Cafeholic (已結業)

來這家餐廳主要原因是他的名字，沉迷咖啡！巧特別…有好几次路經這個街角，設計如旧式的美國西部落舊式咖啡厅，設計頗吸引，於是這特特意走來試試。煙火腿意大利面，配上主題的咖啡，意大利面的軟硬度、彈性適中，配上蒜蓉牛油，炒出蒜的香氣，意大利面的熱度不高，但就差點兒把放在上面的煙火腿弄熟了少許。火腿肉的味道香濃，年期應該不短。看起來雖然簡單的意大利麵，卻有些深度。可惜是例湯印象是一般，沒能說出甚麼！咖啡味濃厚，還不錯。

今日去Playroom玩完，天氣太熱，我哋有大有細，近近地就食呢間餐廳。呢道門口紅磚牆設計，幾吸引。入到裏面發現原來窄，枱同枱之間好迫，全部細枱，冇大枱，我哋一行9人唯有分開坐，我同朋友各自湊住件細既坐左卡位，座位尚算寬敞。我哋點左兩個午餐，點餐算快到，服務就麻麻。洋蔥湯睇相都知好水，好淡味，無乜要求都可以當淡鹽水，清清地飲。日式咖喱唐揚雞蛋包飯呢個飯最好食，賣相最好，沙律菜新鮮，酸酸地，好開胃。咖哩唔辣，香甜好味，蛋包飯內飯粒都好juicy,不錯！香煎黑椒牛扒薯菜配飯牛扒難切，食落好韌，咬得好攰！薯仔無乜味，飯質粒粒分明，配黑椒汁食，叫做飽肚。

行過幾次都見價錢中等，預算食物也是普通不期望太高也會接受。進入服務已經肯定是不達標，眼神指示坐位，沒有餐牌，沒有水，沒有足夠餐具，胡椒，鹽更加想多。食品選擇不多，普通嘅普通應該不會太難吃，怎知……………………. 用米飯填飽个肚就算。不明不用心做又何必强行呢？香港是需要改变，难食就早D考虑轉行。

又出街做嘢～預咗要行得耐所以食個靚早餐先～ 叫左個火腿什菇Omelette 加番茄湯通粉，錫蘭奶茶Omelette 很大，番茄湯通粉很mini😞 Omelette 裡面菇好多，火腿都好多，可惜無調味🙁蛋同餡味道分離 番茄湯唔錯，濃淡適中，通粉有點兒太硬😩 錫蘭奶茶，唔覺得好錫蘭，做港式奶茶簡單浪費，做英式會比較好服務好唔掂，非繁忙時間，好少客，staff唔見人，叫左早餐&跟餐奶茶，唔記得咗上奶茶結果，早餐唔靚☹️

這間小店特別標榜用錫蘭茶葉做奶茶，茶香的確令人印象深刻，而每次亦會為呢杯奶茶而搭車來試。但疫情時間過後，小店重新開業，雖然環境依舊，但獨特的錫蘭奶茶卻靜悄悄地消失了，令我有點失望😢

Happy Friday Lunch食好西 牛頭角5星星推介！午餐時間同埋班同事去試下新野入去餐廳環境還可以 冷氣凍到我懷疑人生！如果你平時係瞓開殮房就岩晒你，入到去隨便坐當係自己屋企得架喇！今日我就唔想食飯同意粉，咁就試下佢個All day breakfast啦，非常推介！依間All Day Breakfast嘅特式係我依世人食得最獵奇嘅一餐。冇睇錯呀，咁嘅份量係午餐黎，一定係見我凸左肥仔奶想我減肥，真係用心良苦！ 等我介紹下碟先你睇下，幾大隻碟，幾驚裝唔晒D食物。等我數下有咩野食先有2隻荷包蛋2條腸仔 你睇下幾樣衰！點解佢又我知最鐘意食咁樣衰嘅腸仔嘅！！沙津真係最無特式，同其他餸業比較真係爭少少。無用任何醬料，淨係食到濃厚青菜味，真係好pure 好true 好健康呀！我有一刻感受到食草動物嘅樂趣。個杯茄汁豆真係好新鮮非常juicy，感覺到廚師開罐頭手勢非常之純熟專業！嗱嗱嗱 知你等左好耐！等緊打大佬係咪？要介紹下個2片巨型蒜蓉包，有成1/3隻蛋咁大我數口就差d，我目測大約1，2呎長咁上下。今次又點估到佢個蒜蓉包真係有蒜蓉味，本來期待已久會有獵奇嘅感覺，可惜！可能我個口實在太大，我用

約左朋友食飯... 朋友話觀塘區呢間都算係唔錯!中午冇得book... 唯有早少少到... 近中午時段都多人!我地order咗「BBQ醬烤豬仔骨」同「辛香白蜆欖油扁意粉」!前者賣相ok... 食落都好味... 不過唔算好腍、好易拆骨!後者微辛... 意粉彈牙... 都ok嘅!

見到轉角有間cafe,又冇咩人,諗住唔肯定會好食但都唔會藍色得去邊，就唸住試下。環境都乾淨，我地一行8個人，就要分兩張卡位坐。見到有牛扒餐，於是我地幾個都叫左份紐西蘭牛扒食下。同左佢講7成熟，結果送到黎3份都係3到5成熟，係生到出晒血水，但我地又費事麻煩人但照食下先，但係食到一半嘅時候都頂唔順，最後三份都叫個侍應再整過，最後送返嚟仲要自己認領番自己嗰份。我哋都好無奈好失望，唔會再黎☹️☹️☹️

今日經過這間餐廳見佢裝修設計氣氛很好，入邊多人進膳，諗住入去嘆個午餐。點知全程都係零服務零交流。首先唔會叫你自己針水飲，落單唔會講任何嘢，收碟時，一個眼神就以為客人識攞返隻湯羹，我點知嗰隻又當係飯羹要來食飯啫。睇見依度嘅侍應佢哋唔係自己傾偈，我都唔知原來佢哋係識講嘢以為全部係啞嘅！！全部眼神交流咩，所以忍唔住都要分享吓一個劣評。麻煩負責人經理檢討吓你哋侍應嘅服務態度質素，食物一般，咁嘅價錢零服務，下次我唔會再入囉！

澳洲肉眼扒(8OZ)配薯菜及燒汁 $136 肉眼扒 🥩Order左七成熟上到枱見到面煎到黑左就心知不妙😏切開塊扒見唔到粉紅色煎得過熟😿食落肉質雖然未至於韌但無肉汁同牛味可言完全係食飽個肚就算😐 見到隔離枱果塊扒好靚😍完整一塊有一定既厚度但我哩塊扒係分開左兩塊，仲要煎到過左火♨️差評❎ 薯蓉🥔口感幼滑綿密奶油味🧁唔算好突出仲食到薯仔既原味應該都頗天然唔錯👏🏻 配菜🥦🥕有西蘭花、椰菜花等煮得爽脆👌🏻 黑松露軟殼蟹鮮菌忌廉燴飯 $112 軟殼蟹🦀頗大隻正常炸軟殼蟹既味道🤔 黑松露上枱時聞到好大陣黑松露香氣👃🏻不過食既時候就唔係好覺 鮮菌🥙份量幾多味道正常👌🏻 飯🍛食落似係落多左水煲出黎既白飯口感溝埋cream source🍾雖然撈埋一齊但兩者係獨立既存在唔好食🙅🏻‍♀️ 整體而言，餐廳食物出品只屬中下👎🏻相對來說，價錢亦唔平除左份量大，一定夠飽之外🤰🏻無任何可以再encore既理由😰

觀塘既打公仔🗂如果公司唔係駿業里果頭，其實選擇唔多。今次選呢間餐廳，勝在就腳，係我同友人既公司附近，友人仲話係呢間港式西餐態見過發哥 #周潤發 幾次tim~名人效應既關係，令我有D妄想，呢暑既食物質素應該ok認真，其實味道黎講唔算伏既，因為佢d餸無咩味道😑今次小編叫左辣味蜆肉意粉🍝唔辣都算，咬落d蜆有沙，食到咯咯聲，搞唔掂。題外話，小編食過呢間餐廳3次，3次都keep 住水準，味道一般🤔服務方面， staff 既態度認真麻麻，落完單粒聲唔出就走，試過一次好聲好氣催單，一句駁埋黎「沖野飲都要時間」我自問語氣無怪責既意思，但可摸以態度好少少🤏可能你話黎呢啲地方唔care服務，但小編認為基本禮貌遮，工時關係，我通常都唔係最peak 既時間去，忙唔係西面既藉口吧🤷🏻‍♀️

由佢開舖以來一路都有keep住幫襯，以前食物質素好好，員工啲服務態度亦都好好！但係唔知係咪換咗廚師同埋換晒啲樓面，近兩次去食只可以有一個字形容，差！我次次都會去食扒嘅，以前嘅係真係會煎到好香，色香味俱全，但係而家成塊生牛肉上碟，咁你就唔好問我要幾多成熟啦，我話要5成，出到嚟3成都唔知有冇，我都算啦，買單嗰陣時有禮貌地同侍應講返呢件事，竟然係應我一聲「哦好呀」，我心諗咩事呀？我都唔係要追究啲乜嘢，但係起碼一句唔好意思都冇，真係諗唔到有咩理由要再幫襯！

喺觀塘做野都7-8年, 呢間野係睇住佢開一開始其實真係幾好味, 所以都成日黎食, 次次要等位都會等去食不過近年真係每況愈下, 今日去食真係差到一個點其實睇下張相已經知道咩事同事以往最鐘意佢個羅宋湯,又熱又濃佢依家做D羅宋湯越黎越淡,越黎越稀, 今日果個大家都睇到咩事, 好似水咁... 話係羅宋湯都冇人信之後 後 面果碟係 煙三文魚青醬意粉~~~超鍾意食青醬嘅我滿心歡喜叫黎食, 點知.... 黎遠都睇到佢唔係青色啦仲有煙三文魚去左邊? 我只可以講呢個係 熟三文魚碎炒意粉........我真係覺得佢比錯野我, 所以我問WAITER佢指住D手指甲咁大粒嘅熟三文魚碎話呢D係煙三文魚.......咁我問青醬呢? 佢話有D蒜頭粒...........................我真係O晒咀, 佢都好尷尬咁講左聲唔好意思但係我覺得今餐真係不能接受!個湯咁都可以拎出黎比人飲, 佢地真係唔想做生意...我真係對佢十分失望, 由一間好味會推薦比人嘅餐廳, 到依家我嬲到要打差評的餐廳, 唔會有下次見到佢由以前排晒隊等位, 到依家唔駛等位, 大家都知咩事

星期六日開始咗生酮飲食完全唔記得咗星期一要同新同事食飯本身係去一間比較遠嘅西餐但係路經呢間Cafe嘅時候組長話呢間Cafe平時要排隊今日見到冇隊即刻衝入去發現呢間餐廳lunch有一個set都幾啱生酮人事食就係香煎虎蝦煙肉沙律雖然佢嘅價錢係高左啲啲不過冇諗過佢嘅份量都唔小，Okay喎而我因為冇諗過咁大碟所以就嗌咗牛扒我真係一粒飯都冇掂，一下都冇點過個汁㗎不過個牛扒就算唔使點汁，都好好味有牛味又唔銀👍🏻完成咗呢個生酮大計，我下次嚟嗰陣試下其他嘢先

Ordered two pastas: parma ham and carbonara.The parma ham pasta was dripping oil.Carbonara was covered in unmelted butter (?!). It just tasted like you were eating solid butter. I’m pretty sure this is not the way you’re supposed to cook carbonara. On top of all this, a strand of hair was in the carbonara. :/