Taste Cafe & Dessert (已搬遷) 新店位置

朋友介紹了這間餐廳，下班後與她相約在這裏吃晚餐。我們早已在餐廳的某社交平台看過最新的餐牌，即到即點，以騰空更多時間聊天。看見跟餐飲品包括特飲，我們都加$20轉套餐，包括是日餐湯和飲品。飲品選擇多，即使點凍飲也不用加錢，所以點套餐比較划算。點餐後，店員先送上餐湯蕃茄湯，是蕃茄蓉和香草，香草的味道凸出，湯清新而帶點酸甜，很開胃。博多明太子藍蟹肉忌廉汁扁意粉配日本蟹籽($108)，看到藍蟹肉和蟹籽這兩種我喜愛的配料，便毫不猶疑地點了這碟。份量適中，忌廉汁增添意粉的軟滑。大量柴魚片拌碟，在意粉的熱力下輕快地舞動着，為意粉帶來鮮味。把藍蟹肉和蟹籽與意粉拌勻，結實的藍蟹肉、鮮爽的蟹籽和滑溜的忌廉意粉，不論在味道和口感上均是一大享受。在味道上同樣出色的南瓜醬意大利飯配嫩煎日本帶子($138)，日本帶子外脆內軟，如帶子刺身輕煎，內裏極其軟滑。意大利飯均勻地混和了南瓜醬，飽滿的飯粒帶着軟香的南瓜味，加上飯上一片片芝士，提升飯的香氣。每次點意大利飯，我總會猜量着意大利飯的軟硬度，幸而這裏的意大利飯並不乾硬。凍宇治鮮奶抹茶，比咖啡的份量多，奶味較重，抹茶味次之。凍朱古力咖啡，可選以朱古力味為主或以咖啡味為主

第N次食，水準keep倒先介紹！價錢合理食物質素中上，新鮮！啲汁煮得非常好，好食，唯獨欠缺啤酒🍻必食PiZZA,雞翼＋薯條，安格斯牛；漢堡的話附近有一間仲好食啲嘅，豬手係附近三間佢排第二，其他全部排第一

一如以往的好。非常喜歡這個店，看得出店員(店主?)自己是很喜歡煮食。今次試了2人餐，松露薄餅上佳，番茄意粉都不錯，但太少番茄了。甜品極好食，牛角包做法的格仔餅，新鮮熱食超正。自製果醬都很好。原本想食蜆但今日沒有，下次再來。

星期六，為交收大長征屯門。發現這間可愛的小店。裝潢以「木」為主題，小小的卻又有溫暖的感覺，讓人可以好好放空。太熱了，先來一杯葡萄乳酸梳打。顏色有點似果茶，我以為會是益力多味，竟然不是，反而酸酸甜甜，很解暑。點了一個意式肉醬闊條麵（走芝士）麵條軟硬適中，不會過軟。肉碎也頗多，跟微酸蕃茄汁很配。而且不是那種只有茄膏味的肉醬汁。整碟份量不少，本來還想吃甜品的我也打消念頭了。聽說這裡的咖啡很不錯，不過Rei因為敏感，無福消受，大家可以考慮來試試啊！

食物好好食，呢到有lunch set, tea set, holiday set等等，總有一款0岩大家。首先來沙津，十分新鮮好味，有芝士煙肉點綴，之後來個pizza, 我試了兩款，一款係夏威夷，另一款係黑松露，兩款都好好味，餅底係薄的，好似餅乾咁。個人喜歡薄的，不喜歡厚的餅底。之後就係pasta啦！我食左自家制意式肉醬闊條麵，軟硬恰到好處，酸味均衡，好味!餐飲就試左latte, 好靚的拉花又有咖啡香味。門口旁寫著'香港加油'，無唔幫襯的理由。

去到門口前見到店舖很細，以為質素會一般，點知食物和服務品質都比想像中好！我們選了二人餐，忌廉意粉十分好吃，意粉質地很煙銀。黑松露薯條很香脆。店員服務態度很友善，我們說冷氣太冷，他們也盡量較細點。價錢很合理。下次會再去！

虹橋越嚟越開得多小店而呢間餐廳主打西式 同朋友仔嚟到食個午餐因為啱啱開門嘅關係所以人流唔多我哋兩個人叫左兩個主食一個係set 黑松露意大利麵黑松露味好濃肉眼已經睇到好多芝士片係上面芝士愛好者一定好鍾意 至於呢個Pizza 佢係簿底 芝士都好多客下所以都比較漏 另外個set跟咗沙律同埋湯個湯唔會稀淡👍🏼

紅橋一向都好多野食 朋友話過呢間餐廳唔錯所以周末就去試一試舖頭唔大 大概有4張4人枱同2張6人枱兩點半左右去到可以直接入座 不過入面其實都坐滿咁濟喇✨餐牌典型cafe會有嘅嘢食好抵嘅係除小食以外 嗌咩都可以加$20有湯有野飲✨跟餐蕃茄湯雖然只係跟餐嘅湯 但一啲都唔求其個蕃茄味好香 亦都係好真嘅蕃茄味飲落仲食到蕃茄蓉同啲籽比起其他餐廳嘅餐湯有誠意好多👍🏽✨黑松露薯條薯條份量還可以 炸得都好香脆上面啲芝士如果碎上就更好喇 而家片就只有頭幾條食到個芝士黑松露醬就係預期嘅味道啦整體都係好ok嘅✨芝士忌廉汁虎蝦闊條麵本身筆者係想食明太子意粉嘅 不過未有蟹肉無得食店員知道筆者鍾情於creamy啲嘅醬汁 就同筆者攞介呢個意粉喇齋睇賣相已經睇到佢係真係好creamy嘅好濃好羶嘅芝士味 非常啱芝士迷嘅筆者不過個名有黑松露呢三隻字呢 就食唔出喇蝦有三隻 爽口有蝦味 好評👍🏽✨雞肉蕃茄意大利飯男友鍾意蕃茄類多過忌廉類嘅野所以嗌個蕃茄意大利飯試晒兩種口味蕃茄味同個湯一樣好味 雞肉都入味而且唔乾唔鞋口男友略嫌個飯太濕 筆者就覺得個飯可以硬返少少嘅提提大家 喺嗌野食嗰陣店員都會問定鍾意咩口感嘅飯嘅✨伯爵茶朱古力鮮

今晚去左屯門行街，行行有d 肚餓，見到一間cafe，有點英倫味嘅裝飾，環境優靜，食都唔錯，叫左個雞肉寬條麵好味，沙律夠 fresh ，薯條卜卜脆同 Latte 拉花好靚整體黎講又平又好味

忽然在某搵食apps見到這間小店，就決定去試一試。望一望餐牌選擇都算多，多心的我首先決定要一份德國咸豬手，可惜......豬手🙅🏻‍♀️最後就叫了3款主菜，兩款點品和兩杯特飲（主菜，薄餅，飯類+$20可改為餐）是日餐湯：甘筍南瓜湯主菜：黑毛豬鞍配紅酒汁、牛肝菌意大利飯、四季芝士薄餅甜品：蘋果金寶和麵包布甸（是日甜品）特飲：特色咖啡（焦糖海鹽），焦糖燉蛋泡沫咖啡逐一逐一介紹黑毛豬配紅酒汁，黑毛豬的肉質好軟滑，絕對唔嚡口，肉裡仍有很多肉質，而脂肪位置煎得甘香，有點脆口，比另一所有多間分店的西餐廳還要出色牛肝菌意大利飯，飯上有隻大大的BBQ菇，飯裡有很多牛肝菌，很香，而飯的質地煮得剛剛好，不會太硬，不會太濕四季芝士薄餅，很薄的餅底，有芝士，番茄，不知還有什麼在表面，食落有一陣咸咸的味道，好特別蘋果金寶比想中大，底層鋪滿蘋果，表面的不知是什麼，焗得很脆，蘋果甜度剛剛好，師傅好有心思，將表面的士多啤梨都介成玫瑰花麵包布甸，麵包的濕度剛剛好，雲呢拿醬甜度適中焦糖海鹽咖啡，有微微的海鹽味焦糖燉蛋泡沫咖啡，好得意，上枱時上暖下凍，因表面焦糖燉蛋用火鎗微微加熱燒焦，飲落有燉蛋味，焦糖味，即係好味這店除了食

每逢週末會回屯門，順便搵下好野食，輕鐵新墟站附近開左好多有特色的食店，本來唸住試另一間cafe點知無開門（約下午四點），失望之際被呢間英倫風格的cafe吸引左，室內空間不大，約五至六張枱，裝飾一致，燈光微黃幾舒服，叫左個mini fish and chips tea set with cafe latte，size 以tea黎講好適中，薯條係新鮮即炸，好有薯味，炸魚亦好香口，外面脆脆但内裏魚肉鬆軟有魚味，配合他他醬一流無唸過無意間都會食到好野，之後會再同朋友黎食，希望呢間cafe可以keep到水準！

今天雨中漫步到紅橋，發現紅橋開左多間新式小店！有西式，日式，中式，真係百花齊放！選擇困難症出現了，點揀好呢？於是四周逛逛，可能時間尚早，見到呢間店鋪唔算太多人，就膽粗粗入左去試！！點知真係好有驚喜

又由同事帶我lunch搵好野食，雖然舖頭細細，但都坐得舒服，而且侍應們十分nice！whatsapp訂位時仲可以落定單！4月仲有優惠免費升級特飲兩個人嗌左：香草嫩雞咸蛋黃忌廉汁意大利麵（$68）同紅酒繪美國牛肋條飯（$68），一杯鮮果冰紅茶同一杯薄荷青檸梳打。lunch套餐有餐湯，羅宋湯好入味，兩杯特飲都非常fresh！同事食嗰個嫩雞有grill過，加上咸蛋黃汁真係十分夾！！我食嗰個紅酒繪牛肋條，d牛炆到超鬆軟！！！而且飯係黃油飯，正仲要唔洗加一，下次一定再黎！

屯門區虹橋的確多左好多有heart小店.星期日訓到自然醒就出動搵新野食.今次就試Lee間Taste cafe & Dessert la.餐廳門面好英倫風。細細小店比人簡單又舒服ge感覺加$20餐廳及咖啡拿破崙大蝦扁意粉用一個好有meanings的碟裝住:平日一日的pleasure希望為客人一日帶上驚喜的心賣相ok.爽口的意粉.淡淡的番茄味.都幾好食.牛肝菌意大利飯介紹了以傳統做法煮意大利飯囗感較一般硬身半硬半軟食起幾有咬口不過味道可以更香濃更好la.D加啡拉花都幾靚幾有heart.熱Mocha熟！special coffee (我揀左海鹽焦糖味)幾好飲ar再加左$20叫左件是日甜品今日有三款)我叫左NewYork Cheesecake食出有花心思的一個自家甜品賣相相當吸引.不過又可以再結身D同再濃味D就更好食la.會再去的一間Cafe。我最支持有heart小店。加油💪🏻加油💪🏻

屯門虹橋現在實在太多美食，今天吃生日飯，西餐選擇也不少，因我們時間尚早，所以沒有訂位，打算帶朋友去看看才決定在那間吃，看了三間，最後決定來這間我沒試過的吃，想不到很有意外驚喜。首先，入到店內感覺舒服有氣氛，很多別緻擺設，碟上印上法文，店員相當親切有禮好笑容，食物選擇多元化，價錢合理，原來還沒加一服務費。我們兩人點了Taste 沙律$48 加牛油果$10材料主要有菜，紫洋蔥，冬菇，平時還有車厘茄，落單前已告知今天沒有，配上麻醬露筍黑松露蟹肉意大利粉$88店員一端上已有陣陣黑松露香味，意粉韌度剛好，足料好味BBQ雞肉薄餅$108Pizza直徑約10吋，是薄批，餅底脆，面層有芝士及燒烤醬，味道酸酸甜甜，不會覺得膩👍😋藍啤梨芝士蛋糕$38點菜時已問店員是否可寫字，店員說可以，心想應該都是在圓碟邊寫，怎知一端上時很有驚喜，大大個長方型的碟上，秀麗的字體寫上我們提供的字，還畫上小圖案點綴，蛋糕上還有一塊葉片裝飾，蛋糕亦很厚實，藍莓醬不像一般吃到的，甜而不膩😋😋另外兩份主菜附送餐湯，今天是黑松露磨菇湯，味道香濃一定會再試這餐廳