Grill ขนทอง (駱克駅)

營業中

休息中

燒香味濃之店，串燒味道令人回味，跟朋友要一吃的。泰式串燒配炒飯及雜菜套餐不能錯過的串燒，是這店最吸引的。海南雞餓底飯聚，海南雞飯搶手，朋友即使趕回公司，都一定不會不吃錯過的味道，試過就知道！❤Grill ขุนทอง ❤皮香肉嫩海南雞，一份也多多，海南雞很香串燒推介味道甜甜的。加埋醬汁味，辣味滿滿，好好吃的味道。冬蔭功湯泰式風味，不會很咸，大蝦彈牙龍眼冰龍眼冰夏天飲非常透心涼，泰式龍眼冰有大大圓肉，非常棒。和朋友一起午餐自由感滿滿

經過見到呢間串燒店嘅門面幾型，銅鑼灣區嚟講價錢唔算貴，全部即叫即燒，即刻入去試吓😆😆😆.❤️大花蝦 HKD80非常大隻，肉質爽口，燒得好香❤️牛肋骨 HKD48❤️雞肉 HKD18沙嗲醬汁好惹味，啖啖肉一啲都唔油膩😋❤️牛肉 HKD22❤️菠蘿 HKD22菠蘿大大粒，咬落好Juicy，本身菠蘿已經好香甜，面層仲有少少焦糖🥰❤️雞皮 HKD18.推薦大家同朋友嚟慢慢飲杯嘢食吓串燒，鍾意食甜嘢嘅朋友千祈唔好做個菠蘿串燒❤️.📍 Grill ขนทอง (駱克駅) (銅鑼灣)銅鑼灣駱克道487-489號駱克駅地舖

非常之耐無過港島區工作&食飯 原來銅鑼灣開左間Grill 眼覺熟口熟面 上網check下先知原來係同中環LKF果間一樣 本身已經食左晚飯 睇完戲 夜晚10點鐘 整返幾串串燒+杯啤酒就宵夜就一流 以前成日中環飲醉左都一定整返2串 隱隱約約都仲記得D汁係非常好食 每次食完都要飲埋D汁… 今次清醒住咁去試真D啦！原來多左好多款式 有飯、有魚蛋、沙律、咖哩牛腩等等呢間仲要以坐低慢慢食 掂!!落order時先知原來佢有咁多唔同既汁 我仲好似D老人家咁問 使唔使揀邊種汁原來只需要揀辣定唔辣 佢每款肉都有特定既汁醬去配合串燒 雞肉 $18 必叫!!雞皮 $25豬肉 $20 牛肉 $22 豬頸肉$25 菠蘿$22 必叫!!魷魚鬚 $25 必叫!!白鱔 $68 必叫!!青咖哩大魚蛋 $28 有2大粒 其實都幾抵食整體評分:味道: 5/5環境: 5/5服務: 5/5抵食: 5/5Grill ขนทอง (駱克駅)📍銅鑼灣駱克道487-489號駱克駅地舖

今日同同事午餐，諗住食泰國野，於是就入左依間泰國餐廳試下餐廳有提供lunch menu, 於是我地各自叫左個lunch set 我就叫左泰式無骨海南雞飯$69，雞肉鮮嫩多汁，雞油飯有油香，值得一試朋友叫左青木瓜手撕雞沙律 $69手撕雞沙律，一嚟到俾佢嚇親，份量大到成座山咁。超多份量嘅手撕雞，搭配青木瓜絲和紅蘿蔔絲，口感豐富多層次，沾上泰式沙律汁，非常開胃，係健康飽肚之選之後我地又叫左魷魚鬚$25，牛仔骨$48，和有機露荀串燒$23魷魚鬚串燒燒得恰到好處，尾端燒得香脆，傳出陣陣魷魚香有機露荀燒完既有蔬菜的香氣，也保持有鮮嫩的蔬菜口感白豬肉腸 $26燒得皮脆香口青咖哩魚蛋$28大大粒彈牙，口感一流，加上咖哩汁整體唔錯

和朋友去銅鑼灣shopping，行到餓了決了吃這間有名的串燒店，因之前吃過食物質素很好，下午六點前都可以order lunch set，我們選了兩個lunch set再加一些小食分享。泰式串燒雞肉配炒飯及雜菜$66三串雞肉串燒烤得香噴噴十分嫩滑多汁，蘸上特製的花生醬更是滋味，炒飯也都香氣四溢，帶少少微辣，乾濕度剛好，雜菜比較清淡，剛好平衡了比較濃味的雞肉和飯的味道。泰式去骨海南雞飯$69海南雞的雞肉鮮嫩多汁，而肉質的幼嫩是看得出來的，薄薄的雞皮滲出淡淡雞油香，配搭專屬的海南雞飯醬油及酸辣汁，感覺更地道，飯是油飯來的，很有雞油香但不會很油膩。跟lunch set可選一杯飲品，我選了凍檸茶，口感非常清爽，帶有濃郁的檸檬香氣和茶香，十分解渴。有機露筍$22 露筍是幼身的，特別的嫩，也很入味，吃到蔬菜的清甜。菠蘿$22菠蘿甜度十分高又多汁，有微微焦糖的感覺，可以當甜品食。大花蝦$80巨型的大花蝦，表面加上了生蝦的酸辣醬汁，加添了泰風情，打開殼後可以啖啖肉的食，肉質爽彈。泰式酸辣鳳爪$36鳳爪口感爽脆，微酸辣，不會太辣，有些生菜和蔥增添了風味。總括來說，這家銅鑼灣串燒店食物質素很高，特別推介串燒

今次我地去左銅鑼灣行街，見到呢間餐廳好似幾chill咁，播曬音樂好似間bar咁，就去睇下，原來係食泰國野既，門口睇落似外賣店，原來入面有位坐既就入去坐低食啦佢地都係有別於一般餐廳，門口叫野食先，之後會比個牌你入去搵位坐，店員會再送上食物我地叫左青咖喱牛腩飯（$72），青咖喱幾有椰香味，牛腩整得幾林另外叫左泰式串燒雞肉配炒飯及雜菜（$68），佢總共有3串串燒雞，燒得幾香，雞肉幾嫩滑，個炒飯都係炒得好食我地再有叫左3串串燒，分別係豬頸肉（$25），雞中翼（$22），牛肉（$22），呢個串燒我地叫左小辣，佢面頭既辣香料好正，豬頸肉幾有彈牙口感，雞中翼同牛肉都燒得入味仲有泰式青咖喱大魚蛋（$28），我比較鐘意食咖哩，佢成杯醬咁比你點，魚蛋係長洲大魚蛋果種，青咖喱魚蛋又幾特別，同平時街頭小食既唔同，我幾鐘意最後仲叫左冬陰功湯（$40），個湯係用杯裝，又幾特別，外賣飲都方便，整得同平時一大碗既一樣有水準，仲有兩隻蝦係入面呢間餐廳個感覺幾新鮮，似街頭小食店但又有堂食，播曬音樂同店內裝修都好chill，黎chill下食野都唔錯

今日哩到位於銅鑼灣既哩間泰國菜餐廳。餐廳四周係搞鬼壁畫，座位寬敞，而且地點就腳，地鐵站一出就係～餐牌～🥗泰式酸辣鳳爪沙律 $65鳳爪非常入味，酸辣開胃，仲配有芹菜、洋蔥、蘿蔔絲等，係開胃之選～🍗去骨海南雞飯 $69海南雞喺雞髀肉，肉質嫩滑，配有兩款醬汁，加埋黃油飯，真係非常唔錯。🔥串燒雞肉 $18豬頸肉 $25雞皮 $25牛仔骨 $48菠蘿 $22魷魚鬚 $25串燒可以自己揀辣度，我就要左小辣。雞肉同豬頸肉都Juicy好味；雞皮香口；牛仔骨配埋薑蓉一齊燒，夠曬惹味；魷魚鬚新鮮彈牙，特別入味，辣得過癮；菠蘿香甜好食。🧋凍奶茶 （叫飯免費送）口感順滑，茶味香濃～🌟 #優惠情報🌟六點前落單，叫任何飯類產品，都會送凍檸茶/凍檸水/奶茶～

餐廳：Grill地點：銅鑼灣駱克道菜式：泰式串燒餐牌：串燒（肉類，海鮮，蔬菜），海南雞，泰式飯幾款，沙律，小食，飲品。午餐由11:45到6點，有3款飯同一款沙律選，餐包野飲，有檸茶，檸水，或者奶茶揀。先係門口落單比錢，然後收銀會比個數字牌你自己揾位坐低，之後服務員會送食物比你。泰式青咖喱牛腩飯 $72第一次食呢度既泰式青咖喱牛腩飯。泰式青咖喱好香又滑溜，熱辣辣淋落白飯度，味道微微辣又甜甜地，椰汁好香，撈飯真係一流！牛腩有4舊，我食到一舊帶少少牛筋更好味。蔬菜有爽口翠玉瓜，泰式茄子，同青豆角，好新鮮。泰式串燒雞肉配炒飯及雜菜 $68泰式串燒雞肉三串，燒得燶燶地，連少少皮，食落啖啖肉。另上沙爹醬。個沙爹醬花生味濃，甜甜地好惹味。雜菜即係串燒下面墊底既椰菜，份量好多。泰式炒飯粉粉分明，味道都頗辣，加左菜炒，好惹味。好多食客都揀呢款飯。凍檸水（跟餐）飯餐跟指定飲品。凍檸水叫左走甜，入面有三塊檸檬，夠解渴。豬頸肉 $25叫左一串豬頸肉串燒，一客4件，係燶邊架！食落爽脆，口感好正。味道叫左辣，呢款肉配芫茜酸辣醬，酸酸辣辣好開胃。去骨海南雞半隻 $135去骨海南雞半隻都好大隻，真係全部去哂骨，連雞翼

青咖哩牛腩飯令人驚艷，啲牛腩滑嫩，青咖哩湯汁濃郁香濃，真係咁食得舒服唔好唔提佢嘅去骨海南雞，一份1/4嘅份量已經足夠令人滿足，啲雞皮香脆，肉質鮮嫩，正正啱啱好熟嘅程度一啖凍檸檬茶，啲茶香同檸檬嘅酸甜交融，絕佳解渴之選而啲泰式酸辣鳳爪沙律，真係一道驚喜，啲鳳爪夠辣夠酸，再加埋新鮮嘅蔬菜色香味俱佳。啲牛肉、豬頸肉同雞皮嘅組合，係燒烤得啱啱好，啲肉質飽滿多汁，焦香嘅外皮更加增添風味。整體而言，呢間餐廳嘅菜式新鮮可口，香料嘅搭配得宜，真係令人回味無窮

開頭個冬陰功湯好飲個鳳爪都正常跟住惡夢黎喇所有串燒唔太熱都算，除咗蘆筍全部嘢都係一樣味道，啲肉類串燒又燶又乾又硬最白痴係個魷魚，係要將條鬚打直穿，咬又咬唔斷（枝竹籤阻礙咬合）扯又扯唔出，夾硬扯啲汁又周圍飛一定唔會有下次

之前都食過一次，今日同朋友再訪呢間人氣泰式串燒店。呢度嘅串燒份量好足料大大串，全部都係即叫即燒。最欣賞嘅地方係不同嘅串燒配搭上不同味道嘅醬汁，突顯口感。而且呢度嘅店員好熱情，服務一流。✦泰式去骨海南雞飯 $72每一件雞肉都好厚肉，全部去晒骨，雞皮爽口，肉質好鮮嫩。底層仲有好多鮮甜椰菜，雞油飯好香，而且份量都幾多。✦ 泰式串燒雞肉配炒飯及雜菜 $68大大串雞肉串燒，啖啖肉香口惹味。泰式炒飯帶點微辣，足料好入味。✦泰式青咖喱大魚蛋 $28大大粒大魚旦，超級彈牙，滿滿嘅青咖喱汁，椰奶味香濃用嚟送飯一流。雖然叫咗二個午餐，但係黎呢度一定要食串燒，落單時可選擇辣定唔辣！我哋叫左幾款串燒 有機露筍 味道鮮美，燒完仍然保留水份、菠蘿燒熱後更加香甜、魷魚鬚一定要叫 超. 好. 食！豬頸肉燒至周邊焦香，口感特別香脆，配上泰式醬汁，更加惹味～✦焦糖燉蛋 $36採用進口法國原材料，蛋香味濃郁，面層微暖硬脆，底層冰涼香滑，微妙的雙重口感。

🍢銅鑼灣人氣泰式串燒店 — Grill ขนทอง呢間泰式串燒店喺銅鑼灣同中環蘭桂坊都有分店，主打泰式串燒、泰式炒飯等美食，串燒都係即叫即燒，充滿泰式風味！🐥泰式去骨海南雞($72) 呢個價錢有¼隻雞，可以叫呢個份量試下會試吓，兩個人share食都夠！隻雞好滑，配左海南雞醬，醬汁味道甜甜地，幾好味！🍚泰式串燒配炒飯及雜菜($75)呢款係分別配左牛、豬及雞三款肉串燒，食落都唔會乾柴，泰式炒飯均勻沾香左醬油!🐮牛肉串燒($22)🐷豬肉串燒($20)🐽豬頸肉串燒($25) 🦑魷魚鬚串燒($25)喺門口已經聞到有好香嘅串燒味🤩牛肉、豬肉、豬頸肉串燒都整得好入味😍好鍾意食佢地豬頸肉！整到邊位係脆脆地，而我咬落都好爽口，另外魷魚鬚都好大條，食落一樣好爽彈！最重點嘅就係佢哋嘅沙嗲醬！聞落係好香，味道微辣，更有花生粒粒🥜重但係有少少香茅味，真係好有泰式風味！係醬係食極都唔會厭🤪地址：Grill ขนทอง 銅鑼灣駱克道487-489號駱克駅地舖。

銅鑼灣行街行到肚餓去食下串燒宵夜醫下肚門口個火爐幾吸引 啲串燒一定夠火喉 🔥揀咗辣串燒 原來係用泰式辣醬調味Menu都有啲泰國小食可以揀 例如冬陰功、泰式魚蛋、泰式魚餅等等🦐大花蝦好大隻 😮 蝦味好濃肉質彈牙 加上泰式辣醬 好惹味 🍢雞牛豬肉各一串燒得剛剛好 肉質好嫩滑 一啲都唔韌份量都幾多 好抵食🐙 魷魚鬚又係火喉剛剛好 魷魚鬚夠彈牙 一啲都唔韌🐟 泰式魚餅魚餅加上泰式辣醬 好有泰式風味🍍菠蘿每次食串燒必點菠蘿好大粒 好juicy 味道香甜

Grill Cambo聽聞喺LKF幾出名，不過我少去中環🥲自從銅鑼灣開咗分店，我地間中都會黎食午飯同串燒🤤今次叫左泰式串燒配炒飯及雜菜，好鍾意佢個炒飯甜甜地辣辣哋，濕度適中易入口，豬牛雞串燒各一，燒完仲保留住肉汁，點埋甜甜的沙嗲醬，一流👍🏻另外叫咗啲串燒：雞中翼皮脆多汁👍🏻豬頸肉燒到邊脆，肉夠爽口🤤有機露筍係幼露筍，好嫩，加埋青咖哩醬，唔會乾👍🏻仲有魷魚鬚同牛仔骨，牛仔骨超稔😳食辣野要cool down 下，另加龍眼冰，目測差唔多成十粒龍眼，超足料😳好正👍🏻可一可再😋👍🏻👍🏻

宵夜時段嚟到銅鑼灣，離遠比香氣吸引，由門口嘅大玻璃望入去，望住即燒嘅各款泰式串燒，已經流晒口水。泰式青咖哩大魚蛋大魚蛋嘅彈牙程度同長洲嗰啲不相伯仲，青咖哩唔會太辣，帶有椰汁嘅甜味，食完個魚蛋啲咖喱仲可以留嚟配其他食物添。泰式去骨海南雞海南雞連雞翼位都係無骨，啖啖都係肉方便食用。雞肉質地軟滑，唔算太肥，點埋秘製辣醬同泰式豉油，更加滋味。燒白鱔白鱔爽口又肥美，泰式香料味比較重，同平時食開嘅日式或者港式分別都幾大，更加有風味。估唔到串燒店都有甜品焦糖燉蛋食，十分開心。晃晃白啤、蜂蜜啤酒啤酒加入蜂蜜，味道帶淡淡香甜，而且有陣陣花蜜氣息，結合啤酒的麥芽味，口感清爽尾韻清香。晃晃白啤的包裝好得意，搭配輕鬆幽默風格插畫，入口輕盈爽口。原創啤酒🍻cheers!