URBAN Café Commune (新城市廣場) (已結業)

Big Breakfast ($128)材料豐富, 多貴食材, 如煙三文魚, Parma ham, 牛角包好脆, 炒蛋夠滑。想減肥又想飽, 大力推薦👍孜然植物肉薄餅($118)因為個名夠特別就想試下, 原本諗住試伏但有驚喜😂Pizza 好夠味, 孜然粉好香, 素肉像真度高,有口感,夠脆, 份量好多。龍蝦湯(無限refill)&蜜桃茶 (餐+$25)龍蝦湯有中等以上, 雖然不會有好濃龍蝦味, 但不會太淡和稀, 味道不錯, 加上可refill, 這個價錢好抵。蜜桃茶凍熱都好飲, 不會太淡,不是溝出來好假果種味。

年青人通常都會訓到下午先起身，年青既我都唔例外 😂 今日訓到下午三點幾，就揾埋老死孖公仔去咗新城市廣場度食嘢喇，去到大約四點到諗住食唐宮小聚，點知佢下午茶截咗，Outback 又唔係咁想食，因為最近先食過，再食真係嘔都似，春水堂見佢啲拉麵都要 $80 至 $90 蚊有啲唔值，最後朋友提議不如食 Urban，都好耐無食過所以就 Urban 啦。Tea Set 有十三款比你揀，價錢豐儉由人，望一望隔離枱見啲顧客都係食梗晨光第一炮，睇落好鬼正，所以就同朋友一人一炮。😝升CUP晨光第一炮 ($118) : 超豐富呀 🤤 有 Urban 好出色既牛角包、法式香腸、煙三文魚、炒滑蛋、炒雜菇、蕃茄、巴馬火腿、沙律菜 ; 味道同質量都十分出色，份量恰到好處，食哂成個感覺飽到想死 😋 夜晚都唔洗食了。超好飲既凍桃茶。

近期是購物感謝際之日，行到攰便坐下吃一個豐富下午茶補充體力。我很愛吃印度烤雞，便點了印度瑪莎拉烤雞意粉，雖然是Tea Set，但份量卻很有睇頭，完全不是迷你系列。意粉看似無色無味的，入口卻帶有濃濃的蒜香味，炒得很有鑊氣。而烤雞也是嫩滑的，反而給我驚喜的是瑪莎拉醬汁，因為平時吃到的也是淡味沒靈魂的，但這次跟我在印度當地吃的味道很相似，有複雜的香料味道，感覺返灑嚟😋 咖啡也很有誠意，送上的是加熱了的奶，可惜到最後我還是喝了齋啡，感覺較健康一點。

星期五放工同男朋友去拍吓拖，但度度都好多人，而我就好鐘意周圍去試食cafe，所以今次去咗呢間urban cafe食吓。佢價錢唔係好平，但都可以接受。我叫咗一個impossible meat burger，佢係一個素食既肉，但食落同真既肉一樣，咁樣食漢堡真係完全無罪惡感呀！而且佢嘅薯條係無限refill，價錢上嚟講好抵呀！而男朋友叫咗燒雞半隻，佢配有沙律同埋薯條，一個人係食唔曬份量，價錢好似係$158，抵食呀！兩個人加埋食咗$330到，係沙田市中心食算係中價，如果想坐耐啲，呢度食飯都唔錯，因為薯條可以不停食

新城市不嬲都多人，隔離兩間餐廳都等緊位，咁就局住揀呢間啦。三個人叫咗兩個lunch set，加件蛋糕。lunch set包埋嘢飲同埋餐湯，餐湯係龍蝦湯可以任添飲。龍蝦湯 望落去同麥x勞嘅勁似，飲落去都係一樣味😀 仲有一粒梅左嘅蝦肉（定係龍蝦肉？）所以都唔想添飲啦😂牛肉忌廉意粉$128望落都幾好睇，牛肉都好多片，但係食落去勁鹹囉🤦🏻‍♀️蕃茄西班牙辣肉腸薄餅$118本身想試佢放係枱推廣既Impossible meat pizza ，但又話未又有喎，咁放喺枱做咩？薄餅個底都真係好薄，幾脆，味道正正常常既。跟餐叫左桃茶，甜左少少再加多左件抹茶蛋糕(+$18)面頭係蛋糕碎，同下面個層蛋糕係一樣嘅，平平無奇。

今天20/3/2020新城市廣場 Urban Cafe 重開便去dinner, 門口banner 大大隻字話全單八折, 和老婆點了個A7和牛肉眼扒和黑松露pizza, 味道ok, 加$25 有龍蝦湯和飲品, 龍蝦湯可任飲, 但埋單時就發現被騙, 原來個A7 和牛肉眼扒話已減價才賣$298, 不會有八折, 只有$118 的pizza 和加錢的湯和飲品有八折, 大佬呀！門口寫明 全單八折, 也沒有講明做特價的內歺不能再打折, 我一定會到消費者委員會投訴他們營商手法不妥不誠實！

推薦指數：🤩🤩🤩沙田一田附近最近開左好多新餐廳~URBAN都開左黎沙田啦之前係東涌食過都覺得唔錯,今日同朋友黎呢到食下野～菠蘿炸雞扒漢堡配薯條好FRESH味道又好岩喎!完全唔油膩~加左塊菠蘿,酸甜味配埋炸雞扒,岩岩好中和左油膩感~反而多左份清新!幾抵讚成個SET仲有個湯, 今日係龍蝦湯, 非常掂呀!! 夠濃郁仲有唔少的小蝦肉~當然唔少得個配菜薯條啦!我個人鐘意厚切薯條,呢到的份量都算幾多唔少嫁~最後嗌左杯FLAT WHITE, 咖啡就有少少失準~有待進步!

難得平日唔駛返正，約友人出去食lunch.黎到沙田選擇真的不少！就從openrice篩選出URBAN Cafe Commune. 通常星期六或日經過這餐廳，見到 lunch menu 都要過百元，原來平日可以平咁多。所以就決定試這間餐廳。這裡嘅午餐包餐湯、主食和餐飲！Urban 嘅牛角包平日都有食開，已經超，所以今日一樣以牛角包為首叫左份「晨光第一炮」，個名好似好勁咁我份晨光第一炮就即係all day breadfast,份量真係唔少，未食睇到已經飽左半肚整碟食物包埋：炒蛋、兩條好大嘅腸、兩塊煙肉、一埋炒什菇、番茄和重點牛角包。其實整份餐真的不錯，我覺得最好味嘅竟然係煙肉（我平時係唔會食嘅）同牛角飽。最差嘅就是炒蛋，望好似好juice ,但食落好實，好差，其他食物都過得去，不錯！友人就係雞控，所以就點左份「Urban 3小時慢煮烤法國肥雞」，個名已經令人覺得好好味雞真的很滑，唔嚡口，薯條熱辣辣，好脆。但雞真的是否慢煮左3小時就唔敢肯定喇Urban 是一間cafe,但竟然跟餐沒有咖啡選擇，要另加$15至可轉任何咖啡，這點就差少少啦！但我嚟到食得牛角包當然要配番杯咖啡啦。所以這$15是唔少

還記得最初開業之前幫襯過一次久久未為訪、趁著今日再到(一田)掃貨，乾脆就再次開動午餐。。。其實整個市面上消費意慾都不算十分強，食店亦不能抽身於外、差不多兩點入席用餐枱數量亦只不過是四至五枱，猶如下午茶時段~當日間來了主食咖喱雞配意大利飯HK$60.另外再加一杯咖啡HK$15.咖啡(此店另有加一服務)職員亦沒有告訴當日之餐湯，深深而帶咸蛋黃色調、最初還以為是南瓜湯呷一口方才知是用上蝦殼/蝦頭烹煮而成的很是好飲~進入主角時間咖哩雞帶有香甜味道,辣到偏淡絕對適合大眾化口味、所謂的意大利飯亦遷就了港人口感不屬於太過硬性,豐富的咖哩汁下包封了整份意大利飯、很快地殲滅了這點港式意大利飯~咖啡方面带有微酸的果香性，加上一個《好睇唔好用的牛奶瓶子》，倒出時由於冇出水位口、導出時狼狽~★整體來說個人覺得換算上已對得住自己荷包， 在周邊不斷的裝修下希望快一些融引入更多新加盟的食肆、令到這一邊新城市食店更加百花齊放｡★

食過Urban既牛角包覺得幾好食，大大隻之餘，仲好香牛油味，食落口好多層，好酥香而且仲出左好多唔同既味道迎合唔同客人既喜好試過大部分既味道都好唔錯，有時經過Urban都會買一兩隻黎食😋😋😋之前都係去Urban Bakery，行過先知原來有Urban Cafe見到會有Lunch set，就同同事去試下其實已經食過幾次，發現佢餐牌唔會變，日日都係呢個無新花款，所以我地都係耐唔耐黎食今日我叫左 挪威三文魚闊條麵 😆所有午餐都會有餐湯，一樣次次黎都係龍蝦湯🦞龍蝦湯色水好足，飲落好濃郁，飲到好香龍蝦而且唔會淡茂茂，係真係龍蝦濃湯，有兩舊龍蝦仔都好好食唔會韌同埋食得出都新鮮既☺️闊條粉份量正常，但因為個意粉非常creamy所以會好飽好滯闊條麵口感好有咬口，個人好鐘意個麵質忌廉汁非常濃郁，奶味十足醬汁只有微微咸更加突出忌廉味道既香濃有少少菠菜增加左口感，最重要係成個闊條麵有好多三文魚本身闊條麵入面有幾多熟三文魚，幾嫩口而且有汁唔會柴仲有一大片煙三文魚，一啲都唔腥煙薰味幾香，又唔會過咸仲有少量我最鐘意既三文魚籽三文魚愛好者一定好滿足 😍😍😍跟餐既野飲唔係普通港式飲品有桃汁 或者 青檸梳打選擇我次次都揀桃

🤤之前食過佢地既牛角包，覺得好好味😌今晚就同左個朋友仔試試佢地既正餐喇！七點幾只有五六枱客，環境座位都幾闊落，坐得舒服既👍🏻餐牌選擇唔算好多，最後我地叫左三款野食😋⭐️ST.TRUFFLE RISOTTO $108意大利飯率先上枱😋😋睇個樣都靚靚仔仔既，啖啖都係好濃既黑松露味🥰有唔少雜菇，至於飯既軟硬度我地認為剛好👍🏻飯量都夠，總體覺得唔錯架🤤⭐️RACLETTE CHEESE BURGER $128賣相好似好靚仔，點知非常非常失望🤦🏻‍♀️塊牛漢堡好乾好硬好鞋😣面頭芝士唔係熱辣辣！！係已經硬晒膠瓊晒一塊野🙄🙄完全係唔好味，浪費左個包生菜蕃茄😕薯條熱熱地，已經調味左，反而好食喎！⭐️NORWAY SALMON WITH POTATO $118唉😩估唔到一山還有一山低😓呢個唔係圖片只供參考咁簡單呀！係圖片只供幻想先岩🤦🏻‍♀️🤦🏻‍♀️我地諗住如果味道搭救到，咁都唔緊要！點知質素可以如此差😒三文魚好細舊！裡面未係勁熟，但都仲可以又乾又柴又硬囉😑😑兜汁勁淡，咩味都無，原本真係食唔到係咩黎，我地睇返餐牌先知係杏仁汁⋯⋯⋯⋯😓真係爆晒粗！旁邊既菜呀薯仔呀都好油，總之呢碟野完全好唔掂👎🏻總體黎講呢😔服務態度

明明無人等位，個侍應話有5張枱等緊，迫你坐門口位，坐低左又只派一半餐牌俾你睇，問佢拎埋另一份餐牌，落單點菜，轉過頭再走黎同你講set dinner賣哂，但門口仲係大大個餐牌寫住係度，啲待應完全唔理你，態度超差，唯有起身走人。

If you are looking for a nice all day breakfast, this is the place. Cozy environment, good food and quality service that fills you all day.URBAN take a classic and make it classy.The lobster bisque was rich and creamy.The croissant serve in good looking way, decorated with scarmbled egg, tomatos, bacons, mushroom and sausages. The croissant taste airy,fresh,flaky, buttery inside out! BRAVO.However, the scrambled eggs are not watery, a bit overcooked. The eggs are probably cooked too quickly over

星期日去NTP 食Lunch, 預左要等, 2人位我拎A08, 叫叫下叫到A07, 即時好開心咁預備入去啦~之後有細枱吉左成5分鐘佢都唔嗌, 佢地執埋張卡位就開始嗌3-4人枱咁我都理解ge, 都要入下3-4人枱...reception叫叫下叫到B10, 有個女仔俾飛, 個女Reception睇都無睇張飛, 嚟手就掉埋張飛去一邊, 就帶左個客入卡位 我8卦睇一睇張飛, 係A10.... 即係我後面....等個reception 返返出黎我同佢講"小姐呀, 呢張係A10黎架喎, 你岩岩係嗌B10呀可?"佢即時入返去問個女仔, 之後調左佢去吉左5分鐘ge 2人枱度再出黎問我"你係B10?"我話"唔係, 我係A..."都未講完佢又大叫"A09, A09"我話"er..你A08都未叫喎, 其實可唔可以睇清楚先嗌飛.."佢黑晒面, 但又好委屈咁話"得啦小姐, 而家咪俾你入囉, 你唔洗鬧人下麻?"嘩!!! 我邊有鬧你!!!你而家做野嗱西係事實, 我都未話人無帶腦返工已經好俾面你..你一而再咁叫錯飛wor!! 2次wor!!! 學人做reception wor!!!!!入到去, 明明唔係多枱, 3個樓

自己午餐食得太飽，晚餐兩個小朋友又想早啲食，於是叫左一個松露什菌意大利飯，跟餐配龍蝦湯同自選芝士蛋糕，另外再加兩個牛角包🥐。牛角麵包好香口，兩個小朋友好鐘意食，於是又加多一個🥐😂什菌飯不過不失，冇驚喜亦都冇失望。餐湯係龍蝦湯，味道不錯，但係龍蝦🦞好少得三粒仔，而且個湯唔夠熱。自選 cake 其實都有6-7款，款款賣相都好吸引，不過同小朋友一齊就費事食咁多朱古力，清清地揀咗New York cheese cake. 味道好好，芝士味好香😍整體來講不過不失。