37
6
6
| 餐廳: | Fat Belly Butcher & Gin House |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
港鐵大埔墟站 A1 出口, 步行約9分鐘
繼續閱讀
電話號碼
26634881
附加資料
WhatsApp訂座: 66119448
營業時間
今日營業
12:00 - 16:00
17:00 - 00:00
星期一
全日休息
星期二至日
12:00 - 16:00
17:00 - 00:00
公眾假期
12:00 - 16:00
17:00 - 00:00
*除公眾假期外逢星期一休息
以上資料只供參考, 請與餐廳確認詳情
要食好味有誠意嘅牛扒，都唔一定要去高級扒房，其實一啲隱世嘅小店都可以做得好出色。呢間 Fat Belly Butcher & Gin House 夜晚會分成兩輪，而今次我就食第一輪，入嚟見到個肉櫃，有好多唔同嘅部位同重量可以選擇。我地先嚟點左個 New England Clam Chowder，入口奶香味濃厚之餘海鮮亦都相當豐富，口感唔會過稀或者過渴，調味亦啱啱好，唔會過咸。而麵包更加係誠意十足，食西餐麵包最緊要就係夠熱，呢個麵包拎上手至麵包內部都係熱辣辣，而且好軟熟好有麥香味，搽埋牛油食真係無得彈。牛扒方面，我地就分別揀左 US Prime Dry Aged 45 Days Ribeye 同 Argentina Black Angus Prime Tenderlo ，而生熟情度就要叫咗 medium rare。兩款嘅牛嘅烹調時間都掌握得好好，而且有充份嘅 rest time，因此切開嘅時侯唔會成碟血水，食落口就更加鮮嫩多汁，而且牛味十分濃郁，入口好鬆軟。同時表面烤得好乾爽，仲有微微嘅炭香味，真係超正。Side Dish 同樣係据扒時重要嘅一環：🍟Beef Fat Fries with Garlic Sprice & Herbs薯條炸得香口夠熱，入口外香內軟，帶點牛嘅清香，配埋香草碎很不錯。🍄Grilled Protobello Mushroom菇烤得好香，佢烤嘅過程已經抽乾菇本身嘅水份，因此食落口菇味更加濃郁。🥔Daily Potatoes薯仔同樣烤得好香，軟綿綿而唔會爛溶溶，連表皮一齊烤，入口更添一份質感同香味。🐮🍚Mini Beef Rice牛飯呢個真係超級有驚艷，細細一碗飯滿滿牛肉嘅香味。完全咁善用咗平時切牛嘅頭頭尾尾，牛肉粹入口即溶而牛肉煮成嘅汁充份被米飯吸收，配菜都有主菜嘅風範，超級好味。一餐完美嘅西餐當然要食埋甜品啦。Classic Apple Crumble餅底十分之鬆脆，混合埋肉桂同埋蘋果粒，每一啖都食到蘋果同餅嘅口感，味道香甜。表面除左有球雪糕，仲有個細細個嘅蘋果仔，十分特別。Seasonal Fruit Creme Brulee燉蛋十分之滑，表面嘅焦糖夠脆而唔會過濃，十分出色。
繼續閱讀
Fat Belly Butcher & Gin House價錢💲: $1/g~$二百幾/ $158/ $88/ +$25好味程度😋: 3.7/5服務🍴: 3.7/5環境🗾: 3.7/5性價比🥢: 4/5回頭率😚: 3.7/5-扒房除左尖沙咀中環等地區，估唔到係大埔呢個小區都有一間出名食扒的小店。價錢相對上會比較合理，而午餐就當然更加抵食😝吸引到我的係佢地由前五星級酒店行政總廚，同埋有個由外國購入的燒烤炭爐，燒出來的扒會特別香。-✅Daily selected premium beef steak. 當日的和牛西冷$1/g，同侍應講大約想要幾多gram，佢會係雪櫃到拎一塊最近似的size比你confirm。叫左medium，入面的肉肉保持juicy軟嫩，完全冇筋。算係一塊肉同脂肪平衡的扒，呢個價錢唔會奢望係好高級的啦🥰 最要讚的係牛扒外面烤得真係好香，帶d燶，一路燒的時候已經聞到陣味😚 炭烤的紋路好靚仔，用個特別的爐係唔同D！店員仲會拎3種唔同芥末來，個人就中意比較辛辣的一款，最中和到肉的油膩🥳-🆗Grill US pork chop. 豬扒夠厚肉不在話下，外面同牛扒一樣都燒得好靚。可惜入面的肉質有啲瘦，唔係好有油脂香，同埋好實🙈 個人一般呢個質感… 但鍾意的係會配埋蘋果醬，豬扒+肉桂蘋果最夾！佢地每份扒都會配一粒烤蒜頭，保留蒜香之餘，帶出蒜頭🧄的甜味，要來塗抹係肉上面都好夾！-✅ Classic tomato pasta. 用最簡單的材料煮成的意粉都幾好食。落得足橄欖油，令到🍝香口d，而意粉唔會太軟。上面仲灑滿芝士碎同香草，就咁食都唔係好淡🤭 用的車厘茄都好新鮮，每粒都juicy，皮又唔厚🍅-✅Beef fat fries & mini beef rice. 🍟好好食，好新鮮熱辣辣，入面薯蓉好綿滑，仲有香辣的調味粉！牛肉飯就正常d，用牛油煮，有啲牛肉粒粒😌-✅Daily dessert. 當日的係香酒煮啤梨慕斯蛋糕，食到🍐的香甜，底下係一層偏硬的蛋糕，2者口感成對比。-呢個lunch的價錢質素都可以接受，$1/g的牛好抵食。整體未係特別出色，如果呢個價錢都可以來試試，突登來就…🫣 但佢哋的威靈頓牛都想試！
繼續閱讀
終於食到 但因為係日頭所以無飲到酒 架上面放左好多gin酒～(⁎⁍̴̛ᴗ⁍̴̛⁎) 本人超鐘意gin🥰下次真係要試下晏就叫左個Burch set 同埋塊prime black Angus 🐈後者重348克 揀左二塊牛（四成）跟傻條同牛肉飯後者真係好好食好重牛味 入口好冧Burch果塊還好啦 對得住個價錢😆因為我唔好飯 牛肉飯食左一啖😂沙律正常無咩特別服務好好 👍🏿 有細心講解
繼續閱讀
中秋節一家人想出去食，見到依間之前經過一直想試既西餐，諗起冇試過帶父母去食咩酒店既大餐，暫時都未做到🙉，不過見到由五星級酒店行政總廚主理既扒房，仲要係我住既大埔，本住想帶父母食好西既心，就揀左Fat Belly我最想讚係佢地既服務，我過往同父母食既都係相對平民既餐廳，父母對好多野都好好奇，我媽媽唔識用檯上既鹽樽，侍應有禮貌地教我媽媽點用，而侍應既態度我幾欣賞，冇令我地感到尷尬，同埋都好詳細咁介紹餐牌，當我地做唔到決定既時候，都會俾advices我地而野食方面，餐廳係有花心思係配搭，醬汁同配菜既選擇多，叫一個扒可以配一隻汁而醬汁有牛油蛋黃醬、蒜蓉牛油、阿根廷青醬、紅酒牛肉，仲有個辣醬，配上唔同醬汁有唔同既滋味，我地一家人最鍾意係紅酒燒汁，都係淡淡紅酒味比較襯托到牛肉既香甜。又有8個配菜揀，咁我地就試左薯條、迷你牛肉飯同埋磨菇湯，薯條熱辣辣香脆，迷你牛肉飯牛味濃，飯粒有牛油香味，但一定要熱食，因為凍食既味道係失色不少，磨菇湯就正正常常，隨扒送上既蒜頭勁好食！再有三款芥末醬可以試，有d wasabi 味濃d，有d帶薑味，刺激下味蕾～至於扒既評價，用炭火燒烤爐，都等左差唔多半小時先上菜，我地叫既dry aged 45 days ribeye，beef wellington 唔錯，塊肉好軟嫩，易切。而我地都有試既是日推介Us omaha New York Steak Bone in Strip, 反而依個令我有d失望，食落有啲韌😅都好難切，切到我攰我最鍾意係塊Hungarian Mangalica Pork，配上粒粒蘋果醬，仲有蘋果粒，酸酸甜甜，好夾至於甜品，正常發揮～
繼續閱讀
朋友生日想食牛扒揀咗呢間～叫咗兩杯Cocktail兩杯都好好飲一杯係用藍莓做主題上面加奶蓋另一杯係酸酸甜甜有柚子香味餐湯試咗周打蜆湯同洋蔥湯會比較推薦周打蜆湯味道濃郁 入面蜆仔同埋蔬菜都捉料👍🏻威靈頓牛柳酥皮夠脆又食到牛油香 牛柳口感軟腍 配上紅酒汁幾好食～45日dry aged 肉眼扒配牛油蒜蓉汁 牛扒比我想像中好食👍🏻又唔會un牛味濃郁每份牛扒會跟兩個配菜 我哋揀咗薯條同埋沙律 沙律可以中和番食左咁多肉😂 薯條脆卜卜調味都適中 職員推薦Apple crumble 幾有特色 應該係vanilla味既雪糕味道比出邊有少少唔一樣 可以一試整體分數：7.8
繼續閱讀