影片
營業時間
星期一至日
11:30 - 22:30
公眾假期
11:30 - 22:30
以上資料只供參考, 請與餐廳確認詳情
最近天氣一早一晚溫差大，今晚放工返到元朗感覺涼涼地想吃一點熱鍋，經過最多食肆選擇的又新街，見到「十三少酸菜魚」的招牌就有feel想食。餐廳樓底甚高，座位寬敞有卡位坐得舒服，同朋友/家人相聚最適合不過，也適合住附近的街坊兩口子開飯。看看餐牌，他們有一個二人餐：前菜小吃+酸菜魚/水煮魚+一個小炒+兩碗白飯都只係$338，+$28 仲有埋甜品tim! //椒麻皮蛋//擺盤靚靚一定要相機食先。皮蛋用上了透明溏心而不是黑色的皮蛋，讚！除了加上少少麻的辣汁之外，整個前菜的重點是在中間的辣蒜，加上辣蒜粒一起吃整個口感唔同曬，少少麻帶點辣令食慾大增。//酸菜魚//「十三少酸菜魚」魚每日新鮮屠宰，湯底是純魚湯，每天早上熬製 3小時，加上四川來的香料和辣椒，配上老墰酸菜，味道集麻、辣、香、酸於一身。影相之後，先喝一口湯，有魚的清甜，加上少少麻再帶點酸，湯底加了好多酸菜，非常之香又開胃。配菜仲有菇菌都是吸汁嘅食材，而且十分惹味。魚片每一塊都厚肉不散開，肉質鮮嫩而不會食到魚骨，害怕食到魚骨的我表示讚賞！//乾煸四季豆//送飯一流，炒得夠開有鑊氣，少少辣好惹味，食到停唔到口，正！//紅糖糍粑 +$28//外層炸至金黃酥脆，食落口感外脆內軟，入面口感好似食緊年糕咁，點上了甜甜的糖槳，中和了食完酸菜魚後的微辣口感。
繼續閱讀
第二次黎，上一次黎架個陣係佢啱啱開張個陣，事隔年幾兩年後再黎，當見到盤野上黎個陣，我以為我睇錯份量少到咁，五個餸都成三百蚊，對比起嫲嫲辣辣同附近十二少，完全唔抵食，味道同十二味、嫲嫲辣辣差唔多，但係性價比好低，應該冇下次
繼續閱讀
🌟#元朗分店🌟元朗#數一數二的酸菜魚店鐘意食酸菜魚嘅我 大概每個月都要食一次酸菜魚今次去到元朗 就試吓呢間十三少不過真係有啲失望 尤其係最出名嘅酸菜魚兩個人去食 因為唔想食飯 所以存叫二人餐🌼蒜泥青瓜-青瓜爽脆 爆多蒜 正常發揮🌼炸饅頭-饅頭炸得好鬆軟-點埋煉奶 勁邪惡🌼川式口水雞-雞件份量好多 雞肉冇雪味-川味濃郁 但係原來仲落咗沙薑雞醬 所以去到最後幾件 雞變得好鹹的🌼十三少酸菜魚- 好大盆 魚嘅份量好多 又好滑-但係味道令人失望 唔似其他人講嘅咁好食-酸菜冇酸味 又太長冇剪開過 似雪菜多過酸菜🥲-酸味好似來自醋味-呢盆酸菜魚嘅酸味同辣味完全唔夾🌼桂花糕-淡淡桂花味幾香！❣️呢間應該唔會encore 啦🙃
繼續閱讀
元朗又新街有間幾靚既川菜小店叫十三少，佢樓底好高，裝修都摩登，入到去一啲焗促感覺都冇，兩個人仲可以坐卡位，坐得好寬敞舒服！店員招呼十分好，成日過黎加水😁我地今晚叫左個二人酸菜魚餐（$388），都十分之抵食，要推介俾大家！前茶十分有趣，好似啲wasabi豆味道的爆米，幾好味。🔸️蒜泥青瓜 （8.8／10）都幾大碟，唔算好濃味，清清地既蒜味，但青瓜好脆身，好開胃。🔸️酸菜魚 （9.5／10）超。級。大。碟！！成兩個面盆咁大，超誇張！啲魚超級滑，一啲骨都冇！啲酸味麻味好balanced! 仲有好多菇同萵筍配料，好正好好味！暫時食過最好味既酸菜魚！😋🔸️十三少蒜香蟹飯（9／10）用荷葉包住黎蒸😍，有淡淡荷葉清香味+蒜味蟹香味😋飯粒粒分明，好好味！🔸️紅糖糍粑 （9.2／10）完美作結既甜品，好少食呢款紅糖糍粑。賣相吸引，容易share，每件煙靭既糍粑上面都有黃豆粉，點埋紅糖醬有多重口感同層次，好味之餘食落都有甜蜜感覺！啱哂情人家人黎食！✏️總括而言，坐得舒服又性價比高既酸菜魚！我會再encore去食！😁
繼續閱讀
滋味2人套餐 $338凉菜 (3選1）椒麻皮蛋/凉拌士豆絲/蒜泥青瓜呢間嘅椒麻皮蛋係橙色，滿滿辣椒油嘅顏色，但食落去辣度適中，同埋個口真係有麻麻哋嘅感覺，送飯一流。主菜（2選1)十三少酸菜魚/水煮魚揀咗酸菜魚，成個洗面盤咁大，個湯酸度同辣度都適中，魚都嫩滑，萵苣爽脆，菇片入味。小菜（2選1）乾煸四季豆/麻婆豆腐揀咗乾煸四季豆，好惹味，食到停唔到口。紅糖糍粑+$28糍粑係用糯米粉整成，再炸到表皮金黃色，外面香脆，咬落去軟糯煙韌。紅糖嘅原料係甘蔗，除咗甜度高，甜入心之外，據說仲有滋補嘅作用。配送白飯2碗及脆黃豆。餐廳樓底高座位舒適，牆身嘅裝飾都幾有特色。
繼續閱讀