影片
港鐵尖沙咀/尖東站 N5 出口, 步行約1分鐘
繼續閱讀
電話號碼
23663961
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
影片
相片
3-dish curry buffet
咖喱放題
+62
+7
芒果沙冰好飲😋😋奶茶好特別，咖哩可以任食。老闆人好好！！！仲識講廣東話，咖喱嚟講好多種類，叫任食可以試晒唔同種類既咖喱，薄餅都可以任添🙂↕️🙂↕️😋
繼續閱讀
平時唔敢行入美麗都大廈，今次有朋友同行先夠膽入去搵食。餐廳位於商場二樓，位置唔算起眼但通道有指示，唔算難搵。老闆係個講流利廣東話嘅巴基斯坦男士，一坐低佢就好詳細咁介紹餐牌，上菜時亦有介紹食物同埋食法，好熱心！餐廳裝修簡單，但係店內乾淨企理，枱同枱之間距離適中，仲提供埋充電位同wifi (商場流動網絡接收得唔太好）。餐牌有散叫亦有套餐，我哋揀咗老闆推介最多第一次到店客人叫嘅3-dish curry buffet，有ABCD餐四個選擇，每個餐有三種咖喱可以任食，如果四人同行，就可以試哂12款咖喱啦！基本上今次試嘅6款咖喱都好味，唔太食得辣嘅朋友都唔洗擔心，個人推介Set D嘅綠牛油豆。除咗主菜咖喱，隨餐附有粟米咖喱湯（少少辣好開胃）、甜品（食落似馬豆糕加上香脆椰絲）、Mango lassi（香濃唔會死甜）、三款naan同Roti（份量絕對充足，女仔食可能會食唔哂）、巴基斯坦飯（細細碗香米，用嚟送啲汁冇咁濃嘅咖喱一齊流）同埋奶茶（臨尾先上，好香香料味同幼滑），仲有枝細枝裝水。食物賣相佳，店員上菜嗰陣擺放整齊，方便大家打卡。不過呢，入得嚟食就要俾啲耐性，上菜需時。整體用餐體驗良好，150蚊可以食到咁多款好味嘅食物同埋飲品，性價比實在高。我都有興趣再去試埋200蚊嘅Pakistani Omakase，挑戰吓巴基斯坦烤肉。
繼續閱讀
環境好乾淨，風扇上面冇灰塵真係好勁😂人多既時候員工都會用消毒水仔細清潔張檯，唔似有d茶餐廳隨便攞布抹吓食嘢跌d碎碎落檯面，員工收走d盤既時候仲順便幫我地抹埋🤣食物方面性價都既高之前食150個餐$150包三款咖哩同三款餅（放題）+巴基斯坦飯+芒果lassi+咖哩湯+甜品+熱奶茶（奶茶味道好特別，有八角味🤣但好飲的！推介A餐&D餐😋咖哩雞粥同咖哩雞肉鷹嘴豆咖哩好味！今次就食左$200 放題+烤物烤物包雞肉魚肉蝦，羊肉春捲都好好味所有野現整，d餅都係啱煎好，好脆好香
繼續閱讀
服務態度超好，老闆熱情介紹，而且細心提醒芒果乳酪要搖一搖先飲🤭而且老闆識講廣東話，強烈推介香港人去試，唔會怕雞同鴨講，餐牌都有中文。食物抵食又好食，$150咖喱放題，三款咖喱三款薄餅，有湯有飲品有甜品，冇嘢挑剔。廚師發辦嘅烤全拼，咖喱卷 超級好食😋好香，好有風味，咖喱卷內餡系羊肉碎，唔騷但係有羊嘅香味。環境乾淨企理衛生，仲有洗手位置供客人使用。擺盤精美，每個餸都擺到靚一靚，有心經營嘅小店。一句講晒，推薦大家去試，絕對唔會後悔，第一次留言，唯一雞蛋裏挑骨頭，鋪位要搵一搵先搵到。
繼續閱讀
烤餅、飯同咖喱自助餐，個咖喱雞配烤餅勁正，個芒果乳酪幾啱香港人胃口，因為唔係太酸，烤餅仲有三款厚度，個小酸菜好有特色味道，可能有啲人唔啱口味，但我自己就好鍾意，$150邊度搵👍🏻
繼續閱讀