Seoulmate (京都廣場) (已結業)

入嚟食呢間野 完全係因為見到餐牌上面好可愛嘅甜品首先食咗main先 嗌左個泡菜煎餅同卡邦尼炒韓式年糕個泡菜煎餅幾香口 如果辣啲就更加好意韓mix既卡邦尼炒韓式年糕好特別好啱唔食得辣嘅朋友 忌廉同芝士嘅香味同煙韌嘅年糕好夾 但係食得多既話會有少少滯然後就係重頭戲 甜品啦韓國米酒tiramisu啲餅乾完全吸滿咗米酒嘅香甜 再加上每一層夾住嘅cream 甜得嚟有少少酒嘅味道 好特別要再encore試吓其他特色既fusion菜！

銅鑼灣人氣黃店！本身book枱7點，不過早到，6:30pm就入咗去，食到大概7點望返出去....嘩！好彩早咗到，如果唔係個門口迫到唔知點樣行入去🤣🍛烏卒卒火山鰻魚櫻花蝦飯($148)好可愛嘅造型(˶‾᷄ ⁻̫ ‾᷅˵)面頭灰色嗰個火山未食之前我一直以為係麵包，點知原來係蛋白！蛋白應該係打到變泡沫先再cup住個飯加熱，食落空氣感十足，好有趣～鰻魚飯份量頗多，鰻魚切得比較大粒，略嫌個飯有D太過濕，唔係好食到櫻花蝦嘅口感，如果鰻魚汁再濃味少少同埋飯乾身返少少應該會更好味！不過值得一試！🍗韓式炸雞($158兩款口味，$178三款口味)我地叫咗兩種口味，分別芝士同甜辣。雞肉起哂骨而且好嫩，每一啖都啖啖肉(●’◡’●)ﾉ即使淋咗醬汁，雞皮都依然保持到脆口，芝士味係先淋芝士醬再灑芝士粉，芝士味濃甜辣醬我淨係食到甜但食唔到辣😂不過韓式甜醬本身配炸雞都係無得輸，所以除咗無辣味外，呢個炸雞絕對係正常發揮。🍕炸軟殼蟹芒果薄餅($148)我諗呢個薄餅最敗北嘅位係個芒果，真係太酸，影響咗成個pizza。Pizza係薄底，邊邊好脆，炸軟殼蟹份量好足，芝士味唔知係唔係因為芒果太酸嘅關係，所以唔係覺得話好濃但做到拉絲效果，

叫左3樣野食，全部都好難食。而且價錢偏貴！非常唔抵食！唯一一讚係個豬仔脾既芝士粟米汁好食，其他真係好差！就好似咸蛋黃炸雞，168$ 份量少，係其他韓式店差不多價錢係一大兜！味道普通。最近係一間cafe食過咸蛋黃薯條，量多，而且好足料，咸蛋黃多到食完個底全部都係。可惜依度非常一般，有比較就有傷害。個飯除左打卡，真係好難食。依間餐廳冇下次！

韓式咖啡室先唔好理佢啲嘢好唔好食，賣相就一定好靚。疫情底下，好多舖頭都冇開，加上我哋到達嘅時間已經比較晏，附近嘢食嘅選擇已經唔多。既然個人抑鬱，有啲可愛嘅嘢氹番我，我個人就會開心好多。火山鰻魚櫻花蝦飯，見到佢嬲我就開心，我真係將自己嘅快樂建築喺火山飯嘅痛苦身上。烏卒卒火山外層係蛋白，入邊係鰻魚芝士炒飯，鰻魚嘅份量都好多，以蛋黃火山岩漿撈埋落去就更加正。邪惡一點，叫咗個黃金鹹蛋炸雞。我只能夠說唔知點解，即使本身舊肉普普通通，但外邊只要加上黃金鹹蛋，通常好難難食得去邊。雖然只係晚上9:00 ，但侍應都趕着叫我哋買單。都明白嘅，始終多留1分鐘在街上就多1分鐘危險。雖然忍唔住出街食飯，都要盡量保障自己同其他人嘅安全。

本身想食lunch, 但出到去已經變左Tea.好似係兩點半。本身想同朋友一個叫主食，一個叫蛋糕Share.但兩個都想食炸雞，所以就叫左唔同口味炸雞交換。芝士炸雞，濃味芝士正正正，加甜薯條，我覺得幾特別，因為甜薯唔會好似一般炸薯條咁油，但佢又好脆，同埋放耐左都仲係脆嘅。韓式辣炸雞，都幾大份，好似係$58，以為係細細舊，都有3大舊架。奶蓋oreo朱古力，都好濃味，唔會話好淡口咁，即係代表飲完會好肥haha但唔緊要啦。環境都幾好，坐sofa有個Cushion，兩個人坐下食下傾下都係幾十蚊。下次一定再去！

食過兩次嘅黃店韓國菜，走可愛路線啱哂女仔打卡😆😝·☁️一舊Seoulmate雲下的泡菜炒飯 $148有幾多人係為佢個外形而嚟？🙋🏻‍♀️我就係其中一個🤣好打卡able～（話時話好耐冇打過卡🤭）出面白色嗰層係蛋白梳乎厘，切開中間仲有隻流心蛋，入面係鰻魚泡菜炒飯，味道唔差，但見openrice好壞參半😹可能我好耐之前食質素唔同啦🤣·🍗韓式炸雞 $158四種口味選兩款，我地揀咗柚子蜜同埋芝士✌🏻嚟韓國餐廳緊係食返炸雞，份量算多，柚子蜜酸甜，芝士味濃而會漏😂·唔係單指呢間餐廳，我最近係度諗點解炸雞係韓式就貴咗咁多🤔究竟值唔值得😂😂

餐廳環境：幾有格調既一間cafe，座位闊落，仲有靚靚壁畫可以打卡！有露天座位，不過我去個日就無開，好可惜。烏卒卒火山鰻魚櫻花蝦飯好sad😭，食左先知原來火山頂個蛋黃要趁熱嗰陣整爆佢先會有火山爆發嘅效果🌋💔，建議員工送餐嗰陣可以俾個小提示客人。面個浸泡係用蛋白加墨魚汁整，食落少少甜。個飯夠味，櫻花蝦都夠鹹。食到最後都係整走左啲泡黎食🤣，因為泡泡加飯始終都係怪怪地，不過淨係用嚟打卡都值回票價！泡菜雞肉薄餅 雞肉醃得好入味，我最怕啲Pizza焗到好乾，但呢個無論係雞肉定係餅底都唔乾。仲有厚厚嘅芝士係面🧀，正！海鮮意粉配炸軟殼蟹麵質唔錯，配料有蝦、小墨魚同帶子，味道不過不失。軟殼蟹就略嫌唔夠脆，蝦都唔算好新鮮。Baileys特濃朱古力芝士奶蓋朱古力味夠香濃，Baileys味較淡，對於酒量唔太好既人黎講應該岩岩好。我就...haaaaa可以濃返啲。用黎打卡都幾靚。Baileys焦糖咖啡芝士奶蓋呢杯有啲失望，焦糖咖啡同Baileys嘅味都唔夠。賣相都唔係特別吸引。好想再去，試埋舊雲同其他嘢食，好吸引呀！💛💛💛💛💛

🗻🍚 Snow Mountain Meringue with Black Truffle Risotto雪山黑松露燴飯Cute and photogenic appearance, yet meringue was not fluffy enough and the truffle taste was not strong enough - worth to order for a snap📸🍴6/10-🧀🐖 Korean Grilled Baby Pork Leg with Sizzling Cheese Plate韓燒豬仔脾配鐵板芝士Haven’t tried this combo before and turned out they went well! Pork leg is quite tender and the plentiful cheeses did satisfy me💛🍴7/10-🍶🍨 Makgeolli Tiramisu韓國米酒意式芝士蛋糕This Korean-Italian fusion dessert do attracted me when i saw

難得好友相聚，當然要找個好地方！好友家在港九新界各區，於是找了一個交通方便的位置-銅鑼灣。在門口探了體溫，便被引領入座，地方簡潔舒適，只可惜當露天玻璃幕門一開，熱風吹入，在夏天時的感受並不愉快！若那裏設有風閘就好了！我們選擇了炸泡菜豬肉餃子丶韓式炸雞、芒果軟殼蟹pizza、烏卒卒火山飯、X o干炒牛肉粉絲及士多啤梨DutchBaby。炸泡菜豬肉餃子豬肉餃子內潤外脆，調味適中，泡泡辣而不過位，再加上柚子汁菜相伴，配搭不錯。韓式炸雞有四種口味（芝士丶甜醬油丶甜辣丶柚子蜜），我們選了甜辣和柚子蜜，炸雞底放了沙拉菜，兩款口味的炸雞上再加了甜辣醬和柚子蜜，雞件林中帶脆，味道不錯，再吃吃沙拉菜，不肥膩！芒果軟殼蟹pizza喜歡軟殼蟹的口感，但因芒果不夠甜，雖已處理好芒果汁過多的問題，但仍覺得美中不足！烏卒卒火山飯外表非常可愛，雖然鰻魚味道不錯，但略嫌炒飯略甜，與外層蛋白配合起來，感覺上給新鮮感的分數多於美味這一環！士多啤梨DutchBaby，賣相不錯，味道也好，若能配合更多不同口味的冰淇淋更佳。

🙋🏻‍♂️餓底探員今日嚟到銅鑼灣呢閒韓式cafe進行調查☁️一嚿seoulmate雲下的鰻魚飯 $148📸表示嚿雲唔係白色㗎咩？點解燶咗嘅……雖然好得意，但有少少失望😔🙋🏻‍♂️表示嚿雲咁得意，有啲唔忍心切開佢呀，食落個蛋白外層有啲似梳乎厘咁，不過口感有啲硬，risotto飯底配上鰻魚汁又幾夾，鰻魚粒可以切細嚿啲會比較易入口，如果唔係overbaked咗嘅成件事會仲開心，整體都唔錯🍗韓式炸雞（甜辣拼芝士）$158📸表示睇見金黃色嘅芝士醬已經流晒口水，要趁熱食先得喇，唔可以欣賞太耐🤭🙋🏻‍♂️表示芝士味好香濃，仲撒上芝士粉，提升咗芝士醬嘅層次，至於甜辣味，食到甜味多過辣味，味道唔算突出，炸雞外層嘅粉䊢有啲厚，雞肉口感一般，做唔到韓國嘅炸雞外脆內juicy效果，所以炸雞一定要去韓國食，食完真係返唔到轉頭📈吃貨指數😋好味度 7/10🔙返啅度 6/10

呢間黃店係好多人幫襯 所以同朋友去試🤔🤔 當日我地落咗單 過咗半個鐘都未有野食 😦眼見幾張遲過我地坐低嘅隔離枱都有野食 我忍唔住催下啲職員 點知佢地漏咗落單😑😑 之後分別有兩位職員來問翻我地叫咗啲咩🤔點解兩個問一樣嘅嘢 同事之間冇溝通過？咁再過多陣終於有食物來 不過今次係落錯單 俾錯食物😤 職員冇講唔好意思或者對唔住 毫無悔意 服務態度欠佳等咗差唔多一個鐘 終於來翻啲啱嘅嘢食🍴1. 卡邦尼炒韓式年糕一般般 年糕主要係唔夠熱 口感唔夠煙韌 還可以2. 韓式炸雞 炸雞唔脆 太大舊炸粉 唔夠熱 唔掂失望 食物唔夠熱 食物質素唔值呢個價錢

早排見朋友食覺得幾靚就帶女朋友黎食下無卜位情況下黎到唔洗等即刻有得入野食果方面叫左三文魚忌廉芝士烏冬火山飯野飲叫左燒棉花糖朱古力Oreo 朱古力個忌廉芝士係涷既但好柔軟淡淡既芝士味呢一道菜就比較滯口三文魚好軟熟用少量鹽煎香左除咗滯左d 之外係幾好食好食過個飯大名鼎鼎既火山飯灰色既係蛋白唔記得影入面入面有櫻花蝦 鰻魚 同飯面頭加隻蛋黃味道我覺得一般但觀感黎講係幾好打卡一流既野食野飲果方面Oreo 果杯oreo味唔太出似一般朱古力燒棉花糖果杯個味道好似好多打卡都靚好多

大家估吓呢舊咁得意嘅雲係咩嚟 ?登登登登，除咗俾你打卡，佢仲係一個超好食嘅鰻魚飯呀！下次一於試埋佢個烏卒卒火山！😂成間 cafe 氣氛放鬆，幾適合一大班 friend 過嚟影吓相食個靚晚飯 😎

一間主打可愛風嘅韓式餐廳，啱哂成班女仔一齊去食，食物唔錯，環境舒適，主打個火焰飯打卡為主，味道普通。注意的是餐廳人流較多，會有時間限制，預咗唔可以食太耐，想慢慢吹水嘅就另覓選擇啦。

呢間野想試佢好耐，但之前一直都好多人排，我咪去食其他囉，又因為疫情關係人少左... 但好唔好彩既係... 個日醒唔起，差尐走唔到...烏卒卒火山鰻魚櫻花蝦飯 $148呢個好得意，亦好好食，但阿火山應該係慕絲的朋友，唔係我鍾意食既野，但個炒飯好好味~黃金鹹蛋炸雞 $168真係越邪惡既野就越好食，我想話，呢個真係堅好食! 又鹹又脆，雞肉都滑，呢個值得叫啊！真係好好食!魚籽蝦他他配黃金鹹蛋多士 $68呢個都好好食啊～無論係個多士定個他他~ 真心呢兩個比起個火山好食好多，但個火山都好好味!當日去食食下，樓下放彈，店員安排坐窗邊既食客移入內，亦好在等樓下比較好先走，唔會趕我地走