Take Five (已結業)

周六夜晚过来食饭 嗌左个意粉套餐等左成半个钟 我话要店员追一追 佢完全无好声气话 又唔系做你一单 你凭咩闹我 如果你唔想等 去麦当劳买啦 作为一个客人 我赶时间要走追一追个单比闹反转头 态度真系好有问题 离谱

Lunch之後要開會所以只可以近近地去大角咀食個快飯，行經大角咀食街，見到take five，朋友話食過午餐幾好，可以再食，所以就介紹咗我哋去。可能我哋去得早，所以未洗等位，四個人都有枱。餐廳環境唔錯，但係比較細，只容納到20人到，如果下次來食要訂定位！ 睇睇餐牌先, set lunch menu 好似幾抵食，有主菜+ 餐湯或薯仔沙拉或薯條 我叫咗個BBQ 豚肉漢堡配餐湯，當日嘅餐湯係西蘭花湯。好濃西蘭花味，好creamy

咁岩星期日去大角咀街市，係附近搵下有咩食，可能因為假日既關係，好多做平時返工時間生意的店都冇開。周圍行下睇下有咩好食的時候，就俾門口既menu吸引左！午餐set menu有黑松露和牛漢堡！包埋薯條同飲品都只係$88 （而且冇加一服務費）因為我地兩個人Share一個餐，waiter 好貼心，係我地坐低左之後重俾左兩杯水等左大約10分鐘，個set就ready了個Burger 夠曬份量，熱騰騰咁出爐，有一層明顯見到的黑松露醬，牛肉好juicy，而且個包係有焗過，外邊係脆內面係軟！！個薯條亦有驚喜，本身以為係普通薯條，但炸得岩岩好脆口，而且有少少黑椒調味！另外個他他醬夾薯條都好食！個飲品我就選左凍檸茶，但味道有少少怪，同平時飲開既唔同，可能係檸檬問題，下次應該會叫返汽水～總括黎講lee個lunch set CP值真係好高，好抵食，食身質素好高！一定會再去食多次！！

黎到大角咀,大大話話都有幾條美食街,揀野食就有好多選擇,今日黎個amercian style~入到餐廳,雖然佢唔係好大間,但因為張枱櫈升高左,比客人更大既私人空間感👍🏻以食物既選擇都唔錯,有pasta有salad,又有burger,雖然我都幾偏好食burger,但唔係咁多人同我一樣餐餐burger都ok,所以同行朋友都可以有多d選擇😁我叫左個beef burger with salad,而朋友就叫左個tomato sauce pasta,再加埋薯條首先,食burger之前試試佢個salad先,我自己幾鍾意食沙律醋同綠色紫色既菜,反而少d其他配菜更加好😂而burger方面,包皮係偏向硬身既,會彈起,加上咁多料既涵係入面,其實都好難handle😂😂如果換過款包可能會好少少,食物都算大份,再加埋apple juice酸酸甜甜既結尾perfect match👍🏻捧腹離場😆

聽聞大角咀好多隱世美食今日求其行左入間鋪仔試試一試之下發現真係幾有質素👍🏻呢間take five 小店餐廳細細間入面都坐得幾舒服同埋都好乾淨👍🏻豚肉bbq漢堡餐 （$64）好好食薯條外脆內軟好新鮮熱辣辣漢堡個麵包又係裡面軟外面仲脆脆地塊豚肉煎得好好味，唔會油夾埋菠蘿同煙肉好match 呢個價錢有咁好質素真的係好抵食！Good 黑松露和牛漢堡（$88）牛肉好juicy ! 夾埋黑松露好夠香仲要塊漢堡扒好厚食完勁滿足！正呀呢個跟薯仔沙律個沙律都唔錯喎青檸薄荷疏打唔夠青檸味甜左少少

大角咀有好多隱世餐廳，今次就黎到Take FiveTake Five最出名既似乎係漢堡，不過今次就冇嗌到啦！晚上既時候佢有Set Dinner可以選擇，款式都幾多，有意粉、漢堡同排類等等。Set Dinner包沙律或者餐湯，有一杯飲品，而且加少少錢既話仲可以有好多唔同既配搭選擇。我點左意大利忌廉雜菌配羅勒草汁意大利粉。意粉忌廉味非常濃郁，配料都好多。即使呢個只係一個比較簡單既意粉，味道都好豐富不過覺得意粉略硬，煮稔一點會係完美既意粉*意大利忌廉雜菌配羅勒草汁意大利粉 $90*總括黎講，Take Five既食物素質唔錯，而且價錢有辣有唔辣，平貴自己揀！雖然上菜時間有點耐，不過勝在環境同氣氛唔錯，好岩同朋友黎Chill下

今日係個熱辣辣既晚上😫七八點pm 先岀街行兩步依然係岀哂汗黎到大角咀整🚙🚙搞掂哂都成九點友人話岀返銅食我唔制🤓難得入到黎緊係拜會係附近d小店搵到哩間👍🏻細細間鋪，但幾乎坐滿啊得返一張枱 (好彩我們早一步)歐陸風既裝飾幾型仔因為友人不太肚餓既關係無叫set 拒叫左個 蒜片茄蓉肉丸意粉 $76一人一個main 加個青口已經好飽好鐘意個青口啊，我連汁都飲埋好creamy 但唔膩啊！！而我個burger 好大個。。。。又跟沙律菜又有薯條👍🏻下次黎就要試埋拒d set 先😋支持香港小店

因為屋企附近，所以平時已經當成私家飯堂咁吃。比simply life更佳嘅質素，不過價錢就便好多。（中午仲唔洗加一）為咗支持本地小店，人生第一次開account寫食評。基本menu全部都無伏嘢，可以放心點。不過幾款平時吃開，介紹下。薯條熱辣辣，次次新鮮出爐。加埋黑松露仲正。軟殼蟹同蝦份量好足，醬汁係精華。（偷吃咗一啖先醒起要影）醬汁味濃，但唔heavy。米顆粒感重，唔會痴埋。高級西餐廳先有嘅菜，無諗到喺小店吃都有驚喜！白汁同魚簡直絕配，薯蓉香滑，必點之一。唔好以為配菜就hea，蔬菜真係好新鮮，十足誠意。唔肚餓齋成沙律都好滿足。特別要讚下係店長服務，平時坐低就會先俾杯暖水，叫多咗又會超好咁提醒你可能太多。不過由於小店經營，平時一多人，廚師一個搞唔掂，出菜就會比平時慢少少。

位於大角咀匯豐銀行側，卧虎藏龍漢堡店，屬較高質漢堡，特色工業風裝修，設有全日早餐及足料漢堡選擇。還有特色手工啤酒， 三五知己良朋共聚好去處。員工服務態度親切。金門火腿安格斯牛肉漢堡，包皮帶甜，牛肉稍過火，不夠嫩滑，亦不太夠熱，蔬菜份量多而新鮮。雞扒漢堡足料多汁又啖啖肉，肉質嫩滑，煙肉香口。另外，美中不足係跟餐Coffee一般，跟餐野飲略嫌沒特色，如果能有特色地道飲品如蘋果茶會更有風味，飲品方面扣左分。

We ordered the soft shell crab and Waygu burger which both are very delicious. Crispy and tender with very textured burger buns.Will also like to recommend the garlic clam spaghetti, generous portion with its irresistible broth that love it to maxservice is good with very attentive staff, will definitely dine often, Highly recommend for burger lovers !

陽光極好的星期日為了去見剛滿月的小女生，就來到了大角咀多年不見，估唔到宜家大角咀多了好多小店，一於要支持一下附近雖有數間主打burger的鋪頭，但Take Five d座位感覺比較舒適所以就揀呢間食餐lunch叫了一個炭燒黑豚漢堡+$28有薯條同special drink，起初唔想食薯條而有疑慮中，點知落order個女仔聽到後主動提出可以轉雞翼抵讚炭燒黑豚漢堡@我第一口咬落去，就俾d汁燙到手指，超熱呢估唔到塊黑豚又厚又juice有點可惜的是隻蛋好似太熟呢道原來仲有埋啤酒供應服務員又好禮貌，食物同價錢都好合理，難得有水準的小店，身為香港人應更加支持

今天想在家附近吃午餐，但要快的。在博文街見到這小店，又未試過，便決定入去食下。地方不大，有約8至10 張枱。我太耐無食portobello, 所以二話不說，選了portobello mushroom chicken burger, comobo set 包fries / salad / soup, 另外也有飲品(juice /lemon tea)或加$8 upgrade coffee。我見到kiwi水牛芝士沙律幾特別，所以就選了salad。飲品我想要熱的，只有熱檸水或咖啡，因為lemon tea 已雪好了。漢堡味道可以，幾大幾厚，鷄扒可以更香。沙律ok, 僅有少少菜唔新鮮。整體而言，服務和食物是可以的。

生日個friend提議去take five ,因為近我屋企，非常贊成。初初仲驚要坐bar 枱，坐得耐唔舒服，去到原來已經轉哂普通table ，環境舒服咗。Menu俾起以前多咗好多，以前要出去俾錢叫野食，宜家就有有黎落單，唔知係咪轉咗手。叫咗雞肉流心芝士漢堡、beef burger 、蝦堡同Caesar salad. Caesar salad 唔錯，beef burger 都一貫水準，喺雞肉有啲嚡，蝦堡有啲似泰式蝦餅加包，下次食番beef burger ，全部都配薯條，我記得以前可以單點加錢叫。之前黎呢度都有叫軟殻蟹漢堡，大力推介。

Po Man Street changed quite a lot in recent years. The main reason is HSBC Kowloon Headquarter which have thousands of young employees and they work till late night. When you finished your work so late, you won't want to go far for your stomach. This is why so many trendy restaurants on this street.Take Five basically is a burger restaurant but they also have risotto & few pasta for you to choose. Seems quite diversified! That's why I chose the pork burger this time to see whether they really di

大角嘴近幾年有好多非連鎖式既新食店進駐，黎呢區搵食一流！是日happy friday，再度幫襯take five，值得一讚既係仍然維持到好水準。今次order了hawaii classic加extra cheese，餡料有菠蘿、牛肉、番茄同生菜呢d好大路既漢堡餡料。雖然材料平常不過，不過係好食既！材料juicy，配上牛肉同cheese，會感受到蔬菜清新同牛肉既邪惡。burger唔會過大，切開一半可以手拎黎食！最怕d burger店整到個包勁大勁厚，雖然睇落好豐富，但食起黎好有難度！不過take five完全唔會，可以兼顧材料豐富同埋食既容易程度！讚👍星期五呢度係無set dinner，如果有就會好d抵食d！