Joyful Dessert House

營業中

休息中

在疫情期間要和人保持社交距離，但face to face 溝通（當然要戴住口罩😷)同用WhatsApp 是兩回事。其實食甜品好多時係因為一個意猶未盡既感覺(心理同個胃）食完正歺又未想走，朋友推介呢間米芝蓮甜品店，試咗佢既雜果牛窩夫，有自選雪糕加飲品只係$78蚊，平民價但係品質同賣相都好驚喜朋友揀咗最多人食嘅芒果拿破倫併姜汁雪糕，兩種甜品都好好味，但最重要係又爭取到多啲時間再傾多陣，因為不知何時才可以再聚希望疫情快啲過去，我哋嘅生活可以回復正常⋯⋯

約咗朋友去食甜品，大家都諗起可以去食呢一間好好食嘅joyful dessert house！我叫咗一份綠菜心太軟，呢度嘅心太軟真係好好食，真係外脆內軟，入面嘅流心到而家仍然回味無窮！另外男朋友叫咗一份芒果拿破崙，呢度嘅拿破崙蛋糕都好好食，非常鬆化，芒果肉亦都好甜！

旺角呢間糖水舖超級多人推介，見到佢攞咗好多年嘅米芝蓮，店舖位置都比較偏僻，喺黑布街入邊，平日下午茶都幾多人食！🥭芒果拿破崙 $72 (9.5/10)芒果拿破崙有三層，中間有cream，酥皮有千層，好脆好鬆化，香濃牛油味，cream好香，一啲都唔甜，奶香味好重，略嫌酥皮中間嘅cream唔夠多，食落乾咗少少，但都好食🤤芒果好甜，果肉份量都ok，芒果雪糕都濃芒果味，唔會太甜，整體來講都好高質好好食！🍵綠茶心太軟配雪糕 $72 (9/10)綠茶心太軟即叫即整，心太軟外脆內軟，做到流心效果，好香濃嘅綠茶味，一啲都唔甜，少少苦中回甘，鍾意綠茶嘅朋友一定好鍾意！綠茶雪糕都係好香濃綠茶味，唔會好甜，紅豆比較甜咗少少🤏🏻☕️熱抹茶鮮奶 (下午茶送一杯$38嘅嘢飲) (8/10)綠茶味好濃，奶味都好香，免費贈送來講都算好唔錯！推薦指數: 9/10真心好高質又好食嘅甜品，感覺到店舖好用心好認真去整，攞米芝蓮唔係浪得虛明㗎，一定會再食🤤

又停晚市，所以早啲去食個tea 算數。鋪面唔大，但係招呼好好，揀咗一個心太軟同埋一個拿破崙食。拿破崙有米芝蓮，嚟到真係好鬆脆，加埋大量芒果，超yum。心太軟即叫即整，要等一陣間。切開流心，朱古力味好香。個雲呢拿雪糕都唔錯，一冷一熱夾埋好正。下午茶時段免費送飲品，叫咗個蜜桃茶同埋金橘檸檬，好抵好靚。食緊嘅時候同舖頭職員傾偈，原來佢哋搞緊團購，所以努力pack貨中。呢個疫情真係搞死唔少小店，連續兩年新年都係咁過。佢哋個Menu仲有gelato ，下次可以買個返屋企試下。

系網上見米芝蓮 2021推薦街頭小食入圍名單中 地點系旺角 就拉左朋友們去試下以往入圍餐廳上榜後 大部分都伏伏地 今次真系喜出望外位置屹立於旺角鬧市 地點易於到達甜品鋪裝修佈滿濃烈香港本土文化 座位及準備甜品地方相隔比較相近 等待時間陣陣甜味傳入雙鼻 由唔餓都聞到好餓😂👆🏻👆🏻燒菠蘿雪芭👆🏻👆🏻🔺新鮮菠蘿表面燒一層簿簿焦糖🔺雪芭口感層層分明 亦綿密👆🏻👆🏻芒果拿破崙👆🏻👆🏻🔺酥皮富層次, 層層分明🔺吉士甜度適中, 配合芒果粒 口感很豐富🔺個人私心推介 可以再食👆🏻👆🏻綠茶心太軟伴雪糕👆🏻👆🏻🔺即時製作心太軟, 需要預留時間等候🔺心太軟內滲出軟滑流心有重濃郁綠茶味 (較苦), 外皮烤得柔軟醇香 (較甜), 呢個配搭剛剛好 🔺 紅豆蓉令人更開胃整體店有滿滿驚喜, 可以一試再試!🔥👍🏻

呢間Joyful Dessert House好似攞過好幾年幾米芝蓮，bookmark左好耐la，今次同朋友黎開旺角，終於可以試下佢🤤入面好多甜品都好吸引，價錢略貴左啲，但係甜品質素絕對好有保證，今次去嗌左兩款甜品，兩款都好正，出到黎既時候，人龍勁長😂🙈好彩果日早去，如果唔係都唔知要排幾耐先有得食。 1️⃣綠茶心太軟伴雪糕（$72）心太軟流心效果一流🤤一切開就見到深綠色既溶漿慢慢流出，綠茶香好重🍵心太軟焗得好剛好，出面有少少脆身，唔係淋癟癟既，入面係濕潤既，而無論蛋糕體抑或係入面既綠茶漿都好重綠茶味，綠茶漿係偏結身既，味道超濃郁😍好正。另外有跟紅豆同埋雪糕。雪糕係可以自己揀口味既，揀左出面少見啲既開心果，開心果味唔會好假，仲有粒粒開心果碎，超推薦！  2️⃣士多啤梨拿破崙（$72）可以話係我食過最好食既拿破崙，好脆好脆。中間夾住一層層既忌廉，忌廉唔會太甜太耐，雲呢拿同奶香味都好夠，好享受☺️雖然好肥但係肥得好值得😚士多啤梨唔會酸，仲有一球士多啤梨雪糕。好好食啊呢間啲甜品😋 

店舖裝修簡單, 細細間有各式各樣出色嘅甜品🍮食過咁多次都冇失準只係好似最近加咗價🤣🧁 雲尼拿梳乎厘 ($62): 4/5梳乎厘好重蛋香味🍳焗得啱啱好, 唔會過燶好鬆軟, 入面軟綿綿食咗就好似一陣風咁🌬🍨隨餐跟一球雪糕揀咗香芋味💜雪糕就不過不失😗💜🧇紫薯窩夫 ($72): 4/5即叫即做嘅窩夫新鮮熱辣上枱, 好香紫薯味窩夫真材實料 ε-(･´ω`･)入面充滿紫薯餡料, 煙煙韌韌💜配埋紫薯蓉一齊食🍠紫薯味道更加突出更加濃郁🍨隨餐跟一球雪糕, 揀咗抹茶味🍵雪糕同窩夫, 一凍一熱冰火交融🧊🔥 𝐉𝐞𝐧𝐠食完甜品特別開心😚滿足💞📍𝐉𝐨𝐲𝐟𝐮𝐥 𝐃𝐞𝐬𝐬𝐞𝐫𝐭 𝐇𝐨𝐮𝐬𝐞 (旺角）🐰: 4/5

Joyful獲選為米芝蓮餐廳好多年，但從未食過。今次終於有機會去試吓🤤-下午茶時間去食，甜品有得跟熱飲。去Joyful當然唔少得食招牌拿破崙😎🥭芒果拿破崙 $64｜甜度適中，吉士醬雖然好多，但唔膩。🔍賣相巨型嘅拿破崙到底係要點食嘅呢？🙅🏻‍♀️將佢瞓低？🙅🏻‍♂️一嘢由面切落去？💁🏼其實係一層一層，由上而下拎起，打橫食（不過知道嗰陣已經食完🤣下次可以試吓，咁就唔會切到一枱都係碎碎）🧇朱古力香蕉窩夫 $64｜味道正常，窩夫鬆軟，餅邊脆口。飲品方面，叫咗荔枝沙冰同抹茶牛奶（抹茶味唔太濃，有啲飲blendy嗰款）價錢合理，味道唔錯，份量足，想食甜品一於去試吓🤤

上網見到呢間米芝蓮嘅甜品舖，見到佢啲主打嘅甜品都好吸引，所以今晚食完晚飯之後就特登過嚟試吓佢！你🤩.嚟到前面都有十幾個人排緊隊，等咗大概半個鐘先有得入；好彩佢門口都擺咗一排等可以坐住等到呢一點真係抵讚！👍🏻雜果牛窩夫 ($78)🧇🥐🥭🍌✨拼盤非常靚，打卡一流！☺️✨牛窩夫焗得金黃香脆，配上楓糖同埋朱古力醬，幸福嘅味道！💕✨雪糕有酸甜而濃濃嘅士多啤梨味，唔係好假嘅化學味🍓雲尼拿梳乎厘 ($62)🍞🍦✨梳乎厘鬆軟又重蛋香，而且佢焗到表面熟度剛好唔會燶、內裡又軟綿綿，真係非常之考功夫！✨雪糕係開心果味，好香又好重嘅開心果味，超正！！仲要有顆粒感，口感夠晒豐富☺️☺️.臨走發現佢呢度嘅雪糕係用xtc gelato，出面買都唔平，唔係用啲cheap貨…唔怪得味道同口感都咁出色，係有實在嘅原材料嘅味道，而唔係添加劑溝出嚟嘅甜，抵讚！！😍👍🏻💕💕💕

難得來旺角一轉，點可以唔visit下我嘅favourite shop呢❤️呢到waffle，拿破崙，芭菲，奶凍等等樣樣齊，之前仲可以係碟上畫🐸真係好味又有心~綠茶心太軟伴雪糕$72🧁心太軟入口仲係又暖又軟，perfect嘅焗製時間💯整體茶味香濃而唔死甜。個雪糕一樣咁高質，奶味好濃，食唔停口呀🤤伯爵奶茶奶凍$59🍮奶凍firm嘅程度剛好，茶味明顯而零苦澀，味道唔會太甜，食曬成杯都唔漏🤤🤤

作為飯後甜品，當然唔馬虎得啦！入咗一間米芝蓮店，侍應服務態度好，啲嘢食都唔差，而且係連填出行紙都咁認真👍🏻坐落都安心啲。#菠蘿刨冰初初朋友係睇中呢樣去食，不過同預期有啲出入，係好普通淡味綿綿冰，塊菠蘿面有焦糖，甜過冰好多，做出冷暖交融嘅效果，可惜未覺特別。#士多啤梨三重奏有雪糕、乳酪同慕絲蛋糕。雪糕特登轉咗其他味，開心果味真係正🤩🤩有碎開心果，營造不同口感，好濃郁天然，果然冇揀錯！慕絲份量都大，加上士多啤梨🍓冇咁滯，撈埋三樣連水果食先叫識食😉#心太軟朋友揀咗紫薯同朱古力味心太軟，等咗唔耐，2個字就有得食，而且味道達到預期質素。

Joyful Dessert House店面細細，但坐得舒服。呢間甜品店出名牛窩夫及千層酥。今次我哋嚟到，試試雜果牛窩夫及焦糖燉蛋。雜果牛窩夫窩夫鬆脆可口，香香牛油味，但不肥膩。而且焗得外脆內軟，加上楓糖漿，也不會令窩夫軟化，仍然脆口。香香甜甜、而且熱辣辣，值得一試。碟邊有好多雜果，香焦、士多啤利、芒果、藍莓，都好新鮮。雪糕則揀了曲奇味，幾好但不特別。焦糖燉蛋焦糖燉蛋香滑，鍾意焦糖燉蛋一定會鍾意，唔算太甜。而雪糕就揀了少有的開心果味，雖然有開中果粒，但略為甜，開心果味唔出。值得一提係下午茶時間，可以揀$38的飲品。

🍧再次黎到米芝蓮甜品店😍今次試左👇🏻🐽芒果拿破崙 $72上檯好巨型的一份甜品🤩🌸除左賣相吸引，味道都無令我失望❤️餅皮酥脆，咬落chop chop聲，一d都唔油膩，芒果好清甜，配埋芒果雪糕實在太美味了🥰🐽雲呢拿疏乎厘伴雪糕 $62呢個甜品即叫即製，要等15分鐘，上檯好香，食落就一陣風咁😂😂配雲呢拿雪糕正正🍧😋

💛Joyful💛沖繩黑糖Oreo芭菲啫喱有明顯黑糖味，但係同個芭菲有少少唔襯😉同埋因為有黑糖關係，令整體甜度提升，所以會有少少過甜。而且啫喱都唔係好食，有啲似落得太多魚膠粉嘅啫喱，太硬。雲呢拿梳乎厘伴開心果雪糕雲呢拿梳乎厘。 正常。冇粉味，但都冇蛋味同雲呢拿味，不過食得到甜味嘅。梳乎厘嚟講都算好食同成功。另外要大讚佢哋嘅雪糕，係好好食。2款甜品加埋有3球雪糕，每一款嘅味道都好出，質地好滑，而且食得出唔係cheap雪糕。小編就好欣賞開心果味。

今晚食左一間好好味既甜品❤️🧡💛💚💜原來佢連續幾年拎左米芝蓮街頭小食推介🤩我竟然第一次黎食🙈🐽菠蘿金寶併菠蘿扒伴雪糕🍍$72「菠蘿扒」係焦糖燒菠蘿🍭香甜既焦糖中和菠蘿既酸度，焦糖脆卜卜，好match好好味😋蘋果金寶試得多，菠蘿金寶就第一次食，好香，配雪糕食好正🍦🐽朱古力心太軟伴雪糕🍫$72朱古力夠香濃，甜而不膩👍🏻我平時好怕心太軟會太甜太漏，但呢個唔會，絕對可以encore💕