口，個汁加埋個片辣椒超搶喉，食得辣嘅朋友值得推薦。龍眼冰都好好飲唔會太甜又多龍眼肉，簡直係解辣首選。不過午餐加配嘅小食兩隻雞翼就略嫌韓血酸少少，佢係整單支雞翼為兩隻，蝦餅就係得一件。反而另外叫嘅沙嗲串燒同埋個牛脷，有炭燒風味。牛脷亦都好淋滑，性價比反而高好多。整體嚟講用餐時間90分鐘係足夠嘅，包廂大，又有冷氣坐六七個人都冇問題。整體食物味道都水準，短期內再食嘅機會都幾大。
繼續閱讀
星期五晚決定星期六去食， 心想大家都會返大陸消費，所以就冇訂檯。而對於一個住港島嘅人， 真係完全唔識路， 所以都係搭的士去， 估唔到就連司機哥哥都唔識， 哈 （下次有人搭的士記得話係新田7-11落）去到， 果然係唔多人， 但篤篤車包廂就已經full booking, 問過老闆都話要等都會等好耐下。咁冇計， 坐低用手機點野食， 我分3樣嘢黎評分。1. 食物： 好食， 我唔係什麼食評家， 但哩度野食係好食， 炒嘅火候亦夠， 除左蟹肉奄列食唔到蟹肉味之外。2. 環境： 其實坐得幾舒服，環境亦都不錯， 但可能室內冇窗嘅關係，啲聲困住晒喺裏面， 其他枱嘅人講嘢就好應聲， 啱啱我隔籬嗰台有個女人坐正喺我隔籬，就嘈到我同女朋友都唔想講嘢，仲要後面有一台男人都係好嘈。3. 服務： 其實大部份人服務態度都唔錯，只係個別有啲職員態度真係比較差，回答你都係比較晦氣 + 求其。
繼續閱讀
#OTIS放假去邊好 好得意既篤篤車🛺泰國菜🇹🇭好colorful呀!!! 🎨 估唔到咁色彩既餐廳🍴 竟然係係香港黎架!!!真係好有泰國特色😚 包車內外每個角度都好啱打卡📸仲要係寵物友善架😚 快啲帶埋佢地去喇~ 想坐包車既朋友🛺 記得要預早打去book位呀😚♥ ♥ ♥ ♥ ♥ ♥ ♥ ♥ ♥ ♥ ♥ ♥色彩泰國菜 @thaistar.restaurant 地址：元朗新田永平村102號地舖 時間：星期一至日 11:00-22:00 電話：2382 3238#篤篤車 #泰國餐廳 #泰菜 #食在元朗 #元朗美食 #新田#色彩 #寵物友善 #打卡餐廳
繼續閱讀
新田區泰國餐廳，彩色車車打卡一流😍☀️ 天氣開始熱，要搵多d有冷氣既餐廳 ❄️ ～ 今次帶著BB與毛孩一起去包廂食 Lunch。車廂有獨立冷氣，今日出面陰天 + 28度，冷氣夠涼😌Lunch Set 供應 11:00-17:00，價錢$56-$65 包飲品 & 可+$20追加小食。▪️泰式大蝦炒河 $65 ⭐️5/5呢個炒河炒得好味，有蝦 + 豆乾 + 臘腸▪️肉骨茶配白飯 $60 ⭐️3.5/5一條條既豬排骨，d肉煲得夠稔。湯底如果可濃d & 配埋蘿蔔/菇類會更好。▪️蜆肉臘腸炒粿條 $56⭐️ 4/5粿條同炒河個樣好似一樣咁🤣 唔知係咪廚房炒錯左🤪 味度ok, 可惜配料只有少少，只搵到幾粒蜆肉👀 可能2-3張單一齊炒， 我地呢碗只淨粉▪️泰式火車頭船河 $56 ⭐️3.5/5半生熟牛肉睇落好靚如湯底可熱d + 河粉多返d會更好。▪️追加小食 $20 x 4 = $80 ⭐️ 3/5牛肉串燒 / 春卷 / 蝦餅 / 魚餅小食味道ok, 但每款既Size比平常既細一半😂除左串燒我覺得值+$20， 其他可能+$10/$15 會感覺好d。 因個春卷/蝦餅/魚餅既size真係唔係平時食開既size ，希望餐廳會考慮下轉追加價錢 或換返正常 size 小食😉⏰ 限時用餐 90分鐘 🅿️ 有好多泊車位，免費2小時。 以一間新開冇耐 + 不新港鐵的餐廳黎講，呢度都算好受歡迎。 Keep住有客人出入。 雖然好忙，但各位服務員都好好👍🏻👍🏻，very friendly 💕 總括嚟講，所有食物味道煮得ok的，價錢合理，上菜都好快。如每款菜式份量多25% 會更滿足。 期待下次來試試 a La Carte 菜式。希望size份量會好d 😝
繼續閱讀
我嘅夢想就係一出門口就可以返工，雖然唔係佢嘅員工，但係一出門口就可以食到好嘢都好方便。佢哋嘅員工都好Nice。今日兩個人過嚟食下午茶，叫左兩個午餐同一個下午茶餐，☺️好夠飽🤣好抵食🌹嗌咗一個蝦肉炒飯😘個炒飯超級好食，一啲都唔乾唔油膩🌹係我嘅夢想嘅炒飯👍炒河粉油左啲，但係比起出邊嘅都好好食，泰式奶茶都好好味🤤咖啡又夠香🏖下午茶拼盤都好的骰🏖每樣一件🏖份量啱啱好😄自己坐喺一個包相好有私人空間❤️空氣一啲都唔差，好流通。呢間餐廳值得推薦。👍🚀🚀
繼續閱讀
您可能會有興趣的...