432
20
11
港鐵灣仔站 A3 出口, 步行約4分鐘 繼續閱讀
電話號碼
28366466
營業時間
今日營業
12:00 - 15:00
18:00 - 23:00
星期一至六
12:00 - 15:00
18:00 - 23:00
星期日
18:00 - 23:00
付款方式
Visa Master 現金 AE 銀聯
座位數目
60
其他資料
酒精飲品
電話訂座
到會服務
加一服務費
食評 (493)
等級4 2020-03-05
7452 瀏覽
家賀屋相當受歡迎,星期一仍然接近滿座,我坐既位仲有得睇櫻花樹下同富士山!難得約到多年冇見嘅朋友食飯當然要啤一啤!我地叫左麒麟一番榨生啤250ml,餐廳亦有提供500ml同750ml。- 特選鮪盛一碟有齊赤身、中拖羅同大拖羅😋- 赤身兩貫當然由赤身開始試起😝肉質呈紅色,比較瘦同有咬口,魚香味較淡。- 中拖羅兩貫顏色比赤身粉紅得多,脂肪比例中等,非常甘香。- 大拖羅兩貫顏色更加粉紅,吞拿魚既腩運動量最少,感覺好似食左肥膏落肚,相當肥美。雖然未係完全入口即化,不過魚油脂的確幾甘香。- 自選刺身我地叫左火炙秋葵、赤貝、油甘魚同原條海鰻。赤貝非常大片,從側面睇幾乎見唔到壽司飯。肉質彈牙,唔算特別鮮甜。原條海鰻長度差唔多係壽司飯既兩三倍😱,非常壯觀。海鰻味道淡過蒲燒鰻魚,不過海鰻魚肉比較細膩,而且無冇軟刺。火炙秋葵上面有蘿蔔蓉,食完只有一種感覺:健康😬炸墨魚咀口感爽脆,墨魚咀軟中有硬,佐酒一流。另外加左檸檬汁冇咁膩。菠蘿雪葩以原個水果呈上,賣相已經滿分💯。菠蘿味天然,口感非常綿滑。走既時候先發現家賀屋係黃既事實🥺我真係有眼不識泰山,之後一定會繼續懲罰家賀屋💸 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-04
2935 瀏覽
前幾日喺電視見到人地食河豚刺身 自己就好好奇 到底係咩味架呢🤔於是就上網搵下 點知發現原來香港都有得食😳 之後過咗幾日就約埋個friend一於去試下先😏間餐廳喺灣仔樓上鋪 不過喺樓下就見到咁大個招牌 實搵到!😂餐廳喺一樓 行上去都好方便坐低之後我哋即刻睇吓有冇河豚刺身先😏果然有得食!而且以刺身咁難整嚟講 二百幾蚊都算差唔多價錢呢度仲有好多其他唔同嘅壽司定食可以揀👍🏻我哋梗係二話不說叫咗個河豚刺身先啦🙈•河豚刺身🐡•-河豚刺身一向都難整 因為要好小心處理 唔係就會有得毒但呢度嘅師傅都整得幾乾淨 👍🏻河豚嘅味道本身淡淡的 但又幾鮮味佢仲可以配埋其他醬汁 蔥花一齊食 可以令河豚嘅味更加出色🤤 •青龍🐉•-之後再試吓佢哋其中之一嘅招牌菜-青龍淨係聽個名都夠霸氣 食落都唔錯!海苔碎加壽司飯包住入邊係炸咗嘅天婦羅蝦🦐再加上上面嘅魚子同埋沙律醬 口感豐富 外軟內脆之餘仲好惹味添!🤤•麒麟啤🍺•-放工點可以唔飲番杯阿🙈 我同個friend決定啤啤佢🍻之後仲叫咗個炸墨魚咀嚟送啤酒添☺️•炸墨魚咀🐙•-呢個炸墨魚咀餸酒一流 面頭唧啲檸檬汁 減少炸物嘅油膩感 而且細細粒 卜卜脆 可以慢慢食👍🏻•稻庭冷烏冬🍜•-最後我哋仲叫咗個烏冬呢個稻庭烏冬嘅質感彈牙 配埋烏冬嘅醬汁架蔥花同Wasabi清新之餘 烏冬吸晒啲醬汁 好正阿🙈•蜜桃雪芭🍧•-最後梗係用甜品作結尾啦🥰呢個蜜桃雪芭性價比高 用原個蜜桃做器皿裝住蜜桃味嘅雪芭 而且估唔到佢哋嘅雪芭做得好好 比起出邊專業嘅更加柔滑 入味 無論外觀定味道都係一流🤤-難得第一次試到河豚刺身 感覺都幾好 而且呢度嘅食物質素都唔錯 仲有食完飯一定要食埋佢哋嘅甜品雪芭阿!👍🏻 繼續閱讀
(以上食評乃用戶個人意見 , 並不代表OpenRice之觀點。)
我去食晏十二點開門, 見到入面已經set好曬 ,我十一點五十五分到,餐廳唔畀我入去。 無奈地走廊係冇冷氣, 唔知壞咗定慳錢唔開,焗到死人。我問可唔可以畀我入去坐低先,因為流曬大汗同埋好焗。 當時得我同一個朋友,冇其他人等枱, 我亦一早book咗枱,表明未夠12點唔會嗌嘢, 但可惜最後唔夠12點都唔畀我入去坐低,成身大汗🤨 坐低同waiteress講明,你幫我落住兩個人嘅單唔好上菜住,因為仲有朋友未到。點知遲到ge朋友一坐低已經上菜。okay ...cool.... thanks 😊 野食係好食,但唔好ge野勝於食物sorry無下次。完 繼續閱讀
(以上食評乃用戶個人意見 , 並不代表OpenRice之觀點。)
等級1 2020-07-09
117 瀏覽
我地今日十二點半尼到,室內仲有好多位,但店員就係唔俾人入去,要人齊先得我已經好聲好氣說我可以order兩個餐先,佢話唔得要等人齊然後我話咁我入住先啦,我一位坐住先,但佢話一位食45分鐘,依家開始計(超不友善)然後人齊入去,店員黑口黑面,我覺得成餐飯食到好似欠人錢咁,明明我地只是開心食個飯希望店家改善下安排,我唔明點解我可以叫兩個餐先都唔可以俾我入去坐,我唔會叫左餐又走左去囉如果繼續咁樣,我相信你啲客人都唔會食得開心 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-18
502 瀏覽
呢間高質嘅刺身寿司專門店已經聽過好多次!今次專登同大肥肥👦🏻去試下!1️⃣河豚薄切刺身 $280🐡爽口彈牙,配上柚子醬或者用豉油,即刻為佢提鮮!🙆🏻‍♀️美味指數:7.45/10 2️⃣石狩丼定食 $128呢個其實係三文魚+三文魚籽丼!真心高質!你會食到佢哋嘅鮮味,而且飯係真係會食上癮,明明好大碗都食唔停口!🙆🏻‍♀️美味指數:8/10 3️⃣薄荷青瓜冰啤 $88感覺幾清爽,炎炎夏日最適合!🙆🏻‍♀️美味指數:7/10 💡整體來講,性價比高!家賀屋刺身寿司專門店 (灣仔)地址🐾:灣仔灣仔道83號1樓 繼續閱讀
(以上食評乃用戶個人意見 , 並不代表OpenRice之觀點。)