Owl's Choux

營業中

休息中

難得黎開尖沙咀呢邊上堂，落堂經過呢間好出名嘅米芝蓮泡芙一定要試試啦😆接近七點去到有幾隻味已經sold out，最後買咗買咗招牌crème brûlée 同埋焙茶味，雖然冇人排隊，但係呢都有好多訂單等緊整，落完order都等咗大概10分鐘左右先有得攞🫠返到屋企食完晚餐之後當飯後甜品食，雖然放咗喺雪櫃一陣，但係一入口依然好鬆脆完全冇變淋泡芙皮做到好薄入面有好多cream一脆一軟口感好好😋😋不過而家已經冇得堂食啦，希望遲啲會開返堂食，咁樣下次去開尖沙咀就可以再試試其他口味？😁

🍮 焦糖燉蛋泡芙 $40上面層焦糖脆片極脆好似玻璃咁晶凝，啲cream口感幼滑爆漿好香滑但唔會太甜，同埋會見到有啲雲呢拿籽，外賣拎左十分鐘左右食，個皮都仲脆脆地～ btw唔知點解我好似食到少少乳酪味😂係咪我個嘢壞咗？有幸之前入過去堂食，仲可以叫個泡芙嗌杯野飲慢慢坐，最近幾次見到都落左閘，離遠見到仲以為冇開舖，忍唔住問店主，佢話之後應該都唔會開架啦🥹，淨係會做外賣平日5點幾去都仲有得賣好好彩，都見到門口有好幾個人等，仲以為有排先到我，點知十分鐘都唔洗🥰

📍《 Owl's Choux 》尖沙咀麼地道32號地下👧🏻👦🏻為咗試呢個泡芙足足去咗三次先買到❗️ 舖頭開三點，強烈建議大家四點前要去到，因為我地試過五點去到已經賣晒🥹 今次3:15pm去到諗住實冇死，點知已經有人排緊隊，加上所有泡芙都係即叫即整，結果都等到4pm先食到🥲 大家可以最少買兩個，排隊等嗰陣會心理平衡啲😂 即管睇吓佢值唔值得我哋三顧草廬仲要等咁耐！▫️焦糖燉蛋泡芙🍯 $40 呢度嘅signature之一，面頭有一層燒過嘅焦糖，脆卜卜，入面有大量吉士同忌廉，一咬落去啲cream爆曬出嚟好邪惡😝 我哋以為泡芙係暖嘅，點知原來係凍食嘅🤣▫️Tiramisu泡芙☕️ $48 👧🏻除咗抹茶仲好鍾意食tiramisu😆 泡芙上面有一層鹹嘅cream cheese同埋偏苦嘅咖啡粉，加埋一齊tiramisu味都幾出！Overall其實幾好食嘅，不過要咁辛苦先食到，👧🏻👦🏻應該就唔會再有下次啦👀～▫️紙盒… 📦 $2This is just for fun haha 不過覺得幾好笑，因為店舖只供外賣，基本上買兩個以上都要收返$2買個紙盒😂人均消費 $40-50推介度🌕🌕🌕🌑🌑#hongkongfood

同老公食完拉麵過對面見到好吸引於是試下～加左$2既紙盒係要貼下堂（特登去左對面街影）左係焦糖燉蛋，右係Tiramisu 外觀都幾靚~店員定唔知店主都幾靚仔（同老公一致覺得🤣🤣）係相片入面見到佢張相原來叫Ricky😎😎Tiramisu~老公揀既，我試左啖覺得比較苦焦糖燉蛋～焦糖好脆，燉蛋好creamy不過怕肥食左半件比埋老公食下次想試朱古力伯爵茶（賣晒）＆愛爾蘭甜酒，焦糖燉蛋可以再encore

外出工作到尖沙咀，當然順便搵埋食☺️試之前唔知呢間店係米芝連咁勁，只係順路工作完嚟試下。即刻落單即刻焗，我同同事仲有少少微言要等15分鐘。我㨂咗檸檬乳酪泡芙，同事要咗焦糖燉蛋泡芙。嗯～食落外皮係脆卜卜嘅泡芙，的確幾好味！食完收返啲微言😂

#chuchu食在尖沙咀📍 Owl's Choux 大推❗️大推❗️大推‼️ #chuchu推介 宜家🐷基本上一出尖沙咀就想食，不愧係米芝蓮，不過佢上左小紅書，最近多咗好多遊客ಥ_ಥ就係K11斜對面！不過就真係要等，因為得店主同伯伯（應該係爸爸好得意的(⁎⁍̴̛ᴗ⁍̴̛⁎)）即叫即整，同埋好多人一買就半打半打買，所以先要等咁耐！💡買曬就冇架喇！🐷試過5點就已經賣曬！—————————————————————❣️焦糖燉蛋泡芙 $40必食✨真係好好食，雖然一個要$40但值得的！即叫即整，首先面頭係用槍燒過嘅焦糖，脆卜卜！外脆內軟嘅泡芙！餡超級真材實料，超級多，有吉士醬同忌廉，眼見嘅雲尼拿籽！真係諗起都想食🤤.❣️Tiramisu ❣️檸檬味❣️朱古力味 🐷食過好多隻味，其他味都各有各特色，不過都係Cream brulee係最好食！取代唔到！—————————————————————不專業評分👅好味指數: 10/10 💰性價比: 9/10👍🏻推薦: 10/10 —————————————————————🏡地址: Owl's Choux (尖沙咀)尖沙咀麼地道32號地下🕑營業時間: 15:30-19:00（逢星期⼀

呢間cream buff 我bookmark咗好耐，今日路過尖沙咀就買黎試一試•ᴗ• Creme brûlée $40•ᴗ• Hochicha Almond $48•ᴗ• Tirami-Choux泡芙外觀好靚，非常打卡able📸泡芙口感脆皮外酥內軟、裡面嘅cream都好豐富，會有一層原味cream同一層creme brulee/hochicha/咖啡油味嘅cream。原味cream好soft，但各口味嘅cream都太甜。加上泡芙外皮有一層脆皮糖，泡芙的麵糊和cream都被加入過多嘅糖導致太甜了，雖然佢嘅cream好順滑，但糖蓋過咗cream原本的味道。食得出creme brulee/hochicha cream嘅材料都足/有質素，只係過於甜。Tirami Choux cream有嘅咖啡苦味加上面層加左鹹味的芝士奶蓋作調和，相對無咁甜，比較令人接受。

❤️Bookmark咗呢間泡芙好耐，佢連續好多年拎到米芝蓮街頭小食推介，經過尖沙咀一於去試下係咪真係咁好食先!😋 週末去到見到十幾人排隊，我地都排半個鐘左右，全部即叫即製，之前多人推介嘅雪糕泡芙已經冇製作了，主力製作Creme Brulee～店主態度好友善，本身想點士多啤梨味，店主都會提醒下果款泡芙製作完成後要等15分鐘表面溶化先好食，由於時間限制就到晚飯時間, 我地點咗另外2款~一到手已經聞到好香, 先係招牌嘅➡️"焦糖 Creme Brulee", 表層嘅焦糖薄脆有輕輕炙過, 入口有陣陣焦香😍,外皮鬆化脆口, 一咬開係爆餡吉士醬同忌廉, 好幼滑, 仲有粒粒雲呢拿籽提升香味!👍🏻👍🏻另一款就點咗➡️"Hochicha 日式焙茶奶油泡芙", 咬開一樣係爆餡, 焙茶必點!😋超濃茶香, 質感幼滑, 唔會好甜, 食完都唔覺得膩👍🏻雖然我地覺得定價比較進取, 不過又真係幾值得食！🔸焦糖 Creme Brulee ($40)🔹Hochicha 日式焙茶奶油泡芙 ($48)

之前一直在尖沙嘴上班，可是一直碰不到這間開店。是日路過錦登徑，見到少許人龍，就知道是機會去嘗試。由於疫情，所以店鋪不會開放，小編只能在外賣處購買。款式口味視乎當日店主準備了什麼，不一定全部都有。小編見到前排的人一買就很多個，看起來應該味道不錯。因此，小編買了一個Crème brûlée口味，即是原味。Crème brûlée （$40）大概等了5-7分鐘，因為當時只有店主跟一個伯伯負責，所以需要等待一會。小編以為拿上手是熱騰騰的，原來是室溫偏凍的。雖然比想像中小，有點少貴，但是上手是有點重的，感覺裡面餡料會很多。一口咬下去，先吃到是硬硬的焦糖，然後就是外脆裡鬆軟的puff，再到餡料（吉士醬和忌廉）。口感層次算豐富，吃得到是手工製作，因為裡面都好鬆軟，沒有機器壓實的口感。餡料也是真材實料，看到好多雲尼拿籽，成本蠻高的。吉士醬滑身，忌廉輕盈，而且兩者加起來不是很甜，小編感到滿足（不太好甜）。因為這個泡芙實在足料，所以吃完後都不會覺得空虛跟膩，就是價錢有點少貴，不過下次小編還是願意嘗試有酒味的泡芙。

朋友說是米芝蓮既經開就過嚟試下！四十幾蚊一個泡芙，仲要等咗一段時間！諗住係店食不過冇開位置比人坐，最後行到K11先有地方坐低食！其實一接個泡芙已經覺得太細個！仲細過手心！一食落去會聞到一浸怪味？可能係包裝紙既味道！好影響囉！失望！再食落去面頭嘅朱古力cream，好似美心西餅既cream味道！真係好一般！

明明仲有好多餐廳未post，但忍唔住比呢間打尖先🫶🏻 香港泡芙專門店唔多，食嚟食去都係西樹同Beard Papa’s呢類嘅連鎖店，本身以為泡芙味道唔會差好遠，但呢間真係好驚喜，就算等候時間比較長都值得🥺！店舖3點半先開，大概6點半至7點就會截單，記得早啲去唔好摸門釘❗️~𝓞𝓿𝓮𝓻𝓪𝓵𝓵~ ✨價錢:7/10👅味道:8.3/10🌌環境: 7/10 ▫️焦糖燉蛋泡芙 ($40)泡芙即叫即整，可以見到老闆喺雪櫃攞返吉士醬出嚟，因此保持到冰凍口感，配上面頭即燒嘅焦糖，口感一流~ 泡芙外皮脆身，有啲似菠蘿包表面嘅脆皮，本身自己好怕甜，但呢個甜度啱啱好🫶🏻

I had bookmarked this place for years, and their chouxs were always sold out during my previous visits. This time, I arrived there early at 15:15 on Sunday.And I saw a long line already even the store officially opened at 15:30. There were only 2 staff in the store and freshly making the chouxs, so can't expect to be able to get the food quickly. I waited for an hour to place my order and I estimated that another half an hour was needed to get my order, so I just told the staff that I would retu

終於試到呢間泡芙🤤↗️日式焙茶Hochicha🌟🌟🌟🌟有時覺得焙茶都有少少苦，但呢款口味有又幾OK🤤↖️焦糖燉蛋crème brûlée 🌟🌟🌟🌟🌟是日最愛❤️↘️Tiramisu🌟🌟🌟🌟🌟非常香滑又Creamy‼️推介‼️↙️Mocha coffee🌟🌟🌟🌟其實味道有少少似tiramisu，都係咁香滑！另外仲有幾隻口味都想試，希望下次有機會試佢嘅「朱古力伯爵茶」❤️

Owl's Choux早幾年佢拎米芝蓮嗰陣都有去支持過，個陣試過佢嘅Creme Brulee Puff，已經覺得好驚艷；最近見到好多人ig 再熱捧呢間小店，今次經過就再黎試下啦Creme Brulee Puff HK$40隔咗四年再去食過，呢個Creme Brulee Puff 已經由當時嘅HK$2X變咗HK$40，不過味道依然keep 到水準；Creme Brulee 外脆嘅表皮加上微脆嘅泡芺，入面仲吱有勁full 嘅吉士同cream，外脆內軟嘅口感，好好食Hojicha 日式焙茶 HK$48另一個多人推薦嘅係呢個焙茶味嘅泡芺，泡芺依然係用緊脆皮泡沃，入面有好香濃焙茶cream，呢個都好好食，值得一試嘅~Tirami-Choux HK$48身為Tiramisu嘅愛好者，見到有Tiramisu味就當然唔放過啦；但呢個係三個之中最普通嗰個，可能因為同平時嘅Tiramisu 冇咩太大分別，甜度剛剛好，唔錯~整體感覺Creme Brulee Puff 依然都係最好食，絕對會再encore；順帶一提，店主好細心接完客嘅order 逐個整，望住佢好用心咁整啲泡芺，連續咁多年都拎到米芝連獎都係實至

Cream Brulee puff 呢個泡芙係店鋪既招牌，外層係菠蘿皮非常脆，同一般既泡芙皮有啲唔同。上面有層厚厚既焦糖，好有焦香味又唔會太燶，加埋入面滿瀉既吉士同忌廉醬🤤有雲呢拿籽仲更加濃味！雖然價錢唔算平，但非常之抵食🤤