Pepper Lunch (新都會廣場)

營業中

休息中

黑椒飯有學生優惠 價錢便宜味道好食😋 而且呢種 鐵板餐比普通食物 唔同別具特色 所以更為吸引 必竟鐵板係Pepper Lunch嘅賣點之一 而且有唔同嘅沙律🥗雪糕🍦飲品 可以加購 無形中提高更多選擇比消費者 可以下載佢哋嘅APP成為會員 會有不同的優惠～我食咗個三拼黑椒飯 有肉、有雞、有三文魚🍣感覺上係普通黑椒飯 嘅升級版 超正 餸菜種類多咗 令食落去個口感好豐富 而且枱上面有唔同嘅調味可以自行添加 跟住自己再額外加多啲黑椒粉落去 啲黑椒好香 下次再食其他先～

今日係葵芳附近先發現原來呢度有間pepper lunch，平時係food court就食得多，但係就好小係佢分店食。自己一個食叫左個小小地既普通最signature既黑椒牛肉飯。見到佢叫我join會員，唔join唔知，原來join左咁抵。佢幫我個餐減左6蚊之餘仲有coupon換野飲或者配料。最終60蚊樓下已經可以食到好飽仲唔口乾，唯一不足係相比以前，佢肉既份量真係小左好多了。

壽喜燒鍋配白飯 $75份量都幾多有少少菇同埋豆腐😂😂少量嘅菜大量嘅肥牛肉！！！！首先直接抄熟啲肥牛肉先～之後就落壽喜燒汁啲汁淋起鐵板上面，鐵板嘅熱度令到醬汁在翻滾☺️熱到起泡泡，咕嚕咕嚕～超治癒落得越多黑椒越好味😋

鐵板飯會諗起pepper lunch, 應該好多人都會試過, 今次去咗新都會呢間pepper lunch食, 叫咗三個鐵板飯,一個係蒜香黑椒牛肉飯, 一個黑椒牛肉飯, 一個係雞扒拼珍寶漢堡扒飯! 望落去同啲圖有啲不符啲飯熱辣辣咋咋聲咁樣上, 是實有幾吸引50幾蚊去到80蚊左右嘅一個飯, 味道都算ok, 但我覺得份量少咗啲, 我係講緊啲肉 另外可以加錢要汽水, 不過太貴, 飲水實際啲不過每次食完呢啲鐵板燒嘅嘢, 個身梗係一陣油煙味

成日去 foodcourt 食，今次終於入去佢餐廳食飯 @ pepperlunch 😂。六點來到不用等就可入座。德國香腸拼盤加珍寶牛雞肉飯加2個小食和飲品$158，價錢可接受。等左不用10分鐘就食物開始來都幾快手，拼盤香腸普通😂不似有幾款口味的香腸。飯方面都keep到水準，小食有約6款我就選了沙律幾新鮮仲有芝麻醬，另一款要雞粒係凍要方係盤內加熱。飲品要柚子梳打幾好味甜度岩又夠濃，2人輕食都可以😌之後再去葵涌廣場掃街岩晒。

食極都唔厭嘅鐵板飯，特別鍾意去新都會，這間不是food court ，而是以餐廳形式來經營的店，由店員負責送餐，非常貼心。差不多每次都選擇：1️⃣蒜香黑椒牛肉飯(珍寶）、黑椒雞肉飯 （加芝士、蛋），熱騰騰的鐵板，浸出淡淡的蒜香及黑椒味，黑椒不會刺激喉嚨，用作調味比較合適。若想要有少量飯焦，可以等一下先攪勻，牛肉比較簿身，不會靭，$60幾蚊的飯算抵食。2️⃣雞肉都係切成小塊，鐵板的熱，令芝士立即溶入飯中，有蛋汁令整個飯的味道更佳。 近來都不會加錢升級為套餐，因為啲水果杯不太吸引，散叫汽水要$10，太貴了，都係飲水實際啲。 疫情下，不能自己出去斟水，一定要店員提供，比較衛生及安全。

平時食pepper lunch都係喺美食廣場，今次終於去到佢哋自營舖頭食。分別嘅叫咗日式燒汁雞扒拼漢堡扒，以及黑椒雞肉飯。今次既黑椒雞肉飯唔記得咗叫走黑椒，對怕辣嘅我嚟講係一個小挑戰。

😨😨😨😨😨😨之前以為pepperlunch一定要係foodcourt先有點知原來都有實體店, 呵呵大開眼界了!-Lunch來食,勁多學生同埋上班族,等位都等左15mins,入到去慢慢排隊買野食都5mins,好彩佢上菜都快, Pepperlunch 夠快夠香,蜜糖醬放係檯上比你任加,然後咁岩坐係廚房旁,我食完個lunch, 之後個半日我成身都係pepperlunch味個頭髮好香牛肉味個身好香牛肉味!-PEPPERLUNCH係好味但如果你食完, 仲要出街, 唔係直接番屋企既,就最好唔好食,如果唔係隔離個個一定聞到你D油煙味!🤢🤢🤢🤢🤢🤢🤢

每晚諗食乜好都好難諗，要食得開胃我會選Pepper Lunch, 每次我都會叫三併肉餐，有牛肉粒，肥牛，漢堡扒，我會另加蒜粒、秋葵、泡菜，再配合白飯一齊食，我一定會食得晒，因為辣辣地好開胃，肉質又好食，食晚飯必選

非常多配搭選擇，同個心多多的女仔朋友吃飯，來這間不錯。可惜味道並未如理想，我只是吃到咸味，一餐分分鐘已經超過兩日鹽份所需。我吃的是這個👇👇好彩環境不錯，算是搭救少少。

Pepper lunch 都算係我最鍾意食堂嘅其中一間 因為夠平 加上我自己係勁中意食牛 當你中午一個人又唔想咁貴食到牛 可以選擇呢間 個人推介珍寶鐵板牛肉飯 加一杯可樂 真係黃金組合 飯經過鐵板既洗禮 有飯焦可以食到💕💕

第一次試呢間外賣，質素麻麻，加左$5泡菜，以為分開上，點知加埋啲飯一齊炒，仲要得好少，牛肉夠。另一位蒜香牛肉，牛肉分量少。仲要無俾餐具，連飲品都無飲筒，飲品仲要差啲漏俾。

我今日食 Pepper Lunch 食明太子系列😆！明太子黑椒牛肉飯🐮：平時食 Pepper Lunch 我都係嗌黑椒牛肉飯，今次配埋充滿鹹香且濃郁辛辣嘅明太子🔴，愈食愈開胃😋。明太子顆粒細小、口感綿密，同燒牛肉嘅質感好唔同，將整個黑椒牛肉飯🐮錦上添花✨～明太子三文魚意大利麵🐟🍝：辛辣明太子同忌廉意粉原本就好夾，加埋鐵板燒嘅三文魚🐠，魚油嘅香味令到呢個 Pepper Lunch 意粉食香味👃🏻都齊晒🤗。

四人用餐，其中一個是小朋友，由他選擇食店，結果他選了這間Pepper Lunch，這是我第一次光顧。朋友三人都選了黑椒牛肉飯（大盛），我則選了雞肉意粉，另外還點了檸檬茶和水果杯等。黑椒牛肉飯因為是大盛，所以真的分量十足，不過牛肉脂肪太多，未吃已感到很肥膩，而且整個飯味道偏淡，幸好餐桌上有兩瓶醬汁，加入飯中拌勻，才覺得好吃一點。雞肉意粉雖不是大盛，但份量也頗多，不過味道也很淡，加了點鹽才變得好吃一點。檸檬茶茶底一般，水果杯份量不多。由於桌椅之間的距離頗近，進店坐下來後，感覺有點擠迫，至於服務則不錯。

塊牛扒有三分一係肥肉，唔係雪花果隻，而係紅白兩色果隻，真係唔掂。而家D人唔太介意您間舖頭賣嘅野貴，但係就最介意您賣嘅野質數唔得囉！其實唔太關我事，果幾個員工傾計都幾大聲下，佢地喺出餐處，我喺近收銀處，都聽得好清楚佢地講緊乜話提。