Deep Sea Oyster & Steak

營業中

休息中

今日同男朋友食dinner，夜晚黎到唔算太多人，兩個人order咗一份牛排、一個意粉+一個青口。牛扒油脂比較少，而5成熟嘅牛小排做到外脆內軟，肉身都煎得好嫰滑。蒜片亦都恰如其分，煎得好香脆、加埋酸酸地嘅蘿蔔蓉，更添清新。白汁忌廉青口（+$20連薯條）白汁夠creamy，青口雖然唔算多但口感算幾煙韌，配埋蕃茜令香味更突出，薯條加左$20，不過就細碟咗啲。青醬意粉香草同青醬配得幾好味，而雞亦都煎得恰當好處，值得一讚係意粉都做到 Al d’ante 口感，幾啱我地嘅口味😋整體黎講，食物質素唔錯，不過份量都偏少，可能兩人要嗌兩份主食+兩份小食會更好。餐廳在山林道，平日都幾靜，係想同閨蜜或情侶想靜靜談天聚會嘅好選擇！

有好野分享啊！位於尖沙咀山林道嘅銀座38樓上有一間夜貓必食店！Deep Sea Oyster & Steak！9:30後道係宵夜時段，除左套餐之外，食物都有7折啊！整身餐廳係專食蠔既，但當日更氣套凍，都係想食返熱野！一試之下，每樣食物份量都好大，而且味道都好好！牛油炒蘆筍 $88廚師將蘆筍炒熟既程度岩岩好，有爽口既口感！鵝肝多士 $98必點既有鵝肝多士！勁大塊！份口即融既口感，非常creamy!!!燒山藥 $38一樣好中意食既小菜！爽口既山藥，絕對係下酒必食藥蒜蓉青醬雞肉意粉 $98特製嘅蒜蒜青醬味道好特別，而雞肉份量比想像鬥戈好多！抵食！日式安格斯牛肉稻庭烏冬 $128上枱時牛肉麵係半熟狀態！真係要把握時間食左佢！仲要配扁烏冬！口感煙煙韌韌！而麵湯麵有濃濃既牛肉味！暖笠笠！

約咗好朋友食晚飯，試咗尖沙咀呢間西餐廳，環境非常優美、配有歐陸式嘅座椅，由於喺銀座13樓，向窗望出去嘅景色非常開揚，絕對係傾計談心嘅好地方❤️😍估唔到呢間餐廳提供咁多款海鮮，不過我流感好返無耐氣管有啲痕，今次叫少少刺身試吓！我哋叫咗三文魚腩刺身同油甘魚腩刺身，一共有10片，擺盤非常精美、刺身大大塊好厚切、食落超鮮甜肥美🍣🤤主食我哋叫咗一碟松露蟹膏意粉，意粉全部掛滿濃郁嘅松露同蟹膏，意粉食落入味、靭度非常適中，配有磨菇、香草同洋蔥，係好好嘅配搭🍝🍽️另外我哋叫咗一份牛油煎帶子，原來佢將兩隻帶子嘅肉擺咗一朵花出嚟，超有心思。帶子食落嫩滑，微煎鎖住香濃嘅牛油味道🧈😋小食我哋叫咗碟脆炸芝麻雞翼，雞翼新鮮炸起，熱辣辣味道香口，肉質鮮嫩🍗🍗呢間餐廳嘅食物質素唔錯，好返下次再嚟試生蠔先得😋😋

今日我要同大家分享一間喺佐敦好食嘅西餐廳，就係呢度嘅菜式多種多樣，有生蠔刺身，亦都有牛扒羊架海鮮等等，環境雅致，一定可以滿足到各位嘅味蕾。首先，我要介紹嘅係牛油煎大蝦，只需$98。呢道菜色香味俱佳，大蝦新鮮彈牙，再加上牛油嘅香氣，絕對令你食得停唔住手。另外，蒜蓉青醬雞肉意粉亦係一道唔可錯過嘅菜式，同樣只需$98。意粉煮得剛好，蒜蓉青醬味道濃郁，加上嫩滑嘅雞肉，食落幾滋味。如果你鍾意海鮮，一定要試下呢間餐廳嘅深海海鮮拉麵，只需$128。拉麵麵條彈牙，係幼身拉麵，湯底豬骨味濃郁鮮美，配上新鮮嘅海鮮，有少少辣辣地，絕對係海鮮愛好者嘅最愛。而如果你想嚐下法國蠔，呢度都有提供Chiron蠔，每隻只需$40。呢啲蠔新鮮肥美，入口即化，絕對係一個性價比嘅享受。最後，脆炸芝麻雞翼亦係一道經典嘅菜式。雞翼炸得香脆，芝麻嘅香氣更加提升咗味道，食落非常脆口。總括而言，呢間餐廳嘅菜式多種多樣，每一道都有自己獨特嘅風味，而且價錢亦都相對平實。如果你想滿足自己嘅味蕾，不妨一試呢度嘅美食。

係尖沙咀附近想慶祝生日，想食日式野，又想食牛扒，於是Book左呢間餐廳，滿足晒我地嘅願望😍呢到環境都唔錯，裝飾得幾有格調，有近窗嘅位坐，闊落舒服！播住Jazz音樂好岩傾計、拍拖👍🏻我地叫左個二人份量嘅深海商務餐，入面有齊前菜、刺身、主食、飲品，非常豐富同吸引🤤沙律 & 麵豉湯沙律用咗新鮮嘅生菜同埋多款時令蔬菜，味道清新爽口；麵豉湯濃郁香濃，湯底入味！刺身拼盤入面有油甘魚、海螺片同甜蝦，每一款刺身都保持咗原汁原味，質感鮮嫩，新鮮度一流。油甘魚嘅肉質鮮美，肉質鮮嫩，入口即化；海螺片有啲咸香，口感滑嫩，令人回味無窮；甜蝦則鮮甜多汁，肉質爽脆！生蠔4隻法國西朗特級生蠔 (Chiron) 同西班牙生蠔 (Arousa)係高級享受，而且金屬味岩岩好，唔會腥！法國珍珠蠔個肉鮮甜嫩滑，肥美味美，彷彿融化喺嘴裡；而西班牙石蠔則有啲澀澀嘅味道，肉質飽滿，帶有淡淡嘅海鮮香氣👍🏻不過如果身體寒涼/腸胃敏感嘅人，可能就要小心啲，考慮下自己身體受唔受得住生蠔～煎脆皮鵝肝好鐘意食鵝肝嘅我，覺得呢個真係好好味👍🏻鵝肝煎至金黃酥脆，外層酥脆，入口即化，而內裡嘅肉質鮮嫩順滑，散發出濃郁嘅鵝肝香氣🤤美國安格斯肉眼+厚切薯條

同朋友慶祝去食大餐～找左一間佐敦樓上店😆上到去人唔多，坐落都好舒適十分適合2-4人傾計去😍直接叫左個2人深海商務套餐，再配左個燒山藥（我鍾意食山藥）🤤餐湯+沙律：沙律無咩好講，什菜湯的湯同料份量夠，味道不錯生蠔🦪：法國chiron+西班牙arousa，夠肥美，鮮甜嫰滑😝 唔算有好勁的礦物味燒山藥：爽脆調味惹味魚生拼盤：三文魚刺身🐟夠厚身油脂不少，食落幾香。海螺片🐚爽脆彈牙口感足。蝦🦐肉質新鮮👍🏻鵝肝多士🪿：塊鵝肝油脂好足，甘香一流😋 軟綿綿入口即溶，配上脆口多士一絕😍肉眼扒(7成熟）🥩：作為ribeye牛味好夠，7成熟都唔會覺得韌證明肉質不錯。薯角🥔脆+野味唔油膩😍😍深海海鮮拉麵🍜：個湯底好rich好鮮，蟹柳一梳梳好味，隻蝦一樣彈牙👍

Ooo樓上西餐ooO裝潢以中世紀及貓貓為主 環境舒適OooooO西京燒比目魚 $128比目魚非常滑 配左少少甜甜地的燒汁煎魚皮香脆 帶少少魚油 幾出色OooooO松露蟹膏意粉 $148松露配蟹膏味道唔錯 意粉軟硬剛好食得多忌廉意粉 我反而幾喜歡呢個新配搭OooooO忌廉白酒藍青口配薯條 $188青口大大隻 有洋蔥白酒爆炒再加忌廉汁味道偏香的白忌廉味 唔會太多酒味薯條即炸 條條都脆卜卜 記住要加配OooooO鍚蘭檸檬茶 $28桂花雪莉茶 $28好喜歡此家的特色飲品杯 貓貓匙可愛極了

二人份量嘅深海商務餐，有齊我哋想食嘅嘢，由頭盤到主菜，半日式半西式，就試吓啦～沙律日式三文魚麵豉湯，帶甜味嘅日式餐湯刺身拼盤，有油甘魚丶海螺片丶甜蝦，最鍾意係厚切油甘魚，肥美！店方建議先食左邊嘅美國珍珠蠔，再食紐西蘭石蠔，美國珍珠蠔，肉厚、蠔味濃，而紐西蘭石蠔，海水味較重，啲甜味漫漫滲出嚟煎脆皮鵝肝，微脆外層，入口即溶，越邪惡越好味美國安格斯肉眼大大塊肉眼，仲有厚切薯角深海海鮮拉麵 跟餐2杯$28或以下嘅無酒精飲品凍檸茶丶荔枝烏龍茶柚子雪葩 $28清新柚子味，有柚子皮粒粒，飯後一點甜

成日都想搵一間環境清靜既餐廳，但係係尖沙咀都唔容易搵到🥲 朋友介紹左一間係山林道既西餐，話坐得好c伏，野食都唔錯😗我地一於試試佢👫餐牌上食物既選擇都好多，除左西式野之外，仲有刺身同串燒🍢 而今次我地就試左三樣野。1. 忌廉白酒煮青口配薯條青口煮得好入味，有濃郁既酒香，我地兩個人食份量都好夠，加廿蚊仲有薯條，薯條炸得都脆口，相當出色🍟🔥2. 紐西蘭羊架羊架有三條，羊架既味唔蘇，煎得好香，外脆內軟🐑仲有啲配菜同熱辣辣既薯角伴碟🥔🥗3. 松露蟹膏意粉松露味好香，蟹膏味夠濃郁，意粉好彈牙🍝都值得一試啵～除左我地，餐廳仲有兩枱客，坐得都好舒服，下次一於叫多啲朋友黎聚下傾計食飯同埋試埋其他菜🍖🍗🦪

最近去咗間位於尖沙咀、佐敦附近既一家西餐廳，呢間餐廳以美式裝修風格和專業的生蠔供應而聞名。雖然當晚同友人只係淺嘗咗幾道菜品和飲品，但食物質素極高，每一道菜都展現了他們對於食材品質和烹飪技術的注重，下次都會再encore。食物:- 美國安格斯肉眼 ($298): 這道菜以優質的安格斯牛肉眼為主，經過烹調後保持了肉質的鮮嫩和多汁。每一口都散發著濃郁的牛肉香氣，肉質口感細膩柔軟，絕對是肉食愛好者的最佳選擇！- 燒原隻日本尤魚 ($108): 這道菜以新鮮的日本尤魚為主料，經過燒烤後保持了尤魚的鮮美和彈性，搭配上燒烤的香氣和微妙的調味，給人一種口感豐富的享受。飲品:- DeepSea石榴特飲 ($38): 是一款清新的石榴風味飲品，帶有豐富的果香和微妙的甜味，非常開胃！- 西柚梳打 ($28) 則是一款清爽的調酒，以新鮮的西柚汁為基底，搭配汽水和冰塊，口感極為怡人總結而言，這家位於尖沙咀的西式餐廳以其精緻的美食和專業的生蠔供應贏得了我的讚賞，這家餐廳絕對值得一試😋

今日係聖誕節之後，仍然保留假期嘅心情。想搵間特色西餐廳，喺OpenRice見到呢間隱世西餐廳，所以就book咗枱來食一個二人浪漫晚餐。餐廳入邊裝修得非常華麗，深綠色嘅貴族梳化椅，配上華麗嘅吊燈，座位寬敞，坐得好舒適，亦都感覺到歐洲嗰種華麗，而且氣氛非常浪漫。我哋叫咗一set 聖誕二人晚餐，因為聖誕節期間，二人晚餐同平時嘅餐牌好似有少少唔同。食材更加名貴、高級。二人晚餐包含沙律、餐湯、前菜、肉食、主食、餐飲。1. 沙律新鮮爽口2. 海鮮麵豉湯好鮮甜3. 刺身拼盤 ，有三文魚刺身、甜蝦、螺肉刺身，好新鮮。4. 海鮮拉麵，海鮮配合龍蝦湯湯底，好正。5. ⁠生蠔分開2款，美國同澳洲，兩款都好鮮甜美味，仲保留有海水淡淡的鹹味。5. 鵝肝多士，鵝肝入口即溶，外脆內軟，非常好味。多士脆卜卜，吸收左鵝肝嘅油份，好香口。非常推介呢味菜式。6. 安格斯肉眼扒，牛扒好新鮮，食到牛嘅鮮味。7. 餐飲：冰凍水蜜桃茶，甜甜地好好味；另外一杯係熱嘅花茶，用隻藍色嘅水晶玻璃杯嚟裝來盛載，好靚，打卡一流。總結，全部食物都做得好精緻，好好味，如果有埋甜品就更加好啦，下次慶祝節日一定要再嚟食。

睇相已經覺得環境好靚，好適合拍拖約會/同朋友食飯吹水而且嘢食種類都好多又好吸引就決定過嚟啦 環境真係好靚又坐得好舒服日式嘅鐵板燒、刺身到西式嘅生蠔、意粉都有(仲有好多)海鮮都有好多種好難選擇，最後都係嗌燒物 燒原隻日本魷魚 $108 上枱嘅時候已經超香~ 份量都好多大大隻可以食晒各種部位醬汁同魷魚好夾最愛魷魚鬚! 尾端部分燒都好香脆 牛油煎帶子(2隻) $98 好靚好特別嘅擺盤好香嘅牛油味，同帶子超夾! 蒜香安格斯牛肉薄燒 $148 入面有蒜片仲有蔥，完全唔洗點汁都已經好夠味又好好食好貼心咁分成一口size一啖放入口牛肉味好濃，牛肉同蒜完全係絕配! 日式安格斯牛肉稻庭烏冬 $128 烏冬幼細軟滑，食落好清爽打完卡之後快速夾起半熟牛肉嫩滑又好味 白桃烏龍茶 $28原朵玫瑰花茶 $28 都係熱飲，超可愛嘅餐具本來見到平時最愛之一嘅白桃烏龍茶就已經決定係佢因為難得見到原朵玫瑰花茶，猶豫不決之下另一半決定嗌埋佢等我兩樣都有得試玫瑰花茶入面真係有原朵玫瑰花好靚越浸得耐個味越出越好飲食物好味，價錢都唔算太貴重點係環境好舒服尖沙咀想搵個舒服約會嘅地方首選！

今日朋友帶左我去一間西餐廳係佐敦站步行5分鐘左右就到～餐廳格調好好我地叫左呢個海膽三文魚他他配多士唔止賣相非常好、打卡able味道都有驚喜～海膽配三文魚他他好夾～再配上脆口多士好味👍完全係自己想食晒一碟雖然佢地係西餐廳（見主打係生蠔同扒類）但其實餐牌都有d日式料理好似串燒之類重有呢個魚切魚生沙律又係一大驚喜份量好多、魚生既份量係好多滿滿的、而且佢地用既刺身都好鮮～三文魚子、三文魚、油甘魚等等松露蟹膏意粉濃濃既松露味、聞已經好香食落非常creamy,重食到一絲絲既蟹肉～最後我地重叫左個紐約芝士蛋糕賣相不錯喔味道都非常好～～～由前菜吃到甜品都非常滿足～見到隔離枱都食生蠔好吸引～ 下次要同生蠔控既朋友再黎先得

今日同老公二人世界拍拖👫Search之下去山林道嘅Deep Sea Oyster & Steak老公好鍾意食生蠔🦪所以決定要去試下地理位置唔算近地鐵站 但都好易搵☺️成棟樓都係美食🤤🤤🤤座位唔算多 但坐得都好舒服 一入去staff安排梳化位置☺️位置都好寬敞舒適☺️我地係呢個menu到嗌嘅生蠔🦪法國生蠔🦪評分：👍🏻👍🏻👍🏻👍🏻👍🏻我地分別嗌左三款嘅法國生蠔試😋全部都好新鮮Ancelin係好肉質好彈牙比較重海水味Josephine都係比較重海水味好有口感 好重蠔味Schaller係最肥美比較清甜海水味比較淡 但肉質口感係最有層次🤤黑松露蟹膏意粉評分：👍🏻👍🏻👍🏻👍🏻👍🏻松露控必嗌！！！超級重黑松露味😍勁creamy仲帶有每啖嘅蟹膏蟹肉😋意粉軟硬度適中 仲有啲洋蔥係入面 口感有層次🤤黑松露薯條評分：👍🏻👍🏻👍🏻👍🏻👍🏻即炸嘅薯條🍟永遠唔會令人失望🤤🤤🤤拎上手仲係熱辣辣脆卜卜😭勁好食份量好大 面頭仲有啲黑椒鹽 一大碟松露醬🤤食得好過癮好開心🤣🤣🤣

今日食日式fusion西餐，叫咗一個二人海鮮晚餐，除此之外，見到餐牌張相好靚，好吸引，所以我地再追加一個小食「海膽三文魚他他多士」作為小食。二人晚餐入邊包咗兩份什菜沙律，首先上枱，沙律蔬菜好新鮮，入口爽脆，配上酸酸地嘅汁，好開胃。接着，餐湯係海鮮麵豉湯，真材實料，入邊真係搵到三文魚骨，混合咗魚湯同麵豉湯嘅味道，好鮮甜。接着係重點推介「海膽三文魚他他多士」，賣相已經非常吸引，多士脆卜卜、上面係三文魚蓉混合沙律醬，上面再鋪上大大份海膽刺身，海膽非常新鮮，非常鮮甜。迷你刺身拼盤 ，包含咗三文魚刺身、甜蝦刺身、螺肉刺身，每款有兩片，剛剛好兩個人分享。刺身用料非常新鮮，食入口好冰凍。三文魚厚切，好新鮮；螺肉非常爽口，非常鮮甜。小食「鵝肝多士」，煎鵝肝嘅時間相當恰當，做到外脆內軟，超正。主菜「安格斯肉眼扒」，揀左5成熟，肉眼扒好大塊，不過唔算好厚切。五成熟啱啱好，牛扒入邊仍然保留肉汁，充滿牛肉嘅鮮味，調味淡淡，可以自己點醬汁食。不過我覺得調味淡淡地，已經好好味，咁樣先食到牛肉嘅新鮮味道，原汁原味。最後一味菜式係「海鮮拉麵」，鮮蝦非常爽口，拉麵質感彈牙，湯底係濃濃嘅龍蝦湯，非常鮮甜美味。