URBAN Café Commune (新城市廣場) (已結業)

因為一杯凍桃茶, 令我相隔數天再次光顧, 難度真的上癮了? 是次點了63°C溫泉蛋卡邦尼意粉 $98 配餐湯、精選飲品及甜品 $48。忌廉龍蝦湯味濃順滑, 龍蝦肉有咬口, 味道不錯。很怕卡邦尼意粉醬汁張住個口的感覺, 這裡的沒有這個情況。意粉彈牙, 醬汁掛滿每條意粉, 加上温泉蛋蛋黃的香, 味道口感均不錯。煙肉煙燻味濃郁, 唯稍為乾硬。凍桃茶味道依然討好, 不造作。Cookie Monster朱古力慕絲香濃軟滑, 榛子香脆, 綿花糖有點普通, 若面頭稍為燒軟, 顏色口感更佳。

黑松露意大利飯食得過，但標榜慢煮3小時既雞，鞋到呢⋯⋯等枱等到火滾，7:00等到8:00先有得食，如果係人多當然預左等！！但係佢地不停叫3-4人既飛，無叫過2人飛咁濟，期間已同侍應反映“究竟叫約多張3-4人飛先會叫一次2人飛”，個侍應當然無視我地啦！所以我地自己都做左個測試，即時用app攞3-4人飛，結果係只係等半個鐘，侍應叫入座都只係我地既2人飛後一張枱，所以大家2人等位記得攞3人枱，不過最建議大家都係去旺角分店食啦！食物同服務點都好好多！

Urban Lunch Menu 既春心菠蘿炸雞扒漢堡（$70）個名字有點吸引，唔知食完係咪真係會春心蕩漾🤣🤣🤣Urban Lunch Set 必備龍蝦湯，裡面有龍蝦粒，有龍蝦味，當然唔係超濃版啦！不過以餐湯來講，都唔錯嘅，上碟前才落Cream。顏值爆表，最少吸引我去開動😍漢堡包外面香脆，裡面嘅質地鬆軟、唔硬。炸豬扒令我喜出望外，竟然香口而且入邊係Juicy，真係抵讚👍🏻👍🏻👍🏻中間嘅春心菠蘿🍍更可中和炸豬扒嘅油膩。估唔到，原來呢個餐都幾飽！埋單合計：$77😋

平日午餐係商場黎講抵食既，叫左菠蘿炸雞漢堡拼薯條，包龍蝦湯同飲品漢堡不過不失，漢堡包有d乾，醬汁略嫌太少，炸雞味道有d淡，但食得出新鮮既。飲品係桃茶，味道適中，唔會太甜，加15蚊可以轉coffee or tea。另外加18蚊有埋蛋糕🍰蛋糕款式幾多，最後我點左newyork cheese cake,消化餅底，以18蚊既價錢，li個質素算係唔錯，但冇咩特別，可試可不試。另外li間既牛角包真係好好食！尤其係焦糖同朱古力，真係冇得輸～推薦

主食可加$25配餐湯及精選飲品, 或加$48除餐湯及精選飲品外, 多配一個甜品, 即甜品只需$23, 當然要甜品了。忌廉龍蝦湯味濃順滑, 龍蝦肉有咬口, 味道不錯。一山不能藏二虎蝦意粉 $148一山不能藏二虎蝦意粉應該改為一山只能藏二虎蝦意粉, 因意粉山上只有老虎蝦兩隻, 多一隻都無。老虎蝦已去殼, 方便食用, 肉質爽口彈牙。寬條麵頗有嚼勁, 每條麵均掛上醬汁, 醬汁少辣, 既濃郁又開胃, 而火箭菜和車厘茄有助中和膩滯感。精選飲品: 凍桃茶凍桃茶冰涼解渴, 味道討好, 不會過甜, 很想添飲。甜品: Bloody BerryBloody Berry以慕絲和蛋糕層層分隔, 蛋糕軟綿綿, 唯慕絲略為實淨, 不夠軟滑。針筒內的是紅桑子醬, 份量略嫌過少, 未能做到bloody的效果。

上星期同中學同學敘舊，大家都住沙田，所以我們四個女生便讓在這間餐廳一起吃早餐。我們點了一份英式早餐，一份溫泉蛋意粉，還有一份千層麵和意大利飯。食物質素很不錯，跟餐的還有龍蝦湯。個人特別喜歡那一份英式早餐同埋榛子咖啡。

Dinner Time 👯‍♀️ 跟餐叫有杯蜜桃茶🍹(可選凍/熱)加一碗龍蝦湯 🦞🦐上得山多終遇虎蝦意粉:蝦有兩大隻，有口感同蝦味又大隻，意粉係粗身既幾有彈性，汁方面可以再重味啲，因為食上去個蕃茄比較淡口🍚意大利白菇松露燉飯:飯粒既軟硬情度係比較厭生，好有口感，好滿意飯質，而菇係白菇嚟，飯汁好夠份量，黑松露既香味好濃烈，除左黑松露之外仲用左蒜頭去煮，色香味俱全本身想試埋佢地既牛角包🥐但好多味都已經賣唒，唯有下次再試啦再食我都會叫松露燉飯食 ♥️大愛啊

今日覆診完約了友人去新城市食LUNCH，其實一諗起要食什麼就已經很頭痛， 所以同友人一路行一路搵下有邊間餐廳可以食得舒服，價錢又唔會太貴既呢。大家一路行， 行行下就去到一田果頭睇下有咩好野食，後來見到呢間餐廳，見個餐牌上的LUNCH SET 都唔算好貴，環境都唔錯和菜式吸引，就一於入去試一試！入到去就梗係睇下有咩野食先啦， 睇個餐牌，其實樣樣都幾吸引，選擇困難症又出現啦！！！LUNCH SET 餐牌揀左一輪，最終我地點選了一個亞星咖喱雞配意大利飯和一個挪嚟威煙三文魚闊條麵，LUNCH SET 包是日餐湯和一杯飲品，飲品有三款可選擇(凍桃茶，汽水或青檸薄荷梳打)，我地就揀左一杯凍桃茶和一杯青檸薄荷梳打。 首先餐湯出場,  一飲之下， 原來是龍蝦湯, 入口軟滑，一陣陣龍蝦香味滲入口腔， 還有兩舊龍蝦肉, 非常好飲！隨後主菜亦紛紛送上 : 亞星咖喱雞配意大利飯 ： 份量唔算好多, 但食LUNCH黎講，份量還算接受。食落口好明顯真係採用印度咖喱，香濃咖喱味， 少少辣， 雞肉唔算嫰滑， 但夠入味，因為配意大利飯， 飯質有少少硬， 但咖喱汁融合落意大利飯一齊食， 別有一番風味!挪嚟威煙三文魚闊條麵

初三赤口唔使拜年同屋企人行左轉車公廟☺️成個沙田都超級多人 搵野食都搵左好耐🤥依間雖然係連鎖店 不過質素一啲都唔差喔☺️過到黎已經係下午茶時間 佢地個menu冇跟餐飲 其實同散嗌冇咩分別 所以可以揀自己想食既野🤣🤣我揀左個「辣味煙三文魚牛角包」食落個包有啲太硬 冇左酥酥脆脆既感覺 但係味道都幾好食🤗另外叫左杯Cappuccino 自己個杯上面灑左啲朱古力粉 而屋企人個杯就係拉花 如果我個杯都係拉花就100分🙊😂順帶一提 個綠茶蛋糕好好食🥰🥰

今天到沙田逛街，這裏多了很多新的食店。經過見到了這間餐廳，店舖門口也放滿了不同口味的牛角包！！見行街行到累了，所以跟朋友一起買一杯咖啡，吃一個包休息下。有一個款式叫菠蘿牛，其實是牛角包但上面卻有菠蘿包的皮！本身個人非常喜愛吃菠蘿包，所以一看到這一款便立即想食😋另外叫了一杯熱朱古力及熱latte，朱古力味道相對較甜沒有加糖，但已經夠甜度了。Latte咖啡味香加上選擇了skim milk味道也算合格。👍牛角包方面，店員幫忙加熱了即場吃🤩這個菠蘿皮比平常菠蘿包的皮有一點不同，較軟身，初初以為是脆身的，但也可以一試。

Urban 沙田一田裝修之後，見到呢間新開嘅餐廳，望落裝修幾靚，坐得又舒服就試一試。叫左個卡邦尼意粉，除左超好食都唔知講咩好，煙肉係厚切，蛋味超濃，而且意粉質地適中唔會過硬。最驚喜嘅係佢地嘅cheesecake，芝士味超濃，但一d都唔漏，一定會翻食。

其實原本唔係諗住去呢間度食， 誤打誤撞竟然有驚喜。之前佢同一品牌嘅鋪頭食覺得好唔掂， 但今次去到呢度叫咗個慢烤肥雞， 同埋紅酒乳鴿， 係冇諗過咁好食。先講隻雞， 考完出嚟相信juicy， 冇乾爭爭嘅感覺。呢半隻雞都唔細， 我哋食完已經6成飽。之後再上紅酒乳鴿， 非常入味，肉質豐腴，令人非常滿足。我諗呢一間舖令我對呢個品牌有所改觀。改觀嘅唔只係食物質素， 連服務都好好。除咗食物之外嘅題外話， 用餐嗰日我隻耳仔其實好唔舒服， 所以對啲聲音好敏感， 西餐廳多數都會播住音樂。佢第一次畀我張枱因為音樂對我黎講太大聲， 佢哋有換位畀我。但因為我太敏感， 所以已經坐在一個冇咁大聲嘅方向，但都有啲炆， 有職員好貼心， 見到我有啲問嘅情況下，熄咗我頭頂嘅音樂。我都想講sorry，我只係耳患不適，並非你地排不周。但呢度嘅食物質素，真係值得推介。

同男朋友去沙田一田行街街，見到有間Urban...因為之前已經系旺角Moko試過食一次，對佢品質有信心。因為7點左右所以唔需要排隊就可以內進。呢間分店比MOKO大很多，環境幽暗舒服。因為系店門口已經睇到有個新既意大利海鮮燉飯，所以諗都唔使諗即刻嗌黎食，而我男朋友就嗌左個牛扒食，2個set會跟龍蝦湯同1杯桃茶，另外我地仲嗌多左個水牛城雞翼同埋咸蛋醬薯條。意大利海鮮燉飯-同鐵鍋裝住，冇甘易凍，冬天可以慢慢食熱食，另外不得不讚urban既risotto水準出色。牛扒-因為本人對牛肉不是大愛，所以冇咩特別感覺，但男朋友就話很不錯，睇到佢食得好開心就知好味。咸蛋醬炸薯條-初初睇個名會以為每1條薯條會包住咸蛋醬，到上枱先發現完來只系上面淋咸蛋醬俾你點黎食，咸蛋醬好味，雖然好邪惡，但一路食一路暗爽，但因為醬汁好易凍，所以食到一半薯條已經點唔到啲醬黎食了。水牛城雞翼-雞翼總共有6隻（好似系），佢呢到既炸雞翼好出色，完全系外脆內嫩滑，加埋個味道剛好既醬汁，堪稱完美，食完第1隻勁想入廚房拉住整雞翼既廚師轉圈圈。總括Urban真系一間必食同埋一定唔會伏既餐廳，各位真系可以再試冇防

第一次食夜晚，約咗幾個朋友吹吹水，大家都一致叫咗個鵝肝牛肉漢堡試一試。其實食漢堡最怕就係個包乾爭爭，塊牛又鞋烚烚…但呢個漢堡有驚喜啵😚，搵把刀輕輕篤一篤已經有啲肉汁流出嚟，再用多兩錢力切落去…嘩真係不得了🤩，好彩有隻碟度一度咋，如果就咁外賣拎住嚟食肯定狼狽不堪（係稱讚嚟㗎😌）。個包烘完剛剛好，夾埋鵝肝、牛、沙律菜，好食！另外仲有熱辣辣香脆厚薯條同一杯飲品（揀咗青檸薄荷梳打，唔甜幾清新）可以encore，又一餐。

中午又去新城市吃lunch，一於試齊新開既食店，之前都食過旺角個間urban，作為招牌既牛角包就最好味了。呢次來到沙田開業，點都要捧下場，餐廳環境算闊落，坐位唔多但坐得都好舒適。中午有幾款午市套餐選擇，有餐湯、主菜連凍飲，味道不錯亦算係抵食，可惜份量實在太少了。是日餐湯: 南瓜湯，口感香滑濃郁。主菜: 挪威煙三文魚闊條麵，麵身夠彈牙，三文魚都新鮮，但係份量少得可憐。餐飲: 凍蜜桃茶，轉熱要加錢，如果餐廳可以多啲彈性就好了。