euro go go

營業中

休息中

好耐無食過euro go go，與女子組一齊來即興lunch go go go😎😎😎指定菜式：蜜糖雞翼 x 2好熟悉及掛住既蜜糖味道😋😋😋煙燻杏仁青醬意粉：顏色比以前淺色咗，似乎青醬落少咗，所以味道淡咗少少香蒜蜆肉意粉：今天第二位，蜆肉新鮮，蒜香好惹味，正呀芝士鮮茄海鮮闊條麵：味道普通辣肉腸pizza：好期待，可惜辣肉腸味道較淡，唔夠油香，批底唔夠脆總括今次女子組經驗及意見：這裡意粉菜式比Pizza出色，蜜糖雞翼穩守第一位

euro go go (葵芳)🔸菠菜汁龍脷柳闊條麵份量真係都唔小😻就算男人都覺得夠食！汁嘅份量撈埋麵岩岩好 食落唔會太膩～水都唔會太多！重點係龍脷柳嘅份量都夠 😆🔸 法式薯蓉焗田螺香草及芝士既香味包圍住田螺😻上面嗰層芝士好厚！下面就係一堆薯蓉如果食咗個麵應該食唔晒呢一盤🤣🔸蜜糖雞翼超建議一定要食！份量有五隻，麥芽糖包住成隻雞翼，雞翼仲要係好嫩 🔸 磨菇肉醬意粉份量都一樣唔小！好濃既肉醬配闊麵 😋值得推介🔸凍忌廉朱古力個人覺得甜咗啲～不過就朱古力味好濃好正！地點：葵芳興芳路223號新都會廣場1樓168-171號舖號舖🔸味道：8/10🔸環境服務：9/10🔸推薦：8/10

完全沒有服務 用手機落單落咗單後等成廿分鐘先至有餐送到但唔係一齊到 叫咗個焗田螺 嚟到仲係未熱嘅 個蒜子焗蜆 又乾又燶 整個午餐簡直完全失望 真係估唔到竟然有間咁樣嘅所謂歐洲式餐館只可以已差差差 嚟形容

忽然想搵間大家share食，價錢唔貴嘅西式餐廳，Euro gogo的確好適合～記得想當年要自己入去搵位，收銀排隊落單，而家已經變成 Qr code下單🤭 餐廳款式種類多，有意粉、 小食 、薄餅、 包類及西湯、飲品。今晚叫咗皇牌美食組合（2人份）$337 自選以下食物：✨️蜜糖雞翼 ✨️磨菇肉醬意粉✨️千島海鮮薄餅（半份）✨️熱忌廉朱古力✨️凍忌廉朱古力✨️法式薯蓉焗田螺另外散叫咗香烤蒜片蜆同芝士鮮茄汁海鮮闊條麪，我地4個人咁樣share食已經夠飽，大家又可以食到唔同野，只不過單叫飲品偏貴，凍檸茶30蚊／ 熱朱古力 34蚊 ，所以2人餐真係好抵食😂

上一次店裏吃還不錯，煙肉蘑菇pizza，所以今日點左外賣自取，點知烤焦成這樣不能吃，chef please, 真心好失望，還點了一個蜜糖雞翼中規中矩，並且雞翼有鋁箔紙保溫，而pizza沒有，又凍又焦，不愉快的體驗。

午餐SET: 蒜蓉多士: 很好味, 又香又脆. 多士心又香軟, 必選.熱檸水: 正常.香蒜蜆肉: 炸蒜香, 蒜油夠. 香蒜蜆肉意粉: 蜆肉份量唔少的, 意粉軟度適中, 但蒜味對我不夠, 所以我.....我把兩款(香蒜蜆肉拆晒殼混撈香蒜蜆肉意粉亦拆晒殼), 跟住混混混撈撈撈.大啖大啖食, 正~

平時間中都會來食早餐，食物味道價錢係商場內都合理。經過今次。。。。從未試過係任何餐廳食嘅食物中出現過食物發曬霉嘅情況，完全超出左我對食物衛生嘅要求。。。可以見到D霉菌已經遍佈整個牛角包內，難以想像個包到底放咗幾耐！!當時掛住睇手機，發現時已經張有問題嘅包連同其他食物一齊食咗落肚，唯有食定腸胃藥。好溫和咁同餐廳反映個牛角包🥐有發霉，提醒佢注意可能來貨有問題或存放問題，好似不以為然，咁唯有幫襯其他！

而家下午茶餐真係好多選擇，今日我就揀左呢間，order左煙肉蘑菇薯蓉加蕃茄通粉配埋凍檸茶$53，個蕃茄湯好濃郁、薯蓉又多芝士😋，都坐得幾舒服，所以我都係呢度嘅常客🤣

很久, 很久, 很久沒來, 食物份量,質素及味道, 比以前好好多.試了新品: 蒜片鹽焗一口牛脷, 蒜片又香又足夠, 配合一口牛脷一同入口, 夠香夠惹味.香蒜蜆肉意粉: 蜆肉數量不少的, 而且意粉軟硬適中, 調味恰到好處, 份量又足. 沒有偷工減料又好味, 會想再來.

今日打風，好彩見到有開，帶住輕鬆既心情入去，難得唔洗大排長龍，員工安排我地坐低，坐低之後，另一個員工叫我地調位，因為阻住佢抺櫃，其實呢個時間咁多人食野，做乜呢個時間抺陳列櫃，之後果個老點我地既員工，又叫我地坐第到，仲要係都見唔到個位起邊。由於唔想再比佢老點多次，所以就隨便坐低，之後其他既同事，服務都好有禮貌。不過入門口個位員工，真係影響左食野既心情。而其他食物都非常好~ 不過今日打風無咁多人，所以都叫做食得舒舒服服，平時都會好嘈，今日終於可以食返安樂茶飯啦~ 另外，下午茶真係好抵食~ 而對比夜晚要一個double。因為而家係QR code下單，如果pasta item 可以加返餐飲，就會更好

今日7點過黎食。門口無人安排坐位，d人自出自入。枱面又無人執拾。只得收銀同埋兩個侍應。一昧掛住接外賣單，又唔serve堂食。手機落單話19：22上菜，19：22先送到杯凍鮮奶。其實唔夠人做就唔好掛住接單啦。

Euro gogo 不知不覺由中學到宜家食左無廿年都十幾年。環境都係不變，位就當然少少窄，但都叫乾淨。出面有個自助區，可以拎下水，餐具同醬料咁，但個凍水壺就生曬漬。。。得閒要搵漂白水浸下至得。。。pizza可以叫半份係優勢，啱胃口唔大又心思思試下多d野食架朋友。餅乾式批底方便易做，又香脆d，仲唔會質飽人。批料係豐富，match得幾好。但餅底痴住一大舊黑色野。。。我估係燶芝士掛😂雞翼有得揀多汁😋size都算大，入味，又唔會好辣。芝士煙肉焗磨菇都好香，但個底多汁水，可能。。。個磨菇用左水洗？？？定先烚熟再焗。。。？？枱上有得自助order對呢類餐廳係幾好，但好多人要係counter排隊就可能因為用會員🤔🤔🤔？？宜家好多餐廳每況愈下，但佢都keep到以前架質素，其實已經代表廚房同管理層有好努力去做，相當難得。

今日同個friend去葵涌廣場行街街，行得攰想搵個舒服嘅地方坐低食個晚飯，於是我哋走咗去新都會廣場睇下有咩食，行行下見到久違嘅Euro go go☺️，見排隊人龍唔多，我哋拿拿聲跟隊，等咗一陣好快就有位喇。依家要自行用QR code下單，既方便又快趣唔錯。煙肉蘑菇薄餅半份 $56.-餅底非常薄脆，蘑菇份量比較少，感覺冇乜蘑菇味道，煙肉及蕃茄味比較重，可惜個面焗得唔夠乾，上面過濕只係餅底脆，口感差咗小小。芝士白汁海鮮意粉 $76.-面層芝士焗到金黃色，意粉煮得軟硬適中，份量又多，芝士白汁味道香濃，口感creamy，配埋蜆肉及魚塊一齊幾好食。.薯皮拼盤 $102.-有吞拿魚、蒜香雞及煙肉芝士各2件，薯皮焗得香口，餡料充足，唯一敗不嘅地方就係太多沙律醬，所以味道偏甜，咬落去嘅時候感覺一pat pat，口感唔太好。

當減醣唔食澱粉質，又要多菜嘅時候，真係每次出街食飯就係一個難題，要搵一間合適嘅餐廳真係唔易🤦🏻‍♀️一早知道要落葵芳附近工作，所以就搵定呢邊有咩可以啱食最尾，揀左呢度解決左我午餐嘅需要入到餐廳自己搵位，枱上面有QRcode ，可以自行落單（要即刻過俾錢）或者收銀位排隊落單都可以平日1100-1800會有set, 1400-1800仲有下午茶添揀呢度開飯就係貪佢有沙律，唔一定要意粉同pizza 午巿套餐連飲品+沙律/蒜蓉包最後點左慢煮雞胸沙律配芒果乳酪餐（配沙律及熱美式咖啡）$68 （無加一）賣相唔錯，同落單時照片唔會有落差套餐跟嘅沙律菜，同主菜嘅沙律菜係一樣，無分別嘅，只係份量唔同，菜都新鮮，沙律醬汁仲可以自由決定多醬/少醬/走醬，都好方便QRcode 落單人士👍🏻雞胸份量都多，夠晒蛋白質有時自己煮/出街食雞胸最怕就係好‘鞋’， 真係會無晒胃口，會以為自己食緊紙皮😂雖則餐牌有加‘慢煮’兩個字喺雞胸肉前面，但始終都要有個心理準備，預左佢會好鞋，未入咬得開，無期望就無失望喺無咩期望之下，食落去又ok喎，唔會覺得自己食緊紙皮，唔鞋易入口，當然一定唔會似食雞脾肉嘅嫩滑啦呢個質素，收貨無問題，如果

今晚去左Euro Gogo食飯，試左佢地個皇牌美食組合，包括🍗蜜糖雞翼5隻，🍝蘑菇肉醬意粉同🍕半個千島海鮮Pizza👑，仲有兩杯跟餐❄️凍蜜桃茶呢個Set份量十分足夠，而且價錢唔算太貴，總共$232元💰首先黎既係🍗蜜糖雞翅，醬汁口味偏甜🍯，但唔會過膩，越食越上癮😋接住係🍝蘑菇肉醬意粉，麵條有嚼勁，醬汁味道濃郁，蘑菇和肉醬既香氣交織出了一種特別的風味，加上意粉的韌度，味道相當不錯👍最後係🍕千島海鮮Pizza，混合了各種海鮮，口感都好香脆😍食曬佢都好飽啦跟餐有兩杯❄️凍蜜桃茶，茶味冰涼入口，帶有淡淡的桃香🍑好味！