SENSU (新城市廣場三期)

營業中

休息中

今日周日一個人去了沙田新城市廣場的sensu一人午餐me time!一心打算食牛油果多士，點知去到發覺轉了牛角包吐司，而且價錢仲貴過網上食評見的menu $30幾蚊，所以放棄了。改為叫了個青醬雞肉扁意粉，加$48有餐湯同冷泡茶。再加多個$29 小食：牛油果醬豆腐都有我喜歡的牛油果，咁就滿意啦！

沙田新城市廣場有非常多餐廳，但呢間我都會耐唔耐嚟食下，因為環境氣氛都幾舒服，雖然有限時，但只要冇人等位都可以住耐啲。我個人平較喜歡平日晚上嚟，因為冇咁多人。食物方面：🥗自助沙律吧：唔錯，首先選擇都唔算少，好啱我呢排減肥食😂第二，佢仲要個碟都好大，當然食得晒先好夾啦！🍽️三文魚蛋包飯：味道唔錯不過就唔夠熱，唔似係即整。🍽️小食炸豆腐：配牛油果醬都好好味。🍨甜品唔記得個名😅但好好食，似煉奶加果jam嘅牛角包，呢啲係熱辣辣，好香脆，推介！

是夜來到位於沙田的Sensu 店子吃晚餐，食物質素不錯呀，但價錢一點也不便宜喎。～北海道剌身帶子、大蝦、龍蝦汁扁意粉 （$178）賣相不俗，煎得一面微焦的原粒帶子、已剝殼的蝦肉和伴碟的食用花非常吸睛，令人食慾大增。但如果份量可加多一些便更理想了！刺身帶子軟嫩鮮甜和吃起來啖啖肉的蝦仁🍤配合得宜。掛上味美龍蝦汁的扁意粉🍝煮得剛好，爽口彈牙。不可不提配料中的小露筍，味道清新爽甜。～慢煮鴨胸、甜麵豉醬、印度薄餅 （$158）鴨胸肉嫩滑，味道適中。印度薄餅不油膩又有點煙韌，沾上甜麵豉醬吃，味道更佳。鴨胸和薄餅配青瓜絲🥒吃，增添了一點清新爽口的味道。

好耐冇食SENS U，今日去食lunch，有新嘅期間限定Menu本身想叫和牛蛋包飯㗎，不過賣晒喎竟然，一開舖就賣晒咁搞笑？唔緊要啦，吉列豬扒都好似幾吸引，叫吉列豬扒啦結果都冇叫錯！皮薄、炸得脆，又唔會太硬好味呀

我平時絕少係呢度寫評價 但今次我要十級負評呢間餐廳老實講 食物質素算過得去 唯獨價錢貴少少性價比低 但都諒解 商場鋪 成本大今日一行 4 個人 入座前有講用餐時間90 分鐘 只係食左一個鍾 60 分鐘 侍應已經急不及待瘋狂收碟，又話夠鍾還枱，食慢少少都不停黎吹 又話食咁慢唔俾食態度超差 食餐飯都 超大壓力 同行家人發脾氣話未夠90 分鐘 男侍應又話你知唔知出面有人等緊位 又再重申話你地要走未食完俾人收碟 話唔准食 態度差大家weekend 千其咪揀呢間餐廳人均消費200 換黎係食慢少少都會鬧你又話唔准食出面有人排隊就話知你食完未 直接踢你走投訴佢就會鬧番你轉頭真心一肚氣。講真 食物質素差最多咪下次唔食但食餐飯未夠鍾交枱都會鬧你趕你走出黎食飯係求開心 唔係受你呢位垃圾男侍應的氣。真心一肚氣先要負評你。

我哋今次叫咗1. 黑咖喱鰻魚蛋包飯（$17x) 2. 三文魚籽蟹棒蟹肉忌廉卷通粉($148) 3. 熔岩提拉米蘇($118)價錢偏貴1. 黑咖喱饅魚蛋包飯：性價比：3.5/5 味道：4/5饅魚都幾大條，燒到脆脆地，幾好食的😋但個黑咖喱唔係好重咖喱味，蛋包飯都正常西餐水平～份量都ok嘅2. 三文魚籽卷通粉：性價比：2/5 味道：2.5/5份量偏少，啲三文魚籽蟹肉都唔係好多，蟹棒食落有啲太油，個人麻麻地～但個忌廉通粉味道都ok ~ 以148嘅價錢嚟講有啲太貴～性價比不高3. 熔岩提拉米蘇： 性價比：4/5 味道：4/5啲熔岩係芝士忌廉嚟的，有少少芝士味，都幾好食。個蛋糕體反而係幾好食的，幾有層次～好似真係食緊個蛋糕咁～係中間有一層唔知係果凍定布甸咁嘅口感嘅蛋糕層～味道不錯😋😋

元旦的前夕，與朋友一起去吃晚飯。大家在猶豫吃那一間餐廳，就被這間餐廳吸引了。因為裝修10分美麗，而且很日系風。你再望望餐牌，覺得食物也不錯。我們點了些小食，就是炸雞及薯條。炸雞比較普通，薯條也不錯很脆口。丼飯，我們選了滑蛋吉列豬扒飯，滑蛋雞扒飯。滑蛋吉列豬扒飯比滑蛋雞扒飯出色，因為吉列豬扒炸得很香，而且滑蛋也10分好味。但滑蛋雞扒飯比較普通，而且沒有特別。Pizza，我們點了卡邦尼的Pizza及日系Pizza。兩個都不錯。

約朋友喺新城市廣場行街後，隨意搵咗一間中式休閒的Cafe食個下午茶，本來對呢間Cafe冇咩期待，估唔到佢個松露雞肉牛油果開面三文治令我相當驚喜，香濃松露味加埋軟綿牛油果搭配香脆三文治，一口咬下去滿口都是好味好味😋😋😋😋😋會再返黎食！！

尋日堂食，我同朋友兩個入去，安排二人檯，但明明無咩人食，其他人兩個人都可以坐四人檯，食物同一時間黎哂，成張檯細到放唔到🤬隻手拎支叉要凌空吉野食，食野過程好辛苦，唔會再黎

之前同朋友慶祝生日已經嚟過，join左有得儲分又容易book位，儲夠一定分數又可以換coupon都幾化算丫Qr Code自助落單好方便，如果嗌set dinner 仲有沙律吧食添，不過我同朋友就冇特別喜歡食沙律吧所以就散叫今次叫咗兩個主菜，再加一個薯條同龍蝦湯主菜方面有魚有鴨胸魚係滑身而且有兩條都算份量多鴨胸就比較少，而且個皮好un 咬唔到薯條就唔係好脆有點失望龍蝦湯非常咸，飲唔落口（都知道本身係龍尾少少，但冇諗過係咁咸）

Sensu 算係我飯堂之一，今日就一行4人嚟左食晚餐，最近呢2個月冇嚟到，原來佢既晚市套餐加入左自助沙律甜品吧，啲菜都幾新鮮又有唔同汁揀，仲有生果同甜品都係自助任食，真係唔錯。是日餐湯今日係南瓜湯，一貫水準，香甜順滑。招牌小食拼盤有薯條、雞咁，脆口開胃。北京填鴨風印度薄餅鴨好味，薄餅亦香，兩者配合都幾新奇。炭燒原條魷魚配松露薯蓉入口非常之甘香，魷魚唔會過熟，而且淡淡一層炭燒風味真的不錯，松露薯蓉就略嫌松露味唔夠濃，但薯蓉十分之滑。烤BB乳豬仔配燒菠蘿椰菜加左錢食BB豬，烤得香脆入味，唔會乾爭爭。椰菜亦都醃得入味，解油解膩。和風牛肉旋風蛋包飯（掛住食冇影）絕對稱得上招牌菜，每次我都會食，個蛋蛋香味濃，而且十分之滑唔會過老。和風牛肉十分入味，兩者配合好好送飯。仲有點左杯咖啡，十分香濃，作為一餐既總結非常舒適。

近期寫食評有點慢, 食評刊登時, 餐廳與Kumamon的聯乘活動已經結束。上回光顧已是6月初, 主食價格與現在相若, 只是套餐已經不包括是日餐湯, 需要加錢才可享用, 變相加價。Lunch Set $128 + 10%1) 日式咖哩汁牛肋肉旋風蛋包飯2) 自家製冷泡茶日式咖哩汁牛肋肉旋風蛋包飯木魚香氣樸鼻, 加上飯素, 增添口感。牛肋肉質感軟綿, 一口大小, 方便食用。咖喱汁份量充足, 是一貫日式咖喱的味道。飯質感略微黏口, 經過醬汁調味, 略見心思。旋風蛋外表雖有蛋汁, 但內裡較乾。自家製冷泡茶茶味濃, 冰冰涼涼的, 適合炎夏享用。

想幫朋友慶祝生日，但又唔想太大費周章😳就揀咗喺沙田嘅一間連鎖西餐，之前都食過幾次，覺得質素穩定，但都係第一次喺度慶生(˶‾᷄ ⁻̫ ‾᷅˵)。原條龍蝦尾龍蝦汁扁意粉（套餐+$68配）我哋叫咗二人餐，本身可以揀蛋包飯/青咖喱扁意粉，我哋就加咗錢轉做龍蝦汁扁意粉～個龍蝦尾非常吸睛🦞啲肉都開好咗9成，就算有殻都完全唔使擔心食得澩嫪（laau2 gaau6)，只用刀叉都可以有儀態地輕鬆食到😎龍蝦肉質爽口彈牙👍🏻味道就正常發揮💫扁意粉嘅量都幾多，而且烹調時間啱啱好，軟硬度適中😛。黑松露卡邦尼薄餅（$138）呢間嘅黑松露係一塊塊咁上🤩睇落都幾有誠意，但聞同食落嘅味道都冇想像中濃😣如果唔鍾意「電油味」嘅朋友都唔使擔心😂中間夾咗卡邦尼醬同埋煙肉，口感豐富～pizza中間有隻蛋黃，可以撩開佢當汁，食落有濕濕地嘅感覺，而且比較有層次感。餅底表現中上，都算鬆脆，但最好一上枱就快啲食🫡如果唔係耐咗就唔夠脆啦🤣。法國72%特濃朱古力撻.紅莓脆脆（$118）另外叫咗一份甜品，book位時冇mark係慶祝生日，去到先同職員講都可以即時幫我哋加生日牌🥳仲會點埋蠟燭，儀式感十足！朋友見到都好開心～飯後甜品而言份量都唔細，我覺

今次晚餐時段試咗佢哋嘅泰式大蝦奄列飯，一上台就覺得好香，而且有少少辣越食越開胃而且啲大蝦都好新鮮爽口彈牙因為同行有小朋友，叫咗佢哋嘅兒童餐，一上枱嘅時候真係好可愛，餐具同埋餐盤都係紅蘿蔔嘅造型小朋友見到好開心

隨著香港日式洋食店越開越多 都被我發現左佢地有個特點 好多新搭配但未必好食🥺呢間本身都見到menu算幾吸引 但結果都係不盡人意🍳牛肉漢堡扒配熊本番茄汁蛋包飯💰138照常講漢堡扒同蛋包飯呢個搭配好難出錯 我都想讚下佢賣相先 貼左熊本熊貼紙係表面嘅芝士片都幾q 加上撒左木魚花嘅旋風蛋包飯真係幾勾起食慾😆 但係搣完塊貼紙落來先見到表面黝黑嘅漢堡扒🥲 講真漢堡扒煎到黑冇咩唔正常嘅地方 但係切開一舊都幾乾身 擺落口都冇咩肉汁 芝士片就係噠上去之後稍微炙燒一下 所以同漢堡扒都冇咩交流🤣 番茄肉醬比較稀 如果鹹味多返D撈飯應該會好D 蛋嘅方面我真係好難批評 都幾嫩滑 但木魚花同入面D飯真係超乾 飯係有汁淋過加埋唔creamy嘅番茄肉醬同乾漢堡扒就係乾上加乾…🍛野生牛肝菌蘑菇意大利飯💰118意大利飯賣相就好正常 牛肝菌味道都好突出 又唔會太腥整體來講冇諗過連最signature嘅蛋包飯都出事 而且店員都幾干涉進餐過程 雖然好似表面上態度好好 但係食飯應該都偏私隱🥲📌 SENSU (新城市廣場3期) (沙田)沙田沙田正街18號新城市廣場三期2樓A237號舖