306
26
8
港鐵灣仔站 B2 出口, 步行約2分鐘 繼續閱讀
電話號碼
23666448
開飯介紹
裝修全部以黑白手繪畫為設計,主打中西Fusion菜。色彩豐富的精緻菜式與黑白色裝修形成強烈對比,拍照效果一流。 繼續閱讀
營業時間
今日營業
12:00 - 23:00
星期一至日
12:00 - 23:00
付款方式
Visa Master AlipayHK 支付寶 現金
其他資料
電話訂座
加一服務費
當面支付
食評 (367)
等級4 2020-07-28
1 瀏覽
一入Uluru恍如進入黑白世界◾️◽️,餐廳裝潢只有黑同白,餐廳壁畫由一班就讀藝術嘅學生繪畫而成,每樣物件都畫得栩栩如生,包括窗、單車、樹林。對女仔而言Uluru就係自己既夢幻世界,地方大,而且可以擁有自己既「梳妝枱」🤔- High Tea SetHigh Tea Set有三層,最上層係朱古力同同馬卡龍,馬卡龍外酥內軟,而且唔太甜,橙色同白色馬卡龍味道分別係橙味同雲呢拿味。女友形容橙色馬卡龍為二寶果汁糖既橙味🍊中間主要係蛋糕,包括摩卡、柚子同藍莓乳酪。口感非常輕盈。至於最後一層係玫瑰奶凍同朱古力牛角包🥐。外皮香脆帶少少煙韌,入面既朱古力餡料份量適中,味道唔太甜,牛油味亦恰到好處。- 迷你朱古力糖果溫室🌹一開始我以為係裝飾,隔一陣職員先提醒我可以食用🤣。盆栽用朱古力餅碎、brownie同食用花製成,食落幾甜,而且充滿新意。- 泰式炸魚蛋同薯餅一有「泰式」二字就覺得會好辣,好彩食落唔係太辣。薯餅幾香脆,不過好油膩。- Rose Tea 杯上貼左花瓣碎,營造出落雪紛飛嘅感覺,外觀更加夢幻,不過同一時間職員提醒我哋唔好掂到杯邊,因為花瓣碎好難洗得甩🤣味道甜甜而且好大杯。- Lavender Dream 賣相同Rose tea差唔多,而且同樣大杯,荔枝甜味中滲透出陣陣薰衣草香味。Uluru到處都係打卡位,女仔一定為之而瘋狂,自己亦坐到唔太捨得離開😢 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-22
6501 瀏覽
ULURU一向鍾意周圍搵啲特色下午茶同朋友試吓除咗各大酒店嘅下午茶之外其實都仲有好多選擇今日就黎到灣仔春園街嘅ULURU雖然個入口就有少少隱蔽不過其實都係大街容易搵只不過會眼大行過籠春園街有幾熱鬧都唔洗我講喇一入門口隔音做得非常好我覺得自己好似去咗第二個世界一樣裝修好特別全間餐廳都係黑白色嘅繪圖但係有一種親切又簡約relax 嘅感覺座位唔會太密集真係岩曬同朋友聚會傾計淨係裝修都講咗我成篇文章因為我真係超級鐘意我哋3 個人就點咗兩個餐-🔅Special chicken burger with French fries $128雞扒漢堡味道唔錯雞扒大大件麵包外脆內軟-🔅ULURU Afternoon tea $338 for 2外型配搭排位絕對唔差過各大酒店嘅tea set最重要係價錢超抵每人百幾蚊咋喎仲要靚環境喎甜點唔逐一介紹喇味道水準都高我最欣賞係佢杯凍玫瑰花茶又靚又好飲玫瑰味道清新另外佢個mini chocolate candy greenhouse 包埋係個set 度朱古力幼滑但味道唔會太甜造型又靚真係好似泥土咁-呢間餐廳絕對值得回頭呀-ULURU (灣仔)灣仔春園街1-11號春暉大廈1樓 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-20
3408 瀏覽
K先生最近煩心事多,我又幫唔到咩手,除左盡量唔煩佢之外,都已經唔知可以做咩支持鼓勵。唯有安安靜靜咁搵下有咩好地方,逐一MARK底之後,趁大忙人MR K有空檔,就同佢去食吧~呢間ULURU在灣仔,上網見到好多人打卡好得意,D野食又好吸引,所以一直都係我既LIST 上的食店。趁HAPPY FRIDAY,就拉住心事重重K先生來,希望可以舒緩下心情吧。一見到個門口,就好像去左另一個世界咁,好靚呢~因為我早左到,所以有時間在餐廳好多地方先影相,真係身處其中,深深感受到ULURU好用心設計裡面每一個角落。好夢幻,彷彿去左另一個世界,可以暫時精神上休息一下。K先生匆匆來到,都被呢到既特別環境吸引,終於笑番下囉~之後我地叫左兩個套餐,加$38就會有埋湯同沙律。餐湯是原粒粟米打成的粟米湯,真材實料喔!沙律都好清新,是非常好的starter 主菜點了K最愛的肉眼扒,好香肉味,薯仔好甜又大個,超正。另外也是我們最愛的忌海鮮意粉配cream cheese source,兩只大蝦加上青口,海鮮甜味混合忌廉香味,哇,好食呀。飯後點了兩杯signature drinks 藍色的是lavender dream 香濃的荔枝味配岀果茶,滲岀幽幽的薰衣草味,的確能解憂。另外紅色的是Rose tea 我比較喜歡玫瑰清香,而且無咁甜,飯後飲既疏肝又解渴呢。吃飽之後,可以手拖手細味餐廳的佈置,也漫步灣仔踏上歸途,雖然好快K先生又要問題天天都多,不過相信呢餐外都內都暖入心的晚餐,已經是一枝強心針了喔。無咩事,我番岀去先囉 繼續閱讀
(以上食評乃用戶個人意見 , 並不代表OpenRice之觀點。)
📍ULURU (灣仔)🔍灣仔春園街1-11號春暉大廈1樓-----四日復活節假期,旅行又唔去得,郊區離島又好多人,B仔唯一嘅娛樂除左食,都係食😋。好彩嘅係呢間西餐,無論環境定味道都令我非常滿意,總算補償左我假期冇得外遊嘅失落感。餐廳嘅裝修風格非常似早年大熱嘅填色冊Secret Garden,✏️黑白細膩嘅手工畫令人感覺置身于夢幻嘅繪色本當中,甚具特色。-🐷香煎美國有骨豬鞍扒伴自家製蘋果蓉🍎($238):豬鞍扒仲大過B仔塊面,整體肥肉比例唔高,屬多瘦少肥嘅部位。豬肉肉味頗濃,而👨🏻‍🍳廚師高超嘅烹調技巧亦令肉扒質地成功於扎實同柔嫩中取得平衡,入口啖啖都非常Juicy,將整塊豬鞍扒嘅美味程度發揮到極致。🥩-🌹Uluru rose tea($52):明明成杯都不帶酒精,但B仔依然被其賞心悅目嘅精緻外表迷得有點醉意,有種覺得自己飲緊cocktail嘅錯覺🍹。Rose tea除左玫瑰味突出之外,杯裡面竟然真係有朵完整嘅玫瑰花,非常iGable,加上淡淡嘅薄荷香氣,飲落清爽怡人,無論係齋睇外觀定係細細品嚐都令人有種心情舒暢嘅感覺。-🥣紅豆沙(附送):西餐廳竟然好似港式酒樓食晚飯咁,最後免費送上紅豆沙,真係好貼心,而且味道唔會太甜膩,粒粒紅豆亦好飽滿,有種媽媽自家煲製嘅溫馨感。👨‍👩‍👧‍👦-----👶🏻B仔整體評價:8.4/10個👍🏻👶🏻B仔抵食程度:7.5/10個👍🏻👶🏻B仔環境評分:8.5/10個👍🏻 👶🏻B仔味道評分:8.5/10個👍🏻👶🏻B仔回頭機會:9/10個👍🏻-----#swallowhongkong跟住我一齊吞食香港啦!🤤#swallowwanchai 繼續閱讀
(以上食評乃用戶個人意見 , 並不代表OpenRice之觀點。)
2020年4月4日 星期六“遊玩過童話國 如幻覺遮蓋視野可有乘載著我 重回現實班車”一年一度嘅兒童節雖然已經唔再係兒童,不過都好想好似小朋友咁拾回童真,今日就同緊女朋友去到呢個地方,希望可以暫時忘卻現實中嘅不安同壓力黎到餐廳門口已經充滿童話風,主要係黑色同白色為主調入到去發現裝修仍然貫徹一貫風格,簡簡單單牆上面有少少黑白畫,而餐枱同櫈都仍然以黑白色為主色今日同女朋友食嘅係呢一個下午茶套餐,見到餐牌上面寫住好多嘢食,價錢算合理,仲每人有杯飲品送添等左一陣間就有嘢食送到,首先到嘅係一個盆栽,上面有一朵好靚嘅玫瑰花,店員話全部都可以食用既,其實係食用花同朱古力Brownie,加埋朱古力餅碎而成。食落去唔太甜,感覺好特別,好似真係食緊真花同泥咁之後就有兩款小食,分別係泰式魚餅同吉列蝦,炸得香口得黎油唔算太多,好鬆脆之後甜點架終於到,賣相好精緻,首先下層有紅豆牛角包,真係食到一層層,好鬆軟。中層係唔同口味既芝士餅,最欣賞係左手邊既柚子味,酸酸甜甜咁,唔會太膩。至於第三件既mocha味就好濃咖啡味,岩晒我最上面仲有純朱古力,咬落去感覺好幼滑,食完都唔知要做返幾多運動最後每人仲有一大杯飲品,我叫既係荔枝薰衣草紅茶,好重薰衣草味,食完野再飲消化一流 繼續閱讀
(以上食評乃用戶個人意見 , 並不代表OpenRice之觀點。)