The FOOD FACTORY (已結業)

今日收工友人約左我去旺角食晚餐因為兩個人，想環境清靜點，就去左中間點旺角，友人搵到呢間西餐就一齊試試～環境唔算好大，但座位之間都算是有一定的間距，而且有高既椅子同枱，感覺都幾歐美，幾靚～我地晚上7:30左右到達，唔算好多人去到8:00開始愈來愈多人入座叫左個個好特別既雀巢手工薄餅呢個真係超讚，因為個人好鐘意食火箭菜，佢成個pizza面都鋪滿晒！而且pizza係好脆口，有d黑松露既蘑菇配上，配搭好新穎，新穎得黎幾好味！！之後黎既就係慢煮肉眼扒配農夫菜驚喜既係份量咁大農夫菜有我朋友最愛的紫蕃薯肉質係幾軟，唔係厚既牛扒，但都食到好飽如果係兩個人食，絕對足夠！再叫左杯熱既朱古力咖啡～都係有水準既！埋單$350左右，我覺得西餐黎講係性價比好高！有牛扒又有pizza都只係二百蚊內一個人（我地兩個人食得剛剛好）！旺角要搵間寧靜舒適就揀呢度啦！

一班朋友聚會，梗係唔少得搵個可以傾計既地方，朋友推薦呢間food factory，話環境氣氛食物都唔錯，結果我地一行6人就黎試下喇oreo脆脆朱古力冰沙，超邪惡但又真係好好味，呢個份量啱啱好香橙西柚佰爵茶，酸酸地好開胃玫瑰蘋果佰爵茶，味道好清新藍糖乳酸蘇打，賣相吸引，飲落酸酸甜甜煙三文魚紅醋沙律，沙律好新鮮，配上紅醋特別醒胃墨魚胡麻芥末沙律，胡麻醬配上芥末醬味道好夾至尊手工pizza，材料豐富餅底又鬆脆，正安格斯肉眼扒，7成熟食落一d都唔韌而且好香牛味小食拼盤，人少少食都唔錯，我地人多就每人試少少全蜆忌廉義大利麵，好滑好creamy海膽海鮮炒飯，材料豐富而且炒飯質地啱啱好，唔太淋又唔太硬啤酒鴨，原隻上太影好相後，店員就會拎入廚房幫我地切好，啤酒鴨肉質鮮嫩，又唔會太肥，配上酸梅汁額外開胃

上個月約埋舊同事去旺角一間新開嘅西餐試一試，估唔到又唔錯喎!小食拼盤$108小食拼盤有兩件雞鎚、魷魚圈、薯角、亦有幾塊比得包！估唔到嘅係竟然小食正本有彼得包，雖然彼得包不是太吸引但係沾上雞鎚的buffalo wing汁非常嘢未辣辣地幾甜！另外魷魚🦑圈咬落去彈牙爽口，渣漿唔算厚，有四五件！雞鎚醬汁惹味！又夠厚肉juicy，唔錯唔錯！原隻啤酒鴨配秘製酸梅汁 $228好少餐廳有成隻鴨直接order！本身上枱嗰陣係整隻鴨上無切件！呢隻鴨呢就唔算太大， BB鴨黎，不過不失！但影相一流夠晒霸氣！墨魚胡麻芥末沙律$98沙律醬味道好易入口胡麻醬甜甜地！火箭菜食落去好爽脆，證明夠新鮮！但份量多少少就好啦！🤤🤤至尊手工薄餅$138你個薄餅size岩岩好！每人一塊，餅底幾脆，每一塊又有一塊辣肉腸，又夠醬！玫瑰蘋果伯爵茶$47呢杯伯爵茶呃like一流,個杯幾靚，飲落去唔算好甜蘋果味好足，反而玫瑰味就唔算話太強烈！伯爵茶味同蘋果味好夾，好清新可口！

這間新開的餐廳，如何在短時間內取得過百食評，我真係不打算去推敲。但以本人的親身體驗，是覺得有些混亂，如果店主有看到，請認真考慮一下如何改善這些「軟性」問題。第一是人手非常不足夠，基本上根本做不切手上的工作。然後員工就開始做到火滾，送餐上檯幾乎變成「飛餐上檯」。看到食客舉手示意的態度是愛理不理，隔鄰的女人以為員工看不到，只會Fing得更起勁，然後員工君又覺人家再催促你，惡性循環。簡單一點，你示意轉頭會過去不就解決問題了嗎？第二是出品味道不穩定，友人吃的牛扒沙律味道正常，而我吃的厚切豬扒則咸到苦！第三是衛生值得注意。為何餐具竹籃跌在地上，可以拿起即時再給食客使用。你的地面真的乾淨到如此水平？還有「硬性」問題，不過應該很難短期內改善。第一是檯與檯之間很逼，談話幾乎是互相影響，成個環境是「罩聲」，比起酒樓還要甚。第二是第二次來個Wi-Fi已告失聯。值得讚的是價錢非常相宜，以這個地段，$5、60蚊有交易真係可以說得上很抵了。厚切豬扒份量足夠，湯夠濃，包就一般貨色。以這個價錢來說，真的茶餐廳都未必做到，這個找想是唯一一個值得讚的。整體來說，我偏向給喊面，因為很多不好的地方都是「人為」，是可以改變的

呢日約左三五知己食飯，有朋友就提議食food factory，有得食又可以慢慢坐低傾下計，平日即收工時間都唔算多人，環境幾舒服見到呢個一人餐餐都唔錯，食物種類都好吸引朋友叫左oreo脆脆朱古力冰沙，見到個樣就估到杯野有幾邪惡，朋友都表示好好飲藍糖乳酸梳打，外型吸引，飲落酸酸甜甜好開胃玫瑰蘋果柏爵茶，清甜得黎好有玫瑰味墨魚胡麻芥末沙律，胡麻醬+芥末即組合好夾，加埋墨魚爽口，幾好味北海道全蜆忌廉意粉，味道香濃意粉好滑，而且有好多蜆安格斯肉眼扒，牛扒好有牛香味，7成熟一d都唔韌至尊薄餅，材料好豐富，餅底香脆最後壓軸有呢個原隻啤酒鴨秘制酸梅汁，清淡幾啤酒香味再配合埋酸梅醬一d都唔覺得漏，鴨皮香脆，鴨肉好有嫩滑同時好juicy，值得一試

說起旺角鬧市要找一間餐廳，好好跟朋友醫肚其實不難 反而，要找一間有主題特式、又好味道的餐廳可能花多眼亂好難下決定。剛好在油麻地地鐵站附近，餐廳名為【The FOOD FACTORY】，開業不久，今日即刻同朋友去試，上網睇過下餐牌，見到之後就心諗咁平既個Lunch？唔係咁抵呀？！目的地是位於旺角商廈內的樓上西餐廳。譽發廣場5樓。門面工業風，而入面設計都係走工業風路線，簡約自然，舒舒服服，地方新淨。仲要有一片式落地玻璃。亦有大大的投影機播電視。歐美風盡現。我倆被安排坐到落地玻璃的旁邊，沒有被安排到面向窗外的高身座椅上用餐，很喜歡坐低窗邊的附近，因為可看到彌敦道一帶的街景和樓景，景觀真的很開揚。呢間餐廳嘅午餐真係好抵食，$50-$60就食到一個扒餐、Burger等等，Lunch Set 2:30後入座全單8折仲抵食。每個餐仲有奉送餐湯、餐包同飲品，其實在旺角區黎講真係都幾抵食。點了兩個Lunch Set，L4 + L11先來餐湯、餐包，西餐湯作輕食餐，減輕腸胃的負擔。呢度忌廉雜菜湯味道平平，配上餐包，作為開端都有點吃得飽飽。🔹L4 ：紐西蘭牛肉眼伴意大利黑醋沙律 $63紐西蘭牛肉眼，大概5-

經常聽朋友講呢間樓上嘅西餐廳，話啲嘢食都幾有水準，而且又唔會貴，所以就黎試吓，一坐低店員就俾咗個Menu我哋揀，瞓Menu都有好多選擇，我哋就揀咗個至尊手工薄餅，同埋揀咗原隻啤酒鴨配自製酸莓汁，呢款食物我比較期待，因為要整得好食都需要有啲難度，先講咗個薄餅先啦，都等得幾耐下，因為可能佢係即叫即整嘅原因，嚟到都係熱辣辣，餅底又博有趣，唔會好似以前舊式嘅Pizza一樣好大舊麵包咁，而且佢Pizza面嘅配料都好新鮮，有水牛芝士，辣肉腸，菠蘿，雞肉同埋有番茄醬鋪底，所以好開胃好好食。至於個啤酒鴨配自製酸莓汁，一嚟到望到都覺得幾驚訝，因為佢係原隻上，當我以為自己要手撕隻鴨去食的時候，好彩店員會問使唔使幫我地切埋，咁我哋梗係叫佢切埋啦，店員就會拎返入廚房切好然之後再拎出嚟俾我哋享用，個鴨肉質都比較鮮嫩多汁，而家自製酸莓汁幾特別，酸酸甜甜幾開胃，最後我哋叫咗一壺茉莉花茶，非常之好咁會有個蠟燭可以熱住壺茶，唔使驚凍哂，鍾意食西餐嘅朋友都可以黎試吓啦。

行行下街肚餓上網睇下邊間野好食見到呢間評價唔錯於是就入左嚟食因為我地想食既一人/二人套餐都冇所以就決定散叫啦（正常係套餐抵啲既～）首先叫左杯洛神紅莓荔枝梳打（$42），又幾好飲wo! 荔枝味好出，唔會太甜，喜歡！主食呢我地就叫左兩樣，其中一樣係流心三重芝士手打和牛漢堡（$168），入面有流心芝士和牛、車打芝士、生菜、洋蔥、蕃茄同蛋黃醬，口感多層次，牛亦不錯，唯一不解是「三重」芝士何來三重呢🙈我地仲叫左個原隻啤酒鴨配秘製酸梅汁（$228）一嚟到已經嘩左聲，真材實料wo 影完相就叫waiter幫手切開～個份量係超·級·多！唔建議細食既朋友叫呢個～味道都不錯，唯一係太多食唔晒🙈

前幾日聽朋友講旺角有間新開無耐既餐廳，今日即刻同朋友去試，去之前都睇過下食物同餐牌嗰啲，一睇餐牌忍唔住講左句，嘩！唔係掛咁抵既！之後即刻預約左5點鐘，一到門口，已經有侍應招待我地，好快就坐低左，再望一望餐牌，發現有行細字，寫住lunch set 2:30後入座全單8折，仲平左！咁就即刻叫野食先。我地2個人叫左2個lunch set同埋1個tea set，分別係L1-紐西蘭牛肉眼扒，L12-蜜糖芥末煙肉安格斯牛肉漢堡，T2-蜜汁烤雞翼牛肉眼扒有得跟飯、意粉或薯菜 ，味道仲相當唔錯，相當之有牛味又燒得唔老唔會話無哂啲肉汁，佢既黑椒汁都唔會蓋過左牛既味！而個漢堡亦都相當之唔錯，佢完全拍不想外邊專賣漢堡嘅鋪頭，煎香完既牛肉啲肉汁冇流失到，啲蔬菜嘅配搭都非常之足夠，唔會令到個包好油膩。呢兩個lunch set係2:30後依個時段，竟然$50都唔洗，實在太抵啦！可惜在於個蜜糖燒雞翼，可能佢煮嘅時候太過火有啲鞋，不過價錢都唔係好貴，過得去啦依個。總括而言，如果淨係計呢兩個lunch set嘅話就真係滿分啦，係個燒雞翼扣左少少分，不過性價比都係非常之高嘅。

BEIJING DUCK HANDMADE PIZZA Beijing duck-filled hand-made crepes seafood sauce, buffalo mozzarella, Beijing duck, scallion, cucumber, $158, Beijing ducklings are more meaty, glutinous will be too salty, taste rock is good American pig saddle with Hawaiian pineapple $168, pork taste fresh, no meat residue, good teeth and meat, super good food. Hawaiian pineapple is very fresh with the caramel, and it tastes good and delicious. Red bean jasmine tea milk $25, in terms of price, it is important, dri

雖然旺角真係好鬼多人，但勝在方便又多餐廳揀，樓下Café不嬲都好好hea，但有靚景真係唔多，呢度環境開揚，半邊餐廳都係用左落地玻璃，餐廳d櫈又多色，幾令人舒暢紐西蘭牛肉眼伴意大利黑醋沙律估唔到Lunch都有得豪食，紐西蘭肉眼扒，難得都整到5-7成熟，雖然未能同扒房比較，但呢個價值同lunch黎計已經足夠，另外沙律方面個串串茄好新鮮，仲煎香左，好飽滿又多汁，個黑醋就比較甜黑松露野菌安格斯漢堡有當年出名嘅某間連鎖漢堡店嘅味道，好耐無食到，黑松露野菌夠Creamy夠香，安格斯都算Juicy，都唔錯，仲配左薯角，每次有佢代替薯條都覺得係Bonus 紅豆抹茶鮮奶有三分一都係紅豆，好足料，飲落都幾滑身蘋果玫瑰普洱茶滿滿嘅一壺，普洱比較濃味，但配番蘋果玫瑰就平衡到岩岩好

今日去左食品工廠！！唔好估錯，查實佢係一間餐廳黎是日餐湯+$15 轉做龍蝦湯，龍蝦味道好重，都是係幾好飲嘅龍蝦湯。先叫左份BEIJING DUCK HANDMADE PIZZA北京填鴨手工薄餅海鮮醬，水牛芝士，北京填鴨，京蔥，青瓜$158，北京填鴨多肉入味，唔會太咸，味道岩岩好。青瓜絲爽口，估唔到同pizza咁夾。美國豬鞍扒伴夏威夷菠蘿$168，豬肉口感鮮嫩，沒有肉的渣，好彈牙嘅肉，超好食阿。夏威夷菠蘿同車厘茄好新鮮，食到好滋味嘅姐。紅豆茉茶鮮奶$47（跟餐只需要加$25），以呢個價錢來講，算係重要，好好飲！而紅豆茉茶味道非常匹配，正。

一班好耐冇見嘅朋友想聚一聚，約油麻地就比較就腳。見到新開左間食西餐廳，我地就入去食！入到去地方幾大幾闊落，位都幾多，坐得都幾舒服，好啱一班朋友坐低一邊傾計一邊食午餐。👍🏻👍🏻呢間餐廳嘅午餐都好抵食$50$60就食到一個扒餐，牛扒雞扒豬扒魚扒任君選擇👻👻仲有奉送餐湯餐包同飲品真係好抵食㗎👍🏻👍🏻有美式香草雞扒配上蒜蓉汁意粉，成個汁非常入味又香，雞扒都煎得好脆，配上煮得好好味嘅菜健康又好味🤩🤩紐西蘭牛肉眼扒配上薯菜，朋友都係叫咗蒜蓉汁成個味都好match，牛扒都好有肉汁好好味嘅事呀👍🏻紐西蘭牛肉眼扒都可以配上蜜糖芥茉沙律，肉同蔬菜match埋一齊唔會覺得太油，個芥茉醬同啲牛扒都好match😇😇

Cafe環境舒適，空間算是寬闊，跟三五知己一起過來吃飯談天，不錯的選擇。與友人一起分享菜式，前菜、主菜及一個一人套餐，包一碗餐湯及主菜，如另加錢可以有甜品、飲品等。 是日跟餐湯為忌廉雜菜湯，一開始以為是例牌的野菌材料，原來是雜菜粒，比野菌更添口感，忌廉湯亦很濃稠不是水狀。主菜點了貽貝墨魚墨汁燴飯：貽貝即是青口，數隻小墨魚，還有很多蔬菜粒、洋蔥粒等材料，燴飯的醬汁濃厚，混入飯及海鮮一起吃，不會那麼乾。墨汁飯當然是黑黑的，飯粒煙靭，吃著吃著整個嘴唇都變得髒髒的。手工肉丸配彼得包：肉丸醬汁配上軟腍的肉丸，一咬肉汁滿溢，伴碟的還有牛油果醬，不過份量不多，蘸數片彼得包就沒有了。雀巢手工薄餅：材料豐富，有水牛芝士、黑松露、野菌、雞蛋、火箭菜放面，就如雀巢般。整個薄底薄脆，塗上番茄醬，不過黑松露味道最顯著，亦很惹味。

隨心喺旺角搵樓上西餐食， 估唔到又搵到新一間氣氛唔錯，而且食物份量十足嘅西餐。揀咗兩份一人套餐，套餐配有是日餐湯同埋飲品。是日餐湯係非常香濃嘅忌廉湯，有蘿蔔粒、西芹同埋煙肉碎等。Oreo脆脆朱古力冰沙 / 藍沙乳酪冰沙Oreo脆脆朱古力冰沙上有放滿咗oreo碎嘅cream，而冰沙好重朱古力味而且易打得夠細，飲落涼快。雖然飲唔出點解藍沙乳酪冰沙係藍色，但仍然飲得出淡淡嘅乳酪味。貽貝墨魚墨汁燴飯唔止墨汁燴飯份量十足，連上面嘅海鮮亦非常豐富。除咗有墨魚之外，仲有幾隻青口同埋貽貝， 媲美得上一個豐富嘅海鮮燴飯。美國豬鞍扒配夏威夷菠蘿豬鞍扒同蘋果蓉永遠都係一個絕配，蘋果蓉香甜能帶出豬鞍扒嘅肉味，又能減低佢嘅油膩感。 菠蘿表面輕輕燒過，食落酸甜又多汁。伴碟仲有香滑嘅忌廉薯蓉同埋紫薯，份量十足。