影片
以上資料只供參考, 請與餐廳確認詳情
食家推介
朋友好耐以前已經推薦過呢一間手搖飲品店！實在太後悔點解我唔早啲認識到呢一間嘢飲舖🥹佢實在太適合啲鍾意飲甜野又怕肥嘅人！同埋佢除咗可以轉脫脂奶，0%fat greek yogurt，仲可以轉代糖，即刻罪惡感減半！🤭香港本來就冇乜邊間可以轉代糖，因為成本好高！同埋正常轉做代糖係會難飲咗（我覺得啦），但係呢一間轉左都係好好飲🥹✨小粉紅（士多啤梨乳酪奶） $42 +7（轉羅漢果糖）我想講佢好適合做代餐，飲完一杯真係飽到完全唔想食嘢！我第一次飲嘢飲可以飲到飲唔晒😂超滿足！同埋佢超足料，老闆娘話佢用咗18粒士多啤梨打出嚟，杯杯都係真材實料用水果,唔係加香料！✨桃芒（水蛋桃x芒果x茉莉茶） $38呢個嘅茶底香到爆，好fresh，係用新鮮芒果同埋桃！當日經過嘅時候係老闆嘅媽媽看舖，佢超級nice！同我哋傾偈講開話佢個仔開完間鋪之後就移咗民，留低咗呢個舖頭俾佢繼續做～不過佢都老，做到好攰，同埋都唔係好搵到錢，所以都好想結業！晴天霹靂！我心諗我難得先飲到間咁好嘅嘢⋯可唔可以做耐啲😂等我飲多幾次！所以大家想試嘅話就趁早🫣📍 真．奶 (元朗)元朗裕榮徑3-5號金禧樓地下5號舖.#stilleating元朗 #香港美食 #屯門美食 #元朗美食 #天水圍美食 #hkfood #hkfoodie #foodie #hkfoodblogger #真奶 #珍奶 #減肥飲品 #手搖飲品
繼續閱讀
啱啱做完gym 有啲肚餓🤤咁啱經過B仔見到隔離嘅真奶～就係喺B仔隔離 小心行得太快錯過咗😕買咗一杯小粉紅 即係士多啤梨乳酪奶仲加咗$10 27g protein😍😍😍😍飲完飽肚之餘 仲可以補充返一日所需嘅蛋白質門口店主寫咗嘢飲嘅排行榜 大家可以參考吓黎買🤣🤣下次經過可以再試吓其他唔同嘅口味🤩另外如果對奶有敏感嘅朋友仔都可以加錢轉做植物奶簡直就係考慮到唔同人士嘅身體需要😗正店員仲好有禮貌😉😉
繼續閱讀
呢間係某🔵B仔隔離嘅💛店十分不起眼，人流少，好容易miss左。但呢間可以話係我最喜愛的手搖飲鋪，全因用料十足，價錢相宜👍我有做占嘅習慣，所以最中意飲佢地嘅乳酪奶系列。同其他鋪頭唔同，佢哋嘅乳酪奶非常健康，可以揀走冰走甜，只會飲到生果同乳酪本身嘅甜味，無添加糖，甚至可以加10蚊轉fage嘅0%脂乳酪！真真正正係鮮果乳酪奶，唔係肥仔水☺️個人嚟講，十分推薦Keep住團火（火龍果乳酪奶，$35，S size）同小粉紅（士多啤梨乳酪奶，$35，S size）。走冰走甜之後，火龍果比較清甜解渴同消濟，小粉紅就比較酸味重啲。大小方面，小杯其實都已經頗飽肚，畢竟係乳酪，啱哂食完飯仲有少少位飲一杯做meal end👍
繼續閱讀
喺元朗食完飯出嚟，無意中發現到呢間飲品，係人氣b仔隔離，但呢間茶飲店就冇人，睇menu都唔錯，好多嘢揀。有乳酪奶、水果茶、烏龍茶等等，而且價錢唔貴，就試吓啦。揀咗小粉紅 - 士多啤梨乳酪奶，大杯size $42算ok可接受。本身驚佢會好似沙冰咁，好彩唔係，係好smoothie，好濃士多啤梨味，但唔會好甜，都好香奶味同乳酪味，各樣味道都適中。而且高纖又有益生菌，健康。唔鍾意太甜可選健康代糖，鮮奶敏感可轉植物奶，好貼心，唔洗怕肥或者怕肚柯，我本身都算腸胃敏感，照飲咗乳酪奶好彩都冇事。
繼續閱讀
嚟得元朗，食完飯梗係要整個飯後甜品先圓滿😆～食完碗雞球米線之後一於整杯Fit爆絲打🧍🏼♀️～香蕉🍌乳酪奶～當堂成件事滿足晒😎老闆娘好nice好禮貌👍🏻☺️🐰年生意興隆（明嘅就明😺）
繼續閱讀
您可能會有興趣的...