影片
更多
2024-05-04
189 瀏覽
上網見到佢有包廂幾特別，就帶埋朋友隻狗狗嚟食晏。本身book咗早啲，但係有啲事趕唔切嚟，打電話去改時間，個職員都好有耐性再安排晏少少俾我哋。同埋以為佢下午茶時段剩係得粉麵，點知原來都可以照叫午餐同埋餐牌上面所有嘢，咁就安心可以改晏少少。早咗半個鐘頭到，佢就叫我哋喺私家車裏便等住先收拾好枱之後嘅話就call我哋入去，呢度唔使客人喺室外等，又要再讚一讚個職員。另外侍應服務好，同埋對啲寵物都友善。另外食嘢方面，大部份都幾出色，個蝦油炒飯幾香都炒得好乾身。個肉碎銀針粉，肉碎幾夠火候，但係就肉碎偏少。泰式生蝦新鮮爽口，個汁加埋個片辣椒超搶喉，食得辣嘅朋友值得推薦。龍眼冰都好好飲唔會太甜又多龍眼肉，簡直係解辣首選。不過午餐加配嘅小食兩隻雞翼就略嫌韓血酸少少，佢係整單支雞翼為兩隻，蝦餅就係得一件。反而另外叫嘅沙嗲串燒同埋個牛脷，有炭燒風味。牛脷亦都好淋滑，性價比反而高好多。整體嚟講用餐時間90分鐘係足夠嘅，包廂大，又有冷氣坐六七個人都冇問題。整體食物味道都水準，短期內再食嘅機會都幾大。
另外食嘢方面，大部份都幾出色，個蝦油炒飯幾香都炒得好乾身。個肉碎銀針粉，肉碎幾夠火候，但係就肉碎偏少。泰式生蝦新鮮爽口，個汁加埋個片辣椒超搶喉，食得辣嘅朋友值得推薦。龍眼冰都好好飲唔會太甜又多龍眼肉，簡直係解辣首選。不過午餐加配嘅小食兩隻雞翼就略嫌韓血酸少少，佢係整單支雞翼為兩隻，蝦餅就係得一件。反而另外叫嘅沙嗲串燒同埋個牛脷，有炭燒風味。牛脷亦都好淋滑，性價比反而高好多。
整體嚟講用餐時間90分鐘係足夠嘅，包廂大，又有冷氣坐六七個人都冇問題。整體食物味道都水準，短期內再食嘅機會都幾大。
張貼
