影片
開飯介紹
以多款配料製作台式藥膳湯麵，設有不同的辣度以供選擇，部分口味更可轉為白飯，配搭台式茶飲或冷泡茶也很合適。
繼續閱讀
營業時間
今日營業
12:00 - 21:30
星期一至五
11:00 - 21:30
星期六至日
12:00 - 21:30
公眾假期
11:00 - 21:30
公眾假期前夕
11:00 - 21:30
以上資料只供參考, 請與餐廳確認詳情
食家推介
相關文章
平時食晏晝我都會揀呢一間，因為佢上菜速度好快同埋價錢真係中環食午餐最平嘅一間。人頭平均$70就識到一個午餐喺中環都幾罕見。我推介嘅食物係佢嘅藥膳米線加雞：呢度嗰個藥膳湯底係好甜嘅，因為入邊落咗好多紅棗，同平時出邊啲藥膳米線唔太一樣。米線入邊嘅雞件非常新鮮，亦都好嫩滑，唔會好鞋。米線量有啲多，如果食唔到咁多嘅話記住要叫少米線。另一個推介係佢嘅藥膳米線加墨魚春卷同埋餃子：佢個墨魚春卷好彈牙，也有腐皮包喺出邊，吸埋啲藥膳湯底真係好好食，而且佢個餃子味道都10分好，入邊嘅肉同菜包得好好食。唯一嘅負評就係呢度冇水同埋冇飲品，只能加錢飲頗貴的一瓶瓶的冷泡茶- 如果佢有得跟餐加飲品就會好啲。
繼續閱讀
星期六下午兩點諗住食lunch ，menu 單一，清一色藥膳湯底，碗都係幾粒杞子同十零粒切半紅棗，估佢應該係雞湯溝出嚟，唔緊要啦，試下醉雞米線。🥢養生藥膳醉雞米線 $69冇其他圖咁靚架，實圖係咁。木耳幾件，雞胸兩件、小雞脾一件、上雞脾一件，米線，加一汁芫茜，冇啦。問侍應有冇清水一杯，佢話冇架，礦泉水$8枝，原來其他飲品都大致係紙包，咁我就算啦。米線正常，醉雞冇乜酒味，雞胸肉厚肉但好鞋，雞脾位都麻麻地嫩滑，雞皮有陣怪味冇食。雞湯飲得嘅，唔算油，但冇乜藥膳味。呢個價錢我去譚仔餐廳，可以嗌幾個小食仲有嘢飲又食得飽，完全係伏。建議去其他地方食雞，水都冇杯，就得呢碗嘢。
繼續閱讀
🍜香辣養生湯農場雞米線 $68雞肉滑，好多舊仲有雞翼，大大碗足料，多紅棗仲有杞子木耳，夠哂養生，湯甜甜地😝，揀左少辣，但加左啲辣油系湯，個人建議叫返淨雞湯唔好揀辣會影響左湯既味道😆.✨上層仲有位，上菜快，多人排隊或等外賣，好彩等左唔系好奈就有位
繼續閱讀
以前返工lunch 成日食，搬 office 幾個月後特登行遠D返嚟食，個湯仲係一樣味，不過好油，用匙羹撇咗幾次都仲有浸油係度。雞俾得少咗，不過而家生意難做都明白嘅。雞肉嘅厚肉位完全唔入味，亦無之前嘅嫩滑，而薄肉位置入唔入味我就唔知了，因為隻雞翼(如圖)啲雞毛咁樣樣，真係食唔落。 至於服務，原本外場最多見過三個人，到另外一枱嘅小姐埋單時，個外場可以完全冇人，小姐企咗喺度呆等俾錢。
繼續閱讀
中環除咗一啲大型連鎖嘅米線鋪，選擇都唔係話好多，呢間主打台灣藥膳米線鋪都係我同同事們keep住會幫襯嘅米線鋪嚟🥰🥩藥膳古早牛肉湯（米線）（$75）藥膳湯底有好濃郁嘅藥材味同牛味，一啖湯一啖米線唔覺唔覺就飲左好多嘅湯🫣不過都唔會覺得解渴👍🏻而佢嘅牛肉都唔會話好韌，亦吸晒啲藥膳湯底嘅味☺️ 不過個人覺得佢啲牛切得比較大舊，細舊番小小就perfect喇！🥟香辣養生湯 白茶豬肉餃米線（$66）香辣養生湯同事嗌左小辣，湯底味道就不過不失啦！不過失望嘅係餃子，個人覺得係同平時屋企食嘅冰鮮餃子差唔多😕額外一題，食藥膳湯底嘅米線成日食完成身都會好暖，如果餐廳冷氣可以大啲就好喇🫣評分：⭐️⭐️⭐️/5人均：~$80-$100
繼續閱讀