Pizza Pan

營業中

休息中

lunch time一定係觀塘區最繁忙既時間,要係短短既lunch hour內揾到位又好味既餐廳真係一個大挑戰.今次專門覓好西既同事話要帶我試呢間都幾受歡迎既pizza店到試下.海蝦紫蘇彩椒薄餅Pizza係我自己比較鍾意既薄批,食落無咁滯而且相比厚批更加清楚品嚐到pizza餡既味道.薄批另外一樣特別之處就係食到烘得香脆既批邊既同時又食到陣陣麵粉香.pizza價錢合理之餘配料又夠晒豐富,足足有7款:海蝦•三色椒•紫蘇葉•焦糖洋蔥•青蔥•蕃茄醬•mozzarella cheese.輕輕拉開pizza已經感受到mozzarella cheese濃密感,入口香軟creamy而且帶微奶香.再加上新鮮蕃茄醬令pizza入口更香甜又唔單調.海蝦肉彈牙爽脆,每一塊pizza都會食到海鮮,夠晒誠意,紫蘇葉其獨特香味為pizza帶黎一種不平凡又共有特色既清香.白汁蜆肉意粉意粉上滿佈蜆肉粒,蜆肉雖然肉仔較為細但入口無沙肉質亦爽彈.配上忌廉白汁及芝士碎令味道更濃郁香滑.意粉充分地掛起忌廉汁,creamy既忌廉汁加上淡淡蜆肉海洋鹹香感相當配搭.烤雞翼估唔到雞翼同樣有水準,雞翼醃得夠晒入味之餘又唔會過鹹.內裏雞肉

今晚又過嚟愛琴坊搵食，貪佢嘢食款式夠晒多。今次嚟食pizza,見到佢有個$148既二人餐，真係幾抵食。✨呢邊座位嘅牆身仲好靚好特別～坐得幾舒服。✨雞翼有四隻，焗得啱啱好，食落嫩滑多汁。✨三文魚蘆筍忌廉汁長通粉：個忌廉汁幾香食落唔會好杰好漏，BB露筍夠爽脆。煙三文魚味道偏鹹，不過撈勻落個長通粉度食就幾好味。✨海蝦紫蘇彩椒pizza: 呢個Pizza味道唔會太濃，加咗紫蘇葉都幾特別， 芝士味好香，批邊仲好夠脆。✨焗肉醬千層麵：面頭嘅芝士真係勁厚，食落軟綿綿，鍾意食芝士嘅朋友啱晒。 個肉醬茄味濃郁juicy, 整體來講都幾好食，不過就最好同朋友一齊share，因為真係超飽。

👧🏻Wodafoodie in Kwun Tong鴻圖中心地下有好多價錢相宜既小店 今次想講呢間專食pizza / 意粉既Pizza Pan我每次黎都叫佢既Pizza🍕 價錢唔貴又好食份量同朋友share又岩岩好👍🏻今次試下佢既意粉套餐🍝 可以任揀意粉/ 長通粉/ 螺絲粉套餐送汽水🥤或加$8可以要水果茶✨🐽松露醬帕爾瑪火腿長通粉 $58Parma Ham有3片 白汁好creamy 撈埋黑松露醬好香🤤醬汁足夠每條長通粉/菇都沾到 😋✨🦐🍅香辣蕃茄大蝦意粉 $58蝦都好大隻 至少有6隻😍呢個出乎意料地好食 真係食得出有少少辣🌶就係佢既辣同蕃茄既酸甜味撞埋一齊所以覺得幾正😋呢到木製既枱凳 加上畫左🇬🇷歐洲風景既牆令人有種好relax既感覺 加分☺️📍 Pizza Pan (觀塘)觀塘巧明街94-96號鴻圖中心地下5G1-4號舖

前幾日在約咗個係牛頭角返工的朋友，佢帶我去佢平時食開lunch嘅一間餐廳食飯，佢話嗰度嘅意粉好高質又平，夜晚又坐得舒服，所以就約咗去鴻圖中心嗰度食嘢啦。餐廳附近嘅位係仿希臘嘅設計，所以我覺得都好靚，而且位置寬躺，坐得都好舒服。我哋叫咗一個松露醬Parma ham長通粉同一個雜菌松露Pizza，跟餐可以加$10換購兩隻雞翼，我哋叫咗兩客雞翼，總共四隻，餐飲可以飲汽水或加錢配水果茶，我哋就揀咗飲水果茶，嗰日嘅水果茶係蜜桃茶。叫咗嘢食之後，餐廳會比一個電子叫餐牌比你，當有嘢食嘅時候，就會震，所以客人可以返埋自己位到等，食物方面過咗一陣就有嘢食啦，Pizza嘅皮做得適中，唔會太厚和太薄，而且Pizza外圍係比較隨意一啲，所以知道是手製pizza，加上就算只係素食，都唔會覺得好單調，而且入面更有一些煮到好腍的洋蔥，調味都好好。意粉方面以58蚊來說，其實都真係好高質，味道都唔錯，松露味都有少少出，即使就咁食長通粉都覺得好好食，因為每條通粉都入晒味，而且有一些雜菇，就算無ham都一樣出色，所以朋友非常推薦呢一個意粉，因為佢平時多數都係食呢一個，或者其他嗰幾個意粉類嘅食物。雞翼是用焗爐焗，所以製作需時

觀塘友返工咁辛苦，究竟附近有咩好西可以繼續吸引佢地繼續留低呢？相信呢間pizza店都有份。喺新開嘅food court入面，有間平民價但遊埠級數嘅意大利嘢講真，開頭睇到價錢都唔抱有期望，平平地醫肚就算啦，但呢碟長通粉狠狠地打開大胃嘅胃口水果茶味道相當清新，加$8都抵呀中意混合嘅北京填鴨pizza，出奇地吻合醬料應記一功，芝士都好足呀蒜蓉包大塊又有味，如果有湯就好喇雞翼好大舊，煮得幾嫩幾入味呢度啲pizza即叫即整，果然唔同啲食落溫度啱啱好，又夠晒煙韌大胃食完再唔相信呢個世界下下都要等價交換，原來平嘢係有好嘢㗎

我自問其實係一個幾寬容既人，第一次係Openrice留差評。因為我接受唔到咁既用餐體驗竟然來自一間執筆時超過100正評0負評既餐廳。首先，有Screencap為證，我係Openrice叫左外賣自取一個煙鴨胸Pizza同一個意大利經典。根據Openrice menu既描述，煙鴨胸Pizza係有焦糖洋蔥，但你睇下幅相，我見唔到有洋蔥… 反而係唔應該出現洋蔥既意大利經典裡面見到。好啦，個意大利經典仲過份。大家都知道唔係個個都接受到Pizza上面有菠蘿。又係根據Openrice既menu，意大利經典除左基本既蕃茄同芝士，剩低就係辣肉腸同菠菜。你睇下幅相，邊度有辣肉腸同菠菜？？點解變左做火腿同菠蘿？？？我以為佢俾錯左夏威夷人我啦，但夏威夷人應該有既三色辣椒同蘑菇又去左邊？？？？？其實你地睇下幅相，如果我唔落描述，你地分唔分到兩塊pizza有咩分別？？？？？？？我想你地去睇下其他正評既意大利經典既相，睇下相差幾咁遠？？？？講真，個pizza其實就唔算難食，但亦絕對唔係好食，pizza最外圍條邊已經變左炭。而且哩個價位我真係寧願去pizza hut嗌個芝心批仲開心。

觀塘工廠大廈成日都有好多好味、隱世餐廳，依間就係其中一間。佢主打pizza同意粉，但整體唔係好貴，但好好味。佢都係鴻圖中心地下，上次本身都想試，但佢冇開到，只好今次黎試下。餐廳嘅裝修好靚，好有童話風，好適合打卡。平時去cafe都會點卡邦尼意粉，因為佢係一個芝士味同奶味同時好濃嘅意粉，今次都係點左依個意粉。估唔到雖然佢幾平，但都好好食，佢落左好多芝士粉，令人好幸福，同時份量都幾多，非常抵食。加兩隻雞翼都係$10，仲要好大隻，同時都幾抵，佢係啱啱係焗爐出黎，所以熱辣辣，食落仲有蜜糖嘅香味。加樽健康水果茶都係$8，今日係新鮮嘅蜜桃茶，平時飲起嘅蜜桃茶都好甜，甜味多過蜜桃味，但依樽唔會，佢只係帶住淡淡嘅蜜桃味，飲落唔會太甜，仲有微微嘅酸味，可以一試。

焗肉醬千層麵套餐🍝 $55💛💛💛💛好多肉醬，芝士都多，千層厚薄適中，醬汁以酸味為主。松露醬帕爾瑪火腿意粉套餐🍝 $58💛💛💛💛💛帕爾瑪火腿非常香口，醬汁好Creamy，濃厚芝士，仲有菇菌類北京烤鴨pizza🍕 $68💛💛💛💛💛口味創新，所以揀咗黎試，pizza餅底偏薄身，醬料係甜醬，面頭有芝士、蔥、青瓜、鴨，口感清新，好好味，必試所有套餐都有一罐汽水🥤服務💛💛💛💛環境💛💛💛💛

觀塘工業區好多食肆，但係提供pizza 既餐廳唔多。 呢間係鴻圖中心美食廣場內，專門提供pizza, 意大利粉，仲有肉丸雞翼。 Pizza 嘅種類好多，還可以自選pizza 配料，價錢仲抵到爆🤩。北京填鴨Pizza ($68)芝士焗肉丸 （$68） 蜜桃水果茶 Lemonade 北京填鴨薄餅咁特別，真係忍唔住要試吓。 即叫即焗，上碟熱辣辣。 薄餅厚薄適中，烤得很脆口。Topping 可以清楚見到勁多芝士、鴨肉、青瓜等等。除咗芝士外，pizza 亦食到香濃嘅北京填鴨醬汁，口感十足。 芝士焗肉丸好大粒，上面芝士厚厚的，蕃茄醬酸酸甜甜，可減低肉丸的膩。

是晚黎左Pizza pan度食野，點了pizza同小食後，便到店附近搵枱坐。落單後廚師即刻預備食材，所有食物都係即叫即整的。等了大概十五分鐘就有得食了，香噴噴啊。點了北京烤鴨薄餅，主要是煙鴨胸，青瓜等“北京烤鴨”的食材來做薄餅。薄餅是薄的餅底款，烤得很香脆。芝士多得可以拉絲呢，醬汁是中式的烤鴨醬，甜甜的又同芝士好夾喎，加上清新的青瓜夠爽口，整體味道平衡又好味，讚！另外就是點了呢個意式肉丸，濃濃的茄醬配上大大粒肉丸。肉丸肉味濃郁，啖啖肉好正呀，蕃茄醬帶點酸正好去膩，一客六大粒很抵食。最後再配上一罐汽水，很完美的一餐。

鴻圖中心有好多野食，兜個圈睇下食邊間嘅時候見到有幅牆畫左d好靚嘅壁畫，令我不禁目不轉睛。望望下見隔離有間意式餐廳，價錢又ok就搵個靚位坐底啦。意粉套餐價錢都係$50至$60左右，重送一罐汽水，晚餐黎講真係超值啦！白汁蜆肉意粉有蜆肉同菠菜。菠菜好香。蜆肉有好多粒，冇沙，夠新鮮有咬口。意粉軟硬適中。芝士味濃而不膩。黎意式餐廳食飯，除左食意大利粉，點少得食Pizza呢？見收銀處有張相寫住「海蝦紫蘇彩椒薄餅」，今個月做緊優惠$68。呢個薄餅係餐牌冇架，一於試下新野啦！好耐冇食pizza啦，今晚Happy Friday，一於食盡佢，一人一個！叫左「海蝦紫蘇彩椒薄餅」同埋「夏威夷薄餅」。海蝦紫蘇彩椒薄餅每一塊薄餅上面都有一隻海蝦。海蝦大大隻，味道鮮甜，質地挺實夠新鮮。薄餅一入口就食到好香嘅紫蘇葉味。紫蘇葉將海蝦嘅鮮味帶上另一層次。彩椒有紅椒同青椒，夠新鮮清甜。除左紅椒同青椒，原來重有洋蔥！洋蔥是熟的，如果唔整咁熟就可以食到洋蔥嘅辛辣味，可能會更好。總括黎講，薄餅有d蔬菜感覺更清新。夏威夷薄餅用羊芝士，入口好香，如果呢個時候有杯酒邊食邊送酒就啱曬啦！因為落左菠蘿，食落酸酸甜甜。菠蘿食落酸甜多汁，一咬

海蝦紫蘇海鮮薄餅($68) 餅皮鬆脆, 餅底有質感, 即叫即整, 熱辣辣 ,海鮮配料很多, 份量十足 。轉樽裝蜜桃茶(+$8)蜜桃茶比一般的口味, 茶味更濃郁, 更好味, size 唔少, 個樽又可以帶走飲, 值得換購👍焗肉醬千層麵($55) 送汽水麵上有焗芝士拉絲, 即叫即整, 份量好足, 唔似一般得一楷。肉丸($55)自家製肉丸好大粒, 係2倍平時食到的size😍幾彈牙, 值得一試👍👍雞翼($10/2隻)店裡做緊優惠, 如果唔想叫小食咁多, 可以整2隻止下口痕,岩曬鐘意食雞翼的我, 好抵👍

放工唔想去咁遠喺公司附近嘅愛琴海搵嘢食，之前都有同同事嚟過 所以今晚就再encore pizza pan先來一個parma ham松露醬長意粉每人揀咗一個pizza ,一個係夏威夷口味 另外一個就係 海蝦紫蘇彩椒pizza鐘意呢度環境唔錯，兩人來傾下計食下野而且唔會好像出面咁d位迫迫夾夾價錢大眾化之餘野食全部都即叫即做返屋企又隔，係觀塘區好去處之一兩人200 蚊唔駛有找，好過去大型連鎖式的店會常常來幫襯支持小店加油

今日lunch 想吃pizza ，突然想起鴻圖中心Foodcourt有間Pizza Pan 嘅Pizza 評價不差，所以經商量後，就和同事一起去😗😗Pizza Pan 除了Pizza ,還有意粉🍝，雞翼小食等可選擇😋「海蝦紫蘇彩椒薄餅」$68 ...註可以另加(每款$12 ）其他薄餅餡料...我就加左意大利辣香腸🤪🤪 薄餅即叫即整，需要大約10-15分鐘，餡料豐富，芝士很濃厚，餅底夠脆👍🏻「香辣蕃茄大蝦長通粉」$58⋯⋯可以更改意粉，螺絲粉。餡料足蕃茄味濃厚😗😗「懷舊烤雞翼」現在優惠價$10/2 隻😝「芝士番茄焗肉丸」$55 / 6粒....芝士蕃茄味濃，肉丸入味又大粒😗😗意粉餐或薄餅均送罐裝汽水一罐或可以加錢改其他飲品..

今日又放工黎觀塘揾食啦，今日屋企人話想食Pizza，見到呢間Pizza Pan價錢幾抵食就試下我地叫左兩個意粉，一個pizza，重有肉丸同埋雞翼，食到捧住個肚走意大利經典Pizza（$78）：Pizza焗得好脆，我好中意食薄批，因為唔會漏。呢個Pizza有3色椒、菠菜、辣肉腸同埋芝士。唔會漏有肉有菜平衡下卡邦尼長通粉（$50）：卡邦尼汁真係好惹味，長通粉唔會煮到淋晒，重有咬口嘅，我最中意呢一種長通粉！焗肉醬千層麵（$55）：肉醬好香，茄汁偏酸好開胃，上面重有拉絲芝士！好耐無食過高質千層麵啦！雞翼（$10兩隻）：雞翼係焗脆左，好Juicy唔會好干，重有啲蔥係面好香肉丸（$55）：店員推介係新出品，Menu都重未有，肉丸都好大粒好抵食，唔似某瑞典傢俬舖果啲咁細粒一啖食完一粒，重要拉到絲架！Fresh Peach Tea（跟餐加$8）：本身餐係跟汽水嘅，不過屋企人想試下水果茶就叫左，都唔錯，唔會好甜，呢支好濃桃味！Fresh Lychee Tea（$8）：相比Peach，我覺得荔枝甜啲，但荔枝味一樣係咁濃！嗌到成枱都係200幾蚊，服務態度又好，食物質素重可以做得咁好，抵讚！