Lost in Thai

營業中

休息中

由泰國廚師親自主理的泰國餐廳餐廳係一間pet friendly，特以有一個範圍可以同寵物坐，食物選擇多🔸蝦醬雜菜蝦球湯 $92-蝦醬同雜菜好夾，帶有小小胡椒辣味-飲落唔會太咸🔸大蝦柚子沙律 $78- 大蝦好彈牙，柚子份量多- Sauce好好味🔸椒鹽茄子釀蝦膠 $88- 一碟四件大大舊茄子釀蝦膠- 蝦膠彈牙，仲有好香椒鹽味- 有啲似港式煎釀三寶🔸Lost in Thai 特式海鮮咖哩(軟殼蟹) $168-咖哩唔會太辣，適合一家大細食-軟殼蟹有兩隻🔸泰式蝶豆花梳打 $32-成杯梳打顏色多層次，飲落每層都有唔同味🔸芒果糯米飯 $52-新鮮熱辣辣糯米飯，好香椰汁味-芒果好甜Lost in Thai地址: 太子太子道西96-100號萬年大廈地下B號舖

第二次到訪的泰國菜餐廳，除左環境清新舒適，以木質枱櫈配上薄荷綠色，添置左啲植物🌿☘️。店員服務都好親切，餐點製作都好有心思🫶🏽。今晚就試下其他菜式，以自助QR code落單點餐～🌋火山排骨（小） $108好有氣勢的豬脊骨山，好似小火山的外型。豬脊骨烤過後淋上滿滿的泰式辣醬汁，一上枱已經聞到陣陣青檸、辣椒、香茅等香氣，非常新鮮清新。肉質嫩滑夾有油脂，配上醬汁十分惹味開胃，用手撕肉黎食就更滋味😋。🦪泰式煎蠔餅 $98大大粒的鮮蠔好新鮮，加入蛋漿煎香成金黃色非常吸引，蛋餅嫩滑，配埋泰式辣醬食就更惹味，底部仲墊左啲肥仔芽菜，多重口感。🍢自選沙嗲串 6串 $98我哋揀左3豬3雞串燒，火喉燒得啱啱好焦香，配上自製得花生🥜沙嗲醬更加惹味，微微辣，多重口感享受🐷豬肉肉質嫩滑，淡淡肉汁🐔雞腿肉同樣嫩滑，鎖住左肉汁，唔會好乾好鞋🍆椒鹽茄子釀蝦膠＄88新鮮即炸的茄子蝦膠，有4大件。茄子好似笑口棗咁夾住蝦膠炸，有層薄薄脆漿好香脆，無油淋淋的感覺好乾身～🇹🇭泰式炒金邊粉 $76以甜酸汁配上雞肉、豆腐乾、芽菜炒，鮮金邊炒彈牙吸汁，配以花生碎、辣椒粉、青檸的組合食就最惹味🤤。🥬泰式炒芥蘭 $78微微辣香的芥蘭，入口爽

晚餐時間去到full house!!餐廳門口位好靚，裏面裝修感覺都有用心佈置，小清新~覺得食物幾好食~☁️自選沙嗲串（6串） $98共六串，分別係雞肉、豬肉同牛肉各兩串。好食!!沙嗲串烤得信香香的，一上台香味直撲入嚟!!最鍾意豬肉，絲絲脂肪充滿油脂香，入口係彈牙爽脆的!!!一定要沾上濃郁香香甜甜嘅沙嗲花生醬~☁️ 正宗泰式海南雞 $118海南雞好嫩滑，外皮浸得金黃油光十足，雞皮輕易撕開，裏面雞肉嫩滑好食，啖啖肉!!海南雞的辣蘸汁好惹味，再食啖配食嘅青瓜即刻好清新!!☁️ 炒通菜 $68蝦醬炒通菜，蝦醬好香~沾滿每條菜，入口啖啖都食到蝦醬香，好惹味!!而且通菜都炒到好爽脆~☁️ 菠蘿海鮮炒飯 $138最鍾意食呢個!用菠蘿裝住炒飯，真係食到好多新鮮菠蘿!!而且菠蘿好甜，連埋炒飯一齊食甜甜的好開胃。炒飯比較濕，配料豐富，有肉鬆、三色豆、魷魚、蝦、腰果等，每一啖口感十足!!☁️泰式椰汁冰 $32泰式椰汁冰，泰國嘅滋味~

本來係太子準備去大南街搵間靚cafe食野，但經過哩度見到薄荷綠嘅門面，再加上小清新嘅裝修，就同朋友改變主意入黎試下🤣🍤炸魚餅炸得惹味香口，足料札實🥗泰式蝦球柚子沙律蝦球鮮鮮彈牙，配埋柚子一齊食，非常開胃🍲泰式牛腩清湯一鍋上份量十足，雖然叫清湯但其實湯底落左香茅同青檸，似走辣嘅冬陰公。牛腩煮得好淋加配秀珍菇車厘茄，好抵食🍚香葉炒肉碎配白飯香葉炒肉碎即炒熱辣辣香噴噴，辣度都啱啱好，配埋飯食，好快就清晒🥭芒果糯米飯經典泰國甜品，芒果鮮甜，加埋淋左椰汁嘅糯米飯，食到停唔到口🥥泰式椰汁冰椰汁味十足，甜度剛好，解膩一流

今日出開太子上堂，到lunch時間出去搵嘢食，見到lost in Thai 泰國餐廳望落環境很不錯，餐牌上價錢都好抵食餐廳座位闊落，地方整潔，午餐由$65-$98 仲包飲品，今日我冇食早餐，所以好肚餓所以叫多兩款小食，食物質素也非常不錯，我差不多食清晒，大滿足泰式海南雞飯 $65海南雞份量都多，肉質非常幼滑 特式醬油配搭味道好夾泰式鳳爪沙律 +$25泰式鳳爪微辣，鳳爪爽脆 酸酸甜甜好開胃芒果糯米飯 +$32新鮮芒果夠甜 糯米飯煙煙韌韌 配上椰汁😋飯後甜品一流凍泰式奶茶加熊仔冰 $20最愛的泰式奶茶😍配上熊仔茶冰，賣相好靚，打卡一流 奶茶都好夠滑

呢間泰國菜位於太子餐廳嘅裝潢好似泰式cafe木色嘅枱櫈都增加柔和感食物款式選擇都好多菜式嘅設計亦極具心思🔸蝦醬雜菜蝦球湯 $92都好大兜，絕對夠兩個人飲。湯頭味道好清甜，仲飲到淡淡嘅鮮蝦香味。配料仲有大大件嘅蝦球同雜菜，味道酸酸地辣辣地非常開胃。🔸燒豬頸肉生菜包 $88豬頸飲燒到外層好焦脆，色澤亮麗，食落肉質好嫩滑多汁，非常juicy，用生菜包住食口感就更豐富。🔸椒鹽茄子釀蝦膠 $88一碟有四件，每件都好大件，炸到金黃香脆，非常吸睛。蝦膠炸完後都好彈牙，釀喺茄子上面無論味道定口感都好夾。🔸Lost in Thai 特式海鮮咖哩 $168特式咖喱味道唔算好辣，由於加咗椰汁，所以食落甜甜哋。咖喱可以選配唔同嘅配料，我哋就揀咗海鮮，鮮味十足。仲加咗$20加配印度薄餅 ，薄餅同咖哩係絕配，好味到停唔到口。🔸泰式椰汁冰 $32用碗裝都幾得意，飲落好椰子味香濃，甜度啱啱好，非常涼快。🔸芒果糯米飯 $52芒果好新鮮香甜，食落完全唔酸。糯米飯口感煙煙韌韌，好友嚼勁，淋上香甜嘅椰汁後非常好味。

今日收工約咗朋友喺太子附近想食泰國嘢，就嚟咗呢一間叫做Lost in Thai嘅餐廳，十分之方便，因為好近地鐵站，只要係C2出口行1分鐘就到，除咗方便之外，環境同食物都唔錯，係一個同朋友食吓嘢傾吓偈唔錯嘅地方🔥Lost in Thai 火山排骨(小) $118 估唔到細分嘅份量都會咁多，一共有四嚿大大嚿嘅排骨，味道一流，肉質軟腍，啲肉好容易就可以撕落黎食，點埋少少泰式辣汁食，辣得過癮，簡直冇得輸🍢自選沙嗲串(6串) $98 可以選擇雞肉、豬肉或者牛肉，可以自己配搭，咁我今次就選擇進每款兩串，個人認為豬肉係最好食嘅，因為肉感爽口，而且燒到少少燶，好香，雞肉同牛肉都唔錯，肉質嫩滑多汁🥬炒通菜 $68 可以選擇蒜蓉、蝦醬或者泰式，咁今次就選擇咗泰式，材料入邊見到有蒜蓉、豆瓣醬同埋辣椒，食落只有少少嘅辣味，啱晒啲唔食得辣嘅朋友，而且加入咗豆瓣醬同蒜蓉，令到成碟炒菜更惹味🦀Lost in Thai炒咖喱軟殼蟹 $168 三隻大大隻新鮮炸起嘅軟殼蟹，淨係見到都流晒口水，而且黃咖喱嘅味道好香濃，軟殼蟹將黃咖喱嘅香味吸收晒，再配埋喺黃咖喱入邊半生熟嘅蛋漿，真係食極都唔停口👳🏿‍♂️印度薄餅 $20 多數

今日嚟到泰國餐廳食嘢，我真係好掛住泰國呀！呢度嘅泰式奶茶同泰國嘅味道有八成相似，真係令到我好想即刻飛去泰國呀。嗌咗半隻海南雞肉質好滑好有雞味非常好食。雞皮同雞肉中間係冇多餘嘅油脂，我你自己下載你唔係冇，配搭海南雞醬，令到肉汁嘅鮮味升華咗10倍。嗌咗個黃咖哩軟殼蟹配搭薄餅，點汁熱啦啦，我連續食咗幾塊呀。呢一間餐廳日咖喱口感係厚厚的，用咖喱汁煮過嘅洋蔥係份外好食㗎。食泰國嘢必食嘅芒果糯米飯❤️❤️❤️❤️糯米飯真係好煙韌呀個椰漿好香好香好香。芒果糯米飯最出色嘅係芒果爽口鮮甜到底係芒果係主角定係糯米係主角呢？同朋友嚟到食生日飯真係一個好唔錯嘅選擇呀。

太子係一個我比較少黎嘅區域，但聽朋友講呢邊有間性價比極高嘅泰國餐廳，今日一於拉埋朋友黎試下佢💕🍛午餐套餐：·泰式蝦球炒金邊粉$78 有青檸、辣椒粉係旁邊，按照自己口味添加辣或者酸味🧡·紫菜蝦球蠔仔泡飯$72奶白色嘅湯汁，上菜時熱辣辣，超級推介，蠔仔新鮮又大隻😚😚跟餐追加➕小食：·炸蝦餅 加$20 每次泰菜必叫，油溫控制得好，蝦餅本身炸完後未有被油浸嘅感覺🌟·沙嗲串加$38 豬、牛、雞肉各一串，雖然係跟餐加嘅小食，但都有心機地燒🥳·芒果糯米飯 加$32 完美完結一餐飯係需要一個甜品，糯米飯仲有溫度，好味😋泰式炒椰菜苗$88 健康係我同朋友都好重視嘅一個環節，椰菜苗比較少機會係粵菜食到，今次泰式醬汁炒好惹味😙飲品🍹椰青 加$28泰式奶茶 加$12 少甜少冰

店舖位於太子，店面細細，泰菜種類選擇多，風味地道，加入新元素，性價比高，令整體更吸引。裝修亦充滿泰國渡假🏖️風情，清新木系配以植物裝飾🌿，感覺去左一趟泰國🇹🇭。🍲椰青海鮮冬陰功湯＄198冬陰功配上新鮮清甜的鮮椰青，味道清新，唔會俾辣🌶️同酸蓋過，再起埋椰青肉。除左一鍋上，加埋原個椰青裝埋湯上，唔單止靚仲有保溫作用，食完野啲飲都得🫶🏽🥩和牛船麵＄128和牛鮮嫩，唔會有筋，牛味好香配上泰國直送鮮金邊粉，口感彈牙汲湯秘製湯底好鮮甜，無味精，湯都飲哂😋🐑泰式慢燒羊架 $98肉質熟度剛好，有燒烤香，配特製的泰式辣汁，微微辣香，味道可口👍🏽🦀Lost in Thai 特色咖哩軟殼蟹＄148配薄餅 $20/塊軟殼蟹新鮮炸，加入薯仔、洋蔥煮成咖哩汁香脆薄餅點埋咖哩汁食就最 perfect😆🦐蝦醬炒通菜＄68🦋泰式碟豆花梳打青檸特飲 ＄32紫黃色漸變，入口清新解膩，可選配青檸/菠蘿/柚子蜜🧋凍泰式奶茶 $32 （加$3熊仔茶冰）以銀碗盛載，甜度剛好，茶味與奶味平衡可愛熊仔茶冰，唔怕冰溶化淡奶茶🥥椰青＄42新鮮清甜，椰肉都食埋

餐廳堅持冇添加味精，食物選擇多，有串燒🍢、炸物🍤、沙律🥗、泰式咖喱🍛等等。門面用咗湖水綠色，室內水泥牆身配搭綠色植物，營造去泰國嘅效果🇹🇭慢燒羊架 $118肉質鬆軟🐑，外皮燒到微脆，配上自家製泰式醬汁，辣辣地帶魚露同香草味，超惹味😋！特式咖喱燴海鮮農夫包 $198有三款辣度選擇🌶️，我地嗌咗少辣。咖喱汁惹味香甜帶微辣🥘，入面海鮮有蝦🦐、青口同魷魚🦑。蝦有煎香過，蝦殼脆卜卜，肉質爽彈。農夫包質地軟熟沾咖喱汁食好好味👍🏻！炸芝士蝦餅 $88有3大個炸蝦球，炸粉薄身香脆，入面厚身爽口蝦餅，咬落去有拉絲🧀！芝士份量豐富，鐘意佢地用嘅芝士係淺色個種，食落輕盈不膩💛。凍泰式奶茶加熊啤啤冰 $35+$3推介大家一定要加用泰式奶茶整嘅熊啤啤冰🧸，可愛得嚟又可以令奶茶保持濃郁，唔會被溶化嘅冰而令奶茶變淡。奶茶入口滑溜，甜度恰到好處，唔會太甜膩，好好飲💯～泰式龍眼冰 $32味道清甜，入面有好多龍眼肉，爽飲完透心涼❄️～📍 Lost in Thai太子太子道西96-100號萬年大廈地下B號舖

係太子上堂就係附近搵野食，發現依間泰國野都唔錯，坐得舒服選擇又多，一定揀到岩食首先揀左肉碎生菜包($78)，可以揀辣度唔辣都得！炒肉碎好香泰式香料味，都保持到多汁，生菜清爽夾埋肉碎一齊食口感豐富又清新另外叫左份炸蝦餅($62)，炸得幾好入口唔會太油膩又唔會好粉，食落爽口彈牙仲試左Lost in Thai 特式咖喱燴海鮮農夫包（$198），個咖喱少少辣帶甜同椰香味為主，夾埋啲包一齊食好惹味，海鮮都多有青口、蝦、魷魚等等！野飲方面試左個泰式龍眼冰（$32），好多龍眼肉，味道好清甜依間仲有好多野可以揀，真係唔會厭！

太子其實係美食寶藏，有好多未被發掘嘅隱世小店🧚🏻‍♂️今日就帶大家試吓呢間新開嘅Lost in Thai🇨🇷，睇吓有冇泰國feel先🥥環境：7.5/10唔講以為係一間Cafe，裝修走牛油果綠小清新路線，舖頭入邊亦都有唔少植物🪴絕對係街邊太多人與車嘅清泉😂食物：7/101️⃣蝦球柚子菠蘿沙律 $78好refreshing嘅前菜，蝦🦐新鮮爽口，柚子菠蘿好juicy，個人覺得用新鮮菠蘿仲正🍍😍2️⃣特色咖喱燴海鮮農夫包 $198睇得食得冇得輸，個咖哩係偏甜嘅泰咖哩，點埋農夫包食好邪惡😈海鮮方面有青口，魷魚，蝦，2個人份量超滿足😍3️⃣泰式炒金邊粉 $78🌟必食推介，呢到嘅金邊粉個醬調得好，炒得乾身，好食過多地方🤩4️⃣泰式奶茶 $35 （熊仔冰+$4)正常發揮，少女心爆棚嘅丁丁當然要加返粒熊仔冰打啦💰性價比：8/10人均$250左右，小店價錢就係平靚正，overall絕對跑贏連鎖泰菜😍

早排又到同舊同事聚下既日子，佢就揀咗間係太子站一出就到既泰國鋪。我哋兩個又唔想食飯就叫咗個咖哩加薄餅啦😬😬#蝦球柚子菠蘿沙律（$78）- 好少見有柚子沙律會配埋菠蘿，菠蘿既清新感反而帶返柚子既甜味出嚟，撈既醬汁又唔會過濃，配合得幾好👍🏻#泰式煎蠔餅（$98）- 依個蠔餅可以係必點😍😍啲蠔仔勁大粒而且蠔餅既邊邊好脆脆😋😋加埋啲辣醬好好味#咖哩海鮮農夫包（$198）+薄餅（$20）- 因為唔想食咁飽就叫咗依個，點知出嚟既農夫包好大份😅😅我哋仲叫咗一人一個薄餅食咖哩😀咖哩係偏甜甜地既唔辣，小朋友都食到既，農夫包沾滿哂啲咖哩😍😍正正#泰奶+熊仔冰（$35）- 佢依到都有得叫熊仔冰好得意好啱打咭用。飲到尾都未浴哂隻熊仔而且溶咗啲冰都唔會令到杯野水咁😝記得唔好篤隻熊仔落去，唔係會救唔返佢㗎😂😂

餐廳：Lost in Thai地點：太子太子道西菜式：泰國菜餐牌：午市套餐有17款選擇，價錢由$65到$98不等。包熱飲一杯，可加錢升級凍飲，特飲等等。都可以追加小食。平日午市免加一。泰式炒金邊粉 $78泰式炒金邊粉可自選雞或蝦球，我揀左蝦球。泰式炒金邊粉大大碟，幼身金邊粉加上蔥段，芽菜，豆腐皮條，蛋絲同炒，原來仲有櫻花蝦仔，口感唔錯，腍滑中帶爽脆。面頭3隻去殼蝦，腍腍哋。下底墊有生菜一大片。未食先聞到好香酸甜醬汁味，味道調得好。伴有辣椒粉，花生碎，同青檸，可以自己再調味。跟左碗冬瓜湯，都算清，入面有兩件煲到腍冬瓜。船麵 $62船麵可自選豬/牛/雞其中一款，我揀左牛。牛肉片5片，完全唔肥，不過唔會韌。牛丸兩粒細細粒，好彈牙。伴有通菜，同芽菜，仲有白蘿蔔3件。再灑上幾條脆炸條增添口感。個湯甜甜哋，帶微辣，好飲！麵同金邊粉一樣，又腍又滑。沙嗲串 跟餐加$38沙嗲串一客3串，包括豬牛雞。牛加上黑椒調味，豬較乾，雞已去皮。另上沙嗲醬更加惹味，下底墊有梛菜絲沙律。炸雞翼 跟餐加$22炸雞翼一客2隻，一大一細，面頭灑上炸蒜。炸得唔算太油，炸蒜好香口。下底墊有梛菜絲沙律可解膩。熱柚子蜜 跟餐熱柚子蜜