影片
電話號碼
25255488
開飯介紹
由印度人主理的印度餐館，提供正宗印度菜，亦加入了香港特色的創新菜式，如印度煲仔飯，使用細長的印度米，配上印度食材及香料。餐廳使用的芝士更是自家製的。
繼續閱讀
附加資料
A cool BYOB set up in the heart of mid levels, adjacent to central-Midlevels Escalator with Indian food to sit-in and take-out.
營業時間
今日營業
11:30 - 22:30
星期一至日
11:30 - 22:30
公眾假期
11:30 - 22:30
公眾假期前夕
11:30 - 22:30
以上資料只供參考, 請與餐廳確認詳情
-
網上訂座服務暫停
食家推介
招牌菜
一向都覺得半山係啲高尚住宅區啲嘢食一定貴到好離地🧐今次嚟到中環半山捲窿捐罅搵嘢食打破咗我嘅諗法！搵到呢間勁隱蔽嘅印度菜嚟到見到簡單嘅裝修得僅如嘅三張枱都冇客人 放滿外賣都抱住半信半疑係中伏嘅心態最後同朋友決定都係鼓起勇氣入去🤫好有家庭式經營感覺入到去仲好熱情咁招呼我地😝見到得一個廚師煮嘢但外賣單就不斷店舖雖小估佢唔到菜式選擇都幾多價錢亦唔貴！Chicken Dum Claypot Biryani平時食開港式嘅煲仔飯估唔到印度菜都會有煲仔飯食！呢個係店家極力推介就試下😆用瓦煲上枱時仲熱辣辣真係好大份量印度米幼長 質感帶硬身本身加入香料一齊煮已經好惹味 帶少少辣仲有啲雞肉質感亦比想像中軟嫩米飯吸收咗香料同雞肉嘅味道好濃味好正🥰🥰Veggie Samosa咖喱角有雞肉同蔬菜兩款揀咗蔬菜咖喱角 冇肉都好出色‼️外皮好酥脆鬆化唔誇張真係好似酥皮咁咬落係軟滑嘅薯蓉好有咖喱香 食到薯仔粒粒同青豆就算淨係蔬菜都好正‼️Old Delhi's Butter Chicken印度菜其中一個常見菜式就係牛油雞以蕃茄醬汁加入牛油煮成入口好濃郁蕃茄味但都不失咖喱香味道甜甜地帶少少辣裡面雞肉嘅份量唔少呢款雞肉嘅肉質好嫩滑煮得好腍身吸哂醬汁嘅味道配Naan食好正！Garlic Naan食咖喱當然要配印度薄餅！薄餅屬於厚實型質感好軟熟🤤叫咗蒜蓉味但冇乜蒜香如果重啲味會好啲-果然隱世餐廳都內藏高手高質嘅印度菜估唔到位於半山但價錢都唔貴而且小店都好熱情服務🥰絕對值得為佢爬上半山😍
繼續閱讀
Papa Gomes #半山 ❗️隱蔽高質傳統地道印度菜❗️喺半山見到呢間地道印度菜🇮🇳細細間但人流都幾多，由一個印度家庭打理，餐牌食物望落正宗！一試果然冇錯👍🏻服務態度超好，食物平得來又高質，絕對係平價高質印度菜！Mixed grilled platter🥩$98Chicken tikka, lamb seekh kebab, tandoori leg, fish tikka叫咗一個印度烤肉拼盤，一次過可以食到雞🐔羊🐑魚🐟！啲肉擺喺鐵板度咋渣聲，超大煙。所有肉都醃得非常入味，夠晒香，配埋佢哋嘅薄荷乳酪醬味道簡直一流😍肉質瘦得來又唔會鞋，啖啖肉，確實好食。味道: 4.4/5性價比: 4.4/5Kashmir’s rogan Josh🍛$98Aromatic lamb from kashmir traditionally flavoured curry by kashimir spices 第一次見呢一款印度咖喱， 香料味道豐富，混合晒甜鹹辣，配上一舊舊煮到好淋嘅晒嘅羊肉，細細兜但好滿足！剩低嘅咖喱用嚟點naan簡直一流🥰！唔食羊嘅佢哋仲有其他肉類選擇，甚至連素菜咖喱都有，而且仲有多種咖喱選擇，總有一款啱你！味道: 4.4/5性價比: 4.3/5Cheese naan🍞$30Naan口感算厚實，但勝在中間包住左大量芝士🧀🧀🧀芝士味超香濃！即使凍咗都依然好味，整埋咖喱簡直冇得頂！味道: 4.2/5性價比: 4.4/5Indian masala flavoured lassi🥛$22Mango lassi就飲得多，第一次試masala lassi，味道較為似鹹乳酪，再有一粒粒masala香料喺入面，味道獨特，但未必個個飲得慣，衝擊都幾大㗎🙈！味道: 3.5/5性價比: 4/5整體來講呢間印度菜的確冇令我失望，選擇豐富，味道正宗👍🏻仲要係由印度人主理，佢哋態度超有善，同佢地有講有笑食得好開心😆間中食下印度菜的確幾好！Opened by the kind and warm welcoming Gomes’s family, Papa Gomes provides the most traditional and delicious Indian food at a reasonable price! You should not miss out their mouth-watering lamb curry and grilled platter! Of course, adding extra naan would be it even more perfect!
繼續閱讀
疫情期間幾個友人也加入失業大軍。時間多了，大家一齊四處發掘香港小店。今次來到半山區發現好多異國風情的餐廳。其中一間是印度菜，疫情期間吃吃咖哩增強免疫力😉。-HK$48 Veggie Samosa~印度傳統小吃之一的蔬菜角仔，外型像一個被太陽照射至閃耀光芒的金字塔。一咬下去便感到鬆脆瞬間吃到軟綿綿又香口的薯泥。外脆內軟熟，每人吃兩件也不満足😆-HK$98 Kashmir’s Lamb Rogan Josh ~是北印度喀什米爾的著名菜餚，內含番茄、辣椒、薑、丁香、月桂葉、小豆蔻與肉桂等做成的醬汁，又辣又香又惹味令朋友冒著汗水也要吃清光。-HK$25 Garlic Naan ~吃咖哩怎麼可能不會吃Naan。即叫即烤，上檯仍熱哄哄喔。軟熟又不太油。蘸著Rogan Josh吃，滋味在心頭。-HK$28 Mango Lassi~每次吃印度料理我必點的飲料。酸微微非常開胃，帶有特色香料的味道，解辣一流。-這次份量2人剛剛好，不會過飽也不會肚餓。意想不到是半山區有價錢大眾化的印度菜，味道比重慶大廈更傳統👍🏻。下次要帶愛吃印度菜的爸爸品嚐一下🥰
繼續閱讀
朋友約收工食呢間餐廳，傳聞係幾正宗嘅印度嘢一路經半山扶手電梯一路上到過埋堅道，轉一轉右就會見到麻雀雖小 五臟俱全💪🏻我同朋友叫咗一碗雞肉咖喱、一碗羊肉菠菜蓉、三份薄餅同一人一杯飲品，埋單都只係每人$150，仲好好食又好飽🤤呢碗係Old Delhi’s Butter Chicken ($88) 好好食，佢嘅蕃茄味好濃郁同鮮甜，咖哩其實都有明顯辣度，但更添惹味❤️ 雞肉都好多同大件，仲keep到濕潤同唔嚡點naan食都好好味，如果再嚟我會嗌飯或者叫外賣返屋企送飯🤪 Lamb saagwala ($88) 呢個係唔辣嘅，saagwala係茅屋芝士加其他香料煮成嘅菠菜蓉，呢個係加羊肉嘅變奏版菠菜味好濃，好健康呀 雖然有芝士，但並唔係韓式芝士嗰種中風食法，而係隱約食到有少少乳製品嘅香味，好優秀，呢個點naan係超級夾👏🏻好食到要加叫第三份薄餅嚟點啲butter chicken🤡雖然行上呢間餐廳係好用腳骨力，但食物嘅質素、店員嘅友善、抵食程度都值得喺我地食飯期間都不停有外賣車手嚟取餐，可見佢嘅受歡迎程度，喺中環上環出沒嘅讀者真係可以試一試👏🏻👏🏻👏🏻
繼續閱讀
沿住中環天梯上行，發現驚喜印度菜🥰小小嘅店面藏住大大嘅美味，同同行友人叫左2款咖哩、3款印度餅同2杯飲品，分別係🥘Old Delhi’s Butter Chicken-里道真係非常驚喜，超級好味，醬汁混合甜、酸、辣嘅原素，同時亦好濃厚~之後同老闆傾開，有客人食過里個butter chicken就每次都只點同一款🤣可想而知有幾正😋🥘Lamb Saagwala-係波菜羊肉嘅組合，其貌不揚，但味道一流，波菜加入芝士烹煮，帶入淡淡嘅奶香味，羊肉以bite size粒狀加入，份量相當慷慨🍖🧈Butter Naan-Naan外面焦脆內裡鬆軟，尤其撕開時會有輕微拉絲似嘅韌感，薄薄搽上牛油，香氣十足🤤🌿Mint Parantha-Parantha係除卻naan嘅另一款餅，根據小編嘅理解(錯可糾正🤪)，Parantha同Naan係取材不同，前者為全麥麵粉，後者則為白麵粉，質感上前者偏向薄身帶酥感，後者則似麵包🧄Garlic Naan-一上枱，香噴噴🤤蒜味四溢☕️Indian Masala Tea-識我嘅人都知我好鍾意飲chai/masala，去得印度舖，更加要試試😛本身冇加糖，只有濃郁嘅香料混合牛奶，個人非常欣賞😜🥭Mango Lassi-係朋友嘅飲品，朋友話非常surprise佢走酸而非甜嘅路線，飲得岀以plain greek yogurt為主材料，好厚身用料足~剛剛都提到店面不大，我認為更適合外賣回家/公司細嘗，係我地用餐之際，都有網上外賣平台 網上外賣平台 等嘅送餐員黎pick up order~不妨為一個不錯嘅外賣option🥰年輕嘅老闆非常友好，我地唔明menu嘅時候有作出解釋，亦有跟進我地對菜色嘅評價同睇法👍🏻👍🏻
繼續閱讀