影片
港鐵中環站 F 出口, 港鐵香港站 A2 出口
繼續閱讀
電話號碼
28254007
開飯介紹
歷史悠久的快船廊更是香港本地人與酒店客人最喜愛，早餐及晚餐自助餐大受歡迎，星期日的香檳早午餐也深受香港人喜愛，而快船廊最有名的就是下午茶。
繼續閱讀
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
有關獎賞計劃
相關文章
食評 (684)
酒店陳設走復古風，充滿東方格調，環境偏暗，感覺幾浪漫😝見到好多人嚟慶祝生日！食物選擇唔算多，不過沙律、海鮮、刺身、壽司、熟食、甜品應有盡有，而且質素都唔錯架！我用kkday快閃優惠價「買一送一$401@1」購入，而晚餐時間有2小時，可以選擇18:00- 20:00或20:30- 22:30。以下食物推薦比大家😋龍蝦：肉質彈牙，口感好實在，仲有少少肉汁，而且係有膏架🦞，忍唔住食咗三隻🤤鮑魚：好新鮮，食落有咬口，味道鮮甜！每次補貨都好快比人拎晒，大家要留意下啦🤤刺身：我最推薦三文魚，款式唔算好多，不過勝在夠新鮮，三文魚好肥美，脂肪紋理清晰，而且厚薄適中！牛腩：一定要讚！牛腩真係好出色，非常入味，而且炆得好腍，好重牛肉味，簡直可以用入口即化嚟形容，所以拎咗好多😋炒金邊粉：有鑊氣！炒得好香，有大排檔風味，而且唔會食到一口油，廚師炒得夠乾身，質感帶少少彈牙，甜甜辣辣咁，好好食！焗蜜桃乾果蛋糕：蛋糕甜度適中，食落有微微蜜桃香，味道天然，唔會好人工化，而且口感細滑！香蕉翻轉蛋糕：好濃郁嘅香蕉味，鐘意食香蕉嘅人，一定會鐘意🤤食落口感濕潤，唔會好乾，而且細細舊，食完冇乜負擔感。文華東方芝士蛋糕：經典中嘅經典！去文華方東冇理由唔食！我夠膽講，絕對係成餐自助餐最出色！芝士味非常香濃，但係唔會好甜，口感十分綿密，帶點芝士獨有的鹹鮮，仲有藍莓做點綴，可以中和下芝士嘅膩😝
繼續閱讀
通常嚟講如果唔係發咗達，我都冇乜幾可會有去五星級酒店食自助餐嘅概念，更何況喺中環呢個中產區域，但恰巧因為市道唔好而家連文華酒店呢間咁有歷史情懷嘅酒店都推出晚市自助餐優惠，只係需要$400就可以食到平時嘅晚餐自助餐，機不可失之下立即搵幾個朋友仔去試一試，希望可以感受一下有錢人平時食嘅自助餐會係乜嘢口感位於中環皇后像廣場旁邊嘅文華酒店，由外觀到室內設計都有一種傳統古舊嘅感覺，但係室內裝修都算係稱得上富麗堂皇，美其名就有種古色古香既感覺，現實少少嚟講就真係幾老派土氣。準時入到去喺reception排隊，人龍都唔算好多，而且都發現有大部份係透過優惠訂餐。喺度分咗上下兩層，座位離食物區都相當近，但係驟眼睇落去已經感覺食物區好明顯唔係佔咗好大位置，更可以稱得上係幾細，食物嘅款式亦都自自然然唔多得去邊酒店員工安排座位之後我哋都立即出去攞嘢食，睇吓有啲乜嘢富貴食物可以一掃果份不安感🤷相對細嘅食物區主要分咗凍食區：包括海鮮同埋刺身壽司；熱食區：包括中式餐湯同埋中式菜式再加埋少量嘅各國菜式eg.印度菜仲有遠少少嘅海鮮湯區域同埋甜品區海鮮：龍蝦：體積相對細，味道冇乜特別，畢竟大部份自助餐凍海鮮都冇咩味麵包蟹：比較特別啲，但係由於冇乜肉，主要係用嚟食膏再加埋現場嘅蟹膏唔多，唔太吸引長腳蟹腳：都幾大隻，有少少海水味，但係現場嘅份量認真少螺：要回本點會食，留返俾其他人享用蜆：都幾甜，不過不失凍蝦：認真唔掂，又梅又甩甩地頭刺身刺身款式唔多三文魚吞拿魚甜蝦，但係個賣相完全乾痴痴毫無水份，仲要擺到亂七八糟。三文魚又簿又乾，我見到塊吞拿魚厚切諗住食一食一咬落去乾過柴有多筋，完全冇味果斷放棄真係放題都好食過佢.中菜區可以話係最失望嘅區域菜式好少，而且俾人一種好廉價嘅感覺好似係啲兩餸飯店買嘅炒飯，蝦球炒翠玉瓜，咩炆魚，蝦仁炒粉絲，唔係唔好，但係我絕對唔期望係酒店自助餐食啲咁嘅水準嘅嘢餐痛更加唔掂，係啲瓜瓜菜菜湯連基本螺頭湯都冇唯一好食啲嘅就係沙律焗蠔，但係蠔肉丁屎咁大粒，沙律醬就勁多講真行到異國菜個位已經諗唔到食咩好，但係驚奇嘅係啲咖喱燉羊肉啊牛腩啊夾餅相比之下竟然表現得幾唔錯，好食過中菜好多，但係由於好多肉始終食唔太落🤢海鮮湯區，一大煲海鮮煲出嚟嘅湯，畢咗兩啖飲吓都幾淡，有同事講話其實個檔係用嚟俾我哋煮熟啲凍海鮮，但我就心諗有冇咁多餘😅最後去到甜品區，講真款式都幾多下，但係好食嘅絕對唔多，我只推介文華自家出品嘅芝士蛋糕同埋佢哋自己嘅雪糕，非常好食，但係必須要配佢專用嘅雪糕筒，因為我雪糕筒都超級好食，個甜品可以話係成個自助餐裏面最值得食嘅地方（錯晒）總括而言，今次呢個優惠價自助餐我認為絕對唔係我心入邊五星級酒店嘅水平份量少，種類少，海鮮嘅refill速度可以話係驚人地慢，見佢次次都少少少少咁fill，見好多食客出去想攞龍蝦最終都空手而回🤷♂️食物水準相當一般，根本唔係酒店級，只係路邊兩餸飯店級，特別係中菜另一點，成個buffet只提供一杯飲品，我簡直O晒嘴，現場仲冇飲品區，唔通要逼人飲嗰啲爛鬼菜湯？最後我想提出嘅一點係：唔知係咪想顯得high class啲,serve我哋嗰位男員工全程用英文講嘢,我哋講中文佢其實聽得明,但係佢偏要講英文，唔知係咪酒店規矩。如果呢個係甜品buffet我會比90分，但整體嚟講我只可以俾佢65分左右,令我呢一次感受有錢佬生活嘅飲食體驗完全落空
繼續閱讀
四款三文治餡好好食，但麵包太乾有d硬。Desserts偏balance d味唔會好強烈或過甜- rapsberry蛋糕唔會好酸 上面真生果係甜既 少見甜既rapsberry- 芝麻抹茶撻 mousse好滑，茶味唔濃，相對下芝麻味好突出，撻放到最後食都仲脆- mango passion fruit cheese cake最佳，好食 有心思，芒果好甜，熱情果做既脆皮中和左cheese cake既膩，cheese cake口感輕盈- carrot cake 新鮮好食，保持到濕潤口感，cream cheese足料- sakura almond cake, 坊間好多sakura都係鹽漬 較易出事，文華係甜既 正正常常- 70% Chocolate Pecan Pavé切落好易散，朱古力同nuts味道絕配，啖啖pecan- lemon drizzle cake so fresh- 友人大讚玫瑰花果醬，淡淡花香。scones普通正常Overall 無難食都無話特別驚喜，不過不失，傳統經典。職員唔會主動加水，但你搵佢都願意提供協助，KKday優惠買一送一，咁平服務都無嘜好彈。2人枱有2個size，安排左圍住大堂玻璃位既細Size，燈光偏暗難影相，張2人枱真係太細好逼，放完三層架 Scones w clotted cream & jam已經無咩位，一邊放茶壺茶杯同濾器，另一邊放三文治。食果陣唔方便，因為有5款Cake得大size一件，想試哂就要自己切開，唔夠位真係雪上加霜。環境一般。
繼續閱讀
我都係Klook book 左特價$563嘅自助晚餐、買左之後我就睇左好多負評、又話龍蝦得一轉、cheese cake得一個、好多好多不愉快嘅用餐體驗！咁我諗住死硬、點知嚟到又冇想像中咁差、其實而家星期日$563.1個晚餐、你想點啊？龍蝦真係唔係得一轉喎不停有拎出黎、cheese cake 去到10:15都出多個全晚有3-4個、overall 冇拎唔到嘅嘢食、只不過質素同食物種類就真不過不失、冇乜係特別特出。有一樣雪糕係好味嘅！可能文華東方嘅光環太大、令大家覺得所有野都要超越完美才是理所當然。總結我覺得特價食係ok, 如果原價就唔ok la。順便一提、現場人手不足都幾誇張、但啲staff都唔係冇禮貌、做到都會做比你。
繼續閱讀
過往很享受文華的服務，不論住宿或餐飲，均令我很難忘，算是老顧客，但今天去到自助餐，服務質素極差，對過往美好的印象亦完全失去。今天去了快船廊為家人慶生，其中一人加錢升級了無限任飲酒品，及後家人只是在閒談間向我說了一句「您試不試飲？」，一名服務員聽到後便向我們說：「我們有CCTV監察住，如果看記錄check到第二個人飲，便會向我們額外收費。」這一刻家人及我頓時沒有了享餐的心情，也讓我們十分難堪，第一她的態度很像看不起我們，覺得我們沒有錢享用服務；第二CCTV的運作只作為保安用途，而非監察客人，感覺有侵犯個人私隱之嫌，亦令我的家人感覺時刻被人監視，吃得十分不自在。作為一間國際知名的酒店，實在不應這樣對待顧客，我們經過了這次之後，服務令人大失所望，一定不會再去。如果要用合宜的價錢吸引更多顧客，但犧牲服務及食物質素，最後換來顧客的流失，是自取滅亡的做法，亦令文華60年來累積的聲譽毁於一旦。
繼續閱讀